Vestfirska fréttablaðið - 05.03.1992, Blaðsíða 8
TOLVUPAPPIR - LJOSRITUNARPAPPIR
Gæðapappír á betra verði Leitaðu ekki langt yfir skammt
ÍSPRENTHF.
PRENTSMIÐJA S 94-3223
kVESTFIRSKA1
kVESTFIRSKA1
kVESTFIRSKA1
Nýr átthagaklúbbur að fæðast:
Nú er veríð að koma á fót klúbbi eða félagi Norðlendinga
á ísafirði. Að sögn þeirra Óðins bakara og Kolbeins Vals-
sonar, sem í þessu standa, fer ekki framhjá neinum að á
Vestfjörðum verður naumast þverfótað fyrir Norðlending-
um. „Okkur finnst nauðsynlegt að reyna að koma saman
og gera okkur glaðan dag, því auðvitað verðum við að
standa vörð um mól okkar og menningu.1'
Fyrirhugað er að halda á ísafirði á næstunni „loftbólu"
(árshátíð) Norðlendinga, og á nafn samkomunnar að vísa
til eðliseiginda norðanmanna, einkum Þingeyinga. Þar
verður reynt að magna upp gamlan hreppa- og héraðarig
að norðan, t.d. milii Húsvíkinga og Akureyringa. Mývetn-
ingar mega vera með líka ef þeir hegða sér skikkanlega
og skaffa silung.
Nánari upplýsingar gefa Óðinn Svan í síma 4707 og
Kolbeinn í síma 3437.
Norðlendingar á ísafirði: Kolbeinn Valsson og Óðinn
bakari.
Niðursuðudos
handa Svæðisút-
varpi Yestfjarða?
Sparnaðarráðstafanir í ríkisgeiranum koma víða fram,
enda er sagt að það sé lítið sem hundstungan finnur ekki.
Ökutækjamálefni svæðisútvarpsstöðvanna hafa að
undanförnu verið til meðferðar hjá Ríkisútvarpinu. Fyrir
nokkrum dögum var hringt hingað vestur og leitað eftir
undirtektum við þá hugmynd, að Svæðisútvarp Vestfjarða
fengi til afnota minnsta aíbrigðið af ónefndri japanskri
bílategund. Hugmyndin féll í grýtta jörð, vægast sagt,
enda Ijóst að viðkomandi kontóristi í fjármáladeildinni í
Reykjavík hefur ekki gert sér fulla grein fyrir eðli málsins.
Fyrir þá sem þekkja bara rödd Finnboga Hermannssonar
en hafa ekki séð hann, má geta þess að hann er nærri
tveir metrar á hæð, vegur töluvert á annað hundrað kíló
og gengur á vetrum í tveimur lopapeysum undir þykkri
úlpu. Ef unnt væri að troða Finnboga með einhverjum
ráðum inn í umrædda japanska blikkdós, þá þyrfti bíla-
klippur slökkviliðsins til að ná honum aftur út.
Það er svo önnur saga, og ekki til þess fallin að gera
Vestfirðinga ánægðari með hugmyndina, að Ríkisútvarpið
hafði nóga peninga til að skaffa Svæðisútvarpi Austfjarða
splunkunýjan og fullvaxta Subaru með drifi á öllum
hjólum...
Sóknarprestur telur fugla
fyrir Vegagerö ríkisins
Séra Sigurður Ægisson
sóknarprestur í Bolungarvík
er áhugasamur fuglaskoðun-
armaður. I haust var séra Sig-
urður ráðinn til að sinna þessu
áhugamáli sínu í þágu Vega-
gerðar ríkisins, hversu undar-
lega sem það kann að hljóma:
Verkefnið er í því fólgið að
telja fugla í innanverðum
Skutulsfirði einu sinni til þrisv-
ar í viku í heilt ár, svo að menn
viti betur hvað þeir eru að fara
út í þegar ráðist verður í gerð
vegar og brúar yfir fjörðinn
frá Hafrafelli og yfir á Skip-
eyri.
Leirurnar í botni Skutuls-
fj arðar eiga sér enga hliðstæðu
í öðrum fjörðum við sunnan-
vert ísafjarðardjúp. Þarnaeru
ekki aðeins miklar leirur,
heldur eru þær einnig óvenju-
lega fjölbreyttar að gerð og
auðugar að lífi, sannkallað
gósenland fugla, einkum vað-
fugla. Vegagerð ríkisins vill
því hugsa sig um tvisvar áður
en stórvirkum vinnuvélum
verður att á þessar leirur og
lífríki þeirra, enda er Gísli
Eiríksson umdæmisverkfræð-
ingur Vegagerðarinnar hér
vestra kunnur fyrir skógrækt-
arstarf og umhyggju fyrir ís-
lenskri náttúru.
Svæðið þar sem séra Sigurð-
ur telur fugla fyrir Vegagerð-
ina nær frá Seljalandi (Brúar-
nesti), inn fyrirfjarðarbotninn
og allt út á Skipeyri, sem um
þessar mundir er betur þekkt
sem ísafjarðarflugvöllur.
Þessar vikurnar ber helst á
æðarfugli og mávi (svartbak,
hvítmávi og bjartmávi), en
„Lítið til fugla himinsins... “ Tækið sem séra Sigurður horfir í er ekki myndavél, heldur sjónauki
sem hann festir á bílrúðuna. Svona fjölmúlavíl hefur Óðinn líklega notað til að sjá of heima alla
hér um árið, enda hannað fyrir eineygða (guði og menn).
einnig er nokkuð um
stokkönd, hávellu og
toppönd. Aðrir fuglar sem
komið hafa við sögu í vetur
eru tjaldur, stelkur, sendl-
íngur, æðarkóngur, skúfönd,
tildra, gulönd, duggönd,
svanur, fálki, hrafn, lóuþræll
og rita.
Enn sem komið er hefur
einna minnst verið um fugl
einmitt á því svæði þar sem
nýi vegurinn er fyrirhugaður.
En allt mun þetta trúlega
breytast með vori og sumri.
Þá koma nýir siðir með nýjum
fuglum og eflaust verða fugla-
skýrslur sóknarprests þeirra
Bolvíkinga til Vegagerðar
ríkisins orðnar þykkar þegar
ársins hringur lokast í byrjun
september.
Séra Sigurður við skýrslugerð - ekki til biskups, heldur til Vegagerðar ríkisins.
n (VESTFIRSKAB
A UGL ÝSINGAR
SMÁA UGL ÝSINGAR
© 4011