Vestfirska fréttablaðið - 21.06.1984, Blaðsíða 2
2
I vestfirska ~1
FRETTABLADID
27. tbl. 10. árg. 21. júní 1984. Vestfirska fréttablaöiö kemur út á mánudögum og fimmtudögum kl. 17:30. Ritstjórnarskrifstofaog auglýsingamóttaka
að Hafnarstræti 14 er opin virka daga kl. 10:00 til 12:00 og 13:00 til 17:00 og sunnudaga kl. 13:00 til 17:00. Síminn er 4011. Blaðamaður Rúnar
Helgi Vignisson, sími 3325. Fjármál og dreifing: Guðrún Halldórsdóttir. Auglýsingar o.fl. Rúnar Þórisson. Útgefandi og ábyrgðarmaður: Ámi
Sigurðsson, Fagraholti 12, Isafirði, sími 3100. Prentun: Prentstofan Isrún hf. Isafirði. Verð í lausasölu kr. 25,00. Auglýsingaverð 130,00 dcm.
Áskriftarverð er lausasöluverð reiknað eftirá, gjalddagar hálfsárslega.
RITSTJÓRN Á FIMMTUDEGI:
Fjárhagsvandi
og frjáls
félagasamtök
Þaö er frægara en frá þurfi
að segja og þyngra en tárum
taki ástandið í fjármálum
ísafjarðarkaupstaðar. Allt á
þetta sér þó skýringar, eins
og fram kom í máli Haraldar
L. Haraldssonar, bæjar-
stjóra, á síðasta fundi
bæjarstjórnar. Hann benti
mönnum á að vegna stór-
framkvæmda liðinna ára
væru átökin við skuldahal-
ann í algleymingi. Þykir þó
sumum slælega barist af
hálfu bæjarstjórnarinnar, og
mætti ganga harðar fram, til
dæmis í því að breyta selj-
anlegum eignum í peninga
og draga bæinn út úr at-
vinnurekstri, sem er orðinn
gróinn og þarf engrar að-
stoðar við.
Bæjarstjóri gerði lýðum
Ijóst, að vegna þessara
marglýstu peningavand-
ræða yrði að fara varlega í
framkvæmdir á vegum
bæjarins. Þó sáust börnin í
vinnuskólanum í gær vera
að aka burt grjóthrúgunum,
sem þau rökuðu saman í
fyrra á Ármannsvellinum.
Guð láti gott á vita. Vonandi
er þetta fyrirboði um það að
nú bregði til hins betra í við-
skiptum bæjarins við
íþrótta- og málfundafélagið
Armann og að bæjarfélagið
hætti að tregðast við að
leyfa Ármanni að vinna upp
leik- og íþróttasvæði á landi
sínu í Firðinum.
Orðið er laust
--Lesendadálkur-
Fylkir Ágústsson:
Er íþrótta-
iðkun
æskileg
með
skóla-
starfi?
Eftir þá dembu sem maður
fær í Vf., bæði í viðtali við
skólastjóra og í forystugrein,
sem væntanlega verður útvarp-
að fyrir alþjóð, er mér til efs að
öll sú vinna að íþróttamálum
sem lögð hefur verið fram, sé
réttlætanleg.
Ég, ásamt mörgum öðrum,
hef með höndum stóran hóp
nemenda úr Grunnskólanum,
við sundæfingar. Æfingar
sem taka mikinn tíma og kalla
oft á keppnisferðir. Ef skóla-
stjóri vill leggja niður keppnis-
ferðir nemenda til að ná upp
meðaltalseinkunn, þá vil ég
ekki vinna að íþróttamálum.
Ég get því ekki látið þennan
áróður á íþróttastarf, um að
fjarvistir spilli skólastarfi og
hafi áhrif á lægri meðaltals-
einkunn, fara svona einhliða út.
