Vestfirska fréttablaðið - 08.11.1984, Blaðsíða 10
Áhugamenn um myndlist
Stofna félag
— Rætt við Jón Sigurpálsson
Á ísafirði eru nokkrir áhuga-
menn um myndlist að fara að
stofna myndlistarfélag og mun
stofnfundurinn eiga að vera á
Hótel ísafirði n.k. sunnudag kl.
15:00.
Af þessu tilefni spurði Vf Jón
Sigurpálsson, sem er einn þess-
ara áhugamanna, um tildrög
stofnunarinnar og tilgang fé-
lagsins.
„Tildrögin eru fyrst og fremst
þau að það vantar svona félag á
Isafirði. Félagið mun einbeita
sér að því að koma hingað sýn-
ingum og finna húsnæði hér þar
sem hægt væri að sýna myndlist
og verður vonandi til þess að
einhverjar umræður skapist um
myndlist og þeir sem hafi áhuga
á að vinna að myndlist geti
frekar unnið að þeim áhuga-
málum sínum. Svona félags-
skapur skapar náttúrulega ó-
teljandi möguleika fyrir áhuga-
menn um myndlist, t.d. gæti
hann hjálpað mönnum að út-
vega efni, kannski á ódýrari hátt
en ella, eins að fá hingað fólk til
að ræða um myndlist og
myndlistarsögu.“
Er þetta félag fyrir „fag-
idíóta“?
„Nei, alls ekki. Þetta er félag
fyrir alla áhugamenn um
myndlist, þá eru „fagidíótar“
reyndar meðtaldir.“
Má e.t.v. vænta þess að til-
koma þessa félags stuðli að
aukinni myndlistarkennslu?
„Já, það leiðir af sjálfu sér að
ef þetta félag kemur til með að
starfa eitthvað, þá verður
aukning á myndlistarkennslu.“
Finnst þér myndlist vera ein-
hvers metin á ísafirði?
„Já, mér hefur fundist það.
Nú hefur Jóhann Hinriksson,
bókasafnsvörður, verið sérstak-
lega duglegur að fá hingað sýn-
ingar og reyndar er bókasafnið
eini staðurinn sem hefur hýst
sýningar.þrátt fyrir mikil þren-
gsli þar, einnig hefur Menning-
arráð fengið hingað einstaka
sýningu.
En hins vegar er þörf fyrir
svona sýningarsal þar sem stæði
stöðug kynning á myndlist.“
Leikfélag Flateyrar
Sýnir Blómarósir
— eftir Ólaf Hauk Símonarson
vestfirska li
tlilHfilfftV j
• hefur j
i heyrt i
®AÐ enn sem komið er hafi*
Jenginn sótt um stöðu starfs-J
jmanns við félagsmiðstöð fyrirj
lunglinga og eru krakkarnir án|
|efa orönir óþreyjufullir af aðl
Ibíða eftir að starfsemin kom-l
*ist á fullt skrið.
|AÐ veitingastaðurinn Dokkanj
imuni opna í fyrsta sinn á|
imorgun. |
|AÐ verkföllin hafi haft ýmsarl
lafleiðingar aðrar en þær seml
Jmest er talað um í fréttum. Ál
Jtímum fjölmiðlaleysis lifnarj
jyfir sölu á bókum og mynd-I
iböndum, svo dæmi séu|
Inefnd. Fólk dustar rykið af|
Igömlu plötunum sínum ogl
■dansar heima í stofu og fer*
Jjafnvel að tala saman. Nú, svoj
|er aldrei að vita nema l'slend-I
lingum fjölgi eitthvað meira en|
lannars hefði orðið, í kjölfarl
Iþessara verkfalla... I
I.....................J
Leikfélag Flateyrar frumsýn-
ir, laugardaginn 10. nóvember,
íslenskt leikrit eftir Ólaf Hauk
Símonarson og heitir verkið
Blómarósir. Leikstjóri er Jón
Júlíusson.
Leikritið gerist á íslandi og er
samtímaverk. Það er sprottið úr
jarðvegi sem margir þekkja og
vona aðstandendur verksins að
það vekji forvitni margra.
