Vestfirska fréttablaðið - 28.03.1985, Blaðsíða 2
2
vestfirska “I
FRETTABLAÐID
vestíirska
ITTABLADID
Vestfirska fréttablaöið kemur út á fimmtudögum kl. 17:30. Ritstjórnarskrifstofa og auglýsingamóttaka aö Hafnarstræti 14 er opin virka daga kl. 10:00
til 12:00 og 13:00 17:00. Síminn er 4011. Ritstjóri: Árni Sigurðsson. Blaðamaður Yngvi Kjartansson Stórholti 17, sími 4432. Fjármál og dreifing: Guðrún
Halldórsdóttir. Útgefandi og ábyrgðarmaður: Árni Sigurðsson, Fagraholti 12, ísafirði, sími 3100. Prentun: Prentstofan (srún hf. (safirði. Verð í lausasölu
kr. 25,00. Auglýsingaverð kr. 140,00 dcm. Áskriftarverð er lausasöluverð reiknað hálfsárslega eftirá.
Sigurður Ólafsson, form. Sjómannafélags ísfirðinga:
Vegna viðtals við
Kristján Ragnarsson
TILVISUN:
Viðtal við
framkvæmdastjóra
Landssambands
íslenskra
útvegsmanna, Kristján
Ragnarssoní
Morgunblaðinu
föstudaginn 15. mars
s.l.
Þó að ég hafi ásett mér að
standa ekki í blaðaskrifum, með-
an félag það sem ég er formaður
fyrir, Sjómannafélag ísfirðinga, á
í vinnudeilu, er ekki annað hægt
en að taka sér penna í hönd til að
leiðrétta rangtúlkanir þær, er
fram koma í umræddu viðtali við
K.R. Þó svo að sjómenn og aðrir
þeir er til þekkja sjái strax að
þessi nýráðni blaðafulltrúi Út-
vegsmannafélags Vestfjaróa,
hefur með þessu viðtali lítið ann-
að gert, en að reka hornið í sinn
eigin rass, finnst mér rétt að
skýra okkar sjónarmið fyrir al-
menningi.
„ísfirskir sjómenn vilja meira en
aðrir — eru þó með tekjuhæstu
sjómönnum á landinu."
„Útvegsmenn á ísafirði eru ekk-
ert betur staddir, en aðrir út-
gerðarmenn á landinu."
Við fáum ekki séð hvernig það
getur samrýmst hlutaskipta-
reglu, að sjómenn á ísafirði séu
meðal hlutahæstu sjómanna
landsins, án þess að í sama hlut-
falli fái útgerðarmenn meir í sinn
hlut, að auki er kostnaðarhlut-
deild svo og stofnfjársjóðsgjald,
einnig % ofan á verðlagsráðs-
verð.
Þar fyrir utan er stór hluti tog-
araaflans, ekki aðeins okkar
Vestfirðinga, heldur alls togar-
afla landsmanna veiddur á Vest-
fjarðamiðum. Nálægð okkar við
fiskimiðin hlýtur því að skila sér í
minni olíueyðslu við að ná í hvert
kíló af fiski.
Botnlag Vestfjarðamiða er
orðið þrælslípað vegna áraraða
togveiða, íslenskra sem erlendra
togara, veiðarfærakostnaður er
því einnig í lágmarki.
Það hlýtur því að skýra sig
sjálft, að útgerðarmenn á ísafirði
með sína fjóra skuttogara, er
stunda bolfiskveiðar, sem allir
eru í hópi aflahæstu skipa lands-
ins, eru langt um betur staddir,
en þeir viðmiðunarútgerðar-
menn er Þjóðhagsstofnun tekur
tillit til í sínum útreikningum, að
afloknu grátkvaki L.Í.Ú. um
slæma stöðu útgerðar.
Hins vegar er lítill vandi að taka
meðaltalshlut á togurum okkar,
það segir sig sjálft að meðan þeir
afla vel er hlutur einnig yfir með-
altali. En það má ekki gleymast
að hér á ísafirði er rekin marg-
vísleg útgerð, ég gæti til dæmis
tekið rækjusjómenn í (safjarðar-
djúpi, nú búa þeir við stórfellda
skerðingu á aflamagni og vegna
þess að þeir hafa stundað
rækjuveiðar og vegna þeirrar
kvótaskiptingar sem nú ríkir, fá
þeir nær engan bolfiskafla í
kvóta sinn. Þeir geta því á engan
hátt bætt sér upp þá kjaraskerð-
ingu er þeir verða fyrir, nema
með að leita á annan vinnu-
markað. Tæki ég þennan hóp til
viðmiðunar, er ég hræddur um
að fá út allt aðra tekjustöðu, en
framkvæmdastjóri L.Í.Ú., en ég
kann ekki við að notfæra mé
slíkar reikningsaðferðir.
