Kópavogsblaðið - 01.05.2011, Blaðsíða 16

16 Kópavogsblaðið MAÍ 2011
Það er alltaf tilhlökkun þegar fót-
boltinn byrjar að rúlla á vorin. Mikið
starf er búið að vera allan veturinn
að undirbúa leiktíðina. Spennan
vex dag frá degi, yfir því hvernig
meistaraflokkarnir okkar koma
undan vetri. Stjórnarfólk hefur frá
því síðasta haust unnið hörðum
höndum að fjáröflunum, skipulagi
og öllu sem fylgir því að gera út
keppnislið með það að markmiði
að öll umgjörðin utan um liðin verði
einsog best verður á kosið. Tölu-
verðar breytingar eru á báðum leik-
mannahópum, karla og kvenna hjá
HK, einsog gerist og gengur. Hátt
hlutfall af uppöldum leikmönnum
er í báðum liðum og ungir leikmenn
munu stíga sín fyrstu skref með
flokkunum í sumar.
Vonir mínar eru til þess að
kvennaliðið verði í baráttu um
að komast í úrvalsdeild. Sumarið
hjá strákunum verður spennandi,
deildin verður mjög jöfn og mörg lið
sem gera atlögu að þessum tveimur
sætum sem gefa úrvalsdeildar
sæti á næstu ári. Bæði liðin okkar
eru ung, fullt af hæfileikaríkum
leikmönnum sem hafa allt til þess
að geta blandað sér í baráttuna í
sumar. Nú er að sjá hvernig öll sú
vinna sem leikmenn og þjálfara
hafa lagt á sig vetur skilar sér. Það
er markmið félagsins að meistara-
flokkar félagsins spili meðal þeir-
ra bestu, vonandi tekst liðum það
markmið í sumar með baráttu,vilja
og leikgleði. Á næstu vikum munu
öll yngri lið okkar koma út úr húsun-
um og líf og fjör færast yfir svæðin
okkar Fagralund og Kórinn. Það
verður gaman að fylgjast með flokk-
unum, öllum þeim fjölda foreldra
sem taka þátt í því starfi og leggja
mikla vinnu á sig til að liðsmenn
geti tekið þátt í skemmtilegum
fótboltamótum út allt land yfir
sumarið. Það að barnið manns stun-
di íþróttir er ákvörðun um ákveðin
lífstíl sem krefst þess að við leggj-
um öll okkar á vogarskálarnar til
þess að skapa það umhverfi sem við
viljum að börnin okkar alist upp við
í íþróttastarfi.
Það er mjög ánægjulegt að sjá
hvað fólk leggur mikið á sig við
starfið og hefur valið að barnið sitt
verði HK-ingur eða öfugt að barnið
hefur valið að við foreldrar verðum
HK-ingar. Ég óska öllum HK-ingum
velfarnaðir innan vallar sem utan í
sumar.
Sigurjón Sigurðsson
formaður HK
Sumarið er
komið!
Fótboltasumarið
Sigurjón Sigurðsson.
Leikir í 1. deild karla hefjast
um miðjan mánuðinn en HK
leikur sinn fyrsta leik gegn Akra-
nesi á Kópavogsvelli 13. maí og
síðan við Leikni uppi í Breiðholt-
inu 19. maí.
HK ætlar sér að sjálfsögðu að
fara upp um deild en sterkustu
liðin í ár eru auk HK líklega
Skagamenn, Selfoss og KA. En það
skemmtilega við knattspyrnuna
er að erfitt er um slíkt að spá.
Konurnar í HK/Víkingi ætla sér
einnig að komast í úrslitakeppni
1. deildar en leikið er fyrst í
tveimur riðlum og síðan úrslita-
keppni fjögurra liða. Það væri
gaman að sjá HK-liðin í efstu deild
að nýju, og því þurfa þau öflugan
stuðning á vellinum sumar.
Áfram HK!
Áfram HK!
HK-liðið í 1. deild karla 2011. Þjálfari er Tómas Ingi Tómasson sem tók við liðinu fyrir mótið í fyrra.
Árangur liðsins var undir væntingum stuðningsmanna liðsins en þess ber að gæta að miklar breyt-
ingar urðu á liðinu eftir að það féll úr PEPSI-deildinni 2009. Margir spá liðinu velgengni í sumar, en
baráttan um að komast upp í efstu deild verður hörð, enda keppnin í 1. deild alltaf að verða jafnari.
Stelpurnar sem halda uppi heiðri HK/Víkings, í sumar í 1. deild kvenna. Þjálfari er Sigurður Víðisson.
Liðið hefur eflst frá fyrra ári ef eitthvað er og er til alls líklegt í sumar. Leikið er í tveimur riðlum í
1. deild kvenna.
Sími 575 4000 I byr@byr.is I www.byr.is