Vestfirska fréttablaðið - 31.10.1985, Blaðsíða 2
vestfirska
rRETTABlAEID
Vestfirska fréttablaöið kemur út á fimmtudögum kl. 17:30. Ritstjórnarskrifstofa og auglýsingamóttaka aö Hafnarstræti 14 er opin virka daga kl. 10:00
til 12:00 og 13:00 17:00. Síminn er 4011. Blaðamenn: Páil Ásgeirsson og Arnar Þór Árnason. Fjármál og dreifing: Guörún Halldórsdóttir. Útgefandi og
ábyrgðarmaður: Árni Sigurðsson, ritstjóri, Fagraholti 12, Isafirði, sími 3100. Prentun: Prentstofan ísrún hf. Isafirði. Verð í lausasölu kr. 30,00.
Auglýsingaverð kr. 140,00 dcm. Áskriftarverð er lausasöluverð reiknað hálfsárslega eftirá.
Inga Daníelsdóttir:
Athugasemd
1 forystugrein í Vestfirska frétta-
blaðinu þann 17. oktober s.l., í
minningu Matthíasar Jochumsson-
ar, er sagt að jörðin Skógar í
Þorskafirði sé í eigu erlends sértrú-
arsöfnuðar.
Vegna þessara ummæla er rétt að
taka fram, að eigandi jarðarinnar
er Andlegt þjóðráð Bahá'ía á ís-
landi, en Jochum heitinn Eggerts-
son, sem sjálfur var Bahá'íi, arf-
leiddi íslenska Bahá‘í samfélagið
að eigninni. Bahá‘í trúin er sjálf-
stæð trúarbrögð, sem byggja á trú á
opinberandann Bahá‘u‘lláh, en er
ekki til komin fyrir klofning innan
trúarbragða og getur því ekki kall-
ast sértrúarsöfnuður. Hún er vissu-
lega erlend að uppruna, enda
munu engin trúarbrögð eiga upp-
haf sitt hér á landi. Fyrsti Islend-
ingurinn gerðist Bahá'íi á fjórða
áratugnum og fyrsta andlega
svæðisráðið var stofnað í Reykjavík
fyrir tuttugu árum.
f forystugreininni er sagt að lát-
inn hafi verið af hendi blettur sem
svari til lítillar húslóðar. Líkast til
eru þessi ummæli til komin vegna
misritunar í frétt um þetta mál í
Morgunblaðinu, en þar var stærð
landsins sögð vera 320 ferm. Hið
rétta er að gefið var 3200 fermetra
land, sem er sú stærð, og á þeim
stað sem Reykhólahreppur óskaði
eftir.
Að lokum má geta þess, að það
er okkur Bahá'íum sérstök ánægja
að taka þátt í að varðveita minn-
ingu Matthíasar Jochumssonar, en
hann er reyndar fyrsti fslendingur-
inn sem heyrði um trúna, þegar
hann var staddur á alþjóðlegu trú-
arbragðaþingi í Chicago í Banda-
ríkjunum árið 1893, en þar var
Bahá'ulláh getið og tilvitnun í orð
hans notuð sem lokaorð þingsins.
Það var í fyrsta sinn sem Bahá‘í
trúin var nefnd opinberlega á vest-
urlöndum.
Ingibjörg Daníelsdóttir
ritari Andlegs svæðisráðs Bahá‘ía á
fsafirði
Vetraráætlun
Vetraráætlun millilandaflugs
Flugleiða tekur giidi að fullu,
sunnudaginn 27. október. Daglegar
ferðir verða til Kaupmannahafnar,
sex ferðir i viku til Luxemborgar,
fjórar til London og New York og
þrjár til Giasgow.
Tvisvar í viku er flogið til Chic-
ago, Gautaborgar, Osló, Stokk-
hólms og Færeyja. Vikulega er
flogið til Detroit og fastar áætlun-
arferðir hefjast til Salzburg þann
21. des.
Vetraráætlun Flugleiða innan-
lands hefur tekið gildi og eru nú
fleiri ferðir á viku en áður að vetri
til.
Milli Akureyrar og Reykjavíkur
eru 24 ferðir á viku, 14 til Vest-
mannaeyja og 12 til Isafjarðar. Til
Húsavíkur og Sauðárkróks er flog-
ið sex sinnum í viku, fjórum sinn-
um til Homafjarðar og þrisvar í
viku til Norðfjarðar og Patreks-
fjarðar. Til Þingeyrar er flogið
tvisvar í viku.
