Vestfirska fréttablaðið - 13.09.1978, Side 10
ÍÞRÓTTIR - SKÓLASTARF
Fjölbreytt starfsemi - Lúðrasveit endurvakin
Tónlistarskóli ísafjarðar
er nú að hefja 31. starfsár
sitt, og er verið að innrita
nemendur þessa daga og á
að ljúka næsta föstudag.
Skólasetning hefur ekki
verið ákveðin enn, en verð-
ur auglýst síðar.
Kennsla verður með lík-
um hætti og undanfarin ár
og flestir sömu kennarar.
Þó hefur Gunnar Snorri
Gunnarsson látið af störf-
um og stundar háskóla-
nám erlendis næsta vetur.
Jakob Hallgrímsson, er áð-
ur var kennari við skólann
um þriggja ára skeið, kem-
ur nú aftur að skólanum
og annast fiðlukennsluna
og fleiri námsgreinar. S.l.
vetur, þegar þáverandi
fiðlukennari varð í febrúar
að láta af störfum, bjargaði
sr. Gunnar Björnsson
þeirri deild skólans með
því að taka að sér flestalla
fiðlunemendurna og ann-
aðist það með mikilli prýði
til vors. Þrem yngstu nem-
endunum kenndi Kristinn
Jóh. Níelsson. Sr. Gunnar
er eins og allir vita einn af
bestu sellóleikurum þessa
lands og mun kenna áfram
við skólann sellóleik o.fl.,
en óskaði að losna við
fiðlukennsluna, en Krist-
inn verður í vetur við nám
í Tónlistarskólanum í
Reykjavík.
Þá verður Gilbert Darr-
yl Wieland meiri hluta
vetrarins í Bandaríkjunum
að undirbúa doktorsvörn
sína að vori. Hann kemur
hingað um miðjan þennan
mánuð og kennir gítar og
klarínettleik við skólann
um tveggja mánaða skeið,
en kemur svo vonandi
næsta haust og kennir vet-
urinn 1979-1980. Má búast
við mikilli aðsókn að þessu
námskeiði.
Bæjarbúar margir hafa
saknað þess mikið að nú í
nokkur ár hefur engin
lúðrasveit starfað hér. Til
að bæta úr þessu hefur
skólinn ráðið hingað ung-
an norskan mann Svein-
Arve Hovland, til að
kenna á lúðra og æfa
lúðrasveit.
Frá upphafi hefur að-
sókn í píanóeild skólans
verið góð. Nokkuð hefur á
seinni árum fjölgað nem-
endum í flautu og fiðluleik
en það er ennþá ekki næg-
ur skilningur á því hve t.d.
fiðlan er yndislegt hljóð-
færi. Nú þegar Jakob er
kominn hingað aftur þá
ætti að rætast úr því. Það
er mjög takmarkað hve
mörgum flautunemendum
er hægt að bæta við, en þó
líklega tveim í stað þeirra
tveggja er fluttir eru úr
bænum.
Almenningur hefur
heldur ekki áttað sig á hve
Nemendur á strengjahljóðfæri
undursamlegt hljóðfæri
sellóið er og getur skólinn
enn tekið á móti nokkrum
sellónemendum.
Skólinn veitir ennfrem-
ur tilsögn í helstu tónfræði-
greinum óg hljómsveit
skólans mun starfa af full-
um krafti sem áður.
Það verður kennt víðs-
vegar um baéinn í vetur
svo sem hingað til, en með
þeim gjöfum er skólanum
bárust s.l. vor frá bæjarfé-
lagi og einstaklingum má
e.t.v. vonast til að þessi
skóli- sem aðrir skólar-
eignist von bráðar þak yfir
starfsemi sína.
Fréttatilkynning
Vestfjaröamót í skák í
Bolungarvík um næstu helgi
Vestfjarðamót Skáksam-
bands Vestfjarða 1978
verður haldið í Bolungar-
vík um næstu helgi. Teflt
verður í húsakynnum
Grunnskólans, og hefst
mótið kl. 20:00 á föstu-
dagskvöldi.
Teflt verður í þremur
flokkum, þ.e. drengja-
flokki, unglingaflokki og
meistaraflokki, eða opnum
flokki. Frestur til að skila
þátttökutilkynningum
rennur út í kvöld. Daði
Guðmundsson í síma 7231
og Sæbjörn Guðfinnsson í
síma 7304 taka við tilkynn-
ingu um þátttöku.
Sigurvegari í meistara-
flokki á mótinu mun
keppa í meistaraflokki á
Skákþingi íslands og sigur-
vegari í unglingaflokki
mun einnig taka þátt í
Skákþinginu fyrir hönd
Skáksambands Vestfjarða.
Júlíus Sigurjónsson og Haildór G. Einarsson að Tafli.
Innan vébanda Skáksam-
bands Vestfjarða eru
margir sterkir skákmenn,
sem þegar hafa tilkynnt
þátttöku.
Ásgeir Överby, Taflfé-
lagi Isafjarðar, tók í ágúst
s.l. þátt í alþjóðaskákmóti í
Skein í Noregi, ásamt fjór-
um öðrum íslenskum skák-
mönnum. Fékk Ásgeir
fimm vinninga af níu
mögulegum og fékk hann
verðlaun fyrir besta
frammistöðu í sínum styrk-
leikaflokki á mótinu.
Unglingar úr Bolungar-
vík tefldu fyrr í sumar við
jafnaldra sína frá Kópa-
vogi. Fyrst var teflt tvöföld
umferð, og skildu Bolvík-
ingar og Kopavogsbúar þá
jafnir. Hlutu hvorir átta
vinninga. Síðan tefldu
unglingarnir hraðskák og
unnu þá Bolvíkingar með
38 vinningum gegn 26.
Þessir Bolvíkingar tefldu
í tvöföldu umferðinni:
Halldór G. Einarsson, Júl-
íus Sigurjónsson, Benedikt
Einarsson, Falur Þorkels-
son, Rögnvaldur Guð-
mundsson, Kristján Páls-
son, Ólafur Jens Daðason
og Benedikt Óskarsson.