Vestfirska fréttablaðið - 02.08.1984, Blaðsíða 4

4
Póstur og sími
-Jjggsg-
Laust starf
Staða póstafgreiðslumanns er laus til um-
sóknar. Umsóknarfrestur er til 12. ágúst.
Upplýsingar veitir stöðvarstjóri.
PÓSTUR OG SÍMI
Laus staða
Á Skattstofu Vestfjarða er laus til umsóknar
ein staða fulltrúa til starfa við skatteftirlit.
Nauðsynlegt er að umsækjendur séu endur-
skoðendur eða hafi lokið prófi í lögfræði, hag-
fræði eða viðskiptafræði, eða hafi staðgóða
þekkingu á bókhaldi og skattskilum.
Umsóknir, ásamt upplýsingum um aldur,
menntun og fyrri störf, sendist fjármálaráðu-
neytinu fyrir 10. ágúst n.k.
Fjármálaráðuneytið
10. júlí 1984
Héraðsskólinn að Núpi
Skólaárið 1984 — 1985 bjóðum við upp á
fornám eða hægferð í fjórum námsgreinum:
íslensku, ensku, dönsku og stærðfræði.
Hafið sambandi í síma 94-8236 eða 8235.
Skólastjóri
Héraðsskólinn að Núpi
Bjóðum upp á 8. og 9. bekk grunnskóla
ásamt tveimur árum á viðskipta-, íþrótta-,
uppeldis- og almennri bóknámsbraut. Braut-
ir þessar eru í samræmi við námsvísi sem
eftirtaldir skólar eru aðiljar að:
Fjölbrautarskólinn á Akranesi, Fjöibrautar-
skóli Suðurnesja, Flensborgarskólinn í
Hafnarfirði, Framhaldsskólar á Austurlandi,
Fjölbrautarskóli Suðurlands á Selfossi,
Framhaldsskólinn í Vestmannaeyjum.
Getum enn bætt við nemendum.
Upplýsingar í síma 94-8236 eða 8235.
Skólastjóri
Vestfirðingar
Ferðafólk
★Djúpmannabúð býður ykkur velkomin í ísa-
fjarðardjúp. ★Njótið veitinga í fögru umhverfi.
★Söluskálinn okkar er í Mjóafirði.
Djúpmannabúð, ísafjarðardjúpi
íbúð óskast á leigu
Viljum taka á leigu 3ja herbergja íbúð á eyrinni
eða ofan við hana.
Upplýsingar gefur Yngvi Kjartansson á skrif-
stofu Vestfirska freftablaðsins í síma 4011.
vestfirska
FRETTABLADID
/ þessu húsi er Iðnskólinn á Isafirði. Húsið er gamalt frystihús.
Margt bendir nú til þess að iðnfræðsla á Vest-
fjörðum standi á krossgötum. Tækniframfarir
hafa verið örar síðustu ár, en það er mál
manna að Iðnskólinn á ísafirði hafi ekki fylgt
tímanum. Víst er að hann býr við nöturlegar
aðstæður og ónógan tækjakost, einmitt á þeim
tíma sem auknar kröfur eru gerðar til iðnskóla
í landinu, m.a. í formi kostnaðarsamra verk-
námsdeilda. Vestfirska fór á stúfana og ræddi
við nokkra menn um þessi mál.
IÐNSKÓLI í FRYSTIHÚSI
„Iðnskólar skulu vera einn í
hverju kjördæmi landsins, auk
þeirra er nú eru. svo og starfandi
skólar með minnst 60 nemend-
um, er lög þessi taka gildi,“ segir
í lögum um iðnfræðslu frá 1972.
í Vestfjarðakjördæmi eru þó
tveir iðnskólar, á ísafirði og
Patreksfirði, og hafði sá síðar-
nefndi aðeins 10 nemendur s.l.
vetur. Á fsafirði voru þeir um 90
og voru þeir víðsvegar af Vest-
fjörðum.
En hvernig er búið að þessum
skólum? Patreksfjarðarskólinn
hefur aðsetur í einbýlishúsi, sem
að sögn skólastjórans, Hilmars
Árnasonar, er mjög þröngt.
Skólanum er þó ætlaður staður í
nvrri grunnskólabyggingu þar í
bæ.
Iðnskólinn á ísafirði er til
húsa í gömlu frvstihúsi, ísfirð-
ingi. Húsnæðið er bæði þröngt
og óvistlegt og hefur að sögn
hrakað með árunum vegna
skorts á viðhaldi. Jón Ingi Har-
aldsson, skólastjóri, telur þenn-
an aðbúnað bitna á skólanum:
„Ef við setjum upp tvo iðnskóla
hlið við hlið, annan í frystihúsi
en hinn í húsnæði eins og því
sem menntaskólinn er í, þá
hugsa ég að fleiri mundu fara í
menntaskólann, bara útá
húsnæðið.“ — Jón telur að
margir nemendur sæki nám
annars staðar sökum þess að
flestir aðrir skólar á sama sviði
geti boðið upp á betri námsað-
stöðu.
VANTAR 5,5 MILLJÓNIR
í fjárhagsáætlun sem Jón Ingi
hefur tekið saman fyrir
menntamálaráðuneytið telst
honum til að um 5.5 milljónum
króna þyrfti að verja til endur-
nýjunar og kaupa á nýjum
búnaði á árinu 1985 ef vel ætti
að vera. Jón viðurkennir þó að
ekki bráðliggi á öllu því sem
hann telur upp.