MATAR-
HORNIÐ
Umsjónar maður dálksins að
þessu sinni er lesendum blaðsins
að góðu kunnur. Hér er á ferð
Óiafur Guðmundsson fyrrum
ritstjóri blaðsins og mikill á-
hugamaður um matargerð.
Hann birtir hér uppskrift að
eftirrétti sem hlaut önnur verð-
iaun í samkeppni sem Osta og
Smjörsalan efndi til i sumar.
Suðrænir ávextir með rifnum
gráðosti og sérríbættri rjóma-
ostasósu.
200 gr. vínber græn
200 gr. vínber blá
Vi stk. melóna
4 stk kiwiávextir
60 gr. gráðostur
100 gr. rjómaostur
5 matsk. sérrí, sætt
1 — 2 dl. rjómi.
1) Skerið vínberin í tvennt og
hreinsið steinana úr kúlið ald-
inkjötið úr melónunni t.d. með
skammtaskeið, flysjið kviwiá-
vextina og skerið í sneiðar. Lát-
ið alla ávextina í skál og blandið
saman. Ráðlegt er að láta kiwi-
ávextina síðast út í svo þeir
merjist ekki.
2) Blandið saman rjómaosti og
sérrí þannig að úr verði jöfn
þykk sósa. Best er að stappa
þessu saman með gaffli og bæta
aðeins einni msk. af sérri saman
við í einu.
3) Þeytið rjómann og blandið
honum saman við sérrírjóma-
ostasósuna. Smakkið sósuna,
meiri rjómi gefur mildara
bragð.
Þessi litla hnáta hélt tombólu með
vini sínum, Hilmari Þorbjörnssyni.
Hún heitir Arna Rut Kristinsdóttir
og er 4 ára. Þau söfnuðu 88 krónum
og gáfu sjúkrahúsinu.
Verðköimun
neytendafélagslns
Neytendafélag ísafjarðar gerði
verðkönnun fimmtudaginn 17. okt-
óber s.l. Náði könnunin til 8 versl-
ana á Isafirði. Kannað var verð á 20
vörutegundum og var tilgangur
verðkönnunarinnar að athuga hvort
verðmunur væri í verslunum og
hvort borgaði sig fyrir neytendur að
fara i fleiri en eina versiuin. Erfitt
reyndist að fá marktækan saman-
burð þar eð margar vörutegundir
voru ekki til í öllum verslununum.
Þess vegna þótti ekki ástæða til
þess að reikna út heildarverð.
Þó sýnir þessi verðkönnun at-
hyglisverðan mun á verði á græn-
meti. Tómatar sem kosta 162 kr. kg.
í Kf á Hlíðarvegi kosta aðeins 103
krónur í HN búðinni. Þessar upp-
lýsingar er að finna í 4. tölublaði
Bamings sem er nýkomið út, en
það er málgagn neytendasamtak-
anna á Isafirði. Til stendur að
setja nýja reglugerð um opnunar-
tíma verslana á lsafirði. og var leit-
að til félagsins um álit neytenda.
Stefna Neytendafélagsins er sú
að opnunartími eigi að vera ftjáls
en hinsvegar varað við að kvöld- og
helgarverslun leiði til hækkaðs
vömverðs.
Þarf þetta að vera
svona flókið?
— Lesendabréf
Fyrr á þessu ári gaf Sverrir þá-
verandi iðnaðarráðherra út þá til-
skipun að nú skyldi útrýma öllum
olíukyndingum. Bauð hann upp á
hagkvæm lán til þeirra sem hygðu á
slíkar breytingar.
Ég er einn þeirra sem notfærðu
sér þetta og mig langar til þess að
segja frá því hvemig það gekk fyrir
sig. Ég hringdi í Húsnæðisstofnun
ríkisins og fékk þær upplýsingar að
ég þyrfti aðeins að senda inn um-
sókn á þar til gerðu eyðublaði sem
fengist í Landsbankanum, þessu
þyrfti að fylgja vottorð frá pípu-
lagningamanni um að það væri
búið að skipta um kyndingu. Tæki
afgreiðslan þá um það bil viku. Það
passaði, eftir ca viku fékk ég bréf,
þá kom í ljós að hlutverk Húsnæð-
isstofnunar er aðeins að meta hvort
ég fæ lán eða ekki. Nú skyldi ég
snúa mér til Veðdeildar Lands-
banka íslands. Þeir vildu fá bréfið
frá húsnæðismálastofnun, veðbók-
arvottorð, brunabótamat, sam-
þykki maka. Þetta varð allt að
senda til Reykjavíkur, því þó að
Landsbankinn sé með útibú á ísa-
firði virðist það ekki ná yfir alla
þjónustu sem bankinn veitir. Þessu
næst kom skuldabréf að sunnan til
þess að ég gæti undirritað það og
sent það aftur. Þá loks var lánið
tilbúið. Þá voru bréf varðandi þetta
smáræði búin að fara samtals 6
ferðir milli ísafjarðar og Reykja-
víkur og samtals hafði allt þetta
stapp tekið rúmlega þrjár vikur.
