Vestfirska fréttablaðið - 10.05.1978, Blaðsíða 4
4
O Gengið að kjörborði
Fyrsta sæti listans skipar
Ólafur Kristjánsson, forseti
bæjarstjórnar. Hann hefur
setió í sveitarstjórn frá árinu
1966. Úrslit prófkjörsins voru
sigur fyrir Ólaf. Hann hlaut
helmingi fleiri atkvæói í fyrsta
sæti listans, en næsti maður
og helsti keppinautur hans,
Guömundur B.Jónsson. Ef til
vi11 má líta á á úrslit prófkjörs-
ins, sem sem traustsyfir-
lýsingu óbreyttra liósmanna
viö hugmynd Ólafs um opið
ópólitískt prófkjör, en öllu lík-
legra verður þó að telja, að
stuðningsmönnum flokksins
hafi líkað vel forysta Ólafs í
bæjarstjórn síðasta kjörtímabil
og að þeir telji hann best til
þeirra starfa fallinn af fram-
bjóðendum Sjálfstæöisfélag-
anna.
í öðru sæti listans er Guðm-
undur B. Jónsson, fram-
kvæmdastjóri. Hann hefur set-
ið í sveitarstjórn frá 1962. Auk
þess hefur Guömundur verið
einn helsti forvígsmaður Sjálf-
stæðisflokksins í Bolungarvík
um árabil.
Hann er nú formaður kjör-
dæmisráðs flokksins í
Vestfjaröarkjördæmi. Guðm-
undur var í fyrsta sæti á lista
Sjálfstæðisfélaganna viö
bæjarstjórnarkosningarnar
1974, en fellur nú niður 1
annað sæti listans, í samræmi
við úrslit prófkjörsins. Sagt er
að töluverðrar togstreitu hafi
gætt á milli Ólafs Kristjáns-
sonar og Guðmundar um
völdin í bæjarstjórn og að
Guðmundur hafi talið sig eiga
rétt á embætti forseta eftir
kosningarnar 1974, enda var
hann þá búinn aö vera oddviti
Hólshreþþs í 8 ár og hafði
enda oft gengt störfum í odd-
vitatíð Jónatans Einarssonar,
fyrir þann tíma.
Guðmundur er, eins og
Ólafur öruggur með að hljóta
sæti í bæjarstjórn við kosn-
ingarnar 28. maí.
Þriðja sæti listans skipar
Hálfdán Einarsson, útgerðar-
stjóri. Hann hefur setið í sveit-
arstjórn frá árinu 1970. Hálf-
dán er óumdeilt prúðmenni,
en þykir þó stundum ýtinn.
Hann hefur að því er virðist
ekki blandaö sér í innan-
flokksdeilur Sjálfstæðismanna
í Bolungarvík. Hann var í
þessu sama sæti listans við
kosningarnar árið 1974. Telja
má víst að Hálfdán nái kjöri í
bæjarstjórn.
I' fjórða sæti listans er Guðm-
undur Agnarsson, skrifstofu-
maður. Hann var einnig í
fjórða sæti listans við síöustu
kosningar og hefur hann setið
í bæjarstjórn frá 1974. Guðm-
undur er yngstur þeirra bæjar-
stjórnarmanna, er nú sitja.
Eins og Hálfdán, virðist
Guðmundur hafa siglt á milli
skers og báru hvað varðar
innaflokksdeilur, en hefur
aftur á móti gagnrýnt töluvert
valdaskiptingu Sjálfstæðis-
manna innan bæjarstjórnar
og hefur hann talið að bæjar-
ráðsmenn flokksins, þeir
Ólafur og Guðmundur B.
hefðu mun meiri áhrif á stjórn-
un bæjarins, svo að líklegt má
telja að hann seilist til frekari
áhrifa, nái hann kosningu í
bæjarstjórn. En töluvert miklar
líkur verður að telja á því.
í fimmta sæti listans er Örn
Jóhannsson, vélvirki. Hann er
nýr maður á listanum og kém-
ur inn í stað Hálfdáns Ólafs-
sonar, sem ekki gaf kost á sér
í prófkjörinu. Örn hefur ekki
fyrr blandað sér í stjórnmála-
baráttu en hann hefur tekið
þátt í félagsmálum og hefur
nýlokið kjörtímabili sínu, sem
forseti J.C. Bolungarvík. Örn
er frambærilegur ungur
maður, og með atkvæða-
skiptingu honum og
Sjálfstæðisflokknum í vil,
kynni hann að ná kjöri, sem
bæjarfulltrúi, þ.e. ef sagan frá
1974 endurtekur sig með ör-
lítilli breytingu.
í sjötta sæti er Elísabet
Guðmundsdóttir, húsmóðir.
Elísabet er dóttir Guðmundar
B. Jónssonar, 2. manns
listans. Elísabet hefur færst
upp um eitt sæti frá síðustu
kosningum. En úr sjötta sæti,
og raunar af listanum hverfur
Séra Gunnar Björnsson,
sóknarprestur, sem ekki hlaut
stuðning fólks í prófkjörinu.