I skýrslu sinni til ráuneytisins
gefur Jón Ingi ófagra lýsingu á
aðbúnaði skólans. Þar segir
m.a. um Vélskóladeildina:
„Vélasalur Vélskólans er nú
mjög illa búinn hvað búnað
varðar sem nota má til kennslu.
Sú aðalvél sem nú gegnir hlut-
verki aðalkennsluvélar er frá
árinu 1957 og er hún fengin
gefins úr skipi. Blokk vélarinnar
er sprungin og lekur hún bæði
olíu og vatni.“ Þá segir að
handverkfæri til smíðakennslu
séu mjög bágborin og t.d. allar
þjalir ónýtar.
Um verklega kennslu í eðlis-
og efnafræði segir m.a.: „Bún-
aður til þessarar kennslu er í
mikilli niðurníðslu enda hefur
hann ekki verið notaður að
neinu marki síðustu árin. Á-
stæðan er plássleysi. Til þessar-
ar kennslu er ætluð stofa, sem er
3.5 x 4.6 m og er hún í miðju
húsi og án loftræstingar þannig
að varla er boðlegt."
Ennfremur kemur fram hjá
Jóni að skólinn er algjörlega
vanbúinn hvað tölvuvæðingu
snertir, en tölvufræði er nú
þegar á námsskrá allra þeirra
skóla sem Iðnskólinn hýsir.
Farið hefur verið fram á að fá
tölvubúnað fyrir 12 nemendur
en skólinn getur „sætt sig við
búnað fyrir 6 nemendur sem
bráðabirgðalausn.“
Vinnuaðstaða fyrir kennara
er engin í skólanum. „Húsnæði
skólans er þegar of lítið.“
Bærinn ver um 1,4 m. kr. til
reksturs skólans í ár. Til við-
halds húss fara 260 þús„ til við-
halds kennslutækja og búnaðar
20 þús. Gjaldfærð fjárfesting
vegna kaupa á tækjum er 150
þús.
BITNAR Á NEMENDUM
En bitnar aðstöðuleysi skól-
ans á nemendum?
„Það bitnar náttúrulega alltaf
á nemendum að einhverju leyti,
en það fer mikið eftir því
hvernig nemendum og kennur-
um tekst að vinna úr hlutunum.
Lélegur tækjakostur bitnar
mest á þeim sem þurfa mest á
honum að halda," sagði Jón
Ingi í samtali við Vf.
„Já, það er ekki nokkur vafi,“
sagði Einar Hreinsson, formað-
ur skólanefndar Iðnskólans.
„Það gengur náttúrulega ekki
að skólinn eigi ekki tæki sem
nemendurnir koma síðan til
með að vinna við.“
Óskar Eggertsson, skóla-
nefndarmaður og fram-
kvæmdastjóri Pólsins, var
spurður hvort aðstöðuleysi
skólans væri farið að koma nið-
ur á fyrirtækjum. „Það tekur
nokkur ár að finna það út í fyr-
irtækin, en eins og ástandið er
núna, þá kemur það fram eftir
u.þ.b. 2 — 3 ár. Það segi ég al-
veg hiklaust.“ — Óskar taldi
skólann ekki í stakk búinn að
sinna því sem honum væri ætl-
að. Einar Hreinsson tók undir
það. Út á skólahaldið sjálft og
kennslukraftana höfðu þeir aft-
urámóti ekkert að setja, töldu
skólann vel settan hvað það
snerti.
Svo virðist sem nemendur í
sumum greinum hafi þó staðið
sig með prýði í framhaldsnámi.
„Við stóðum mjög vel að vígi,"
sagði Guðmundur Högnason.
tæknifræðingur, en hann tók
undirbúnings- og raungreina-
deild hér og hélt síðan til Dan-
merkur. „Við vorum alveg í
toppi rniðað við Danina." — í
öðrum greinum hafa menn svo
aftur staðið verr að vígi. eins og
síðar verður vikið að.
PENINGALEYSI — ÚRRÆÐI
„Ríki og sveitarfélag tíma
ekki að reka skólann eins og
sagt er fyrir um í námsskrá og
lögum,“ sagði Einar Hreinsson.
Rekstrarkostnað sagði hann
deilast þannig að ríkið borgaði
öll laun, en annar kostnaður
skiptist til helminga, þannig að
því meira sem gert er fyrir skól-
ann. þeirn mun meira þarf bæj-
arsjóður að punga út. Kannski
næg ástæða til að halda að sér
höndum.
„Þetta er hreinlega spurning
um fjárveitingar
bæjarfélagsins," sagði Stefán
Stefánsson, námsskrárgerðar-
fulltrúi hjá iðnfræðsluráði í
samtali við blm. Stefán benti á
að hinar auknu kröfur um
verknámsdeildir, sem eru mjög
dýrar, gerðu það að verkum að
eitt bæjarfélag gæti einfaldlega
ekki staðið undir rekstrinum.
Hann benti í því sambandi á
það samstarf sem sveitarfélögin
á Austurlandi hafa tekið upp
um rekstur iðnskóla. „Ég veit að
bæði iðnfræðsluráð og ráðu-
neytið hafa yfirleitt tekið því
mjög vel þegar það hafa komið
beiðnir utan af landi. en það
hefur alltaf sín áhrif ef heima-
menn eru ekki samstæðir. Það
er miklu áhrifaríkara að fá til-
mæli frá 10 sveitarfélögum
heldur en einu, eða að fá jafnvel
engin tilmæli frá þessu eina,"
sagði Stefán. „Það virðist vanta
frumkvæði þarna."