Vestfirska fréttablaðið - 12.12.1985, Blaðsíða 7
ts
vestfirska
TTABLADID
Frábær:
Nýtt á markaðnum
— Stelktur fiskur í kryddi
28. september sfðastliðinn hóf
starfsemi sína hér á ísafirði mat-
sölustaður sem einkum leggur á-
herslu á sölu hinna víðfrægu
Tomma hamborgara.
Hefur starfsemi þessi gengið al-
veg þokkalega vel að sögn Jakobs
Ólasonar eins af eigendum. Nú
hyggjast þeir hinsvegar færa út
kvíarnar og hefja sölu á djúpsteikt-
um fiski sem snæddur er með
steiktum kartöflum og skyldu
meðlæti. Þetta er nýr og ferskur
fiskur sem velt er upp úr sérstakri
kryddblöndu sem myndar hjúp ut-
an um fiskinn. Þessi hjúpur ásamt
því að hér er um ófrosinn nýjan fisk
að ræða gerir þetta að afar ljúf-
fengri fæðu. Kryddblandan er ætt-
uð erlendis frá en er að ryðja sér til
rúms á veitingahúsum hér lendis og
mun til dæmis veitingastaðurinn
Sprengisandur í Reykjavík nota
sömu blöndu við steikingu á fiski.
Blaðamaður Vf átti þess kost á
dögunum að bragða téðan fisk og
getur borið vitni um að hér er hinn
Ijúffengasti matur á ferð, enda
framleiddur úr besta fáanlega hrá-
efni í heimi sinnar tegundar,
nefnilega íslenskum fiski.
ísafjörður:
Flas er ekki
tíl fagnaðar
Samkvæmt upplýsingum lögregl-
unnar á tsafirði voru samtals 54
ökumenn teknir fyrír of hraðan
akstur i septembermánuði. ( októ-
ber fór þessi tala upp f 84 og í nóv-
ember voru 30 ökumenn stöðvaðir.
Þetta eru samtals 165 ökumenn frá
1. sept. til 1. des. Bragi Beinteins-
son yfirlögregluþjónn sagði að það
vekti athygli hvað tala þessi væri há
f október þegar hvað mest þörf er á
að menn sýni aðgæslu f umferðinni.
Hann sagði að nú færi f hönd
mikill annatfmi í umferðinni, fjöldi
fólks værí á ferð bæði akandi og
gangandi við erfiðar aðstæður og
því full ástæða til þess að brýna fyrir
öllum vegfarendum að sýna fyllstu
aðgæslu.
Hann sagði að lögreglan myndi
halda uppteknum hætti og halda
uppi ströngu eftiríiti með umferð-
inni.
Myndin var tekin þegar Sporthlaðan var með tískusýningu á Silfurtorgi síðast-
liðinn laugardag.
Tískusýnlng
Sporthlaðan var með tfskusýn-
ingu f Veitingahúsinu Uppsölum
fimmtudagskvöldið 5. desember.
Þar sýndi verslunin aðallega fþrótta
og sportfatnað. Nokkurt fjölmenni
var viðstatt sýninguna, sem var öll
tekin upp á myndband, sem sfðan á
að nota til að sýna f glugga versl-
unarínnar. Verður ekki sagt annað
en að fsfirskir kaupmenn kunni að
notfæra sér nýjustu tækni við kynn-
ingu á sínum vörum.
7
Reykjavík:
Aðalftindur Æðar-
ræktarfélags Islands
Aðalfundur Æðarræktarfélags
fslands var haldinn 16. nóvember
síðastliðinn i Reykjavík i 16. skipti.
Félagar í æðarræktarfélaginu
eru nú um 300 talsins í 10 starfandi
félagsdeildum í öllum landshlutum
nema á Suðurlandi. Þetta ár hefur
verið varpbændum hagstætt, nema
hvað snjóa- og vætuhret á síðari
hluta varptímans olli sums staðar
nokkrum skemmdum á dúninum.
Æðardúnn hefur aldrei verið i
hærra verði en núna eða kr. 16 til 18
þúsund krónur hvert kíló. Mun út-
flutningsverðmæti æðardúns á ár-
inu nema um 40 milljónum króna.
Á fundinum komu fram nokkrar
áhyggjur af því að verðið væri
spennt of hátt sem gæti leitt til
markaðstregðu og verðfalls.
Varpbændur eru á einu máli um
að megináherslu beri að leggja á
ítrustu vöruvöndun, bæði hvað
snertir hirðingu dúns og hreinsun.
Vestur-þjóðverjar eru enn sem
fyrr helsta markaðslandið, en fleiri
þjóðir svo sem Japanir hafa einnig
sýnt áhuga á dúnkaupum.
Á árinu tók til starfa nýr ráðu-
nautur í æðarrækt hjá Búnaðarfé-
lagi tslands.
Frá Breiðafjarðardeildinni
„Æðarvé“ kom fram tillaga um að
gripið skuli til samræmdra aðgerða
um land allt á vegum veiðistjóra til
fækkunar vargfugls.
Ennfremur var skorað á stjóm-
völd að veiðistjóraembættinu verði
gert kleift að gegna hlutverki sínu
samkvæmt lögum um eyðingu
svartbaks og hrafns en á það skortir
mjög nú.
