Vestfirska fréttablaðið - 18.10.1984, Blaðsíða 9
vestfirska
rRETTABLAOIS
Æfingar hafnar hjá Sunddeild
Yestfirska fréttablaðið hafði
samband við Fylki Agústsson,
og spurði hann út í vetrarstarf
Sunddeildar Vestra.
Æfingar hófust hjá Sund-
deildinni þann 1. septembers.l.
Ekki hefur gengið nógu vel að
fá tíma í Sundhöllinni fyrir
sundliðið og gæti það orðið til
þess að loka þyrfti æfingahópn-
um. Helst þarf að fá þrjá lok-
aða tíma á viku, ef það tekst
ekki gæti það orðið þess vald-
andi að eyða myndaðist í kepp-
nislið ísfirðinga. Það sem helst
er á döfinni nú er bikarkeppnin
sem verður 3. nóvember. Af
mótum hér heima er það að Frá
Vestra
sundmóti í Sundhöllinni á ísafirði.
segja að eitt mót verður fyrir
áramót og er það Kiwanismót-
ið. Krakkarnir hafa nú fengið
aðstöðu til þrekþjálfunar í
kjallara Sundhallarinnar. Þar
hafa þau sjálf unnið mikið starf
og m.a. málað húsnæðið.
Næsta sumar hyggja sundmenn
svo á Danmerkurferð. Ætla
þau að fara á vinabæjamót í
Roskilde, vinabæ ísafjarðar. í
fjáröflunarskyni hafa krakk-
arnir verið að dreifa húsdýraá-
burði fyrir ísafjarðarkaupstað
að undanförnu. En líklega þarf
almenningur að bíða eftir þess-
ari þjónustu til vorsins vegna
veðráttu.
Sr. Jón Ragnarsson, Bolungarvík:
Radarstöð?
Síðastliðið ár hefur annað
slagið verið minnst á hugsanlega
byggingu ratsjárstöðvar ein-
hvers staðar á Vestfjörðum.
Mælingar voru gerðar á Stigahlíð
í ágúst og nú hefur bæjarstjórnin
í Bolungarvík veitt samþykki sitt
til ýtarlegri rannsókna, að beiðni
Varnarmáladeildar. Málið er
þannig formlega „orðið til,“ og
hægt að tala um það upphátt.
Bygging slíkrar stöðvar, ef af
henni verður, hefur fjölþætt áhrif
í fámennu byggðarlagi og veldur
ýmsum breytingum* Sumum
tímabundnum, en öðrum til
langframa. Atvinna verður
sennilega ekki mjög mikil, þó að
verkefnalitlir byggingamenn fái
eitthvað fyrir sig og einhver
tækjavinna gefist við vegargerð,
raf- og vatnsveitu. Annan vinnu-
kraft þyrfti að sækja til sjávarút-
vegsins, eða flytja hann að. Fólk,
sem kemur þannig í vinnu í stutt-
an tíma, kemur með hugarfari
gullgrafarans. Það á sína stað-
festu annarsstaðar og hefur
engar skyldur við byggðarlagið.
Gildir einu hvort það kemur
beinlínis vegna framkvæmdar-
innar, eða til að fylla í skörðin við
fiskvinnsluna. Stöðvarbygging
er því tímabundið verkefni. Lík-
legt til að valda þenslu skamma
hríð, en leggja annars lítið til að
treysta byggðina, jafnvel þó að
tæknimenn við hana yrðu ís-
lenskir, sem reyndar er óstað-
fest.
Engin dul hefurverið dregin á
það, að slík stöð yrði fyrst og
fremst hernaðarmannvirki, enda
trúlega ekki hlutverk Mann-
virkjasjóðs Nató að fjármagna
borgaralega strandgæslu og
flugumferðarstjórn aðildarríkj-
anna. Orð, sem fallið hafa um
mikilvægi svona stöðvar fyrir ör-
yggi í lofti og á sjó, virðast því
vera „viðbit“ sem látið er fljóta
með, svo að það harðæti sem
hernaðarmál eru verði fólki
munntamara.
Það skal ekki þrætt fyrir það,
að aðrar flugvélar sjáist í slfkri
ratsjá, en þær sem koma norðan
yfir haf í vígahug. Hún hlýtur
einnig að greina flugvélar, sem
koma sunnan, vestan og austan
að og getur vafalítið notast til að
leiðbeina þeim. Sennilega má
líka nota hana við leiðsögn stýri-
flauga, sem skotið er frá skipum,
eða sleppt á annan hátt innan
sjónsviðs hennar. Margar flug-
vélar fara hér hjá landinu með
kjarnavopn innanborðs og stýri-
flaugar eru ætlaðar til að bera
þau, svo að ekki er hægt að
sverja fyrir tengsl ratsjárstöðvar
á Vestfjörðum við kjarnorkuvíg-
búnað.
Ratsjáreftirlit er þegar umtals-
vert. Auk stöðva á jörðu niðri,
sem skyggna vel rúmlega ís-
lenska lofthelgi, eru stöðugt
flogin eftirlitsflug með AWACS-
vélum, sem skyggna rúmlega
sjónsvið jarðstöðvanna, þar að
auki hafa risaveldin komið upp
ratsjám í geimnum, sem eru
býsna glöggar, ef marka má
fréttir.
