Kópavogsblaðið - 01.05.2011, Blaðsíða 12

12 Kópavogsblaðið MAÍ 2011
Jóhann Berg heimsóttur til AZ Alkmar
Eins og flestir knattspyrnu-
áhugamenn vita þá spilar nú
Blikinn Jóhann Berg Guðmunds-
son með hollenska úrvalsdeildar-
félaginu AZ Alkmaar. Hann hafði
vistaskipti í janúar 2009 eftir
frábært tímabil með Blikaliðinu
hér heima. Jóhann Berg spilaði að
mestu með varaliði AZ Alkmaar
tímabilið 2009 - 2010 en á þessu
keppnistímabili hefur hann smám
saman verið að vinna sér fast
sæti í byrjunarliðinu. ,,Mér líður
mjög vel hér og þetta er allt að
þróast eins og ég stefndi að,” segir
Jóhann.
Jóhann Berg hefur komið sér
vel fyrir í notalegu raðhúsi í út-
hverfi Alkmaarborgar. Borgin er
í norð-vesturhluta Hollands í um
45 mínútna lestarferð frá Amster-
dam. Íbúar Alkmaar eru um 100
þúsund og er borgin einkum þekkt
fyrir knattspyrnuliðið og ostafram-
leiðslu. Mikill knattspyrnuáhugi er í
Alkmaar og er nánast alltaf uppselt
á leiki liðsins á heimavelli en
leikvangurinn tekur um 17 þúsund
manns. Jóhann er greinilega orðinn
þekktur í borginni því á rölti um
miðbæinn voru margir sem snéru
sér við til að berja knattspyrnuman-
ninn unga augum og þó nokkuð
margir vildu spjalla við kappann
um komandi leik við Ado den
haag um kvöldið. Því miður voru
smávægileg meiðsli að hrjá Jóhann
Berg og því gat hann ekki spilað
þennan leik.
, ,Leikmannahópur AZ Alk-
maarsliðsins er mjög alþjóðlegur.
Leikmennirnir koma meðal annars
frá Danmörku, Svíþjóð, Belgíu,
Mexíkó, Paraguay og Finnlandi.
Minnihluti leikmannanna kemur
frá Hollandi og eru yfirleitt ekki
nema nema 2 - 3 innfæddir í liðinu.
Það trufli þó ekki áhangendur
liðsins. Knattspyrnan er orðin svo
alþjóðleg,” segir Jóhann. ,,Eina
krafa aðdáenda liðsins sé að leik-
menn standa sig vel á vellinum.”
Jóhann segir að unglingastarfið sé
nokkuð gott hjá klúbbnum. ,,Að
vísu eru ekki margir að spila með
AZ Alkmaar eins og staðan er í dag
en margir leikmenn eru í atvinnu-
mennsku víðs vegar í Evrópu.”
Jóhann Berg er fæddur árið 1990
og er því 21 árs á þessu ári. Hann
hefur verið einn af lykilmönnum
í hinu frábæra U-21 árs landsliði
Íslands sem spilar til úrslita á
Evrópumótinu í þessum aldurs-
flokki i Danmörku í sumar. Jóhann
segist hlakka mikið til mótsins í
sumar. ,,Það verður frábært að fá
að taka þátt í þessum úrslitum. Við
höfum alla burði til að standa okkur
vel ef við náum ekki vel á strik og ef
meiðsli eru ekki að hrjá hópinn.”
Gott þegar mamma kemur
í heimsókn, þá er heimilis-
legur matur!
Kópavogsbúinn ungi er einhleyp-
ur en foreldrar hans og vinir eru
þó duglegir að heimsækja hann til
Hollands. Ekki segist hann þó vera
einmana þrátt fyrir að búa einn.
,,Liðiði æfir á hverjum degi og stun-
dum tvisvar á dag þannig að það
heldur manni uppteknum. Svo er
ég mikið í sambandi við fjölskyldu
mína og vini á Íslandi í gegnum
Facebook og Skype.” Jóhann segir
verið orðinn þrælklár á þvotta-
vélina en eldamennskan sé eitthvað
sem eigi eftir koma. ,,Þess vegna
er voða gott þegar mamma kemur
í heimsókn því þá fæ ég heimilis-
legan mat,” bætir hann við hlæjan-
di. Íslendingurinn Kópavogsbúinn
og fyrrum HK-ingurinn og jafnaldri
Jóhanns Kolbeinn Sigþórsson
spilar einnig með hollenska liðinu
og eins og gefur að skilja eru þeir
Íslendingarnir nokkuð mikið saman.
