Frjáls Palestína - 01.11.2010, Blaðsíða 11
10 FRJÁLS PALESTÍNA FRJÁLS PALESTÍNA 11
þá var honum tilkynnt að hann fengi ekki
að fara inn á Gaza. Egypsk stjórnvöld
leyfðu það ekki og engin skýring fékkst.
Formaðurinn stóð uppi nær auralaus
og vantaði alla hluti til daglegs brúks
nema myndavélar og tölvu sem voru í
bakpokanum. Hann kom sér fyrir á ódýru
hóteli í El Ariesh en peningar bárust ekki
fyrr en tveimur vikum frá Íslandi, en tal-
að hafði verið um í bankanum að það
tæki tvo daga. Þá var Sveinn löngu far-
inn norður á bóginn fyrir peninga sem
bárust frá Gaza og tók það minna en
klukkustund þrátt fyrir 50 km akstsur frá
Rafah til El Ariesh. Hann átti síðan eftir
að aka yfir 1000 km leið til að komast út
úr Egyptalandi um Taba og inn í Eilat í
Ísrael, algerlega athugasemdalaust. Síð-
an inn í Jórdaníu til Aqaba og þaðan til
Amman. Frá Amman var svo farið yfir Al-
lenby/King Husseini-brúna 1. nóvember.
Þá lenti Sveinn í 10 klst yfirheyrslu hjá
leyniþjónustunni sem lauk með þeim úr-
skurði að honum væri heimilt að vera í
Ísrael næstu þrjá mánuði en mætti ekki
fara inn á Gaza. Undarlegur úrskurður
ef um var að ræða mann sem á ein-
hvern hátt stofnaði Ísrael í hættu! Auð-
vitað var ekki um það að ræða, heldur
refsingu fyrir að eiga fundi með forystu-
mönnum stjórnvalda á Gaza, forsætis-
ráðherra og öðrum sem tilheyra Hamas.
Amitai kapteinn í þeirri deild Ísraelshers
sem sér um alþjóðasamtöl og erlenda
ferðamenn til Gaza fékk ekki skýringu
á banninu sem hernum fannst ástæðu-
laust og hafði veitt Sveini leyfi. En Am-
itai kapteinn taldi bannið komið til af því
að Sveinn hefði verið að hitta leiðinlegt
fólk á Gaza, einsog hann orðaði það.
Það var heilmikið áfall að komast ekki
aftir inn á Gaza. Sveinn var þar mitt í
mörgum verkum. Eitt var Maríusjóðurinn,
en ekki var búið að fullskipa stjórn hans
og halda fyrsta fund til að ákveða hvert
fyrsta styrktarverkefnið yrði. Þá var Sve-
inn að vinna á fullu með samstarfsaðila
okkar í Heilsustarfsnefndunum (UHWC)
og var vart byrjaður í verkefnum með
öðrum slíkum, það er Geðhjálparsam-
tökunum. Sveinn var nýkominn í sam-
band við læknadeild Íslamska háskólans
sem er stærsti háskólinn á Gaza. Hann
hafði verið þar í heimsókn í vikunni áður
og hitt rektor háskólans að máli, fram-
kvæmdastjóra alþjóðlegrar samvinnu, en
fyrst og fremst forseta læknadeildar og
samverkamenn hans. Samvinnuverkefni
voru að komast á dagskrá. Háskólinn
er mjög fallegur og vel útbúinn. Nánast
allir prófessorar eru doktorar úr fræg-
ustu háskólum Bandaríkjanna og Bret-
lands og öll kennsla fer fram á ensku.
Þannig mætti áfram telja og ekki síst
var Sveinn hálfnaður við að eiga viðtöl
við - og skoða alla þá sem fengið hafa
gervifætur frá okkur og meta árangurinn.
