Vestfirska fréttablaðið - 01.02.1980, Blaðsíða 10
vestfirska
10
r
rRETTABLADID
Gefur Æskulýðsfélagi
ísafjarðarkirkju
Góður afli
Framhald af 12. síðu.
Laugardaginn 26. janúar af-
hentu konur úr kvenfélaginu
Ósk, Æskulýðsfélagi ísafjarðar-
kirkju gjöf úr sérstökum sjóði
sem stofnaður var á 65 ára af-
mæli félagsins til eflingar
æskulýðsstarfs í bænum. Þetta
er í fyrsta sinn sem veitt er úr
sjóðnum en einnig voru Gagn-
fræðaskólanum á ísafirði gefn-
ar 100 þúsund krónur nýlega.
Blaðamaður V.F. var staddur í
safnaðarheimili ísafjarðarkirkju á-
samt sóknarpresti. félögum í
æskulýðsfélaginu og þrem Óskar-
konum þegar þær afhentu séra
Jakobi Hjálmarssyni vandaða 8
mm. kvikmyndasýningarvél með
tón og talmöguleikum ásamt sýn-
ingarborði og sýningartjaldi.
Um 15 félagar í Æ.í. voru við-
staddir en þetta var á fundartíma
þeirra. Félagarnir tóku fyrst lagið
eins og þeirra er vani þegar þeir
koma saman. Því næst afhenti
Valgerður Jakobsdóttir formaður
Óskar, gjöfina með bestu óskum
frá kvenfélagskonum og vonum
um að vélin muni koma sér vel í
æskulýðsstarfinu. Séra Jakob
þakkaði gjöfina og minntist á það
hve kvenfélagskonur sýndu starfi
kirkjunnar næman skilning og
væru henni mikill stuðningur enda
sýndi það sig í eignatali margra
kirkna að stór hluti muna þeirra
er gefinn af kvenfélagskonum.
Sagðist hann vona að hægt yrði að
koma á meira sambandi milli
þessara félaga, Óskar og æskulýðs-
félagsins. Síðan var vélin prófuð
og sýnd sænsk mynd sem gerð er á
vegum æskulýðsfélaga þarlendis
og sýnir samskipti manns sem
e.t.v. mætti kalla Jesú ímynd nú-
tímans. við samferðafólk sitt. Að
lokum sungu æskulýðsfélagarnir.
Blaðamaður lagði nokkrar
spurningar fyrir krakkana sem
mættir voru á fundinn um starfið í
félaginu. Rétt til inngöngu hafa
nemendur í 7. bekk þegar þeir
byrja að ganga til prestsins og
unglingar upp að I8 ára aldri.
Haldnir eru fundir vikulega og er
ætlunin að prófa núna að hafa þá
kl. 5.30 á laugardögum. Hálfsmán-
aðarlega eru fundir með bundinni
dagskrá en hálfsmánaðarlega svo
nefndir vinnufundir. Þá er verk-
efnum skipt niður og unnið að
ýmsu í hópum t.d. hafa félagar
útbúið sjálfir myndarlegar söng-
möppur með fjölbreyttum æsku-
lýðssöngvum sem notaðar eru í
starfinu. Einnig hafa þau farið í
heimsóknir á elliheimilið, aðstoð-
að við guðsþjónustur og unnið við
ýmsar safnanir og er þá skemmst
að minnast söfnunarinnar Brauð
handa hungruðum heimi. Sl. sum-
ar var farið í ævintýralegt ferðalag
norður í Grunnavík og virtist það
hafa verið velheppnað miðað við
minningarnar sem frásögnin vakti.
Næsta sumar verður norrænt
æskulýðsmót á Akranesi sem fél-
agar eiga kost á að sækja svo nóg
virðist um að vera í starfseminni.
