Vestfirska fréttablaðið - 16.08.1984, Qupperneq 2
vesttirska
rRETTABlADlD
38. tbl. 10.árg. 16. ágúst 1984. Vestfirskafréttablaðiðkemurútáfimmtudögumkl. 17:30. Ritstjórnarskrifstofaog auglýsingamóttakaað Hafnarstræti
14 er opin virka daga kl. 10:00 til 12:00 og 13:00 til 17:00 og sunnudaga kl. 13:00 til 17:00. Síminn er 4011. Blaðamaður Yngvi Kjartansson.
Fjármál og dreifing: Guðrún Halldórsdóttir. Auglýsingaro.fl. Rúnar Þórisson. Útgefandi og ábyrgðarmaður: Árni Sigurðsson, Fagraholti 12, fsafirði,
sími 3100. Prentun: Prentstofan ísrún hf. ísafirði. Verð í lausasölu kr. 25,00. Auglýsingaverð 130,00 dcm. Áskriftarverð er lausasöluverð reiknað
eftirá, gjalddagar hálfsárslega.
Ritstjórn á fimmtudegi
I vesttirska I
FRETTASLASID
Landsbyggðin
illa leikin
Aðgerðir ríkisstjórnarinnar til
bjargar sjávarútveginum og fisk-
vinnslunni eru því miður alls ó-
fullnægjandi. Forstöðumenn
fyrirtækja í þessum greinum
virðast sammála um að áhrif
þeirra verði aðeins til þess að
gera fyrirtækjunum kleift að bera
rekstrartap eitthvað lengur en
ella hefði orðið, en um batnandi
afkomu verði ekki að ræða.
Allir hugsandi menn hljóta að
hafa þungar áhyggjur af
framtíð þessara frumfram-
leiðslugreina, sem eru burðarás
gjaldeyrisöflunar landsmanna
og það sem allt atvinnulíf i sjáv-
arplássunum umhverfis landið
snýst um.
Utgerð og fiskvinnsla eru með
þessum hagstjórnaraðgerðum
þvingaðar til þess að halda niðri
vinnulaunum fólksins og tapa
eignum sínum í vonlausum
rekstri. Forystumenn stjórnar-
flokkanna virðast láta sér þetta
vel líka, á meðan viðskipti og
þjónusta á Stór-Reykjavíkur-
svæðinu blómgast í skjóli þess
arðráns, sem felst í því, að gjald-
eyrisdeildir bankanna selja inn-
flutningsfyrirtækjunum og ríkis-
sjóði aflafé frumframleiðslu-
greinanna á útsöluverði.
Kostnaður veiða og vinnslu
við að framleiða verðmæti hvers
Bandaríkjadollars er nú talinn
nema um það bil 40 krónum.
Kostnaður við að framleiða fyrir
andvirði sterlingspunds er
eitthvað nærri 50 krónum. Þetta
eru að sjálfsögðu ekki nákvæm-
ar tölur, en sýna þó nógu skýrt
hvert sú ríkisstjórn stefnir, sem
síðan lætur framleiðendur skila
sínu aflafé til gjaldeyrisdeilda
bankanna á verði, sem gerir
þeim kleift að selja gjaldeyrinn
aftur innflytjendum með hagnaði
á 30 krónur dollarann og 40 krón-
ur sterlingspundið. Þarna er svo
sannarlega verið að reiða öxina
að hálsi gæsarinnar, sem verpir
gullegginu.
Því hefur verið haldið fram, að
kostnaðurinn við framleiðsluna
sé svona hár, vegna þess að
mörg fyrirtæki í þessum grein-
um séu illa rekin og að sjálfsagt
sé að láta „skussana" fara á
hausinn. Slík ummæli eru glam-
ur eitt. Þeir eru að vísu til, sem er
vorkunn að slíku bulli, af því að
þeir vita ekki betur. En því miður
hafa menn, sem eiga að bera
ábyrgð, sem stjórnmálamenn og
leiðtogar einnig látið sér svipað
um munn fara, þegar vitað er að
vel rekin fyrirtæki, sem standa á
gömlum merg halda sér á floti
með því að ganga á eignir sínar
og neyðast til þess að halda
launum starfsfólks síns í lág-
marki vitandi þó um verulegt
launaskrið í opinbera geiranum
og í verslunar- og þjónustu-
greinum á höfuðborgarsvæð-
inu.
