Kópavogsblaðið - 01.05.2011, Blaðsíða 10
Ingvar Þór Kale, markvörður
Íslandsmeistara Breiðabliks átti
frábært leiktímabil sl. sumar
og átti stóran þátt í að tryggja
Blikum Íslandsmeistaratitilinn
2010. Hann fékk í kjölfarið
tækifæri með íslenska land-
sliðinu og spurning hvað verður
þegar Ísland mætir Dönum
4. júní nk. í undankeppni EM
2012 á Laugardalsvelli. Ingvar
var spurður hvernig komandi
keppnistímabil legðist í hann og
sagði hann tilfinninguna góða,
Breiðablik væri með sterkan
hóp og hann væri því fullur
bjartsýni.
,,Okkar frammistaða í vor er
kannski ekki alveg eins og góð og
við vonuðumst eftir en við höfum
verið að spila á mörgum mönnum
vegna meiðsla en vonandi verða
flestir eða allir heilir í byrjun
móts. Við fáum örgrandi verkefni,
fyrst að leika við KR hér heima
(viðtal tekið fyrir leikinn), síðan
FH úti, Grindavík heima og Eyja-
menn í Vestmannaeyjum.
Við veltum því ekki mikið
fyrir okkur að við erum að verja
Íslandsmeistaratitil en það er
vissulega áskorun, en nú er að
hefjast nýtt tímabil þar sem við
gefum ekkert eftir.”
Ingvar Þór Kale segir það ekki
tiltökumál því það verði þriggja
vikna hlé í júnímánuði vegna
þátttöku Íslands í úrslitakeppni
U-21, mikilvægt sé að halda haus
á meðan og kannski leika æfinga-
leiki ef þjálfara finnist þörf á því.
Aðspurður hverjir yrðu í topp-
baráttunni auk Breiðabliks það
ekki spurning að það væri FH og
KR, bæði þess lið væru skipuð
frábærum leikmönnum. ,,Mér
finnst Valur svolítið óskrifað blað
þrátt fyrir sigur í Lengjubikar-
num, ég á erfitt með að sjá þá á
toppnum. Þetta verður afar jafnt
mót, bæði á toppi og botni, meiri
gæði í knattspyrnunni sem áhorf-
endur sjá, betri fótbolti,” segir
markvörður Breiðabliks.
10 Kópavogsblaðið MAÍ 2011
Orri Hlöðversson, formaður
Breiðabliks, er bjartsýnn á að
árangur meirstaraflokka félags-
ins í knattspyrnu verði góður á
komandi sumri. Lykilatriði í því
sambandi sé að halda áfram á
þeirri braut sem mörkuð hefur
verið á síðustu árum að treysta
á þann efnivið sem uppeldisstarf
félagsins skilar á hverju ári upp
í meistaraflokk. Þessi leið hefur
skilað frábærum árangri nú
þegar og mun einnig til lengri
tíma litið halda félaginu á stalli
með þeim bestu.
Hverja telur þú möguleika
meistarflokks karla á að endur-
taka leikinn frá því í fyrrasumar og
vinna Íslandsmeistaratitilinn?
,,Ég tel fyllilega raunhæft mark-
mið og trúi því að Ólafur og hans
menn muni endurtaka leikinn.
Með fáeinum undantekningum þá
teflum við fram sama mannskap
og tryggt hefur félaginu tvo
stóra titla á tveimur árum. Liðið
er ennþá ungt að árum á mikið
inni að mínu mati. Reynsla
leikmannanna af því að vinna
titla undanfarin ár mun líka án
efa skila sér á vellinum í sumar.
Á móti kemur að Breiðablik er í
dag liðið sem allir vilja vinna og
þurfa að vinna til að ná árangri í
deildinni og það gerir róðurinn
þyngri fyrir okkar menn. Þetta er
fylgifiskur þess að vera meistarar
og mikilvægt að okkar lið geri sér
grein fyrir þessari staðreynd.”
Nú hefur árangur liðsins í vetur
og á undirbúiningstímabilinu ekki
orðið jafn góður og margir bjuggust
við. Er það áhyggjuefni?
,,Ég hef ekki stórar áhyggjur
af því. Sagan segir okkur að oft
er lítið samband milli árangurs
yfir vetrartímann og þess sem
gerist þegar út í alvöruna er
komið. Undirbúningstímabilið
er líka tími tilraunanna er varðar
taktík og val á leikmönnum. Við
byrjun Íslandsmóts tekur annar
veruleiki við”.
Hvernig líst þér á stöðu mála
í kvennaknattspyrnunni hjá
Breiðablik?