Úr viðtali við skólastjóra
koma fram eftirfarandi tvær
tilvitnanir: „Mesta áherslu
lagði hann þó á það sem hann
kailaði virðingarleysi fyrir
skólastarfinu og nefnir sem
dæmi tíð keppnisferðalög til
annarra byggðarlaga.“ Og:
„Síst er það mitt mark að fara
niðrandi orðum um íþróttaiðk-
anir, en mér er til efs að þær séu
eins mannbætandi og efni
standa til ef þær verða til þess
að nemendur bregðast sínu að-
alstarfi.“
Síðan segir að niðurstaða
samræmdu prófanna hjá nem-
endum sé ekki sambærileg
frammistöðu á íþróttasviði.
Eftir slíkan lestur er manni til
efs hvort það sé réttlætanlegt að
standa í íþróttaforystu, hvort
framtíð þeirra nemenda sem
stunda íþróttir sé og verði lakari
en hinna sem engar íþróttir
stunda.
Ég hef ávallt talið að þetta
væri þakklátt starf og fengið
mikinn stuðning, þó vitandi að
innan íþrótta reynist misjafnt
lið. Hins vegar hef ég séð vel
skipulagða og agaða nemendur
skara framúr í námi, jafnhliða
góðri frammistöðu í íþróttum.
Ég vísa því á bug þessari
rökfærslu, og skora á skóla-
stjóra að leggja fram meðaltals-
einkunn 8. bekkjar með og án
sund/skíða- keppnisnemenda.
Ég er sannfærður um að ef þeir
nemendur 8. bekkjar sem iðka
sund og hafa haft fjarvistir
vegna keppnis ferðalaga væru
skildir frá, hefði það í för með
sér lækkandi meðaltal bekkjar-
ins. Þeirra vegna mótmæli ég
þessum áróðri.
Fjarvistir, tíð kennaraskipti
og slæmur aðbúnaður skólans
virðast raska ró skólastjórans,
en versta málið virðist vera
keppnisferðir íþróttafólksins,
þ.e. sund og skíði. Aðrar greinar
koma varla til, því knattspyrna
byrjar þegar skóla lýkur.
Fjarvistir, hvort sem um er
að ræða nemendur eða kennara
eru ekki æskilegar, en varla
hægt að komast hjá. Veikindi
nemenda eru eflaust mun stærri
þáttur fjarvista og jafnvel fjar-
vera kennara. Því er ástæðu-
laust að kenna keppnisferðum
um að spilla skólastarfinu, og
jafnvel lækka meðaltalseink-
unn.
Ég ítreka áskorun mína til
skólastjórans, og mun standa
jafn fastur með íþróttastarfi með
skólastarfi sem hingað til, vit-
andi að þeir nemendur sem
standa hvað best að sundæfing-
um, skara framúr í skóla og
hefur íþróttin og ferðalögin
ekki haft neikvæð áhrif á þau.
Súr
þorskur
og
úldinn
Það er margt skrítið hjá for-
kólfum verkalýðsstéttarinnar,
enda flestir kommúnistar eða úr
röðum þeirra. Það lætur hvað
hæst í þeim um kauprán ríkis-
stjórnarinnar á hinum almenna
verkamanni. Oft heyrir maður
þessa setningu eins og neyðaróp
í myrkri: Kjósið Alþýðubandalag-
ið, þá mun ykkur vel farnast. En
það er ekki nóg að hafa góða
hugsjón og beita kúgun um leið
og þeir fá völd.
Hér er beitt einveldi, kúgun og
kaupráni, ég segi kaupráni, af því
það er of oft sem verkamaðurinn
vinnur kauplaust hér, því það er
það sem aldrei má innleiða, þó
formaður og stjórn vf. Brynju hafi
ekkert við það að athuga, því
formaðurinn situr í stjórn vinnu-
veitenda, og getur því ekki tekið
afstöðu til málanna, svo hefur
mikið verið leitað til forseta ASV.
Við erum helst að komast á þá
skoðun að hann sé tveggja
handa járn, því fátt hefur áunnist
hjá honum, nema gefa ráð við
flestu eða óráð, senda síðan í
lögfræðing sem saltar í skúffu í
nokkur ár.
