Vestfirska fréttablaðið - 12.06.1984, Síða 1

vestfirska
FRETTABLASIS
24. tbl. 10. árg. 12. júní 1984. Vestfirska fréttablaðið kemur út á mánudögum og fimmtudögum kl.
17:30. Ritstjórnarskrifstofa og auglýsingamóttaka að Hafnarstræti 14 er opin virka daga kl. 10:00 til
12:00 og 13:00 til 17:00 og sunnudaga kl. 13:00 til 17:00. Síminn er4011. Blaðamaður Rúnar Helgi
Vignisson, sími 3325. Fjármál og dreifing: Guðrún Halldórsdóttir. Auglýsingar o.fl. Rúnar Þórisson.
Útgefandi og ábyrgðarmaður: Árni Sigurðsson, Fagraholti 12, Isafirði, sími 3100. Prentun: Prent-
stofan ísrún hf. Isafirði. Verð í lausasölu kr. 15,00. Auglýsingaverð 130,00 dcm. Áskriftarverð er
lausasöluverð reiknað eftirá, gjalddagar hálfsárslega.
Aukafjárveiting
Þessar ungu dömur komu til okkar af ákveðnu tilefni. Þær
höfðu efnt til hlutaveltu, öðru nafni tombólu, nú nýverið þeg-
ar þær „höfðu ekkert annað að gera“. Muni höfðu þær fengið
gefins úr ýmsum áttum, m.a. úr Apótekinu. Og hvað gerðu
þær svo við ágóðann? Keyptu sér gott? — Nei, ekki aldeilis.
Þær fóru til hans Guðmundar Marinós, framkvæmdastjóra
Sjúkrahússins, og gáfu peningana til stofnunarinnar. Af
hverju? Af því þeim datt það bara í hug. — Og við efumst
ekki um það að Guðmundur varð ósköp feginn þessari auka-
fjárveitingu á þessum síðustu og verstu tímum. Gott hjá
ykkur stelpur, þið eruð efnilegar Teresur.
Matthías Bjarnason, heilbrigðis- og tryggingaráðherra:
Hef lagt gífurlega áherslu
Fjórðungssjúkrahúsið á í
„Höfuðframkvæmdin verður
hér á ísafirði við sjúkrahúsið,“
sagði Matthías Bjarnason, heil-
brigðis- og tryggingaráðherra,
þegar við báðum hann að skýra
okkur frá því helsta sem á döf-
inni væri í heilbrigðismálum
fjórðungsins. „Það var ákveðið
fyrir tveimur mánuðum að bjóða
út fjórða áfangann, en svo
strandaði málið á ýmsu hjá
arkitekt og framkvæmdadeild,
en eftir því sem mér er sagt eiga
að liggja núna fyrir skýr svör og
þá ætti ekkert að vera að van-
búnaði að auglýsa útboðin.
Samkvæmt þessari áætlun á allt
að vera búið á fyrsta ársfjórð-
ungi ‘87.“
Ráðherra kvað langt komið
vinnu við endurhæfingadeild
sjúkrahússsins og yrði hún tekin
í notkun bráðlega. „Þetta verð-
ur einhver fullkomnasta endur-
hæfingastöð á landinu,“ sagði
Matthías.
— Hefur þú beitt þér sér-
staklega fyrir því að þetta hús
hér yrði klárað, frekar en ein-
hver önnur?
„Ja, ég beiti mér auðvitað
fyrir því að fá sem mest fjár-
magn í það, en ég beiti mér fyrir
því líka að það verði ekki farið
af stað með nýjar dýrar fram-
kvæmdir nema ljúka því sem
byrjað var á. Það fer auðvitað
ekki á milli mála að ég hef lagt
gífurlega áherslu á sjúkrahúsið
á ísafirði, enda er það ekki ó-
eðlilegt, það er búið að vera 10
ár í byggingu. Og það hefði ég
gert við hvaða sjúkrahús sem er
annarsstaðar. En hins vegar
verður maður líka að taka tillit
til þess ástands sem er á gömlu
húsi, sem átti fyrir nokkru að
vera búið að leggja af sem
sjúkrahús. Það er líka brýn
nauðsyn og fjárhagslegur á-
vinningur að því að reyna að
hraða sem mest frágangi
sjúkrahússins, þannig að a.m.k.
önnur legudeildin geti tekið
sem fyrst til starfa, því það er
dýrt að reka þessa starfsemi í
tvennu lagi, þó stutt sé á milli
húsanna.“
Matthías sagði ákaflega erfitt
að segja til um hvenær fyrri
legudeildin gæti orðið tilbúin
fyrr en útboð lægi fyrir og helst
fjárveiting á næsta ári líka.
Af öðrum framkvæmdum
nefndi ráðherrann að búið væri
að bjóða út lokafrágang við
heilsugæslustöðina á Hólmavík
og verður verkið langt komið í
lok þessa árs.