,,Við Blikar erum einfaldlega
stórveldi í kvennanknattspyrn-
unni, svo einfalt er það nú. Hjá
okkur ríkir hefðin, hjá okkur eru
gæðin til staðar og hjá okkur er
iðkendafjöldinn mestur. Þótt
meistaraflokksliðið okkar hafi
staðið í skugga annarra liða
undanfarin ár þá er það það
einungist tímaspursmál í mínum
huga hvenær okkar konur taka
að hala inn titla á ný. Fá félög eiga
viðlíka efnivið og er til staðar hjá
okkur. Mín skoðun er sú að ef við
höldum okkur við það að einblína
á það að gefa ungum leikmönnum
tækifæri þá munum við uppskera
ríkulega að lokum. Það er sú leið
sem skilaði okkur að lokum titl-
um hjá körlunum og ég er sann-
færður um að hún mun skila sér á
endanum konumegin.”
Hvaða væntingar hefur þú til
kvennaliðsins í sumar?
,,Ég tel að liðið muni blanda sér
í baráttuna um Íslandsmeistara-
titilinn. Ég held að mótið verði
opnara og jafnara en undanfarin
ár enda nokkuð um breytingar
hjá öðrum liðum. Við vorum
nálægt toppbaráttunni í fyrra
og markimið stúlknanna hlytur
að vera að blanda sér í hana af
alvöru í ár.”
Nú hafa sterkir leikmenn
horfið á brott bæði kvenna- og
karlamegin.
,,Það er rétt að lykilmenn hafa
horfið á braut. En í staðinn hafa
aðrir leikmenn gengið til liðs við
okkur. Í stofninn erum við samt
með sama mannskap og í fyrra
og það er verkefni þjálfara og leik-
manna að laga leik sinna liða að
breytingunni. Ég er ekki í vafa um
að þeir munu leysa það verkefni
með sóma.”
Þarf ekki að kaupa leikmenn til
að styrkja hópinn?
,,Leikmannakaup eru hluti af
knattspyrnunni í dag. Þau geta
verið réttlætanleg þegar sú
staða er uppi. Mín skoðun samt
er sú að menn eigi að hverfa frá
áherslu á leikmannakaup og gefa
sér tíma í að byggja upp. Almennt
eru fjárhagslegar forsendur ekki
til staðar og nánast vonlaust að
reka knattspyrnudeild hérlendis
á sjálfbæran hátt þegar stunduð
eru leikmannakaup. Á því hafa
margir brennt sig í gegnum tíðina.
Áherslan á að vera á uppeldis-
starfið því til lengri tíma liggur
árangurinn þar eins og við Blikar
erum að sanna þessi misserin.
Uppeldisstefnan er heildstæð og
festir í sessi naflastrenginn á milli
yngri flokka og meistarflokka.
Æskulýðsstarf og afreksstarf
eru nefnilega tvær hliðar á sama
peningi.”
Allir á völlinn!
, ,Ég óska ö l lum Bl ikum
velfarnaðar í sumar, innan val-
lar sem utan. Ég vil líka hvetja
sem flesta til að mæta á völlinn.
Það er ósvikin skemmtun fyrir
unga sem aldna,” segir formaður
Breiðabliks.
Ástæða til bjartsýni!
FH og KR í toppbar-
áttunni með Blikum
Orri Hlöðversson.
Mætum á völlinn í sumar og
styðjum okkar menn til sigurs!
Ingvar Þór Kale.
- seg ir Ingvar Þór Kale markvörður Breiða bliks
Þema kvennakvölds
Breiðabliks 7. maí
er Bollywood!
Hið frábæra kvennakvöld
Breiðabliks verður í ár hal-
dið laugardaginn 7. maí með
Bollywoodívafi. Að venju verða
frábær skemmtiatriði en veislu-
stjóri kvöldsins er hin marg-
rómaði þjálfar meistaraflokks
karla Ólafur Kristjánsson.
Nordica Spa kennir Zumba,
Herbert Guðmundsson mætir
o.fl. o.fl. Miðasala er hafin í
Smáranum og kostar miðinn
4.900 í forsölu en hækkar í 5.900
eftir 4. maí. Hér er um gríðar-
lega skemmtilegt konukvöld að
ræða, hvað annað, og því eru
konur hvattar til að tryggja sér
miða í tíma því þeir rjúka út eins
og heitar lummur. DJ Fox heldur
svo uppi stanslausu fjöri langt
fram á nótt!
www.breidablik.is
Hópferðir