Vestfirska fréttablaðið - 05.03.1992, Qupperneq 1
FIMMTUDAGUR
5. MARS 1992
3. TBL. 18. ÁRG.
SÍMI94-4011
Ísfírðingafélagið í Reykjavík eflir átthagatengslin:
Sóltún verður orlofsheimili
fyrir brottflutta ísfirðinga
— stjórnin kemur vestur um helgina
ísfirðingafélagið í Reykja-
vík hefur keypt húsið Sóltún
(Hlíðarveg 2) á ísafirði og fær
það afhent nú um helgina.
Stjórnarmenn í félaginu (Ein-
ar S. Einarsson formaður,
Guðfinnur Kjartansson vara-
formaður og Gunnar Sigur-
jónsson gjaldkeri) eru að
koma vestur, og liggur fyrst
fyrir að kaupa húsgögn og
annað sem til þarf í húsið. Eað
verður síðan leigt út sem
orlofs- og gestaheimili, fyrst
og fremst fyrir brottflutta fs-
firðinga. Ef húsið verður ekki
fullnýtt þannig eru ýmsar aðr-
ar hugmyndir tiltækar, t.d. að
listafólk og rithöfundar geti
fengið þar aðstöðu um ein-
hvern tíma.
Nú er verið að vinna að
næsta tölublaði Vestanpósts-
ins, málgagns ísfirðingafélags-
ins (ritstjóri Bjarni Brynjólfs-
son), þar sem notkun hússins
verður kynnt rækilega, úthlut-
unarreglur og annað, en þær
hafa ekki verið samdar enn.
ísfirðingafélagið í Reykja-
vík var stofnað 1945. Skráðir
félagar eru um 1.200 talsins.
Kraftur er í starfi félagsins um
þessar mundir eftir viðreisn
þess fyrir fjórum árum.
Sóltún var byggt um 1930,
fyrsta húsið sem reis við Hlíð-
arveg. Sá sem byggði sér þetta
smágerða, sérkennilega og
fallega hús var Guðmundur
Jónsson frá Mosdal í Ön-
undarfirði, kennari, tréskurð-
armaður, smiður og félags-
málafrömuður á ísafirði.
Hann lést árið 1956. ísfirð-
ingafélagið keypti húsið af
Helgu Guðrúnu Eiríksdóttur.
Sóltún við Hlíðarveg á ísafirði. Ísfírðingafélagið í Reykjavík hefur keypt þetta fallega og smágerða hús til afnota fyrir brottflutta
ísflrðinga.
Öryggisþjónusta Vestfjarða:
Eftirlit með eignum allan sólarhringinn
Það eru fleiri gulir miðar en
vegna innistæðulausra ávísana
og Ijótra brota í fótboltanum
og áskriftartónleika hjá Sin-
fóníuhljómsveitinni: Ný teg-
und af gulum miðum á dyrum
og gluggum er um þessar
mundir að breiðast út um ísa-
fjörð og nágrenni. A þeim er
merki nýstofnaðrar Öryggis-
þjónustu Vestfjarða (hannað
af Herði Kristjánssyni teikn-
ara) og áletrunin Þetta fyrir-
tœki er vaktað.
Páll Sigurðsson, lögreglu-
maður til margra ára, bæði í
Reykjavík og á ísafirði, lét af
því starfi um síðustu áramót
til að hasla sér völl á öðrum en
þó náskyldum vettvangi: Páll
og starfsmenn hans taka að sér
öryggisgæslu og vaktþjónustu
og eftirlit með eignum. Fyrst
og fremst er þar um að ræða
fyrirtæki og stofnanir, en
einnig skip og báta, gáma, at-
hafnasvæði, einbýlishús þegar
íbúarnir eru fjarverandi (lfka
þarf að vökva blómin og gefa
fiskunum), og raunar hvað
sem óskað er eftir að þeir hafi
gætur á (að vfsu taka þeir ekki
að sér að passa börn, hvað sem
síðar verður).
Starfsemi Öryggisþjónustu
Vestfjarða er hliðstæð þjón-
—
Ættarmótið
á ísaflrði
Vorverkefni Litla leikklúbbsins á ísafirði er Ættarmót-
ið eftir Böðvar Guðmundsson. Æfingar standa nú yfir
og leikstjóri er Arnór Benónýsson leikari. Frumsýning
verður í byrjun apríl. Sýningar verða í Félagsheimilinu i
Hnífsdal.
Meðal leikenda eru Gróa Haraldsdóttir, Ingibjörg
Matthíasdóttir, Eggert Stefánsson, Páll Loftsson og Hrönn
Benónýsdóttir (formaður Litla leikklúbbsins). Hjónin
Ásgeir S. Sigurðsson og Messíana Marsellíusdóttir og
Harmónikufélag ísafjarðar sjá um tónlistina.
Páll Sigurðsson, merki Öryggisþjónustu Vestfjarða á rúðunni.
ustu Securitas og Vara í
Reykjavík. Fyrst og fremst er
tilgangurinn að koma í veg
fyrir innbrot, þjófnaði og
skcmmdarvcrk, og miðarnir
gulu eru ekki síst til þess
ætlaðir að halda spellvirkjum
í hæfilegri fjarlægð. Bruna-
varnir og annað eftirlit með
eignum er einnig í verkahring
Páls og félaga. Þessi þjónusta
er í gangi allan sólarhringinn,
alla daga ársins, en það liggur
í hlutarins eðli að ekki verður
farið hér nánar út í tilhögun
öryggisgæslunnar.
Pað er staðreynd, hvort sem
mönnum líkar það betur eða
verr, að á ísafirði er nokkuð
hátt hlutfall innbrota og
skemmdarverka miðað við
höfðatölu, enda mikil traffík
af aðkomufólki. Öryggisþjón-
usta Vestfjarða ætti að verða
góður stuðningur fyrir lög-
reglu og almenning í því að
halda slíku niðri.
Starfsemi Öryggisþjónustu
Vestfjarða er alls ekki ein-
skorðuð við ísafjarðarkaup-
stað. Nánari upplýsingar gefur
Páll Sigurðsson í síma 4268
eða 985-33345.
VESTFIRSKA
4011
Rafþjónusta Raftækjasala Rafeindaþjónusta Siglingatæki Kælitæki
SALA & ÞJÓNUSf A
PÓLLINN HF.
PÓLLINN HF.
Verslun S 3092