Vestfirska fréttablaðið - 28.02.1985, Blaðsíða 8

Skipasmíðastöð Marsellíusar hf.:
Setur upp rækjudælur
— Byggðar á 2000 ára gamalli uppfinningu Arkimedesar
FRETTABLAÐIÐ
Skipasmíðastöð Marsellíusar
hf hefur að undanförnu verið að
þróa og setja upp rækjudælur í
rækjuverksmiðjum á ísafirði og
í Súðavík. Dælur þessar byggja á
2000 ára gamalli uppfinningu
Grikkjans Arkimedesar.
Dælur þessar eru þannig
gerðar að utan um láréttan sí-
valan járnhólk er vafið slöngu
með inntak fyrir miðjum enda
járnhólksins og úttak fyrir
miðjum hinum endanum. Þegar
þessu er snúið dælir þetta rækj-
unni, fljótandi í vatni, inn öðru
Frá lögreglu:
Skotæfingar
í Holtahverfi
— Brotist inn í fisk-
hjall í Hnífsdal
Um miðja síðustu viku var
skotið á glugga í bílskúr við hús
eitt á ísafirði. Til að byrja með
taldi lögreglan jafnvel að þarna
hefði verið um loftriffi) að ræða,
en annað átti eftir að koma í
Ijós.
Aðfararnótt laugardags er
tilkynnt um það að verið sé að
skjóta úr byssu inni í Holta-
hverfi. Lögreglan fór á staðinn
og sótti þangað tvo menn sem
voru að skemmta sér við það að
skjóta eitthvað út í loftið. Til
þess notuðu þeir byssu sem
annar þeirra hafði stolið heima
hjá sér þar sem hún var í
geymslu fyrir eigandann. Við
yfirheyrslur viðurkenndi sá sem
stolið hafði byssunni að hafa
skotið á bílskúrsgluggann sem
áður var sagt frá.
Um helgina var einnig brotist
inn í fiskhjall sem Kiwanis-
menn hafa til umráða í Heima-
bæjarbrekkunni í Hnífsdal og
stolið þaðan þremur rám með
fiski. Þjófarnir náðust fljótlega
og megnið af þýfinu.
megin og út hinu megin. í þeim
rækjuverksmiðjum þar sem
þetta hefur verið sett upp hefur
þetta komið í stað færibanda og
í rækjuvinnslu Frosta í Súðavík
er t.d. aðeins eitt færiband eftir í
vinnslurásinni og er ætlunin að
það víki fljótlega fyrir dælu.
Með því að nota þessar dælur
vinnst m.a. aukinn þvottur á
rækjunni áður en hún fer í pill-
unarvélarnar en það þýðir
minna slit á vélunum af völdum
sands og annarra óhreininda.
Annar ávinningur er að mót-
takan, þ.e. þar sem rækjan
kemur inn í húsið, er algjörlega
aðskilið frá pillunarvélunum.
Þriðja atriðið er jöfn mötun og
deiling milli véla sem stuðlar að
betri nýtingu.
Þeir í skipasmíðastöðinni
hafa einnig verið að þróa búnað
til að deila rækjunni milli véla
og hafa þeir sett slikan deili-
búnað í þrjár verksmiðjur. Bæði
deilibúnaðurinn og dælurnar
hafa reynst vel og staðist þær
kröfur sem gerðar voru og
hyggjast þeir í Skipasmíðastöð-
inni fara að kynna þennan
búnað víðar en svona dælur
geta víða komið sér vel.
Sævar Birgisson framkvæmdastjóri Skipasmíðastöðvar Marsellíusar hf. lyftir
hér lokinu af rækjudælu í Súðavík.
Nýtt skip:
Sigurður Þorkelsson IS 200
Enn eitt skip hefur nú bæst í
fiskiskipaflota ísfirðinga. Það
heitir Sigurður Þorkelsson ís
200. Eigandi er Skor sem er
sameignarfélag Helga Geir-
mundssonar, Gunnars Geir-
mundssonar og Þórðar Júlíus-
sonar.
Þetta er 63 tonna tréskip með
ályfirbyggingu, ætlað til tog-
veiða. Skipið var smíðað í Dan-
mörku árið 1957 en hefur nú
verið endurbyggt í Njarðvíkum.
Til að byrja með er ráðgert að
skipið fari á rækjuveiðar.
Körfuknattleikur, 2. deild:
Einnsigurogeitttap
Körfuknattleiksfélag fsa-
fjarðar lék tvo leiki í íslands-
mótinu 2. deild um síðustu helgi.
Á föstudagskvöldið gegn ÍA á
Akranesi og fór sá leikur 80:81
fyrir Akurnesinga. Á sunnudag
unnu ísfirðingarnir svo Bræður
frá Reykjavík í íþróttahúsi