Fiskiskip eru yfirleitt vel búin
öryggis- og staðsetningartækj-
um og umtalsvert, gagnkvæmt
öryggi hlýtur að felast í því ef
skipstjórnarmenn verða að nota
ratsjár til að fylgjast hver með
öðrum, þar sem þeir veiða margir
á sömu slóð.
Það hefur verið fullyrt, að
meirihluti Bolvíkinga sé fylgjandi
byggingu ratsjárstöðvar innan
bæjarmarka. Opinber könnun á
afstöðu almennings hefur þó
ekki verið gerð, og er spurning-
unni því ósvarað. Svör fara hins
vegar alltaf eftir því, hvernig
spurt er.
Setjum svo, að Bolvíkingar
yrðu spurðir, hvort þeir vildu rat-
sjárstöð til hernaðarþarfa, þá ef-
astég um meirihlutastuðninginn.
Yrði á hinn bóginn spurt, hvort
þeir vildu tekjudrjúga vinnu-
skorpu, gæti annað orðið uppi á
teningnum.
En þó að töluvert af feitu keti
sé kannski að naga af þessu
skammrifi, þá uggir margan, að
því fylgi böggull, — og kannski
fleiri en einn. Stöð sem einu sinni
er komin, er ekki farin, og búa má
til, með aðstoð fjölmiðla „við-
sjárvert alþjóðaástand" sem
réttlætir stækkun hennar og
breytingar, og stöðuga endur-
nýjun. — Þetta kann að virðast
langsótt, en þannig gerast kaup-
in á þessari eyri. — Almennings-
álit er skapað með fréttaflutningi.
Skoðanamyndun er stýrt af öfl-
ugum fjölmiðlum. í okkar heims-
hluta (og í tengslum við um-
ræðuefnið) er þetta gert með
þáttum, greinum og innskots-
fréttum af vígabrölti Rússa og
þeirra nóta. — ( A-Evrópu og
Sovét með hliðstæðum ógnar-
fréttum af brandaskaki USA og
Nató. Þetta eru Rússa- og Kana-
grýlurnar, sem báðar eru raun-
verulegar, meðan kjarnorkuógn-
in varir, en engu að síður magn-
aðar töluvert upp til að viðhalda
ugg í brjósti alþýðu, svo að hún
láti betur stjórnast. Almenningur
á því erfitt með að mynda sér
hlutlæga skoðun, þó að okkar
aðstaða eigi að heita betri, vegna
greiðari aðgangs að upplýsing-
um. En þær eru jú einu sinni for-
sendur lýðræðis.
Vissulega er það siðferðislega
umdeilanlegt að sækjast eftir
hernaðarframkvæmdum heim til
sín, til að græða á þeim. Það er
samt ekki bannað í frjálsu þjóð-
félagi. En þess verðurað krefjast
af þeim, sem það gera, að þeir
viðurkenni gróðalöngun sína og
dylji ekki kjarna málsins í óstað-
festum flugufregnum af öryggis-
tækjum og samgöngubótum.
Það er og viðbúið, að til að slík
stöð komi flugumferð og sæfar-
endum að gagni, þurfi dýran
sérbúnað (jafnvel sérstaka stöð)
sem verði settur upp ,,síðar“ og
þetta ,,síðar“ ákvarðist af mildi
fjárveitingavalds; fslensks, eða
erlends. Alþingi hefur a.m.k. ekki
ausið fé til þessara mála undan-
farin ár, og vafasamt að Nató telji
það í sínum verkahring.
Sovétmenn eru engir aular í
njósnum og upplýsingaöflun (þó
að þeir séu ekki að flíka upplýs-
ingum við sitt heimafólk) og trú-
lega vita herfræðingar þeirra
meira í dag um eðli, tilgang og
möguleika óbyggðrar ratsjár-
stöðvar á Stigahlíð, heldur en
Bolvíkingar sjálfir.
Flestir íslendingar umbera að-
ild Islands að Nató, vegna sögu-
legrar, menningarlegrar og hag-
rænnar samstöðu með vestræn-
um þjóðum, og raunverulegrar
Rússagrýlu. — En sú aðild þýöir
ekki að við höfum afsalað okkur
fullveldi, eða rétti til að vega og
meta sjálf, hvort og hvenær her-
búnaði er komið fyrir í landinu.
Við erum heldur ekki skyldug að
láta undan, þegar harðast er
þrýst á að auka við hann; Og
meðan við sjáum ekki nauðsyn á
þeirri viðbót, sem ný ratsjárstöð
óneitanlega er, þá samþykkjum
við hana ekki. Að hafna viðbót er
ekki afvopnun, enda er einhliða
afvopnun ekki raunhæf. Þetta er
okkar tækifæri til að segja stopp.
