Vestfirska fréttablaðið - 17.12.1985, Blaðsíða 46
46_____________________________
Litið um öxl á aðventu 1985
Lí
vestfirska
TTABLADID
Borgný
Gunnarsdóttir
Þingeyri:
Þegar litið er til baka yfir árið
sem er að líða kemur ýmislegt
upp í hugann. Við munum svo
mildan og snjóléttan vetur að
varla gerðist annað eins i
Evrópu. Svipaða sögu er að
segja af sumarveðráttunni.
Mild og úrkomulítil. Jafnvel
voru ýmsir orðnir uggandi um
vatnsbirgðirnar, dæmi voru til
þess að fólk þyrfti að sækja vatn
langar leiðir og aka heim. Þrátt
fyrir Utla úrkomu á sumum
stöðum, virðist ekkert minna í
vötnum hálendisins, svo ekki
þurfum við að kvíða rafmagns-
leysi af þeim sökum á komandi
vetri.
Ef litið er hér á nánasta um-
hverfið og athugað þorpið okk-
ar, Þingeyri við Dýrafjörð, hef-
ur þá einhver breyting átt sér
stað hér á liðnu ári? Höfum við
staðið í stað, eða höfum við
þokast eitthvað áfram? Jú, við
reynum nú heldur að þokast ei-
lítið uppá við. Ekki þurfum við
að horfa upp á fólksflótta héð-
an, en þó er hreyfing á fólki til
og frá staðnum. En hér býr
mikið af ungu og duglegu fólki.
Ýmsar framkvæmdir voru
hér á liðnu ári, stórar og smáar.
Mikið átak var hér gert í hafn-
armálum. Við eignuðumst mik-
ið landssvæði á síðastliðnu ári,
svo að þesss vegna getur
byggðin stækkað og hún mun
halda áfram uppá við.
Flugstöð reis hér á árinu 1984
og er mikil bót hér á í sam-
göngum að fá slíka byggingu,
en nú vantar okkur aðflugsvita
og upplýstan völl. Það hlýtur að
vera eitt brýnasta málið okkar
að gera samgöngur betri og
fullkomnari, bæði í lofti, láði og
á legi, til að gera Vestfirði enn
byggilegri. Á Vestfjörðum býr
duglegt og harðgert fólk, sem
vill vera hér, en við þurfum að
standa betur að okkar sameig-
inlegu áhugamálum. Til þess
þurfum við að geta komist á
milli staða. Öll eigum við okkar
drauma. Suma svo stóra, að
mörgum finnst þeir muni aldrei
rætast. En öllu gamni fylgir
einhver alvara, og margir
draumar rætast. Brúin á Dýra-
fjörð er nú vonandi ekki lengur
bara orðin tóm. Menn eru
kannski ekki á eitt sáttir um
staðsetningu hennar. Minn
draumur er sá að brúin komi
yfir i Höfðaoddann (Framnes-
ið). Ég sé fyrir mér byggðar-
kjama við nyrðri brúarsporð-
inn, sólarmegin í Dýrafirði,
góðan veg yfir Gemlufallsheiði,
sem reyndar fékk dálitla and-
litslyftingu í sumar. Síðan í
gegnum fjöllin og tengjumst
þyggðunum norðan Breiða-
dalsheiðar. En við verðum að
vera sammála og við verðum að
gera eitthvað.
Víkjum aðeins að uppeldis-
og menntamálum. Þá er hér á
Þingeyri að rísa leikskóli og má
segja að bygging hans hafi
gengið mjög vel. Mun húsnæð-
ið, þegar það verður tekið í
notkun, leysa bráðabirgðahús-
næði af hólmi.
Við þurfum að hlúa vel að
æsku landsins, og það kemur að
sjálfsögðu í hlut okkar Vest-
firðinga að sinna þörfum vest-
firskrar æsku. Við byggjum
leikskóla, en hvernig gengur
okkur svo að fá menntaða
starfsmenn til starfa? Komum
við þar ekki að sama brunnin-
um og með að fá menntaða
starfsmenn inn í grunnskólana.
Launin svo lág að fólk fer frekar
í aðra vinnu en það hefur
menntun til. Þetta verður að
breytast.
Öll viljum við sem foreldrar,
að bömin okkar komist til
manns, en hvað gerum við for-
eldramir til þess að svo megi
verða, hvað gera leikskólarnir
og dagheimilin, og hvað gera
grunnskólarnir? Þarna þurfum
við öll að leggja eitthvað af
mörkum og ekki bara eitthvað
heldur það allra besta, og við
þurfum að standa saman. Við
þurfum að standa vörð um vel-
ferð bamanna og vera vel vak-
andi fyrir því sem gerist í
kringum okkur, til að geta vegið
og metið hvað heppilegt er fyrir
börnin.
Úr leikskólanum upp í
grunnskólann. Hafa þar orðið
einhverjar breytingar á liðnu
ári? Jú, ýmislegt hefur breyst og
menn misánægðir með. Við sem
stöndum að skólamálum höld-
um okkur alltaf vera að gera
eitthvað gott, en eru skólarnir
okkar á Vestfjörðum nógu góð-
ir?
Mikið hefur verið rætt og rit-
að um samræmd próf grunn-
skólanna og í þeirri umræðu
hafa niðurstöður sýnt að Vest-
firðir koma allra landshluta
verst út. Menn hafa mikið rætt
um hvað valdi og margt verið
tínt til. Til að mynda hefur þeim
spurningum verið varpað fram
hvort lélegum aðbúnaði í skól-
um sé um að kenna, og lélegri
kennslu, þar sem betur búnir
skólar geta valið úr betri kenn-
urum. Nú, það hefur verið nefnt
að á landsbyggðinni og þar á
meðal á Vestfjörðum séu færri
langskólagengnir foreldrar en
t.d. á höfuðborgarsvæðinu, og
þar sem lífið snúist mest um
fisk, þá fái börnin minni stuðn-
ing til náms að heiman. En hvað
um það, þá hefur á síðastliðnu
ári farið fram ný könnun þar
sem einungis nemendur 9.
bekkjar sem lögheimili eiga á
Vestfjörðum fylla hópinn, án
tillits til hvar þau taka 9. bekkj-
arprófið. Þá kemur svolítið
annað upp á teninginn. Þar
standa vestfirsk böm fyllilega
jafnfætis öðrum og fara jafnvel
upp fyrir landsmeðaltal í sum-
um greinum.
Ég læt ykkur um að draga
einhverjar ályktanir af því. En
hvað sem öllu líður, þurfum við
að bæta skólana hvað gögn
varðar, og gera þarf kennara-
starfið eftirsóknarvert að nýju
til að fá hæfara starfslið inn í
skólana.
Um leið og ég óska ykkur
gleðilegra jóla vil ég beina þeirri
spumingu til ykkar allra:
„Hvað viljið þið leggja af
mörkum til að gera Vestfirði að
enn byggilegri landshluta og
gera vestfirska æsku að enn
betri mönnum? Það er jú æskan
sem erfa skal. Við vitum að
margt smátt gerir eitt stórt, við
getum ýmislegt, bara ef við
stöndum saman.
SONY
-k
Technics
*
Mestu myndgæðin
á markaðinum í dag eru
í myndskj ánum frá Sony
Z-100
Kr. 35.869,-st.gr.
Z-150
Kr. 41.650,-st.gr.
Z-300
Kr. 56.615,-st.gr.
Verslunin
Aðalstræti 24, sími 3103