Þegar aflafréttir eru skrifaðar
er enn allt í óvissu um það
hvenær skip fara á veiðar þar
sem verfall hefur ekki verið
leyst. Samkvæmt þvi sem V. f.
hefur fregnað hefur verið
fundað mikið í í húsakynnum
sáttasemjara og eru fulltrúar
Bylgjunnar nú þar staddir og
taka þátt í samningaviðræðum
um sameiginlegar kröfur.
Flest frystihús eru búin að
segja upp kauptryggingu fast-
ráðins starfsfólks og taka upp-
sagnirnar gildi um eða eftir
helgina.
Eins og fram kemur annars
staðar í blaðinu eru rækjuveið-
ar nú hafnar að nýju í [safjarð-
ardjúpi þannig að fljótlega ætti
að vera komin í gang aftur
vinna við rækjuverkun.
Flestar aflatölur eru lágar í
tonnatalinu hér á eftir og er það
í samræmi við lengd úthalds hjá
togurunum, en þeir höfðu
flestir nýlega hafið veiðar þegar
þeir sigldu í land um miðja síð-
ustu viku.
BESSI landaði tæpum 32 tonn-
um 20. febrúar.
GUÐBJARTUR er f slipp.
PÁLL PÁLSSON kom inn með
tæp 20 tonn af blönduðum afla
20. febrúar.
JÚLfUS GEIRMUNDSSON kom
inn á þriðjudagskvöldið með
um 37 tonn.
GUÐBJÖRG er á veiðum og
mun sigla með aflann til Þýska-
lands.
HEIÐRÚN kom inn 20. febrúar
með 25 tonn, mest þorsk.
DAGRÚN kom inn 20. febrúar
með 19 tonn af þorski.
SÓLRÚN kom inn á föstudag-
inn með 12-13 tonn af rækju.
ELIN ÞORBJARNARDÓTTIR
kom inn á þriðjudaginn með um
140 tonn af blönduðum afla.
GYLLIR er í viðgerð í Cuxhav-
en.
FRAMNES I. kom inn 20.
febrúar með 47 tonn af blönd-
uðum afla sem var landað á
þriðjudaginn.
SLÉTTANES kom inn 20.
febrúar með 63 tonn af blönd-
uðum afla sem var landað á
mánudaginn.
SÖLVI BJARNASON kom inn
20. febrúar með 20 tonn af
þorski sem var landað á mánu-
daginn.
TÁLKNFIRÐINGUR kom f land
20. febrúar með 14-15 tonn,
aðallega þorsk.
SIGUREY kom í lannd 20.
febrúar með 18 tonn, mest
karfa.
HAFÞÓR er í hafrannsóknar-
leiðangri.

Seljaskóla með 64 stigum gegn
59.
Fyrri leikurinn var mjög
grófur og hart leikinn og voru 3
úr hvoru liði reknir útaf með 5
villur áður en leiknum lauk.
Stigahæstir ísfirðinganna í
þeim leik voru Heiðar Jó-
hannesson með 24 stig og Hall-
dór Sveinbjörnsson með 19 stig.
Seinni leikurinn var eins og
áður segir leikinn í íþróttahúsi
Seljaskóla sem kvað vera mjög
gott hús sem reist var á 6 mán-
uðum. Sá leikur fór prúðmann-
legar fram en sá fyrri og voru
stigahæstu menn í honum þeir
Halldór Sveinbjörnsson og
Guðmundur Stefán Maríasson
með 13 stig hvor.
Næsti leikur ísfirðinga verð-
ur 9. mars kl. 15:00 í Bolungar-
vík, en þá koma Snæfellingar í
heimsókn og verður það án efa
hörkuleikur.
hefur
heyrt
AÐ myndbandaleigum á ísa-
firði hafi fækkað um eina um
síðustu helgi þegar verslunin
Sería keypti myndbandaleig-
una af Silfurtorginu á einu
bretti.
AÐ menn velti nú þeirri
spurningu fyrir sér hvort
Álftafjörður hafi verið notaður
sem skipakirkjugarður. Kaf-
arar þeir sem hafa verið að
rannsaka seglskip út af
Dvergasteini og áður hefur
verið sagt frá í Vf fundu annað
skip á botni Álftafjarðar um
síðustu helgi og telja þeir að
þar sé um gufuskip að ræða.
Vitað er af fleiri skipum á
botni Álftafjarðar og nú er
bara að sjá hvað finnst næst.
AÐ Sverrir Bergmann kaup-
félagsstjóri á ísafirði hafi sagt
upp starfi sínu og sé á förum
úr bænum í sumar.
AÐ nokkrir liðsmenn Litla
leikklúbbsins hafi undanfarn-
ar vikur unnið að því að semja
revíu sem leikklúbburinn
hyggst sviðsetja 24. apríl n.k.
en þá á leikklúbburinn 20 ára
afmæli. I þessari revíu verður,
eins og lög gera ráð fyrir, tek-
iö fyrir eitt og annað sem
merkilegt má teljast úr bæj-
arlífinu og mega framámenn
bæjarins og fleiri eiga von á
að fá að sjá hvernig þeir koma
revíuhöfundum fyrir sjónir.
Ekki er víst að allir séu öf-
undsverðir af því hlutskipti.
AÐ það hafi verið talað um að
sögulegar sættir hafi orðið
þegar samningar náðust fyrir
skömmu milli Prentstofunnar
ísrúnar og Vestfirðings um
prentun á þessu málgagni Al-
þýðubandalagsins á Vest-
fjörðum. Aðrir sögðu að týndi
sonurinn væri kominn heim,
en Vestfirðingur var, eins og
önnur blöð sem hér hafa verið
gefin út, prentaður í ísrún þar
til fyrir fáum árum að einhver
misklíð varð til þess að útgef-
endur blaðsins hófu að láta
prenta það í Reykjavík.
AÐ bæjarsjóður hafi misst
_ spón úr aski sínum þegar
flutningaskipið (sbergið sem
var skráð á ísafirði til síðustu
áramóta flutti heimilisfang sitt
til Skagastrandar þar sem
það borgar lægri aðstöðu-
gjöld en hér. Útgerðarmenn
fsbergsins höfðu sótt um að
fá að greiða lægra aðstöðu-
gjald til bæjarsjóðs ísafjarðar
en lög gera ráð fyrir og var
beiðnin send til framtals-
nefndar til athugunar. Þar
sofnaði málið og gáfust út-
gerðarmennirnir upp á að
bíða eftir að hafa beðið í eitt
og hálft ár eftir svari.

BILALEIGA
Nesvegi 5 - Súðavík S 94 - 4972 - 4932
Grensasvegi 77 - Reykjavík S 91-37688
Sendum bílinn
Opiö allan sólarhringinn