Vestfirska fréttablaðið - 23.04.1992, Blaðsíða 1

FIMMTUDAGUR
23. APRÍL 1992
10. TBL. 18. ÁRG.
SIMI944011

„Við erum kvótalausir aumingjar“
— vegna þess að við veiddum hrefnu á viðmiðunarárunum,
segir Konni Eggerts
Á páskadagsmorgun tókum
við þessa mynd af Konráð
Eggertssyni og konu hans
Önnu Guðmundsdóttir. Þau
hjónin voru í morgungöngu
íklædd selskinnsjökkum.
Konráð er nú farinn til Vest-
mannaeyja til lúðuveiða á bát
sínum Halldóri Sigurðssyni
ÍS. Við ræddum við hann í
farsíma í gær þar sem hann var
staddur í Vestmannaeyjahöfn
í landlegu vegna óveðurs.
Konráð var fyrir skömmu í
Grænlandi á fundi með full-
trúum hvalveiðiþjóða þar sem
stofuð voru samtök til þess að
vinna samhliða Alþjóða hval-
veiðiráðinu.
„Þarna voru Norðmcnn, ís-
lendingar, Grænlendingar,
Færeyingar og áheyrnarfull-
trúar frá Japan og Kanada.
Hvalveiðiráðið hefur ekki
sinnt skyldum sínum sam-
kvæmt stofnreglum þess og
það er búið að reyna að fá þá
til þess undanfarin ár, að
stjórna veiðum og fylgjast
með hvalastofnunum. Þeir
hafa ekki fengist til þess að
gera þetta og við vorum að búa
til samtök sem eiga að vinna
við hliðina á Hvalveiðiráðinu,
eiginlega samskonar samtök.
Niðurstaðan var sú að samtök-
in voru stofnuð og ákveðið að
berjast fyrir því að veiðar
verði hafnar á sjávarspendýr-
um sem fyrst, þ.e.a.s. þeirra
tegunda sem að stot'narnir eru
í nýtanlegu ástandi. Eftir 90
daga verður þetta nýja hval-
veiðiráð til þegar undirskrift-
irnar hafa öðlast gildi. Þetta er
Sjávarspendýraráð Norður-
Atlantshafs.
Ef að Hvalveiðiráðið
gengur í sig, sem að menn eru
svona hálft í hvoru að vona,
þá gætum við hafið hrefnu-
veiðar sumarið 1993. Ef ekki
þá eru það nýju samtökin og
þá ættu veiðar að hefjast
1994,“ sagði Konráð.
Þegar Konni var spurður
um selskinnsklæðin sagði
hann: „Mér hefur alla tíð
runnið það til rifja hvernig
búið cr að fara mcð Grænlend-
inga og eskimóana í Kanada.
Þeir voru hálfdrepnir á sínum
tíma af náttúruverndarsam-
tökum. Ég hef alltaf haft
áhuga á að sýna þeim sam-
stöðu því ég veit að hægt er að
hafa miklar tekur af því að
veiða sel. vinna skinn og föt.
Þetta eru fallegar flíkur og við
göngum í þeim vegna þess og
til þess að vekja athygli á mál-
efninu."
„Nú liggjum við hér í Vest-
mannaeyjum í kolvitlausu
veðri. Við ætlum að prófa að
leggja lúðulóð hér við Eyjar.
Við erum kvótalausir aum-
ingjar út af hrefnuveiðunum.
Við vorum á hrefnu á viðmið-
unarárunum," sagði Konráð
að lokum.
-GHj Konráð Eggertsson ásamt Önnu Guðmundsdóttur konu sinni á
morgungöngu á páskadagsmorgun, íklædd dýrindis selskinns-
jökkum.
Yel heppnuð Skíðavika á Isafírði
— glampandi sól, gott veður og gott skap á Seljalandsdal
Ætlum að bera á í vor
— og sjá svo til, segir Páll í Bæjum
Vestfirska var á ferð í ísafjarðardjúpi í dymbilvikunni og
heimsótti Pál Jóhannesson, bónda i Bæjum á Snæfjalla-
strönd. Páll hætti að búa með sauðfé sl. haust og býr nú
eingöngu með kýr og tíu kindur sem hann hélt eftir þegar
féð var skorið niður. Við spurðum Pál um tíðarfarið í vetur:
„Það hefur verið ágætis tíðarfar og okkur hefur gengið vel
að koma frá okkur afurðunum og alltaf hefur verið fært á
bryggju. Það hefur verið mjög snjólétt í vetur og hefði ekki
snjóað í nóvember væri hér alauð jörð. Ég man ekki eftir
því að svona lítið hafi snjóað eftir áramót eins og í vetur,“
sagði Páll.
„Það hefur komið ágætlega út að vera bara með kýrnar.
Það hefur verið mikið rólegra þvi við vorum komin með
allt of stórt bú og til að minnka vinnuna er hagstæðara að
vera með annað hvort. Ég sá nú meira eftir kindunum en
ég hefði séð eftir kúnum en ég vil frekar búa með kýr.
Vinnan er miklu reglulegri og leitir voru afar erfiðar. í haust
smöluðum við 22 jarðir á Ströndinni og í Jökulfjörðum.
Þetta hefði verið okkur ofviða ef við hefðum ekkí haft
sérstaklega góða hjálp. Það er farið að ýja að því að við
förum að hætta með kýrnar. Það gerir flutningurinn á
mjólkinni á sumrin. Það má búast við að lagt verði niður
jöfnunargjald á flutninginn og þá verður þetta svo dýrt fyrir
Mjólkursamlagið að það mun ekki geta sótt mjólkina til
okkar. Ef satt skal segja er farið að ýja því að okkur að
við hættum mjólkurframleiðslu og þá höfum við ekki yfir
neinu að vera hér. Ég held maður beri á í vor og sjái svo
til með það.“
„Hér hefur okkur alltaf liðið vel og alltaf haft nóg að
borða. Kalárin á sjöunda áratugnum voru okkur afar erfið
og voru næstum búin að ganga frá okkur," sagði Páll að
lokum.
Þaö var svo sannarlega margt um manninn á Dalnum, enda
frábært veður.
Ljósmyndir Hördur Krístjánsson.
Ýmsar uppákomur voru á Skíðavikunni. Hér er málað af mikilli
innlifun á furðufatadegi.
Fjölskyldan í Neðri Bæ. Páll og kona hans Anna Magnús-
dóttir ásamt syni þeirra Haraldi Bjarma.
Jarðgöngin
1140 metra löng
Að sögn Björns Harðarsonar, eftirlitsmanns V.r. með
framkvæmdum við jarðgöngin undir Breiðadals- og Botns-
heiðar, hófst vinna við göngin aftur í gærmorgun eftir
páskafrí. Verkið gengur mjög vel og eru göngin nú 1140
metra löng inn undir heiðarnar.
-GHj.
Fermingargjafir í úrvali
Hljómtækjasamstæður 14" sjónvörp ■ Ferðatæki m/geislaspilara ■ Upptökuvélar
Ferðatæki m/án kassettu ■ Vasadiskó ■ Hársnyrtivörur ■ Útvarpsvekjarar
Headphonar og.
VÖNDUÐ TÆKIÁ JAPIS VERÐI
öóóódýr
VERSLUN & ÞJÓNUSTA
©
PÓLLINN HF.
Verslun S* 3092