I sjöunda sæti listans er
Valgeröur Jónsdóttir kennari.
Hún er nýliði í hópnum, enda
aðeins 2 ár frá því hún flutti til
Bolungarvíkur. Mönnum var
nokkuð starsýnt á hversu vel
hún kom útúr prófkjörinu, þar
sem hún er svo nýlega flutt í
bæinn og hafði engann
frændgarð eða annað
venslafólk að baki sér. Þær
Elisabet og Valgerður eru
báðar ungar og frambærilegar
konur, og að líkindum með
bein í nefinu. Það er þó full-
víst, að hvorug þeirra nær
kjöri í bæjarstjórn. Aðrir fram-
bjóðendur listans eru í bland
gamalgrónir sjálfstæðismenn
og nýliöar.
E listi sjö
ungra manna
Þetta framboð er nánast ó-
skrifað blað. í fyrsta sæti list-
ans er Aðalsteinn Krist-
jánsson, málarameistari.Hann
var við síöustu kosningar í
framboði fyrir Óháða og hefur
verið 1. varamaður Krist-
inar Magnúsdóttur í bæjar-
stjórn og setið bæjarstjórnar-
fundi í forföllum hennar. Auk
þess hefur Aðalsteinn unnið
mikiö að félagsmálum. Meðal-
annars verið formaður
U.M.F.B. og íormaður æsku-
lýðs og íþróttamálanefndar
bæjarins síðustu 4 ár. Aðal-
steinn er bróðir Benedikts
Kristjánssonar, sem er í ööru
sæti B- listans en þeir eru
aftur mágar Arnar Jóhanns-
sonar, sem skipar 5. sæti D-
listans. Nokkrar líkur eru á því
að Aðalsteinn nái kjöri í
bæjarstjórn, og þá jafnvel á
kostnað annarshvors þeirra
bróður síns eða mágs. Aðal-
steinn mun ekki hafa viljað
gefa kost á sér á ný fyrir
Óháða í sameiningu við Félag
vinstri manna, og heyrst hefur
að hann sé ekki ánægður með
samstarfið við Kristínu Magn-
úsdóttur, á síðasta kjörtíma-
bili.
Sigurður Eggertsson, húsa-
smíðameistari skipar annað
sæti listans. Sigurður tók þátt
í prófkjöri Sjálfstæöisfél-
aganna, en varð illa úti þar.
Hann hefur ekki fengist viö
sveitarstjórnarmál, svo vitað
sé. En er kunnur að dugnaði í
iðn sinni. Spurst hefur að Sig-
uröur hafi átt í nokkrum úti-
stöðum við byggingarnefnd,
og að bréfaskipti hans og
nefndarinnar séu jafnvel efni í
heila bók.
Litlar líkur verður að telja á
því að Sigurður nái kjöri nú.
í þriðja sæti listans er
Gunnar Hallsson, rennismið-
ur. Hann hefur heldur ekki svo
vitað sé fengist við sveitar-
stjórnarmál fram til þessa.
Hins vegar hefur Gunnar verið
all liðtækur i félagsmálum og
m.a. verið forseti Junior
Chambers og verið virkur
þátttakandi í starfi Leikfélags
Bolungarvíkur. Auk þess er
talið, að hann hafi verið félagi
í Sjálfstæðisfélagi og víst er aö
hann er skráður félagi í Fram-
sóknarfélaginu. Þar ofan á
bætist, að hann er fréttaritari
Morgunblaðsins.
Engar líkur eru á aö Gunn-
ar nái kjöri í bæjarstjórn.
í öðrum sætum E-listans
eru, eins og nafn hans bendir
til ungir menn, og auk þess úr
öllum áttum.
Að margra áliti, er nafn list-
ans klaufalegt og ekki aðlað-
andi fyrir kjósendur, en
reynslan mun þó skera úr því
um síðir.
H fisti vinstri
manna og óháðra
j fyrsta sæti þar er Valdimar
L. Gíslason, bifreiðastjóri.
Hann hefur setið í sveitar-
stjórn frá 1971, fyrst sem vara-
maður Karvels Pálmasonnar,
þegar hann tók sæti á Alþingi,
en frá árinu 1974 hefur Valdi-
mar átt sæti í bæjarstjórn, sem
kjörinn fulltrúi. Valdimar sat í
bæjarráði síðasta kjörtímabil.
Valdimar hefur jafnan verið
nokkuð umdeildur, sem bæj-
arstjórnarmaöur. Bæði á meö-
al samflokksmanna og and-
stæðinga og virðist þar mestu
valda að hann er talinn full
ráðríkur. Hinsvegar dylst eng-
um að hann hefur spekst með
árunum, og nú er svo komið
að sumum finnst nóg um
spekt hans og telja hann enn
fulltrúa íhaldsins í bæjarstjórn.
