Vestfirska fréttablaðið - 19.04.1984, Blaðsíða 17

17
Tómasi, sem er okkar
Garðar Cortes, óskum við
til hamingju með afrakstur
iðju sinnar. Við myndum
fagna því, ef honum yrðu
veitt bjartsýnisverðlaunin
næst þegar þeim verður út-
hlutað!!!
Því er við að bæta, að
„Syngjandi páskar“ voru
fluttir á Bíldudal laugardag-
inn 7. apríl svo til óbreyttir,
við góðar undirtektir en
Bílddælingar eru manna
færastir til að dæma um
hvers virði þeim var þessi
heimsókn.
Ekki létu þeir sitt eftir
liggja hvað móttökur snerti,
því öllum var boðið í kaffi í
félagsheimilinu og svignuðu
borð undan krásum.
Vonandi hefur Þingeyr-
ingum auðnast að flytja
þeim „sunnan blæ“ og
sumarhug þótt sendingin
kæmi að norðan. Hulda.
Fjórdi dfangi sjúkrahússins boðinn út:
öll starfsemi flutt í nýja
sjúkrahúsið 1987
Karlakórinn á Þingeyri árið 1981
Sungið „í tilefni dagsins”
Það er ekki einsdæmi
lengur að frestað eða flýtt sé
jólum eða páskum, þótt þeir
hafi kannski fyrstir allra
frestað jólunum, þeir Jón
Múli og Jónas Árnasynir í
„Deleríum Búbónis.“ Dýr-
firðingar fögnuðu „Syngj-
andi páskum“ á fjórða sinn
og nú 31. mars.
„Vorboðinn“ var líka ó-
venju snemma á ferðinni,
þótt hann kæmist ekki
sunnar á Vestfjörðum en til
Flateyrar. „Vorboðinn“
kom 8. mars með snilling-
unum Kristni Sigmundssyni
og Jónasi Ingimundarsyni
er sóttu ísfirðinga og On-
firðinga heim. Sem betur
fer voru veðurguðimir okk-
ur Dýrfirðingum hliðhollir,
svo við brugðum undir okk-
ur betri fætinum og fjöl-
menntum til Flateyrar. Sú
heimsókn er ógleymanleg
og þótt við færðum þeim
félögum hvorki blóm né-
„góðgæti“ færum við þeim
nú „fangið fullt af þakklæti
og aðdáun“ og væntum
þess að Dýrfirðingar megi
eiga von á að þeir heimsæki
okkur síðar og fylli fjörðinn
söng og hljóðfæraslætti.
„Syngjandi páskar“
breyttu vorinu í sumar í hug
og hjarta og það ríkti gleði
og eftirvænting í troðfullu
félagsheimilinu á Þingeyri
að kvöldi hins 31. mars.
Sungið og spilað hafði verið
í eftirmiðdaginn og mættu
þar ungir og aldnir. Upp-
hafsmaður og stjórnandi
„Syngjandi páska“ var þús-
und þjala smiðurinn Tómas
Jónsson, sparisjóðsstjóri.
Ólafur V. Þórðarson,
verslunarstjóri setti „gleð-
ina“ í gamansömum tón og
bauð gesti velkomna um
leið og hann þakkaði Sigur-
veigu Hjaltested hingað-
komu í vetur og þátt hennar
í þessari söftgskemmtun.
Hljómsveitin Hamóna
frumflutti tvö lög, annað
eftir stjórnandann, Lína
Hannes Sigurðsson, við ljóð
Elíasar Þórarinssonar er
nefnist „í tilefni dagsins“
enda ort í tilefni hans og var
það sungið af Birki Guð-
mundssyni, hljómborðsleik-
ara hljómsveitarinnar. Síð-
ara lagið var eftir Guðjón
Inga Sigurðsson, en hann er
einn af fimm „músikönt-
um“ hljómsveitarinnar. Þá
hóf karlakórinn söng sinn
og síðan kirkiukórinn við
frábærar undirtektir áheyr-
enda. Síðasta atriði fyrir hlé
var: Einleikur á harmóniku,
Guðmundur Ingvarsson,
símstöðvarstjóri, og síðan
stjórnaði hann harmóniku-
hljómsveit er lék nokkur
lög. Þá hljómsveit skipa 11
harmónikueigendur og spil-
arar. Var þeim óspart
klappað lof í lófa, enda
upprennandi hljómsveit,
sem stækkar með ári hverju.
Eftir hlé sungu sex ungar
konur við gítarundirleik og
síðan lék Guðjón Ingi Sig-
urðsson frumsamið lag á
gítar. Þá söngtríó: Sigríður
Steinþórsdóttir, Unnur Sig-
fúsdóttir og Ragnar Gunn-
arsson og sungu þau 3 lög
og að síðustu bættist Tómas
í hópinn og sungu þau fjög-
ur eitt lag. Þá var flutt „Úlf-
aldalestin í eyðimörkinni"
•áf fjórum stúlkum og jafn-
mörgum karlmönnum.
