Skírnir - 01.09.1998, Blaðsíða 65

SKÍRNIR ÁGRIP AF KRISTNUM HJÓNABANDSSKILNINGI
335
í fyrsta lagi er hjúskaparstéttin ekki einungis sú elsta af öllum
stéttum heldur sett af Guði. Því ber að huga að vilja hans til að
geta fótað sig í hjónabandinu. Guð stofnaði hjónabandið í Para-
dís og fyrir endurlausnina er söfnuðurinn brúður Krists. Fyrir-
heitið sem bundið er við hjónabandið er því mikið og það er sett
manninum til farsældar. Þess vegna yfirgefa karl og kona foreldra
sína til að ganga í hjónaband. I framhaldi af því beindi Helgi sjón-
um sínum að innra ástandi hjóna og ítrekaði að „guðræknin ein
getur skapað þessa sælu; hún ein hnýtir það rétta samfélag, hina
æðri sameiningu hjartnanna, sem lýsir sér í líkum anda, innri ást-
aryl, trausti, einlægni og þeirri virðingu, sem leiðir af sannfæringu
um innbyrðis mannkosti".66 Þetta innra öryggi og góða samvisku
veitir trúin, hún opnar manninum leið til að yfirvinna einsemd
sína. Þarna greip Helgi til sköpunarfrásögunnar um að ekki sé
það manninum gott að vera einsamall. I ljósi þeirra orða lagði
hann ríka áherslu á vináttu og tryggð samhliða ástinni. Hann leit
yfir æviskeið manna og taldi brýnt að hjón styddu hvort annað á
sameiginlegri göngu sinni í gegnum lífið. Að mati Helga var
heimilið sá griðastaður sem hjónin skyldu sækja frið og styrk til.
I málflutningi hans gætir þegar áhrifa breyttrar félagslegrar stöðu
hjóna innan samfélagsins, þar sem hjónabandið er orðið að sjálf-
stæðri stærð við hlið fjölskyldunnar. I þessu samhengi fjallaði
Helgi um nauðsyn barnauppeldis og þeirrar sameiginlegu
ábyrgðar hjóna sem því fylgdi. Hann lagði ríka áherslu á „um-
burðarlyndi og nærgætni“ og hvatti menn til að falla ekki fyrir
prjáli, tilgerð og ytra tilhaldi.67
Helgi Hdlfddnarson
I upphafi prédikunar um hjónabandið í postillu sinni sagði Helgi
Hálfdánarson: „Til þess að bæta þjóðlífið ríður á að bæta
heimilin."68 Hann leit svo á að kristni væri forsenda þess að vel
tækist til, því væri brýnt að gera hjónaböndin stöðug í Kristi: „Til
66 Helgi G. Thordersen: Húspostilla, 116.
67 Helgi G. Thordersen: Húspostilla, 121.
68 Helgi Hálfdánarson: Prédikanir á öllum sunnu- og helgidögum kirkjuársins,
Félagsprentsmiðjan, Reykjavík 1901, 81-88. Sjá Helgi Hálfdánarson: Kristileg
siðfneði eptir lúterskri kenningu, 316-36. Helgi Hálfdánarson: Prédikanir, 82.