Vestfirska fréttablaðið - 01.06.1984, Blaðsíða 3

I vestíirska
rRETTABLACID
V estfirska 1
FRETTABLAÐID
Vestfirska fréttablaðið kemur út á fimmtudögum kl.
17:30. Rittjórnarskrifstofan og auglýsingar að Hafnar-
stræti 14 er opin virka daga kl. 10:00 til 12:00 og 13:00 til
17:00 og sunnudaga kl. 13:00 til 17:00. Síminn er 4011.
Blaðamaður Rúnar Helgi Vignisson, sími 3325. Fjármál
og dreifing: Guðrún Halldórsdóttir. Auglýsingar o.fl.
Rúnar Þórisson. Útgefandi og ábyrgðarmaður: Árni Sig-
urðsson, Fagraholti 12, (safirði sími 3100. Prentun:
Prentstofan ísrún hf. (safirði. Verð í lausasölu kr. 22,00.
Auglýsingaverð 130,00 dcm. Áskriftarverð er lausasölu-
verð reiknað eftirá, gjalddagar hálfsárslega.
Hátíðarhöld
sjómannadagsins
Sjómannadagurinn verður hátíð-
legur haldinn á sunnudaginn, 3.
júnf. Að venju gera sjómenn og
aðrir sér margt til gamans á þeim
degi og munum við hér greina frá
fyrirhuguðum hátíðahöldum í Bol-
ungarvík og á Isafirði. Þar sem ó-
líklegt er að blaðið verði komið til
annarra Vestfirðinga fyrir Sjó-
mannadag þykir ekki rétt að geta
hátíðahalda annars staðar á Vest-
fjörðum, þó þau séu vafalaust alls
góðs makleg.
BOLUNGARVÍK
Dagskrá sjómannadagsins í Bol-
ungarvík hefst með siglingu kl.
17:00 á laugardaginn. Vonast er til
að nýja skipið, Sólrún, komi þann
dag og verður þá farið í siglingu á
því. Annars mun Dagrún fara.
Á sunnudaginn verður safnast
saman við brimbrjótinn kl. 10:15
og gengið til kirkju. Þar mun séra
Jón Ragnarsson predika og Karla-
kórinn Ægir syngur. Síðan verður
lagður blómsveigur að minnisvarða
sjómanna í kirkjugarðinum.
Kl. 13:30 verður þreyttur kapp-
róður við höfnina og björgunar-
sveitin Ernir mun sýna björgunar-
tæki. Síðan verður áframhaldandi
dagskrá á íþróttavellinum.
Kl. 20:30 hefst svo kvöld-
skemmtun í Félagsheimilinu. Þar
verður blönduð dagskrá. Að
skemmtuninni lokinni verður stig-
inn dans við undirleik Ásgeirs og
félaga.
ÍSAFJÖRÐUR
Dagskráin hefst á laugardaginn
kl. 14:00 með hópsiglingu —
spennandi fyrir yngstu kynslóðina.
Á sunnudag kl. 9:30 verður messa í
kapellunni í Hnífsdal og að henni
lokinni hópganga að minnisvarða
sjómanna í Hnífsdal og lagður
blómsveigur að honum. Kl. 10:45
verður farið í hópgöngu að minn-
isvarða sjómanna á Isafirði og
lagður blómsveigur að honum.
Síðan verður messað í ísafjarðar-
kirkju kl. 11:00.
Hátíðahöldin við bátahöfnina
hefjast kl. 14:00. Þar verða aldraðir
sjómenn heiðraðir og Guðjón A.
Kristjánsson flytur ávarp. Síðan
verður hinn klassíski kappróður,
skipshafna og landsveita. Björgun-
arsveitin Skutull mun síðan sjá um
ýmsa leiki.
Kl. 16:30 færa menn sig síðan á
íþróttavöll, væntanlega á Torfnesi,
og verður þar ýmislegt sprellað,
farið í fótbolta, boðhlaup o.fl.
Vert er að geta þess að kaffiveit-
ingar verða á boðstólum í Félags-
heimilinu Hnífsdai frá kl. 15:00 til
18:00.
Efnt verður til tveggja dansiballa
í tengslum við sjómannadag. Á
laugardag að Uppsölum og á
sunnudag í Hnífsdal. Miðar á
seinni dansleikinn verða afhentir
við Hafnarvog milli kl 16:00 og
17:00 á sunnudag. Blöð og merki
dagsins verða afhent á sama stað
frá kl. 17:00—18:00 á laugardag.