Vakti þessi hreyfilist með
söng mikinn fögnuð áhorf-
enda.
Karlakórinn kom þá aft-
ur á sviðið og nú með ýms-
um tilbrigðum. Fyrst var
sungið „Týrólbúinn“, ein-
söng í því lagi söng Ragnar
Gunnarsson. Næst „Tárið“
með einsöng Sigríðar Stein-
þórsdóttur. Síðan 2 lög við
undirleik Amar Gissurar-
sonar á saxófon og í lokin
tvö lög við undirleik Guð-
mundar Ingvarssonar á har-
móniku. Kórinn slapp ekki
af sviði fyrr en þeir höfðu
sungið nokkur aukalög og
sama gilti um fleiri flytjend-
ur. Síðast sungu báðir kór-
arnir „Hér er risin höll af
bjargi“. Að því loknu færði
frú Camilla Sigmundsdóttir
stjórnandanum, Tómasi,
fagran blómvönd frá kórfél-
ögum og hljóðfæraleikurum
um leið og hún þakkaði
honum ómælt framlag hans
til söngmála, án hans væru
þau lítils megnug, þar sem
hvorki væri organisti eða
píanisti lengur á Þingeyri og
allt hvíldi því á herðum eins
manns. Tómas þakkaði hlý
orð og blómin og sagðist
hafa mjög gaman af að
stjórna 10, 20 og 30 manna
kórum, en mest gaman
þætti sér að stjórna 100
manna kór og bað hann því
samkomugesti rísa úr sæt-
um og syngja síðasta lagið
með kórunum og var því vel
tekið.
Við hin sem sátum í saln-
um tókum undir orð Cam-
illu: „Án Tómasar getum
við ekki verið.“ Óþrjótandi
elja hans, áhugi og smekk-
vísi gerir okkur fært að
njóta söngs og hljóðfæra-
sláttar 46 Dýrfirðinga. Því á
hans færi er að gera ófram-
kvæmanlega hluti fram-
kvæmanlega og á þann
hátt, að okkur mun lengi í
minni. Þótt eftir komi
páskahret, fardagahret og
fleiri hret, mun sumarhug-
urinn vart yfirgefa okkur
enda verður þessi kvöld-
stund okkur ógleymanleg.
Flytjendur fengu frábærar
móttökur samkomugesta og
það voru handsárir en
þakklátir Dýrfirðingar er
héldu til síns heima eða
héldu áfram að syngja og
dansa til morguns í félags-
heimilinu.
Byggingarnefnd Fjórð-
ungssjúkrahússins á ísafirði
hefur fengið heimild til að
bjóða út fjórða áfanga nýja
sjúkrahússins. Verið er að
ganga endanlega frá útboðs-
gögnum og er útboðsauglýs-
ingar að vænta innan
skamms.
Að sögn Sigurðar Jó-
hannssonar, formanns
byggingarnefndar, á verk-
inu að vera lokið 1. apríl
1987 og verður þá hægt að
flytja alla starfsemi úr
gamla sjúkrahúsinu. Að
fjórða áfanga Ioknum verð-
ur sjúkrahúsið fullklárað að
undanskilinni annarri legu-
deildinni og efstu hæð
kjarnabyggingarinnar. Áður
en húsið verður tekið í
notkun þarf þó að steypa
upp stigaálmu við vestur-
enda hússins og ganga frá
lóð og verða þessi verk unn-
in sér.
Þó að byggingarnefndin
hefði vonast eftir að verkinu
lyki ári fyrr sagðist Sigurður
vera mjög ánægður með að
heimild hefði fengist til að
bjóða fjórða áfanga út í
einu lagi og taldi það koma
mun betur út en ef áfanginn
hefði verið brytjaður niður.
„Þetta er viss sigur og þýðir
að við þurfum ekki að
standa í öðrum útboðum
árlega og eyða vikum og
mánuðum í að kljást við
fjárveitingavaldið á hverju
ári,“ sagði Sigurður Jó-
hannsson, formaður bygg-
ingarnefndar.
Nýja sjúkrahúsið
KAUPIÐ PÁSKAEGGIN
MEÐAN ÚRVALIÐ ER
Á ÖLMARKAÐIERU
EGILS öl og gosdrykkir
SANITAS öl og gosdrykkir
og erlent öl í úrvali
ALLTMEÐ 10% AFSLÆTTI!
GLEÐILEGA PÁSKA!
m
HAMRABORG
Hafnarstræti 7
ísafirði sími 3166