Það eru ekki allir sem vita að
Jóhann Berg flutti með foreldrum
sínum 14 ára gamall til Englands og
komst að hjá unglingaliði Chelsea.
Dvölin var þó ekki mjög löng þar
og skipti hann yfir til nágran-
nanna hjá Fulham. Þar spilaði
hann við ágætan orðstý í 2 ár en
lenti þá í því að slíta krossbönd í
hnénu. Þá tók við löng endurhæf-
ing sem tók nokkuð á hinn unga
og stundum óþolinmóða Blika.
,,Fulham reyndist mér afskaplega
vel í þessu meiðslabasli mínu og
hugsa ég alltaf hlýlega til félagsins,”
segir Jóhann, ,,Ég þurfti hins vegar
að byrja upp á nýtt og taldið því
rétt að koma aftur heim til Blikana.
Ég byrjaði fyrsta að æfa undir
stjórn hins frábæra þjálfara Péturs
Péturssonar í 2. flokki en tókst
fljótlega að vinna mér sæti í meista-
raflokki félagsins!”
Næstu skref kannast flestir við.
Jóhann Berg spilaði frábærlega
með meistaraflokknum og vann
sér sæti í yngri landsliðum Íslands.
Svo var hann valinn í A-landslið
Íslands aðeins 17 ára að aldri. Þá
þegar höfðu mörg erlend lið haft
augastað á honum m.a. þýska
liðið Hamborg og ýmsir klúb-
bar á Norðurlöndunum. En að
lokum samdi Blikinn efnilegi við
AZ Alkmaar og hélt í víking í byrjun
árs 2009.
Þegar Jóhann er spurður hvar
hann sjái sjálfan sig eftir 5 - 7 ár
verður hann aðeins hugsi; ,,Þó svo
að ég sé ánægður hjá AZ Alkmaar
þá er stefnan auðvitað að komast
að hjá stærra liði. Það væri gaman
að komast að hjá góðu liði í þýsku
eða ensku deildinni. Aðalatriðið
er hins vegar að standa sig vel hjá
núverandi liði og með íslenska
landsliðinu. Þá opnast ýmsir mögu-
leikar og það er um að gera að
grípa þá þegar færi gefst.”
Þrátt fyrir að Jóhann hafi ekki
spilað með Blikaliðinu í 2 ár fylgist
hann vel með íslenska boltanum.
Ég er í góðu sambandi við strákana
í liðinu, m.a. Gumma Kristjáns og
Kidda Steindórs. ,,Auðvitað hefur
maður smá áhyggjur út af frekar
slöku gengi liðsins á undirbúning-
stímabilinu. En þetta hlýtur að
smella saman þegar mótið byrjar
þannig að ég hef fulla trú á því
að þetta verði ágætt tímabil hjá
Blikaliðinu.”
Jóhann Berg segir það mikilvægt
fyrir ungt knattspyrnufólk að eiga
sér draum og þora að láta hann
rætast. ,,Auðvitað komast ekki allir
að sem atvinnumenn en það má
aldrei gefast upp. Mikilvægt er að
æfa vel, stunda heilbrigt líferni og
gera alltaf aðeins meira á æfingum
en þjálfarinn fer fram á. Það eru
nefnilega ekki æfingin sem skapar
meistarann, heldur aukæfin-
gin!,” segir þessi ungi og efnilegi
knattspyrnumaður.
Jóhann Berg Guðmundsson í landsliðtreyjunni.
Er HREINT hjá þér?
EI
N
N
, T
V
EI
R
O
G
Þ
R
ÍR
4
33
.0
56
Hreint ehf. er öruggur valkostur á íslenskum ræstingarþjónustumarkaði,
þar sem krafist er aðhalds í rekstri og faglegra vinnubragða í öllum
þáttum þjónustunnar.
Við gerum einföld, skýr og skrifleg tilboð í öll verkefni og klæðskerasaumum
þau að ólíkum þörfum þeirra sem til okkar leita.
Við búum yfir þekkingu og reynslu sem er vandfundin hér á landi og bjóðum
hana á höfuðborgarsvæðinu, Akureyri, Selfossi, Akranesi og Hveragerði.
Hafðu samband í síma 554-6088 eða með netpósti á hreint@hreint.is og við komum að vörmu spori.
SPARAÐU
með faglegri
ræstingu!
Sími 554 6088 • hreint@hreint.is • www.hreint.is
• Reykjavík
• Akureyri
• Selfoss
• Akranes
• Hveragerði