Það er furðuleg dirfska að
leyfa sér að fylgja þeirri stefnu
að arðræna gróin útgerðar- og
fiskvinnslufyrirtæki og starfs-
fólk þeirra vítt og breitt um land-
ið til þess að halda uppi fölskum
iífskjörum á Suð-vestur horninu.
Það er arðrán og ekkert annað,
að skylda útflutningsgreinarnar
til þess að selja sitt aflafé í er-
lendum gjaldeyri langt undir
kostnaðarverði, til þess, meðal
annars, að fólk með vinnukonu-
útsvör geti keypt sér lóðir í Stiga-
hlíðinni fyrir sexfaldar meðal
árstekjur.
Sumstaðar við sjávarsíðuna
hafa menn velviljaðir ríkisstjórn-
inni bent á að aðgerðir hennar
stefni í rétta átt, þótt stutt dragi.
Það er góðra gjalda vert, að vera
trúr sínum flokki og þeirri stjórn,
sem hann stendur að. En við
skulum ekki gleyma því, að okk-
ar trúnaður á að vera við fólkið í
sjávarplássunum, við frumherj-
ana í atvinnurekstrinum og
þeirra starf, sem nú er stefnt í
voða með stjórnunaraðgerðum,
sem ganga þvert á hagsmuni
þjóðarinnar.
Ríkisstjórnin og þeir flokkar,
sem að henni standa eru að
bregðast trausti stuðnings-
manna sinna á landsbyggðinni.
Þeir eru að vega að lífskjörum
fólksins í sjávarplássunum. Þeir
eru að ganga þvert á hagsmuni
þeirra, sem farið hafa fremstir í
flokki við uppbyggingu fiskveiða
og fiskvinnslu og eru margir
meðal traustustu stuðnings-
manna þessara flokka.
Ráðherrar og forystumenn
Sjálfstæðisflokksins sérstak-
lega ættu að hyggja að því að
þeir eru komnir þar sem þeir eru,
meðal annars fyrir traust þessa
fólks. Þeir virðast hafa gleymt
kjörorðinu stétt með stétt, sem
einn af allra mikilhæfustu leið-
togum flokksins hafði ávallt að
leiðarljósi, en kjósa heldur að
fara þá leið að mergsjúga frum-
greinar í sjávarútvegi til fram-
dráttar verslunar- og þjónustu-
greinum á Stór-Reykjavíkur-
svæðinu.
Lesendur hafa orðið
Semjið ekki Vestfirði í eyði
Smáauglýsingar
Hér á Vestfjörðum standa nú
fyrir dyrum samningar um launa-
kjör verkafólks. Forsvarsmenn
verkafólks og atvinnurekendur
leita svara við einum stærsta
þætti þeirrar spurningar hvort
hér á að vera áframhaldandi
byggð eða ekki. Það getur eng-
inn efast um að laun í sjávarút-
vegi og fiskvinnslu skipta sköp-
um um hvort fólk vill eiga hér
heima. Það má heldur engum
Vestfirðingi blandast um það
hugur að það er rangt að borga
lægstu launin fyrir þau störf
semn eru þessari þjóð mikilvæg-
ust. Ég vona að vestfirskir at-
vinnurekendur beri gæfu til að
skilja að með óraunhæfri lág-
launastefnu munu þeir aðeins
kippa fótunum undan eigin
framtíð og flýta þeirri óheillaþró-
un sem hér hefur orðið á síðustu
áratugum.
Ég veit að atvinnurekendur í
frumatvinnuvegum þjóðarinnar
búa ekki við of góð skilyrði. Þeir
hafa orðið undir í baráttunni við
blind peninga- og kerfisöfl þessa
þjóðfélags. En þeim hefur líka
láðst að leita sér samherja á
réttum stöðum. Þeir geta ekki
búist við að atvinnugrein þeirra
sé mikils metin meðan launafólk
þeirra fær sultarlaun. Þeir verða
að gera sér grein fyrir því að þeir
eiga meiri samleið með launþeg-
um sínum en töframönnum höf-
uðborgarsvæðisins sem sumir
hverjir byggja hallir yfir vanskila-
fé við sjávarútveginn ög leyfa sér
svo að halda því fram að það hafi
orðið til í hirslum þeirra.