Stefnt er að áframhaldi á verkefninu, en
Óskari tókst ekki einungis að smíða gerv-
ifætur á 18 einstaklinga heldur kenndi
hann tveimur fagkonum á Gervilimastöð-
inni að smíða gervifætur með íslensku
aðferðinni, aðferð Össurar. Hann skildi
tækin eftir þannig að nú þarf einungis
að koma efni til smíðanna á áfangastað.
Morgunfundur á Al Mezan:
Al Mezan sérgreinasjúkrahúsinu er rekið
af hjónunum dr. Hazim Shelaldeh, konu
hans Sahar Qawasmi kvensjúkdómalæknis
og þingmanns Fatah samtakanna og tíu
samstarfslækna þeirra, Sahar situr fyir enda
borðsins. Auðvelt er að ganga beint inn á
læknafundi því að allt fer fram á ensku og
sjúkraskýrslur er á ensku.
Vinafundir. Með dr. Sakaria Agha, leiðtoga
Fatah og PLO á Gazasvæðinu:
Dr Zakaria tók upphaflega á móti mér í maí
1990 og fór með mig um Gazsvæðið.
Gervifætur til Gaza; Hér sést allur hópurinn
sem flutti gervifætur til Gaza í september
síðastliðnum, en varð frá að hverfa.
Hópurinn er í heimsókn hjá dr. Hazim
bæklunarskurðlækni og lækningaforstjóra
Al Mezan sjúkrahússins í Hebron. Frá
vinstri: Óskar Þór Lárusson, Johan Snyder
frá Suður-Afríku, Sveinn Rúnar Hauksson,
dr. Anton Jóhannesson frá Svíþjóð, Hazim
Shelaldeh yfirlæknir og Haukur Sveinsson.
Með Maurice Jacobsen, bandarískum
kvikmyndagerðarmanni á Gaza.
Maurice Jacosen er nú að leggja lokahönd á
heimildarmyndina Inshallah Insallah, en hún
verður sýnd í Bíó Paradís 9. desember nk.
Maurice dvaldi um 13 mánaða skeið á Gaza
við gerð myndarinnar. Hann er væntanlegur til
landsins til að vera við sýningu myndarinnar.
Gert er ráð fyrir umræðum um efni hennar að
sýningu lokinni. Stefnt er að því að lokahönd
verði lögð á gerð myndarinnar hér á Íslandi.
Al Awda sjúkrahúsið: Al Awda (=rétt-
urinn til heimkomu) sjúkrahúsið í
Jabaliya flóttamannabúðunum er
rekið af Heilsustarfsnefndunum,
UHWC, sem er einn helsti sam-
starfsaðili FÍP á Gaza. Al Awda er
mikilvægasta sjúkrahús norður-
svæðisins þótt ekki sé það í stærri
kantinum. Þar er meðal annars eina
kvensjúkdóma- og fæðingardeild
norðurhluta Gaza og sinnir það
um 360 þúsund manna byggð,
þar af eru 150 þúsund manns í
flóttamannabúðunum. Geysilegt álag
var á sjúkrahúsinu í árásarstríðinu
sem hófst þriðja í jólum 2008 og
stóð í þrjár vikur með látlausum
sprengjuárásum úr lofti, af landi og
sjó.
Gjörgæsludeild Al Awda sjúkrahúss-
ins er staðsett á annarri hæð. Í þrjú
ár hindruðu ísraelsk hernámsyfirvöld
að lyfta kæmi á sjúkrahúsið sem
búið var að greiða að fullu og öll
gjöld. Þetta kom sér sérstaklega illa
í árásarstríðinu um áramótin 2008
–2009 en þá varð að bera hina verst
særðu upp á aðra hæð. Lyftan er nú
komin. Þetta er aðeins eitt dæmi um
hvernig ísraelsk stjórnvöld spilla
fyrir allri þjónustu á Gaza, þar á
meðal heilbrigðisþjónustunni. Eins
var með fluoroskopiu, grundvallar
röntgentæki sem fékkst ekki afgreitt
gegnum Ísrael í meira en ár, þótt hún
væri að fullu greidd.