Nýr veiðistjóri dr. Páll Her-
steinsson var einnig boðinn vel-
kominn til samstarfs við æðarrækt-
armenn. Þá ályktaði „Æðarvé“
einnig um að erninum skuli ekki
leyfast að fjölga sér meira en orðið
er á Breiðafjarðarsvæðinu. Er það
almennt álit varpbænda á Vestur-
landi að Menntamálaráðuneytið
sem fuglavemdunarmál heyra
undir sýni hættulegt fálæti um hið
stórkostlega tjón sem öminn veldur
hvað eftir annað á æðarvarpi, en
amarstofninn hefur stækkað um
fjórðung á undanfömum 10 til 20
árum. Aukningin öll er á takmörk-
uðu svæði vestanlands, þar sem
varpbændum er bannað að bera
hönd fyrir höfuð sér. Einnig sam-
þykkti fundurinn að fara þess á leit
við stjómvöld að þau láti kanna
hver brögð séu að því að æðarfugl
farist í grásleppunetum. Væri
tímabært að fá úr því skorið með
skipulegri könnun.
Samþykkt var einnig margítrek-
uð áskomn til stjómvalda sveitar-
félaga og fyrirtækja, að fara að
settum reglum um meðferð úr-
gangs við vinnslustöðvar í sjávar-
útvegi og landbúnaði þannig að
dregið verði úr fæðu sem vargfugl-
ar eiga aðgang að og þar með
fjölgun þeirra og skaðsemi.
Fundurinn kaus Svein Guð-
mundsson frá Miðhúsum í Reyk-
hólasveit sem fulltrúa á Stéttar-
sambandsþing.
Aðalstjóm Æðarræktarfélags Is-
lands skipa nú Sigurlaug Bjama-
dóttir frá Vigur, form., Eysteinn
Gíslason frá Skáleyjum, Þorleifur
Kristmundsson Kolfreyjustað. I
varastjóm eru Árni G. Pétursson og
Agnar Jónsson, báðir frá Reykja-
vík.
Vélvædd ormatínsla?
— Rannsóknir í fullum gangi
Nú um þessar mundir eiga Is-
lendingar þátt í rannsóknarverk-
efnum sem beinast að því hvort
hægt sé að finna hringorma og bein
í fiskflökum með aðstoð útfjólu-
blárra geisla og hljóðbylgna. Frá
þessu segir f nýútkomnu blaði af
Fiskifréttum.
t Danmörku er nú verið að
hanna vélbúnað sem finnur orma
og bein í fiskflökum með aðstoð
útfjólublárra geisla. Á Sölumiðstöð
Hraðfrystihúsanna aðild að því
verkefni. Sá galli er þó á gjöf
Njarðar að tækið skynjar aðeins þá
aðskotahluti sem em í yfirborði
fisksins.
Vestur í Bandaríkjunum er hins-
vegar ungur Isfirðingur, Hannes
Hafsteinsson að vinna að doktors-
ritgerð um notkun hljóðbylgna við
leit að hringormum í fiski. Nýtur
hann stuðnings Coldwater og fleiri
íslenskra fyrirtækja auk þess sem
Rannsóknarráð ríkisins hefur
styrkt þessar rannsóknir.
Kostur hljóðbylgjuaðferðarinnar
er sá að með henni er hægt að finna
orminn djúpt í fiskholdinu. Að
sögn kunnugra eru vonir bundnar
við að hægt verði að þróa þessa
aðferð þannig að hægt verði að
beita henni með einhverjum ár-
angri í baráttu við orminn.
.1 afnrétti
milli
landshluta
Að njóta ávaxta erfiðis sfns er oft
rætt um manna á milli, þar á meðal i
allri umræðu um kaup og kjör, bú-
setu, aðstöðumun og sér f lagi jafn-
rétti milli landshluta.
tbúar Stór-Reykjavíkursvæðis-
ins tala oft um það að við Vestfirð-
ingar höfum margfaldan rétt vegna
atkvæðismunar, en gleyma yfirleitt
um leið hvaðan gjaldeyririnn kem-
ur og hverjir njóta ávaxtanna.
Stöðugur fólksflótti til höfuðborg-
arsvæðisins sýnir að fók í hinum
dreifðu byggðum landsins nýtur
ekki ábata vinnu sinnar, enda þótt
stærstur hluti þjóðarteknanna
skapist þar. Þessar fullyrðingar vit-
um við öll sem á landsbyggðinni
búa að eru réttar. Samt sem áður
hefur hvergi á Vesturlöndum verið
meiri búseturöskun undanfarna
áratugi en hér á landi.
Landssamtök um jafnrétti milli
landshluta munu beita sér fyrir því
að nú verði staldrað við, fundnar
nýjar og betri leiðir til þess að end-
urheimta virðingu og auka vinnu-
semi.
En ekki eins og nú er að fólk í
undirstöðuatvinnuvegunum, at-
vinnurekendur, verkafólk og sveit-
arstjórnarmenn, sé gert að bón-
bjargamönnum sem þurfa að sækja
nær allt í faðm stjórnkerfisins fyrir
sunnan.
„Við stefnum að nýrri leið sem
bætir hag þjóðarinnar allrar. t ráði
er að halda stofnfund deildar
byggðárlaga við Isafjarðardjúp á
Hóte! Isafirði fimmtudaginn 12.
desember n.k. kl. 20.30. Víðast hvar
á Norður- og Austurlandi og á
nokkrum stöðum á Vestfjörðum
hafa nú þegar verið stofnaðar
deildir. Við skorum á fólk að gerast
meðlimir í samtökunum og standa
vörð um sín byggðarlög í samfloti
við önnur landsbyggðarlög.
Sjáumst á Hótel Tsafirði, í kvöld
kl. 20.30.
Undirbúningsnefnd að stofnun
samtaka um jafnrétti milli lands-
hluta.