Vestfirska fréttablaðið - 12.07.1984, Blaðsíða 1

,.,.jestfirska..„„».
k FRÉTTABLAÐIS
Umboð Flugleiða á Vestfjörðum: Patreksfjörður: Laufey Böðvarsdóttir, sími 1133 Bíldudalur: Eyjólfur Þorkelsson, sími 2176 Tálknafjörður: Helga Jónasdóttir, sími 2606 Þingeyri: Davíð Kristjánsson, sími 8117 FLUGLEIDIR £ &
GALLAJAKKARNIR
ERU KOMNIR
EINNIG FULLTAF
NYJUM VÖRUM
OPtÐ LAUGARDAGA KL. 10:00 — 12:00
Verslunin Isafiröi sími 3103
Sjómannasamningarnir:
Búið að
samþykkja
í tveimur
félögum
— Atkvæðagreiðslu á
ísafirði lýkur 13. júlí
Samningar þeir sem náðust á
fundi sáttasemjara með sjó-
mönnum og útgerðarmönnum í
síðasta mánuði hafa verið sam-
þykktir í þremur verkalýðs- og
sjómannafélögum á Vestfjörð-
um.
í Bolungarvík voru samning-
arnir samþykktir á fundi með
sjómönnum fyrir u.þ.b. hálfum
mánuði. Að sögn Daða Guð-
mundssonar varaformanns
Verkalýðs- og sjómannafélags
Bolungarvíkur var þátttaka í at-
kvæðagreiðslunni góð. 17
greiddu atkvæði með samningun-
um en 1 var á móti.
Á Flateyri voru samningarnir
samþykktir með ríflegum meiri-
hluta á fundi með sjómönnum í
síðustu viku. Jafnframt var
kaupliðunum, sem eru lausir 1.
september sagt upp strax frá og
með þeim degi.
Atkvæðagreiðsla um
sjómannasamningana á ísafirði
fer fram skriflega á skrifstofu
Sjómannafélags ísfirðinga. Að
sögn Sigurðar Ólafssonar for-
manns sjómannafélagsins eru
19,23% af virkum sjómönnum
búnir að kjósa. „Þetta er fremur
lélegt eins og er, en ég reikna
með því að því að nú glæðist yfir
þessu, því togararnir eru inn,“
sagði Sigurður. Miðað við þá
deyfð, sem ríkir í félagslífinu,
sagðist Sigurður verða ánægður
yrði þátttakan um 40%. Frestur
til að kjósa rennur út 13. júlí.
Vildi Sigurður hvetja menn til að
nýta sér atkvæðisréttinn.
í öðrum félögum á Vestfjörð-
um hefur atkvæðagreiðsla ekki
farið fram. Víða hafa þó verið
haldnir fundir og málin rædd.
„Ég hef af því miklar áhyggj-
ur, hvernig við eigum að halda
áfram þeirri uppbyggingu, sem
við byrjuðum í apríl, mætum
við ekki meiri skilningi af hálfu
ríkis og sveitarfélaga. Til þess
að geta á forsvaranlegan hátt
rekið slíka þjálfunar- og þjón-
ustumiðstöð sem Bræðratungu
er ætlað að vera, þá verðum við
að hafa hér fleira sérlært
starfsfólk. En til þess að ráða
fólk þurfum við heimild frá
ríki, en hana fáum við ekki.“
Þetta sagði Sigurjón Hilaríus-
son forstöðumaður Bræðra-
tungu í samtali við VF nú fyrir
skömmu. Hann sagði að á
næstu dögum yrði fjöldi
heimilismanna átta en starfs-
stöður á heimilinu væru aðeins
níu. Til þess að geta rekið
heimilið á sómasamlegan hátt,
þyrfti lágmark tólf og hálfa
stöðu. Hann nefndi til saman-
burðar, að í Vonarlandi, sem
er áþekkt heimili væru níu
heimilismenn en 15 stöður.
„Þetta þekkist hvergi annars
staðar í heiminum," sagði Sig-

Sigurjón Ingi Hilaríusson, forstöðumaður Bræðratungu:
Hvergi jafn fátt starfsfólk
— á hvern vistmann
urjón, „en ég vona að þetta
verði lagfært.“
„En það er fleira en þetta
sem gerir okkur erfitt fyrir og
verður að lagfæra," sagði Sig-
urjón. Kvað hann tilfinnanlega
vanta húsnæði fyrir starfsfólk-
ið. Þar væri æskilegt að sveitar-
félagið kæmi á einhvern hátt til
aðstoðar.
