Vestfirska fréttablaðið - 26.04.1978, Blaðsíða 2

2
Á aldarafmælisári ísafjarðarkaupstaðar
var það mál manna víða um land, að vart
gæti að líta þrifalegri og snyrtilegri bæ
hérlendis. Það er því miður liðin tíð. Nú er
svo komið, tólf árum seinna, að hvar-
vetna blasir við í bænum næsta algert
hirðuleysi og sóðaskapur í umgengni.
Enn er þó von
Þó er ekki vonlaust um, að vitund
ísfirðinga megi vakna um það að þetta
þarf ekki að vera svona. í síðustu viku
mátti til dæmis sjá að hafin var götu-
hreinsun í miðbænum, og göturnar
hreinsaðar með vatni. Þá hefur blaðið
hlerað að bæjarsjóður hafi fest kaup á
tæki sem til þess er ætlað að sópa sand
og ryk af götum og gangstéttum, því það
hefur sýnt sig að ekki nægir að sprauta
vatni á þær einu sinni á ári! í viðtali við
forseta bæjarstjórnar hér í blaðinu nú,
kemur fram að áformað er að koma upp
hér á ísafirði tækjum til olíumalarblönd-
unar. Má þá ef til vill vænta þess að
haldið verði áfram við að leggja götur
bæjarins bundnu slitlagi. En þrátt fyrir
áform um áframhaldandi slitlagsbindingu
gatna, má alls ekki dragast að lagfæra
malbikið, sem er orðið meira og minna
ónýtt á götum eyrarinnar. Þá má og
benda á nauðsyn þess að hefta sandfok
af svæðinu sunnan Hafnarstrætis, en
þaðan kemur drjúgur hluti þeirra óþrifa,
sem safnast fyrir á götum bæjarins, ann-
arra en þeirra, sem stafa beint af illri
umgengni.
Frumkvæði borgaranna mikilvægt
A síðastliðnu sumri tóku íbúar húsa við
ýmsar götur kaupstaðarins sig saman og
þrifu göturnar sjálfir, með tækjum, sem
þeir fengu frá slökkviliðinu og bænum.
Hreinsunarherferðin „Takmarkið er:
Hreinn bær“, sem nú stendur fyrir dyrum
kemur vonandi slíkri hreyfingu af stað
aftur nú í sumar. Þessu þarf svo að fylgja
rækilega eftir með bættum umgengnis-
venjum. Nauðsynlegt er að setja upp
sorpílát við aðalgötur bæjarjns og al-
menningsálitið þarf að fylgja því eftir að
þau verði séð í friði af spellvirkjum og
notuð eins og við á. Sl. sumar var eitt'
-EITT- sorpílát sett upp í bænum. Von-
andi verða þau fleiri nú.
EINU
SINNI
VAR
Umferðarmerking
Sl. haust var á það minnst hér í blaðinu
að umferðarmenningu væri mjög áfátt á
ísafirði. Þá vantaði fjörtíu og tvö umferð-
armerki við götur bæjarins. Ekki hefur
enn orðið vart verulegra úrbóta í þessu
efni. Kvennadeild Slysavarnafélagsins í
bænum hefur borið þetta mál mjög fyrir
brjósti og hafa konurnar m.a. ritað bæjar-
yfirvöldum bréf um þetta efni. Einnig hafa
þær tekið þátt í aðgerðum lögreglunnar
til þess að fá vegfarendur til að hlýða
settum reglum. Enn er ekki sjáanlegur
verulegur árangur af þessu, en gott fram-
tak - meira af slíku!
Hótel ísafjörður
Hótel ísafjörður hf. hélt aðalfund sinn
sl. laugardag. Sorglegt er að fregna það-
an að félagið hefur neyðst til að draga úr
áformum sínum um byggingu hótels
vegna fjárskorts. ísfirðingar eru orðnir
langeygir eftir því að fá hér boðlegan
samkomusal, og vonuðust flestir eftir því
að með tilkomu hótelsins yrði loks sarf-
ræktur hér alvöru veitingastaður, þar sem
fólk yfir tvítugt ætti þess kost að koma
saman til gleðskapar á mannsæmandi
hátt án mikillar fyrirhafnar. Að vísu er fyrir
hendi ágætis húsnæði til slíkra hluta þar
sem Félagsheimilið Hnífsdal er, en rekstr-
arform þess húss er með þeim hætti, að
það er fyrst og fremst sótt af unglingum
auk þess sem félagsheimilin hafa tak-
markað veitingaleyfi. Því miður virðist
svo, sem áhugi almennings á því að hér
geti risið hótel með viðunandi gistirými
og mannsæmandi veitingaaðstöðu sé
meiri í orði en í verki.
Enn um húsnæðisskort
Að undanförnu hefur það verið að
koma æ betur í Ijós að hér ríkir töluverð
þensla á vinnumarkaði. Á framkvæmda-
áætlun bæjarsjóðs - ef staðið verður við
hana - þykjast glöggir menn sjá, að sú
þensla muni enn aukast á næstunni. Ekki
myndi þó skorta hér vinnuafl svo mjög, ef
fyrir hendi væri nægilegt framboð leigu-
húsnæðis og íbúða til sölu á viðráðan-
legu verði. Nauðsynlegt er að bregða við
hart í þeim efnum og bæta úr því vandr-
æðaástandi sem stendur vexti kaup-
staðarins fyrir þrifum. Bæjaryfirvöld þurfa
nú, sem aldrei fyrr, að ganga að lausn
þessara mála af snerpu og áhuga. Þeim
ber skylda til að vinna með þeim aðilum,
sem hafa vilja og bolmagn til að framleiða
slíkar íbúðir fyrir almennan markað, auk
þess sem nauðsynlegt er að fylgja eftir
áformum um byggingu leiguíbúða og
verkamannabústaða á vegum hins opin-
bera.
TIL SÖLU
Citroen DS Special árg. 1973
Ekinn 49 þús. km.
Upplýsingar gefur
Óskar Eggertsson
símar 3092 og 3082
íbúð
Tíl sölu er þriggja herbergja
íbúð að Engjavegi 33, ísafirði
TILBOÐ ÓSKAST
Allar upplýsingar gefa:
Rúnar Grfmsson, sími 3892
Arnar G. Hinriksson, sími 3214
Bílaverkstæði ísafjarðar hf., ísafirði
Óskum starfsfólki okkar, viðskiptavinum,
svo og öllum Vestfirðingum
GLEÐILEGS SUMARS
og þökkum samskiptin á liðnum vetri.
NÝKOMIN STÓR SENDING
AF TIMBRI
Mótatimbur og plankaviður
af flestum stærðum
Afgreiðum steinsteypu
Beint á byggingarstað
Garður hf.
Vesttak hf
STEINIOJAN HF.
1 VESTTAK HF.
I* ÍGAROURH
JÓN ÞÓnOARSON