Sr. Jakob, æskulýðsfélagar og
Athygli blaðamanns vakti hve
margar stelpur voru á fundinum,
miðað við strákana, því hann var
bara einn. Einhver sagði að ástæð-
an væri sú að strákar vildu helst
ekki syngja en auðvitað var þessi
eini strákur formaður félagsins.
Séra Jakob sagði að markmiðið
væri að mynda þarna samfélag
sem styrkti tengsl félaga innbyrðis.
Krakkarnir hefðu sjálf ákveðið að
stefna að því að komast í nánari
kynni við trúna en Jakob lagði
áherslu á það að félagar væru ekki
Óskarkonur.
..frelsaðir" og ekki hvattir til að
draga sig út úr venjulegu lífi með
því að brýna fyrir þeim boð og
bönn. heldur væri reynt að skapa
hjá þeim jákvæða afstöðu til lífs-
ins með öllum þess svörtu hliðum
- þau ættu ekki að loka augunum
fyrir því heldur kynnast því og lifa
með jákvæðu hugarfari.
Góður andi virtist ríkjandi inn-
an félagsins og notalegt andrúms-
loft í safnaðarheimilinu sem er lil
húsa áefrihæð Góðtemplarahúss-
ins.
E.Þ.
landaði 1 14 tonnum 9. janúar sl.
og 97 lonnum 17. janúar. Aðeins
einn linubátur hefur róið frá
Tálknafirði, Frigg. en hún leggur
upp á Bíldudal og hefur afli hen.n-
ar verið mjög tregur. Tálknfirðing-
ar ráða hinsvegar ekki við meiri
afla en berst að landi af togaran-
um. Mikið framboð hefur verið á
vinnuafli á Tálknafirði að undan-
förnu. sem er óvenjulegt í ver-
stöðvum hér á Vestfjörðum. Á
Tálknafirði vinna nú 16 stúlkur frá
Astralíu. Þykja þær röggsamar í
vinnu og traust vinnuafl.
Frá því þessi frétt var skrifuð s.l.
mánudag. hafa fjórir ísafjarðar-
togarar landað og er afli ísafjarð-
artogaranna því orðinn rúml. 1300
lestir í janúar.
Nýkomið EINNIG HANDKLÆÐI OG GLUGGATJALDAEFNI
Fjölbreytt úrval rúmfataefna: GEFJUNARGARN
Damask straufrítt í ÖLLUM LITUM
léreft
3 S KUIPFIBGISIIKIIIW Vefnaðar- og búsáhaldadeild, Austurvegi 2 — ísafirði
Vestfirðingar -
Flateyringar
H.T.
ÞORRABAKKINN
ERUM TILBÚNIR MEÐ
ÞORRAMATINN
H.T. Þorrabakkinn er fullur af úrvals
súrmat, hákarli, hangikjöti, harðfiski,
flatkökum og smjörklípum.
í
Tekiö viö pöntunum í síma 7782
ausen hf.
*
SKRIFSTOFU
STARF
Viljum ráða skrifstofustúlku til starfa
VIÐ SÍMAVÖRSLU OG ÖNNUR
ALMENN SKRIFSTOFUSTÖRF.
UPPLÝSINGAR Á SKRIFSTOFUNI.
PÓLLINN HF
Póllinn hf.
AÐALSTRÆTI 9
ÍSAFIROI. SÍMI 3092
SVEITARSTJORI
Starf sveitarstjóra í Suðureyrarhreppi
er laust til umsóknar.
Umsóknarfrestur er til 20. febrúar n.k.
Allar upplýsingar eru veittar hjá
sveitarstjóra í síma 94-6122, eða hjá
oddvita f síma 94-6170.
Hreppsnefnd Suöureyrarhrepps
Súgandafiröi
EFNISSALA
FILMUPLÖTUR
SPÓNARPLÖTUR
Efni afgreitt niðursagað
eftir pöntunum.
T résmíöaverkstæöi
Daníels
Kristjánssonar
Sími 3130 - ísafirði