Það er fyrst og fremst ungt og
áhugasamt fólk sem stendur að
þessari uppsetningu, að sögn
Sigrúnar Gísladóttur á Flateyri,
og eru það um það bil 17 manns
sem standa að sýningunni, þar
af 13 leikarar.
Ætlunin er að fara með
verkið til Súgandafjarðar,
Þingeyrar, Bolungarvíkur og
ísafjarðar.
©
PÓLLINN HF
ísafirói
Sími3792
Sindair Spectrum tölvur
og nú fylgja
átta vinsæl
forrit
Verð kr. 6.500
vestfirska
I FRÉTTABLASIS á
0 f ERNIR P Símar 3698 og 3898 7 iSAnrtoi BÍLALEIGA
Hestamennska nýtur vaxandi vinsælda á ísafirði.
Hestamenn leggja reiðveg
— úr Hnífsdal að Brúarnesti
ísafjarðardeild Hestamanna-
félagsins Storms hyggst gera
reiðveg utan úr Hnífsdal og inn
fyrir ísafjörð.
Hestamenn hafa fengið leyfi
bæjaryfirvalda á ísafirði til að
gera veg frá Hnífsdal, fyrir ofan
Hnífsdalsveginn og áfram ofan
við byggð á ísafirði, allt inn að
fjárrétt við Seljalandsveg. Það-
an verður reiðvegurinn eftir
Seljalandsvegi inn að Brúar-
nesti.
Til þessa verks hafa hesta-
menn hlotið styrk af reiðvegafé
sem Alþingi úthlutar Lands-
sambandi íslenskra hesta-
mannafélaga. í samtali við Vf.
sagði Guðmundur Helgason.
múrarameistari og hestamaður,
að það væri mjög brýnt að fá
þennan veg til að hestamenn
geti komist úr Hnífsdal, án þess
að þurfa að ríða eftir akvegum,
sjálfum sér og öðrum til óþæg-
inda.
r---------------------------------------------------------------|
í aflafréttum síðasta blaðs
misritaðist aflatala hjá Gylli.
Það var sagt að hann hefði
verið með 28 tonn en hið rétta
er að hann var með rúm 56
tonn. Hér með er beðist vel-
virðingar á þessum mistökum.
Tíð hefur verið góð að und-
anförnu og allir fiskað vel, sér-
staklega á línubátunum og má
segja að það sé alls staðar
sama sagan, allir þeir sem Vf
spurði fregna sögðu að línu-
veiði væri nú sérstaklega góð.
Nú eru allir hættir á úthafs-
rækjuveiðum nema frystitogar-
arnir Sólrún og Hafþór. Rækju-
vinnslurnar fá því enga rækju
fyrr en innfjarðaveiðarnar hefj-
ast.
I_______________________________
BESSI er á veiöum.
GUÐBJARTUR landaði um 130
tonnum í gær. Megnið af því var
þorskur.
PÁLL PÁLSSON landaði 105
tonnum á laugardaginn.
JÚLÍUS GEIRMUNDSSON
landaði tæpum 200 tonnum á
þriðjudaginn. Mest af því var
þorskur.
GUÐBJÖRG er í slipp.
HEIÐRUN er á veiðum.
DAGRÚN kom inn í gær með
130 tonn af þorski og 40 tonn af
slógmeltu.
SÓLRÚN er á rækjuveiðum.
ELÍN ÞORBJARNARDÓTTIR
kom inn í gær með um 12 tonn.
GYLLIR landaði 136 tonnum af
þorski á mánudaginn.
SLÉTTANES landaði 110 tonn-
um af þorski í gær.
SÖLVI BJARNASON landaði
90 tonnum af þorski á mánu-
daginn.
TÁLKNFIRÐINGUR landaði 85
tonnum af þorski í gær.
SIGUREY er í slipp.
FRAMNES Ikom inn í morgun
úrsínum síðasta rækjutúr.
HAFÞÓR landaði 33 tonnum á
föstudaginn.
J
BÍLALEIGA
Nesvegi 5 — Súðavík — 94-6972-6932
Grensásvegi 77 — Reykjavik — 91-37688
Sendum bílinn
Opið allan sólarhringinn