Ef vestfirskum atvinnurekend-
um auðnast að meta störf laun-
þega sinna að verðleikum og
greiða þeim laun í samræmi við
það, þurfa þeir ekki að efast um
að þeir eigi samherja í baráttunni
við braskliðið og sérfræðinga-
veldi höfuðborgarinnar sem tek-
ist hefur að gera veg frumat-
vinnuveganna jafn auman og
orðinn er. En haldi þeir áfram að
leita sér vina í hópi þeirra sem
hirt hafa af þeim gjaldeyrinn fyrir
spottprís og sogið frá þeim fjár-
magn með allslags bellibrögðum
þá er voðinn vís ekki bara fyrir
Vestfirði heldur alla þjóðina.
Vestfirskir athafnamenn verða
að hafna því mannfjandsamlega
siðgæði sem bannar að laun taki
mið af þörfum þeirra sem þiggja
þau en lætur verðgildi fjármagns
breytast eftir óskum þeirra sem
eru skráðir eigendur þess.
Vestfirskir athafnamenn verða
að skilja að framtíð Vestfjarða
veltur á réttu mati raunverulegra
verðmæta í þjóðfélaginu, þeir
ættu líka að sjá að stjórnmála-
mennirnir bjarga engu enda eru
þeir flæktir í blekkinganet brask-
ara og sérfræðinga og losna ekki
þaðan nema þeim sé hjálpað.
Ég skora á Vestfirska athafna-
menn að láta ekki samningsrétt
sinn í hendur óábyrgra aðila á
höfuðborgarsvæðinu sem munu
leggja allt kapp á að viðhalda
blekkingunni.
Ég skora á vestfirska atvinnu-
rekendur og vestfirska verka-
lýðsforystu að semja nú þegar
um mannsæmandi laun fyrir
verkafólk á Vestfjörðum og snúa
sérsvoaðþvíísameiningu vinna
Vestfjörðum og þeim atvinnu-
vegum sem Vestfirðingar stunda
verðugan sess í íslensku þjóðfé-
lagi.
Verið framsýnir, semjið ekki
Vestfirði í eyði.
Sveinbjörn Jónsson
Súgandafirði.
AA FUNDIR
Kl. 21:00 á þriðjudagskvöld-
um og kl. 11:00 á sunnu-
dögum að Aðalstræti 42,
Hæstakaupstaðarhúsinu.
Sími 3411.
AA deildin.
AL ANON
fyrir aðstandendur fólks,
sem á við áfengisvandamál
að stríða, eru kl. 21:00 á
mánudagskvöldum að Aðal-
stræti 42, Hæstakaupstaðar-
húsinu.
Upplýsingar veittar í síma 3411
á sama tíma.
BAHÁ’TRÚIN
Upplýsingar um Bahá’itrúna
eru sendar skriflega, ef ósk-
að er. Utanáskrift: Pósthólf
172,400 ísafjörður. Opið hús
að Sundstræti 14, sími 4071
öll fimmtudagskvöld frá kl.
21:00 til 23:0.
TIL SÖLU
nýlegt borðstofuborð og sex
stólar.
Upplýsingar í síma 3026, Ás-
gerður.
TIL SÖLU
Elektrolux frystikista, nýlegt
einbreitt fururúm m/nátt-
borði og borðstofuborð með
6 stólum.
Upplýsingar í síma 3616 eða
4390 eftir kl. 7 á kvöldin.
HÚSNÆÐI ÓSKAST
Til leigu fyrir starfsfólk
Bræðratungu — þjálfunar-
og þjónustumiðstöð fatlaðra.
Nánari upplýsingar veittar í
síma 3290 og 3224.
ATHUGIÐ
Að gefnu tilefni er óviðkom-
andi stranglega bönnuð öll
selveiði í landareign Reykja-
fjarðar og Þaralátursfjarðar í
Grunnavíkurhreppi
Landeigendur
M.B. ALLI
Til sölu tæplega 2ja tonna
plasttrilla með dýptarmæli, 2
handrúllum og vagni.
Upplýsingar í síma 7405