Enginn vafi leikur á því, að
Valdimar nær kjöri í bæjar-
stjórn, jafnvel þótt hann sé
með Kristínu í öðru sæti, eins
og Elías forðum.
Kristín Magnúsdóttir skipar
annað sæti listans. Hún hefur
setið í bæjarstjórn frá árinu
1974, sem fulltrúi óháðra. Ef
marka má ummæli manna er
Kristín líklega sá.bæjarfulltrúi,
sem minnst fylgi hefur hjá
kjósendum, og þaö sem
undarlegra er, að líklega hefur
hún síst fylgi meðal kynsystra
sinna. Hinsvegar verður að
telja að hún muni njóta góðs
af samvinnu sinni og framboðU
með Félagi vinstri manna,
sem er að sögn stórt félag
á bolvískan mælikvarða og
afar samstætt. Telja verður að
húneigitöluverða möguleika á
að ná kjöri í bæjarstjórn.
Hörður Snorrason, sund-
laugarráösmaður skipar þriðja
sæti listans. Hörður hefur
setið bæjarstjórnarfudi, sem
varamaður Valdimars. Auk
þess hefur Höröur starfað að
félagsmálum og er nú varafor-
maður Verkalýðs og sjó-
mannafélags Bolungarvíkur.
Það má segja um Hörð eins
og um Halfdán Einarsson að
hann er óumdeilanlega prúð-
menni, en þó fastur fyrir. Litlt-
ar líkur eru á því að Hörður
nái kjöri í bæjarstjórn.
bæjarstjórn.
Karvel Pálmason, Alþingis-
maður, skipar fjórða sæti
þessa lista. Karvel sat í
sveitarstjórn frá 1962 til 1971,
eða þar til hann var kjörinn til
þingsetu. Hann hefur setið
fundi öðru hvoru á þessu kjör-
tímabili, sem varamaður
Valdimars Gíslasonar. Valdi-
mar, Kristín og Karvel skipuðu
2. 3. og 4. sæti á sameigin-
legum lista Jafnaðarmanna,
Samvinnumanna og óháðra
við kosningarnar 1974. Þá
gerðu þessir aðilar sér miklar
vonir um að meirihluta bæjar-
stjórnar úr höndum Sjálf-
stæðismanna.
Tvennt styrkti þá helst í
þeirri von sinni. I' fyrsta lagi
það að Jónatan Einarsson,
sem haföi verið oddviti Hóls-
hrepps um árabil, og forystu-
maöur Sjálfstæðismanna í
sveitarstjórn, lét af störfum og
hvarf úr sveitarstjórn og í öðru
lagi það að framboð Karvels í
fjórða sæti listans, þ e.
baráttusætinu, myndi hafa af-
gerandi áhrif til stuðnings list-
anum. Reyndin varð þó sú að
Sjálfstæðismenn héldu meiri-
hluta sínum með álíka at-
kvæðamun og við næstu
kosningar á undan, þ.e. 40
atkvæða mun.
Engar líkur eru á því aö
Karvel nái kjöri í bæjarstjórn.
Eins og á B- og D- lista, eru
aðrir frambjóðendur H- listans
bæði gamalgrónir vinstri
menn og svo innan um ný-
liðar, sem óvíst er um hvort
telja á til vinstri manna eða
óháðra.
Hér að framan hefur verið
gerð grein fyrir þeim fram-
bjóöendum, sem líklegt má
telja að nái kjöri sem aöal-
menn og varamenn.
Þegar allt kemur til alls
verður þó að telja að mestar
líkur séu á því, að bæjarstjórn
verði skipuð sömu mönnum
eftir kosningar, og hún var
fyrir þær. Einum af B-lista,
fjórir af D-lista ig tveimur af
H-lista eða fjórum af D-lista og
einum af hverjum hinna.
Fjarlægari möguleiki er að D-
listi fái annaðhvort þrjá menn
kjörna eða fimm.
En við sjáum hvað setur.
Bjarni Brimbrjótur
Mjókursamlag
Isfiröinga
óskar að taka á leigu 3ja til 4ra herb. íbúð
fyrir mjólkurfræðing.
upplýsingar hjá
KAUPFÉLAGSSTJÓRA í
SÍMUM 3266 OG 3396
LIPSTIQUE vinsælasta diskóplatan í dag
KC. & SUNSHINE BAND ný
BEE GEES Saturday Night Fever vinsælasta
platan beggja vegna hafsins
WINGS LondonTown
LINDA RONSTAD Simple dreams
BACCARA Baccara
SMOKIE nýjasta
DISCO FEVER
STEVE HACKETT Dont touch
QUINCY JONES ný
BILLY JOEL The Stranger
BILLY COPHAM OFL. ný
GENESIS allar
GONG frábær hljómsveit — allar
ANDREW GOLD ný mjög vinsæl
Þetta er aðeins brot af
úrvali OKKAR
Komið og skoðið
Verslunin Kjartnn R. Guðmundsson
ísafirði - Sími 3507