Vestfirska fréttablaðið - 15.12.1984, Blaðsíða 33

vestlirska
TRETTABLASIS
33
Jólasíða yngstu lesendanna
í umsjón Æskulýðssambands vestfirskra safnaða
Önd mín miklar Drottin,
og andi minn gleðst í Guði, frelsara
mínum.
Því að hann hefur litið til ambáttar
sinnar í smæð hennar,
héðan af munu allar kynslóðir mig
sæla segja.
Því að mikla hluti hefur hinn voldugi
við mig gjört,
og heilagt er nafn hans.
Miskunn hans við þá, er óttast hann,
varir frá kyni til kyns.
Máttarverk hefur hann unnið með
armi sínum
og drembilátum í hug og hjarta hefur
hann tvístrað.
Valdhöfum hefur hann steypt af stóli
og upp hafið smælingja,
hungraða hefur hann fyllt gæðum,
en látið ríka tómhenta frá sér fara.
Hann hefur minnst miskunnar sinnar
og tekið að sér ísrael, þjón sinn,
eins og hann talaði til feðra vorra,
við Abraham og niðja hans ævinlega.
í Betlehem
Litaðu myndina eins vel
og þú getur.
Hún gæti verið af kirkju-
glugga.
Þú gætir líka reynt að
stækka hana, klippa hluta
úr henni og líma saman
silki- eða kreppappír á bak
við.
Jóla-
hugleiðing
fyrir vestfirsk börn
Það er oft dimmt í vestfirskum fjörðum á þessum árs-
tíma. Stundum geisar bylur og ekki sér út úr augunum.
Þegar jörð er auð og snjórinn er ekki til að lýsa um-
hverfið, þá er myrkrið fjarska mikið og dagsbirtan
stutt.
Stundum líður okkur eins á sálunni. Okkur finnst allt
svo leitt og ómögulegt og við sjálf ómögulegust af öllu.
Þetta sést jafnvel utan á okkur. Við erum eins og
þrumuský á svipinn eða þá óttalega rigningarleg í
framan.
Það er við svona aðstæður sem jólin eiga erindi. Þau
koma eins og birta inn í skammdegismyrkur. Þau færa
innri birtu döpru fólki, ungu og gömlu. Þau boða kær-
leika og væntumþykju. Og svo margir taka þennan
boðskap hátíðlega, að allt mannfélagið keppist meira
og minna við að vinna góðverk. Það er skreytt og prýtt
úti og inni. Það er tekinn til góður matur, það eru
gefnar gjafir og safnað fé handa fátækum, svo sem
allra flestir geti orðið glaðir um jólin. Þannig eru áhrif
jólanna, þannig eru áhrif jólabarnsins.
Látum jólin alltaf vera í lífi okkar. Leggjum okkur öll
fram um það alla daga að veita gleði inn í mannlífið.
Höfum alltaf dálítið tilstand hvert út af öðru og
gleymum aldrei þeim sem eiga bágt. Gerum þeim
eitthvað til góða, svo að heims um ból (byggðir), helg
verði jól.
Ljósmyndin hér að ofan er tekin í ísafjarðarkirkju af
Leó ljósmyndastofu. Hún birtist einnig í síðasta tölu-
blaði Vestfirska og var þá ranglega eignuð sr.
Jakobi. Blaðið biðst velvirðingar á því.