Vestfirska fréttablaðið - 15.12.1984, Blaðsíða 31

vestfirska
vestfirska
FRETIABLADID
31
Nú mitt í jólaösinni hefur hljómsveitin Grafík
sett á markað sína þriðju LP plötu og ber hún
heitið „Get ég tekið cjéns?“
Áður hefur hljómsveitin gefið út plöturnar „Út
í kuldann“ og „Sýn“. Nýja platan mun að sögn
verða töluvert frábrugðin þeim plötum bæði
hvað efni og vinnslu varðar. V. f. hafði sam-
band við þá félaga dag nokkurn í s. 1. viku eftir
að þeir höfðu lokið við sjónvarpsupptökur fyrir
„Gluggann“ sem sýndur var á sunnudags-
kvöld. Við gefum strákunum orðið:
Grafík með nýja plötu:
Get ég tekið cjéns?
„Jú, það er rétt að þessi
plata er að mörgu leyti ólík
fyrri afurðum. Tónlistin er
öll orðin aðgengilegri. Við
stefnum að því í ríkara mæli
en áður að komast inn um
annað eyrað og út um hitt á
hinum almenna neytenda,
en tökum okkur ekki eins og
oft áður bólfestu inn á milli
eyrna. Það þýðir það, að við
höfum ýmsa hildi þurft að
há. Eins og allri vita er gamla
húsið okkar nú horfið og
lengi áttum við grafískir
sveinar erfitt um vik, því ekki
var í önnur hús að venda. En
eins og allir sem komast til
vits og þroska, þá lærðum
við okkar lexíu og öðluðumst
nóg sjálfstæði til að byggja
okkur eigið nýtt hús. Nú
hugsum við um það að fara
að rækta garðinn. Þess vegna
syngjum við á nýju plötunni
„MérTinnst rigningin góð.“
Þær viðtökur, sem þetta lag
hefur fengið fyrir vestan
a.m.k. gefur okkur von um
að við uppskerum eins og við
sáum.“
„Þetta er fyrsta plata okk-
ar þar sem öll lögin eru sam-
in sameiginlega af öllum
meðlimum sveitarinnar og
ætti það að skerpa karakter-
einkenni hennar. Hluti efn-
isins er saminn í fyrravetur
og var þá á tónleikapró-
grammi okkar. Reyndar átti
platan að vera miklu fyrr á
ferðinni og þá aðeins að
geyma 4 lög, en okkur uxu
lög um hrygg og við stækk-
uðum. Megnið af efninu er
því nýtt og það nýjasta varð
til í stúdíóinu.“
Grafík hefur alltaf gefið út
eigin plötur og er það trúlega
einsdæmi að íslensk hljóm-
sveit hafi sjálf gefið út svo
margar hljómplötur. Það er
mikil vinna og kostnaður
sem fylgir slíku?
„Já, en við höfum getað
fjármagnað þetta með því að
spila á dansleikjum, en ekki
með arði af þeirri vöru, sem
við framleiðum, eins og góðu
fyrirtæki sæmir. í raun er því
fyrst og fremst um áhuga og
hugsjón að ræða, þó að viss
fjárfesting felist í því að
vinna sér sess sem hljóm-
sveit. Nýja platan er sú lang-
dýrasta, sem við höfum ráð-
ist í og skilar það sér í betri
hljómgæðum en áður. Við
leyfðum okkur þann munað
að taka hana upp á 24 rásir í
Hljóðrita í Hafnarfirði. Eldri
plöturnar tókum við sjálfir
upp á 8 rása Teac band.“
„Vinna okkur sess, já, jú,
við erum allavega voðalega
bjartsýnir. Við erum að
byggja upp kjarna aðstoðar-
fólks, og erum auk þess vit-
lausir í nýjan tækjabúnað.
Við festum t.d. nýlega kaup á
ryksugu, sem við ætlum að
nota til að hreinsa til í ís-
lenskum popp-rokk-skokk-
heimi. Ha, segir einhver að
við séum að gorta ... Hættiði
nú!“
„Já, við erum aðeins fjórir
í hljómsveitinni núna. Okkur
hefur gengið eiginlega fram-
ar vonum að starfa þannig
og e.t.v. bera lögin þess vitni
að vera samin án nálægðar
hljómborða. Hins vegar hef-
ur Hjörtur Howser veitt
okkur liðsinni sitt, þegar við
höfum þurft á borðum að
halda. Þetta á t.d. bæði við
um þá tónlist sem við æfðum
fyrir Betlaraóperuna, sem
flutt verður í RUV eftir ára-
mót og við tónlistina á „Get
ég tekið cjéns.“ Svo er nú
Vilberg Viggós alltaf með
okkur á sumrin.“
„Nei, tengslin við ísafjörð
og Vestfirði eru alltaf sterk.
Þó aðstæður séu þannig að
við störfum meiripart ársins
á Suðurlandi, þá finnst okk-
ur alltaf best að starfa og
spila fyrir Vestfirðinga. Þar
liggur uppruni okkar og
tengslum við þennan upp-
runa reynum við að halda
með því að koma og spila
hluta úr sumri fyrir vestan og
auðvitað með því að gefa út
þessar plötur okkar. Sumir
höfuðborgarbúar líta á þessi
tengsl sem veikleikamerki en
í þau sækjum við styrk.“
Ekki mun líða á löngu áð-
ur en Grafík kemur vestur
að spila því um áramótin
mun hún leika á áramóta-
dansleik að Uppsölum. Á
meðan hlustum við á plöt-
una.
m
K&mverÍt P
XSMPXRCkZ:
Melabo
snúrulaus — makalaus borvél
Hentug til notkunar í sumarbústöðum,
uppi á paki og í nýbyggingum, Þar sem ekki
er hægt að draga marga metra af
snúru á eftir sér.
Metabo Akku borvélin er tveggja hraða,
snýst aftur á bak og áfram,
er með 10 mm patrónu og höggbor.
Hleðslutæki fyrir rafmagn fylgir.
Hleðslutæki fyrir sígarettukveikjara bílsins
fáanlegt.
Metabo Akku er kraftmikil og hentug borvél
fyrir þá sem vilja ekki draga snúrur
á eftir sér.
METABO = Kraftur, ending, öryggi.
Suðurgata 12 ísafirði — Sími 3298
Gleðileg jól, heillaríkt komandi ár.
Þökkum viðskiptin á árinu sem er að líða.
Ásgeir Einarsson hf., Reykjavík