Framkvæmdafréttir Vegagerðarinnar - 15.03.2016, Blaðsíða 7

7
Vinna við Arnarnesveg á áætlun
Áður birt á vegagerdin.is 08.02.2016
Framkvæmdir við nýbyggingu Arnarnesvegar frá mislægum
gatnamótum á Reykjanesbraut að Fífuhvammsvegi eru á
áætlun. Verkinu á að vera lokið 1. október í haust og umferð
þá hleypt á hinn nýja veg sem mun létta mjög á umferð um
Fífuhvammsveg.
Vegna verksins var þörf á að færa háspennustrengi OR og
er því verki nú lokið. Einnig hefur verið sett á bráðabirgða
gönguleið sem verður notuð þar til undirgöng við væntanlegt
hringtorg verða komin í gagnið.
Til að tryggja öryggi gangandi vegfarenda var stóru röri
komið fyrir í gegnum vinnusvæðið og liggur umferð vinnuvéla
þá yfir rörið. Þarna er nokkur umferð gangandi, sérstaklega
yngri vegfarenda á leið í og úr skóla og í tómstundastarf.
Rörið, sem virkar þá eins og undirgöng, var sett til að koma
í veg fyrir gangandi umferð á vinnusvæðinu sjálfu og til að
Framkvæmdir við Arnarnesveg 3. febrúar 2016. Verktaki er Suðurverk ehf. og Loftorka Reykjavík ehf. Ljósmynd: G. Pétur Matthíasson.
gangandi þyrftu ekki að leggja á sig stóran krók.
Einnig er skólabíll á morgnana kl. 7:50 við torgið á Þorra-
sölum og leggur hann af stað kl. 8:00.
Sprengivinna er í gangi sem alltaf er óþægileg fyrir þá sem
næstir búa en komið hefur verið fyrir mælum á nokkrum
húsum til að fylgjast með því að styrkur sprenginga standist
útboðsskilmála og hefur styrkurinn verið vel undir þeim
mörkum. Mælar eru og færðir á milli húsa til að fá sem besta
mynd af því sem er að gerast.
Vinnan við undirgöng gengur einnig vel en búið er að steypa
plötu við undirgöng við Reykjanesbraut en reiknað er með að
því verki ljúki í vor en framkvæmdirnar við undirgöng við
Þorrasali fara í gang í apríl mánuði.
Fleiri myndir og teikningar má sjá á vegagerdin.is.
Gönguleið í gegnum vinnusvæðið á Arnarnesvegi. Ljósmyndir: Magnús Ó. Einarsson 5. febrúar 2016.