Þarf þetta virkilega að vera
svona flókið?
Jón Sigurðsson
Vefiiaðarvörudeild
K.í. í nýju húsnæði
Vefnaðarvörudeild Kaupfélags
ísfirðinga á ísafirði hefur nú verið
flutt úr stað. Verslunin er nú komin
í húsnæði það sem áður hýsti
verslunina Silfurtorgið. Verslunar-
stjóri er Agnes Aspelund, sagði hún
aðspurð að við flutninginn hefði
verslunin minnkað nokkuð, en á
móti kæmi að búsáhöld flyttu yfir í
matvörudeild. Nú fást í vefnaðar-
vörubúðinni bæði vefnaðarvörur
og gjafavörur. Það pláss sem áður
var versiað með vefnaðarvöru,
verður nú nýtt sem viðbót við mat-
vörudeild.
Þess má geta að Agnes hélt að
hús þetta hefði fyrst verið notað
undir vefnaðarvöruverslun fyrir
um fjörutíu árum, þá af Karli Ol-
geirssyni.
Póllinn
selur Græn-
lendingum
Nýlega kom til hafnar á ísafirði
grænlenski rækjutogarinn ILIMM-
AASAQ. Hann kom hingað beint
frá Danmörku þar sem skipið var
lengt um 11 metra og sett um borð
mjög fullkomin rækjuverksmiðja.
Hingað kom skipið til þess að ná i
skipavog sem eigendur skipsins
keyptu af Pólnum hf á sýningu á
Spáni ekki alis fyrir löngu.
Að sögn Jónasar Ágústssonar í
Pólnum var þessi fyrsta vog sett um
borð í skipið til reynslu en verði
reynslan af henni góð er reiknað
með að skipið þurfi 6 til 7 vogir.
Þetta var hin margumtalaða út-
hafsvog sem er hönnuð í Pólnum á
Isafirði og vakið hefur heimsat-
hygli.
Jónas sagði að nýlega hefði verið
gengið frá sölu á fyrsta vogakerfinu
sem fyrirtækið selur til Grænlands.
Það var frystihús á vesturströnd
Grænlands sem keypti borðavogir
ásamt eftirlitskerfi. Salan fór fram í
gegnum umboðsmann Pólsins í
Danmörku. Að sögn Jónasar vilja
þeir hjá Pólnum hf gjaman hafa
sem mest viðskipti við Grænlend-
inga.
Astín
sigrar
Vestfirska fréttablaðinu var á
dögunum boðið á leiksýningu i
Bolungarvik. Þar sýndi leikfélag
staðarins leikritið „Ástin sigr-
ar” eftir Ólaf Hauk Símonar-
son.
Leikstjóri var Oktavía Stef-
ánsdóttir.
Blaðamaður skemmti sér á-
gætlega á sýningunni. Sviðs-
mynd og búningar voru hvort-
tveggja mjög vel unnið og í
samræmi við gang leiksins sem
er gamanleikur um ástina og
hina margvíslegu sigra sem hún
vinnur á mannfólkinu. Leikarar
stóðu sig flestallir þokkalega en
þó skorti nokkuð á að þeim
tækist að gefa persónunum
nægilega dýpt. Staðsetningar
orkuðu á köflum tvímæhs en
það er hlutur sem verður að
skrifast á reikning leikstjóra. I
heild gekk þó sýningin létt og
snurðulaust fyrir sig og virtust
áhorfendur skemmta sér hið
besta en húsfyllir var á um-
ræddri sýningu. Var leikurum
klappað lof i lófa að sýningu
lokinni.
Engúin
forstöðu-
maður
Þrátt fyrir itrekaðar tilraunir
hefur ekki enn tekist að ráða for-
stöðumann fyrir Kvöidskólann á
Isafirði og hefur nú verið ákveðið
að hann verði ekki starfræktur fyrir
áramót. Að sögn formanns skóla-
nefndar verður reynt að augiýsa
aftur í því skyni að reka megi skól-
ann eftir áramót. Engar umsóknir
bárust við fyrri auglýsingu.