Einnig sagði hann að mjög
brýnt væri að fá hitt húsið að
Bræðratungu, í gagnið sem
fyrst. Þar yrði ýmis konar að-
staða sem nauðsynleg væri fyrir
þessa starfsemi, svo sem að-
staða til líkamsþjálfunar, sem
Sigurjón kvað grundvallar
undirstöðu allrar gagnlegrar
þjálfunar.
Sigurjón sagði að Bræðra-
tunga hefði sett sér það
markmið, að vera þjálfunar- og
þjónustumiðstöð en ekki
geymslustofnun. „Við viljum
byggja upp sjálfsímynd ein-
staklinganna en ekki brjóta
hana niður. Þannig getum við
náð því takmarki að útskrifa
einstaklinga héðan. En til að
svo geti orðið verðum við að fá
aukna fjárveitingu og meiri
skilning sveitarfélaga og ríkis.“
Sigurjón sagði að ráðamenn
ættu að athuga það, að þegar
einstaklingurinn útskrifaðist og
gæti klárað sig úti í samfélag-
inu, þá væru þeir búnir að létta
af sér ákveðinni byrði. „Sá sem
áður var þiggjandi verður veit-
andi,“ sagði Sigurjón.
Að lokum vildi Sigurjón
koma á framfæri þakklæti til
allra, sem hefðu sýnt skilning
og veitt heimilinu þann stuðn-
ing sem gerði starfið að
Bræðratungu mögulegt. Kvað
hann að svo mikið fé hafi verið
gefið af einstaklinum, félögum
og fyrirtækjum, að hægt hefði
verið að lána ríkinu fyrir þeim
hlutum, sem það sjálft átti að
Ieggja til fé í. „Ef þetta hefði
ekki komið til væri húsið hér
bara skrokkurinn ber,“ sagði
Sigurjón.
Langþráður sigur á heimavelli
— þegar ÍBI vann Skallagrím í gær
Nýr skatt-
stjóri
Staða skattstjóra í Vestfjarða-
umdæmi var veitt í gær. Hnossið
hlaut Óiafur Helgi Kjartansson,
Iögfræðingur, fulltrúi sýsiu-
manns Árnesinga. Var hann sett-
ur í stöðuna frá og með 15. ágúst.
Aðeins einn umsækjandi var um
stöðuna.
Núverandi skattstjóri, Hreinn
Sveinsson, verður skattstjóri
Suðurlandsumdæmis.
ísfirðingar unnu sinn fyrsta
sigur á heimavelli í deildar-
keppninni í sumar er þeir lögðu
Skallagrím frá Borgarnesi að
velli í gær. Úrslitin urðu 4:2 eftir
að staðan hafði verið 1:1 í hálf-
leik.
Fyrri hálfleikur var nokkuð
jafn, en ísfirðingar voru nokkuð
daufir framan af. Fyrsta mark
leiksins kom á 23. mínútu. Þá
kom góð fyrirgjöf frá Kristni
Kristjánssyni og lenti á háu höfði
Guðmundar Jóhannssonar sem
skallaði hárfínt í vinstra hornið
fjær. Vel gert. Á næstu mínútum
áttu okkar menn nokkrar góðar
sóknir. Þannig átti Krissi lang-
skot sem markmaðurinn hélt
ekki, en rétt náði að góma knött-
inn áður en hann fór innfyrir.
En Skallagrímsmenn sóttu líka
og á 38.mín. uppskáru þeir laun
erfiðisins með fallegu marki eftir
að vörn ÍBÍ hafði brugðist.
ísfirðingar komu einbeittir til
leiks í seinni hálfleik, börðust þá
mun betur og náðu yfirhöndinni
í leiknum. Á 4. mín.átti Guð-
mundur Magnússon skot á mark-
ið sem markmaðurinn hélt ekki.
Guðmundur fylgdi vel á eftir og
negldi boltann inn, 2:1. Guð-
mundur skoraði svo sitt annað
mark á 35 mínútu þegar hann
fékk sendingu innfyrir og skoraði
með viðstöðulausu skoti. Fjórða
markið skoraði Guðmundur Jó-
hannsson stuttu seinna með
skalla. Skallagrímsmenn áttu
síðan síðasta orðið í leiknum,
4:2.