„Eftir að sættir hafa tekist á
nærri öllu landinu ætla sjómenn
á ísafirði einir og sér að skerast
úr leik. Þrátt fyrir að þeir fái allt
það, sem aðrir hafa fengið.“
Slík fullyrðing og það af hálfu
jafn reynds manns í samninga-
málum og Kristján Ragnarsson
er og leyfir sér í þessum orðum
að bera fram fyrir alþjóð, lýsir
best hvílíkum moldvörpuhugs-
unarhætti samningsaðilar okkar
eru haldnir. Ég veit ekki betur en
hvert einstakt verkalýðsfélag sé
sjálfstæður samningsaðili, við
fáum ekkert sjálfkrafa og höfum
ekkert fengið utan þeirra kjara-
skerðinga, sem útvegsmenn
hafa grátið yfir sjómannastétt-
ina.með síauknu fjármagni teknu
utan skipta, með lagabreyting-
um. Við fáum ekki hækkun
kauptryggingar, lagfæringu á líf-
eyrissjóðsréttindum eða aðrar
þær leiðréttingar er um samdist á
öðrum stöðum landsins, fyrr en
við höfum samið um þær, aðeins
þær lagfæringar er gerðar voru
með lagabreytingum. Stað-
reyndin er því sú, að þangað til
við höfum sest niður, samið og
undirritað nýja kjarasamninga,
eru sjómenn á Vestfjörðum með
lökustu kjör sjómannastéttar
þessa lands.
„Mér finnst með ólíkindum hvað
menn fara gáleysislega með
verkfallsvopnið.“
Þarna bregður. K.R. gamalli
og mjög vinsælli plötu atvinnu-
rekenda á fóninn. Þar eð við er-
um nú með lökustu kjör sjó-
manna landsins og unum því
ekki, Útvegsmannafélag Vest-
fjarða vill alls ekkert við okkur
ræða, þá hlýtur það að vera
matsatriði hvenær er gripið til
verkfallsvopnsins í okkar tilfelli er
það ekki gert fyrr en í algeru
neyðartilviki.
„Útvegsmenn töldu að þetta
samrýmdist ekki því kaup-
greiðslukerfi að fá hlut af afla og
er einstakt. Þeir telja að þótt
menn hafi verið mislengi í starfi
eigi þeir ekki að fá mismikið a
hlut á sama skipi.“
í þessu tilviki virðist K.R. mis-
skilja kröfur okkar, annað hvort
af ásettu ráði eða hreinu skiln-
ingsleysi. Þó honum hafi tekist
að láta þessa kröfu detta upp
fyrir borð í þeim samningavið-
ræðum er hann átti nýlega í, nær
hann sem betur fer ekki enn til að
blása henni út af okkar borði.
I okkar kröfu förum við ekki á
neinn hátt fram á mismun á hlut,
eða breytingu á skiptaprósentu,
heldur aðeins það að starfs-
reynsla sjómanna sé einhvers
metin, líkt og allra launþega-
stétta landsins. Við teljum þetta
ekki beina launakröfu, heldur al-
menna mannréttindakröfu.
Við fyrstu sýn virðist þetta að
vísu fela í sér krónutöluaukningu
á launaliðum útgerðar, en við
teljum að hljóti að skila sér aftur í
formi aukins aflaverðmætis,
vegna vinnu reyndra manna í
stað nýliða og með tilliti til pró-
sentuhlutfalls hlutaskipta í enn
auknari mæli til útgeröar. Byrj-
unarkrafa okkar í komandi
samningaviðræðum eru laun
Framhald á bls. 6
UTSALA
I VEFNAÐARVORUDEILD
OG SPORTVÖRUDEILD
Peysur, 20% til 50% afsláttur
Melka jakkar, 20% afsláttur
Melka frakkar, 20% afsláttur
Dömukápur og jakkar, 25% afsláttur
Barnaúlpur, 20% afsláttur
Skíðaskór, allt að 55% afsláttur
UTSALAN STENDUR
AÐEINS TIL PÁSKA
Sinar ffuðfjinnsscm k.
Bolungarvík — Sími 7200