Lýðræði verður aldrei tryggt
með hertólum einum, heldur
fyrst og fremst með því að nota
það frelsi sem í því býr, til að
ræða málin. Opinskátt og af
hreinskilni. Án taugatitrings og
illinda. Umfram allt með rósemi
hugans. Hvort niðurstaða þeirrar
umræðu verður ratsjárstöð í vil,
eða ekki, skal ekki sagt. Niður-
staða fæst hins vegar ekki með
því að þegja. Þögnin veldur tor-
tryggni um hluti, sem allir eru
með ofarlega í huga og geta
orðið afdrifaríkir fyrir framtíð
verstöðvarinnar í Bolungarvík.
Bolungarvík í september 1984
Jón Ragnarsson
FASTEIGNA-
VIÐSKIPTI
ÍSAFJÖRÐUR:
Óskum eftir íbúðum í sölu,
af öllum stærðum og
gerðum. Mikil eftirspurn.
2 herb. íbúðir
Túngata 3, 5 ferm. íbúð í
kjallara í fjórbýlishúsi.
3 herb. íbúðir:
Fjarðarstræti 59, 100 ferm.
3 — 4 herb. íbúð á 2. hæð í
fjölbýlishúsi.
Stórholt 13, 75 ferm. ný,
fullfrágengin íbúð á 3. hæð
í fjölbýlishúsi.
Mjallargata 6, rúmlega 100
ferm. ibúð í fjölbýlishúsi,
ásamt lóð.
Einbýlishús/Raðhús
Seljalandsvegur 84a, 3
herb. eldra einbýlishús með
lóð.
Stekkjargata 40, eldra ein-
býlishús úr timbri, forskalað,
á tveimur hæðum.
Smiðjugata 2, 6 herb. ein-
býlishús ágóðum stað. Upp-
byggt frá grunni. Stór lóð.
Árholt 13, 140 ferm. nýtt
einbýlishús úr timbri, ófrá-
gengið að hluta.
Hlíðarvegur 26a, 140 ferm
einbýlishús, uppbyggt frá
grunni með góðri lóð. Ófrá-
gengið að hluta.
Hafraholt 18, Nýtt raðhús á
tveimur hæðum. Frágengið
að mestu leyti.
Hlíðarvegur 39, 3x60 ferm.
raðhús, í góðu standi, með
bílskúr og ræktaðri lóð.
BOLUNGARVÍK:
Stigahlíð 4, 2 herb. íbúð á
3. hæð í fjölbýlishúsi.
Holtabrún 16, 3 herb. íbúð
í fjölbýlishúsi.
Holtabrún 14, 4 herb. íbúð
í fjölbýlishúsi. í sölu- og
leigu íbúðakerfi.
Traðarland 8, 5 herb. nýtt
einbýlishús, rúml. tilbúið
undir tréverk.
Vitastígur 8, 6 herb. einbýl-
ishús, vikurhlaðið.
Hafnargata 129, 120 ferm.
forskalað eldra einbýlishús,
nýlagt rafmagn, góð kjör.
Tryggvi
Guðmundsson
Hrannargötu 2,
ísafirði sími 3940
SIMINN
OKKAR
ER
4011
Sendu bænarskrá til ríkisstjórnar
Að morgni dags þann 1. okt-
óber s.I. afhentu þeir sr. Lárus Þ.
Guðmundsson og Heiðar Guð-
brandsson, Steingrími Her-
mannssyni svohljóðandi bæna-
skrá sem 83 nafngreindir Vest-
firðingar sendu ríkisstjórn Is-
lands.
Samviska okkar, sem ritum
nöfn okkar á þessa bænarskrá,.
neyðir okkur til að mótmæla
framkomnum hugmyndum um
byggingu ratsjárstöðvar á Vest-
fjörðum vegna þess m.a., að við
erum þeirrar skoðunar, að þær
auki á þá vígvæðingu þjóðanna,
sem stefnir jarðarbyggð í geig-
vænlega hættu.
Við álítum að voðinn felist
ekki einungis í beitingu víg-
búnaðarins, heldur ali tilvist
hans jafnframt á tortryggni, ótta
og hatri, og við óttumst að fjár-
festingar í umræddum stöðvum
hér á landi kalli á fjárfrekar
mótframkvæmdir annars stað-
ar. Slíka sjálfvirkni síaukins
vígbúnaðar ber að stöðva, því
verða góðviljaðir menn nú að
einsetja sér að snúa farnaði
veraldar af þessari óheillabraut.
Við getum heldur ekki varið
fyrir samvisku okkar, að frekara
fjármagni verði varið til víg-
búnaðar meðan sultur og van-
næringarsjúkdómar hrjá hálft
mannkynið.
Jafnframt óttumst við að
bygging þessarar umræddu
stöðvar geri heimabyggð okkar
að skotmarki í hugsanlegum
hernaðarátökum.
En hvað viðvíkur öryggi ís-
lenskra loft- og sæfarenda, sem
að hefur verið vikið í þessu
sambandi, þá teljum við að
okkur beri sjálfum skylda til að
tryggja Það-
Við berum því fram þá bæn
við ríkisstjórn íslands, að hún
leyfi ekki uppsetningu um-
ræddra ratsjárstöðva á Vest-
fjörðum eða annars staðar á
landinu.