Þá eru eftir allmiklar fram-
kvæmdir við endurbætur á
gamla sjúkrahúsinu á Patreks-
firði, þó heilsugæslustöðin sé
búin. Svo er í byggingu læknis-
bústaður í Bolungarvik og
verið að stækka læknisbústað á
Flateyri.
Ennfremur er fjárveiting til
að ljúka við H-stöð á Reykhól-
um, en H-stöðvar eru móttöku-
stöðvar (síðan eru H-1 og H-2
stöðvar.)
Matthías var spurður hvað
honum fyndist um ástand heil-
brigðismála í fjórðungnum al-
mennt.
„Ég tel það hafa stórbatnað á
seinni árum. Hér var alls staðar
læknisskortur á Vestfjörðum og
skortur á fólki við heilbrigðis-
þjónustu. Nú er skortur á lækn-
um í fámennustu héruðunum,
en úr þessu er mjög að rætast,
því það er mikil framleiðsla á
læknum og yfirleitt öllum
greinum heilbrigðisþjónustu,
nema þá helst hjúkrunarfræð-
ingum.“
Matthías hélt tvo fundi í
Vestfjarðakjördæmi í síðustu
viku, á ísafirði og Patreksfirði,
en ætlunin er að halda tvo slíka
í hverju kjördæmi. „Tilgangur-
inn með þessum fundum er að
vekja athygli þess fólks sem
vinnur að heilbrigðismálum,
sveitarstjórnarmanna og allra
annarra sem hafa áhuga á að
kynna sér heilbrigðis- og trygg-
ingamál á því hvað þarna hefur
verið gert, hvar skórinn kreppir
að og hvað er framundan,“
sagði Matthías Bjamason, heil-
brigðis- og tryggingaráðherra.
Fara sjómenn í verkfall 1. júlí?
— Einn fundur hefur verið haldinn — Mikið ber á milli
Fram hefur komið að samn-
inganefnd Alþýðusambands
Vestfjarða hafi beint því til sjó-
mannafélaganna á Vestfjörðum,
að þau afli sér verkfallsheimild-
ar með það fyrir augum að
verkfall geti hafist 1. júlí.
Samningar aðila hafa verið
lausir frá því að lögin um fryst-
ingu kjarasamninga voru sett.
Nú nýlega var haldinn einn
samningafundur og af honum
má ráða að mikið ber í milli.
Fyrir skömmu síðan voru svo
tilmælin um verkfallsheimild til
þeirra tíu félaga sem fara með
sjómannasamninga samþykkt af
samninganefnd Alþýðusam-
bandsins. Hins vegar vísuðu út-
gerðarmenn deilunni einhliða til
sáttasemjara.
Vf. leitaði álits Guðmundar
Guðmundssonar formanns Út-
vegsmannafélags Vestfjarða og
Péturs Sigurðssonar forseta Al-
þýðusambands Vestfjarða, á
því sem þessum samtökum ber í
milli.
Guðmundur Guðmundsson
taldi að það væri langt frá því
að endar næðu saman milli
deiluaðila og að samningarnir
strönduðu á kröfu A.S.V. um
almennar kauphækkanir á
flestum liðum.
„Það er útilokað að útgerðin
ráði við kauphækkanir nú. Ég
held að það sé ekki ástæða til að
ætla, að útgerðin hér sé mikið
betur stödd en t.a.m. á Aust-
fjörðum. Það er tvímælalaust
tap á rekstrinum.“
Pétur Sigurðsson sagði hins
vegar að það þyrfti að taka mið
af því að sjómenn og verkafólk
mætti vera ansi kröfuhart, til
þess að hægt væri að segja það
ósanngjarnt.
„Fólk hefur látið troða á sér
og ætlar kannski að gera það
áfram.“ Pétur sagðist þó vona
eins og hann hefði reyndar allt-
af gert, að menn stæðu nú við
það sem þeir óskuðu eftir.
„Að menn setji ekki fram
óskir um breytingar á samning-
um, nema að þær séu um
breytingar, sem menn telja
bráðnauðsynlegar. Og að þá
þurfi jafnvel að beita hörðu til
að fá þær fram.“
Aðspurður um það hvort sjó-
menn væru tilbúnir í verkfalls-
aðgerðir 1. júlí, sagði Pétur að
lokum.
„Af hverju ættu þeir ekki að
vera það? Ég gat ekki heyrt
betur á samninganefndinni,
sem var algjörlega mynduð af
mönnum úr félögunum hér á
öllu svæðinu — og það starf-
andi sjómönnum. Það eru ekki
neinir menn í fílabeinsturni sem
því ráða. Það var einróma álit
samninganefndarinnar að það
ætti að standa á þessu. Hún
óskaði eftir því að öll félögin
stæðu saman að verkfallsboðun
ef ekki næðust samningar.“
Frá ísafjarðarhöfn. Slæmur er kvótinn, þó ekki bætist vinnustöðvun við.