Vestfirska fréttablaðið - 03.01.1992, Page 1

VESTFIRSKA FRÉTTABLAÐIÐ 1.TBL. 18. ÁRG. 3. JANÚAR 1992
Áramótin voru friðsæl og falleg hér á norðanverðum Vestfjörðum. Fólk skaut upp sínum flugeldum í svipuðu magni og undanfarin
ár og er ekki vitað um alvarlegar handvammir við þær aðgerðir. Á eftir gengu menn hæfilega hratt um gleðinnar dyr og áttu
laganna verðir í ágætum samskiptum við vinnuveitendur sína á þessum tímamótum. Vestfirska óskar lesendum öllum, nær og
fjær, gleðilegs árs og þakkar samfylgdina á liðnu ári.
Myndina tók Hörður Kristjánsson Ijósmyndari á gamlárskvöld.
Bolungarvík:
Bærinn lánar EG 50 milljónir
— aðrar 50 milljónir komi að ákveðnum skilyrðum uppfylltum
Guðbjörgin:
— en alltaf minnkar
þorskurinn í sjónum
segir Geiri
Það þykir sífellt annálsvert hvað þeim feðgum Geira
og Bjarti á Guggunni tekst að draga úr sjó á árinu.
Aflabrögð þeirra eru sjálfsagt ekki verri mælikvarði á
ástand sjávar og fiskistofna en margt annað.
„Þetta er eitthvað svipað og 1990, rétt um 5000 tonn,
kannski 200 tonnum minna,“ sagði Geiri mitli hátíðanna,
en þá var Guggan á veiðum og endanleg niðurstaða ekki
fyrirliggjandi.
„Jújú, ég er ánægður með okkar hlut,“ sagði Geiri, „en
mér finnst alltaf minnka þorskurinn í sjónum. Það hefur
einhver breyting orðið á lífríkinu, fiskurinn er svo horaður
og smár. Hann er allt öðruvtsi en fyrir átta til tíu árum.
Hann hefur ekki ætið, lítur ekki við loðnunni. Þetta er eina
árið sem ekki einn einasti fiskur hefur veiðst í flotvörpuna.
Það er mikil breyting. En það hefur oft komið fyrir áður að
það væri lítill fiskur og maður vonar bara að Guð gefi að
þetta lagist aftur. Ég er alttaf bjartsýnn fyrir okkur eina og
sér, við höfum svo stórt og kraftmikið skiþ að við sækjum
bara annað og í aðrarfisktegundir ef því er að skipta."
Guggan er nú orðin tíu ára, en Geiri segist ekki hafá
nein áform um að láta smíða nýtt skip. „Við höfum allt það
sama og er í nýjum skipum og það er allt í góðu lagi svo
ég sé ekki neina ástæðu til að skipta. Það er tóm della að
það þurfi að skipta um skip á tíu ára fresti. Ég fæ ekkert
fyrir þetta góða skiþ en verð að borga 6-700 mílljónir fyrir
nýtt.“
Sjálfur er Geiri orðinn 63 ára og ekkert að hugsa um að
fara í land.
Fyrsta barn
ársins fætt
— fæðingum fækkar á FSÍ
Á gamlársdag gengu for-
svarsmenn Bolungarvíkur-
kaupstaðar frá 50 milljón
króna láni til Einars Guðfinns-
sonar hf. Er vonast til þess að
þessi fjárhæð fleyti fyrirtæk-
inu yfir erfiðasta hjallann.
Umræddar 50 milljónir fékk
bæjarsjóður Bolungarvíkur að
iáni frá Byggðastofnun en
endurlánaði EG síðan með
veði í togurunum Dagrúnu og
Heiðrúnu og kvótum þeirra.
Fyrirgreiðslan er til handa út-
gerðinni og frystihúsinu og
hefur fyrirtækið enga heimild
til að selja kvóta meðan það
er í skuld við bæinn. Verði
ákveðnum skilyrðum fullnægt
mun kaupstaðurinn lána aðrar
50 milljónir sem fengnar verða
hjá Landsbanka íslands. I
grófum dráttum felast þessi
skilyrði í því að gerðar verði
ákveðnar skipulagsbreytingar
og að fleiri aðilar en bæjar-
sjóður aðstoði við endurreisn
fyrirtækisins, svo sem
Atvinnutryggingasjóður,
Byggðasjóður, Fiskveiðasjóð-
ur og Landsbankinn. Ólafur
Kristjánsson bæjarstjóri sagð-
ist í samtali við blaðið búasl
við að skilyrðunum yrði full-
nægt fyrir janúarlok og þá yrði
hægt að afgreiða seinna lánið.
Nú eru tveir mánuðir síðan
forsvarsmenn Einars Guð-
finnssonar fóru þess á leit við
bæjaryfirvöld að þau aðstoð-
uðu fyrirtækið með því að
leggja fram hlutafé. Þeirri
málaleitan var hafnað þar sem
áhættan þótti of mikil. Áður-
greind niðurstaða fékkst síðan
eftir að starfsmenn bæjarins
höfðu farið ofan í saumana á
rekstri fyrirtækisins.
Aðspurður sagðist Ólafur
Kristjánsson vonast til að hag-
ur bæjarsjóðs værí tryggður
með þessum aðgerðum. Hann
sagði brýnt að stjórnvöld
viðurkenndu vanda fyrirtækja
í sjávarútvegi og sköpuðu
þeim viðunandi rekstrar-
grundvöll.
Fyrsta barn ársins hér vestra kom í heiminn kl. 2:51
á nýársnótt. Það var stúlkubarn, 52 cm og 3.750
grömm. Foreldrareru Hildur Margrét Guðmundsdóttir
og Óðinn Baldursson, Fjarðarstræti 55, Isafirði. Snót-
in unga er annað barn ársins á íslandi.
69 börn fæddust á Fjórðungssjúkrahúsinu á Isafirði á
síðasta ári, en voru 82 árið áður. Á sjúkrahúsinu á Pat-
reksfirði fjölgaði fæðingum hins vegar úr 7 árið 1990 í 10
árið 1991. Ljósmóðirin þar tjáði okkur að konur á upptöku-
svæði sjúkrahússins á Patreksfirði færu ósjaldan í önnur
byggöarlög til að fæða börn sín, þannig að áðurnefndar
tölur segja ekki alla söguna um fólksfjölgun þar um slóðir.
BÍLAÞJONUSTA
DAÐA
FJARÐARSTRÆTI20,
400 ÍSAFJÖRÐUR
SÍMI 94-3499
jr Smurstöð ir
j ir Hjólbarðaviðgerðir ir
Bifreiðaviðgerðir - bílasala
Tjl Vestfjarða
tvisvar í viku
RÍKISSKIP
NÚTÍMA
FLUTNINGAR
„Er ekki sjálfsagt að læknar
séu ábyrgir gjörða sinna?“
— Svo spyr Þorsteinn Jóhannesson yfírlæknir
í ítarlegu viðtali, bls. 4-7