Fi „
íí I i«i iiii >Ul ... iiii mi
ÆS | iii iii
•iii iiii iii|
| iii III
Grillréttir
— mikið úrval —
o o o
Léttreyktir
lambahryggir
— aðeins 169 kr/kg —
Meira en
30%
verðlækkun

SUNDSTR/ETI 34 »4013
Hann
Kristján
Jónsson
Sjómannadagurinn var fyrst
haldinn árið 1938. Kristján Jóns-
son, formaður Sjómannadagsráðs á
ísafirði, hefur upplifað næstum alla
sjómannadaga frá upphafi hér
vestra. Við spurðum hann hvemig
sjómannadagurinn væri í minning-
unni veðurfarslega séð.
„Mikill meirihluti þeirra er
þungbúinn, sérstaklega nú í seinni
tíð. Síðan ég tók við formennsku
1971 höfum við aldrei reiknað með
góða veðrinu nema sem undan-
tekningu. Þetta stafar kannski af
því að Guð almáttugur vill ekki láta
okkur sjómenn gleyma að það er
mótbyr í lífinu.“
— Hefur þurft að fella hátíða-
höldin alveg niður vegna veðurs?
„Það hefur alltaf verið einhver
þrjóska í mönnum að reyna að
halda dagskrána þrátt fyrir vont
veður oft á tíðum. Ég man ekki eftir
nema einu eða tveimur skiptum að
þurft hafi að fella hátíðahöldin al-
veg niður, en það er langt síðan.“
— Er sjómannadagurinn fyrst og
fremst hátíðisdagur eða er hann
baráttudagur?
„Fyrst og fremst hátíðisdagur.
Þama gefst sjómönnum kostur á að
koma saman til að skemmta sér og
bregða á leik. I fyrra hreyfði Guð-
mundur Kristjánsson, formaður
Bylgjunnar, því hins vegar að gera
ætti sjómannadaginn að baráttu-
degi, en ég er mótfallin því.“
— Hafa hátíðahöldin verið með
svipuðu sniði frá upphafi?
„Já, þau voru strax með svipuðu
3
íbúðir, tilbúnar
undir tréverk
Til sölu eru 2ja og 3ja herbergja íbúðir í 8
íbúða fjölbýlishúsi, sem Eiríkur og Einar Val-
ur s.f. eru að hefja byggingu á við Urðarveg.
íbúðirnar afhendast tilbúnar undir tréverk og
málningu í ágúst 1985.
Nánari upplýsingar veitir Arnar G. Hinriksson
hdl., Silfurtorgi 1, sími 4144 og Eiríkur
Kristófersson, Hafraholti 54, sími 4289.
sniði og nú. En með tilkomu togar-
anna áttu sjómenn þó erfiðara með
að taka þátt í hátíðahöldunum, þeir
komu oft ekki inn fyrr en á sunnu-
dagsmorgni, og fyrir 6—8 árum hélt
ég satt að segja að sjómannadagur-
inn væri að leggjast niður, en þá
komu björgunarsveitin og eigendur
sportbáta okkur til aðstoðar og
hleyptu lífi í þetta. Nú eru tog-
ararnir líka farnir að koma inn á
laugardegi, þannig að þeir eiga
auðveldara með að taka þátt.“
Að lokum gat Kristján þess að
hann ætlaði nú ekki að lifa sjálfan
sig sem formaður sjómannadags-
ráðs og vildi beina því til „ungu
mannanna“ að framtíð sjómanna-
dagsins væri undir þeim komin.
Hann tók þó fram að hann hefði alls
ekki verið þvingaður f starfið, hann
hefði unnið það með glöðu geði.
ÍSLENSKAR VÖRUR
A ERLENDAN /I1ARKAÐ
íslensk þjóö byggir lífsviðurværi sitt
á útflutningi. Ekki aöeins á afla
fiskiskipanna, heldur einnig á
útflutningi annars konar afla -
afrakstri verkmenningar alls
þjóðfélagsins - allt frá heimaprjón-
uðum lopapeysum til háþróaðs
stóriðjuvarnings.
Við hjá Eimskip vitum að ekkert svið
íslensks atvinnulífs er óháð
útflutningi. i áratugi höfum við lagt
okkur fram við að þjóna atvinnuveg-
unum sem best, með því að fylgjast
náið með framförum og tileinka
okkur jákvæðar nýjungar í
flutningum.
Nú flytur Eimskip íslenskan afla um
allan heim - niðursuðuvörur til
Sovétríkjanna, freðfisk til Bandaríkj-
anna, lopavörur til Evrópuhafna,
skreið til Nígeríu, stóriðjuafurðir til
Bretlands - og svona mætti lengi
telja. Sérþekking og reynsla
Eimskips í flutningum nýtist öllum
greinum íslensks atvinnulífs.
Sendum vestfirskum sjómönnum og
fjölskyldum þeirra kveðjur og árnaðar-
óskir á sjómannadaginn.
*