[ fimmtán til tuttugu ár er ég
búin að vinna hjá H.D. og um
kvótakerfið er það að segja, aö
hér hefur það haft þau áhrif að
afla hefur verið mokað gegndar-
laust á land, þó þó ekki hafi hafst
undan að vinna hann, nema að
henda honum. Lengi er búið að
Síminn okkar
er
I vestfirska 1
FRETTABLADID
bíða eftir blessuðum þorskinum,
en illa fór þegar hann kom loks-
ins, var hann bæði súr og úldinn,
svo mikið af honum fór í skreið
en það mun vera stjórnunarmis-
tök að ofan.
Ég dáist að samstöðu kvenna
á Suðureyri, hún ætti að vera á
fleiri stöðum. Við þekkjum líka
þessar setningar: þú átt ekki að
éta það, og þetta er mitt mál. En
er það ekki mál verkamannsins
ef fyrirtæki fara á hausinn? Okk-
ur yrði kennt um það.
Á svona stað, þar sem einokun
er á vinnu yrði lítið fyrir hvern og
einn, hér er svona svipað ástand
og á Suðureyri. Fólk er rekið
umsvifalaust. Þó er til í dæminu
að það vinni uppsagnarfrestinn.
Verkakona.
AA FUNDIR
Kl. 21:00 á þriðjudagskvöld-
um og kl. 11:00 á sunnu-
dögum að Aðalstræti 42,
Hæstakaupstaðarhúsinu.
Sími 3411.
AA deildin.
AL ANON
fyrir aðstandendur fólks,
sem á við áfengisvandamál
að stríða, eru kl. 21:00 á
mánudagskvöldum að Aðal-
stræti 42, Hæstakaupstaðar-
húsinu.
Upplýsingar veittar í síma 3411
á sama tíma.
BAHÁ’TRÚIN
Upplýsingar um Bahá’itrúna
eru sendar skriflega, ef ósk-
að er. Utanáskrift: Pósthólf
172,400 ísafjörður. Opið hús
að Sundstræti 14, sími 4071
öll fimmtudagskvöld frá kl.
21:00 tíl 23:00.
ELDRI BORGARAR
ÍSAFIRÐI
Kiwanismenn á ísafirði fara
sína árlegu sumarferð með
eldri borgara sunnudaginn
24. júni kl. 13:00 frá Alþýðu-
húsinu. Vinsamlega tilkynnið
þátttöku í síma 3303.
Kiwanisklúbburinn Básar.
Orlofs-
dvöl
aldraðra
Orlofsdvöl aldraðra Vest-
firðinga verður að Laugum í
Sælingsdal 9. — 14. ágúst
n.k. Að Laugum eröll aðstaða
til hvíldar og skemmtunar
mjög góð. Eins og áður verða
haldnar kvöldvökur og stiginn
dans. Farið verður í dagsferð
um Borgarfjörð og Stykkis-
hólmur heimsóttur. Dvalar-
gestir geta ekki orðið fleiri en
45 og er þátttökugjald kr.
5.000. Þeir sem áhuga hafa
láti skrá sig hjá Sigrúnu
Gísladóttur í síma 94-7770
eftir kl. 17:00 frá og með 25.
júní.
Fréttatilkynning.
TIL SÖLU
Combi Cap tjaldvagn.
Uppl. í síma 3380 eftir kl. 20:00
á kvöldin.
TIL SÖLU
Suzuki Alto, árg. 1982. Bíll í
góðu lagi og vel með farinn.
Uppl. hjá Hönnu í síma 3558
og 3621.
TIL SÖLU
er bifreiðin í-1125 sem er
Lada 1200 '81. Ekinn 25 þús.
km. Skipti á litlum nýlegum
bíl koma til greina. Til sölu á
sama stað er tjaldvagn,
Camptourist, ’81. Lítið notað-
ur.
Uppl. í síma 3684.
TIL SÖLU
Daihatsu Charade 1979 ek-
inn 46ooo km.
Ingólfur Eggertsson sími 3157
TIL SÖLU
kafargræjur.
Uppl. gefur Kjartan Hauksson í
síma 3230 í matartímum.
BÍLSKÚR
Til sölu er tvöfaldur bílskúr
við miðbæinn.
Upplýsingar í síma 4144.
r Smáauglýsingar