Vestfirska fréttablaðið - 18.06.1992, Blaðsíða 2

VESTFIRSKA
2
Fimmtudagur 18. júní 1992
VESTFIRSKA
| FRÉTTABLAÐIÐ |
Vestfirska fréttablaöiö kemur út síödegis á fimmtudögum. Blaö-
inu er dreift án endurgjalds. Ritstjórn og auglýsingar: Aöalstræti
35, ísafiröi, sími (94)-4011, fax (94)-4423. Útgefandi, ritstjóri og
abyrgöarmaður: Hlynur Þór Magnússon, Túngötu 17, ísafiröi,
heimasími (94)-4446. Blaðamaður: Gísli Hjartarson, Fjaröarstræti
2, ísafirði, heimasími (94)-3948. Prentvinnsla: ísprent hf. Aðal-
stræti 35, Isafirði, 94-3223.

LEIÐARI
Einar K. Guðfínnsson skrifar
Afall, ekkert minna
Vægasta orðið sem hægt er að nota um efnahagsleg
áhrif 30—40% skerðingar á þorskafla á næsta fiskveiðiári,
er áfall. Fiskveiðiþjóðin (slendingar verður á öllum sviðum
að búa sig undir samdrátt og lakari kjör, ef tekjur þjóðar-
búsins dragast saman á næsta ári um 10-12 milljarða.
Gleymum því ekki, að alltof stór hluti af atvinnulegri
nýsköþun okkar hefur tekist illa. Nýbúgreinar í sveitum
hafa ekki orðið sú lind tekna og auðsköpunar sem menn
væntu. Algjör óvissa ríkir um nýjan orkufrekan iðnað. Og
þó að sumar iðngreinar hafi spjarað sig vel, er Ijóst að
aðrar hafa ekki staðist alþjóðlega samkeppni. Einkanlega
vegna þeirrar einkennilegu stefnu margra ríkisstjórna að
halda raungengi háu og fölsku. Var þó iðnaðinum ætlað
fyrir tuttugu árum eða svo að taka við stórum hluta þess
nýja starfsfólks, sem kæmi út á vinnumarkaðinn.
Sjávarvöruframleiðslan hefur af þessum sökum orðið
stærri hluti útflutningsverðmætis okkar, gagnstætt því
sem menn hugðu. Framhjá því verður þess vegna einfald-
lega ekki gengið, að tekjuskerðing í þorskveiðum, og þar
með sjávarútveginum, mun og á að deilast niður á þjóðina.
Hún á ekki að hitta fyrir sjávarútveginn einan, eins og alltof
algengt hefur verið í gegnum tíðina þegar að sjávarútveg-
inum hefur sorfið.
Sjávarútvegurinn hefur staðið og mun standa undir lífs-
kjörunum í þessu landi. Það er vegna auðsköpunarinnar
í sjávarútveginum að við höfum byggt upp gott heilbrigðis-
kerfi, menntakerfi, velferðarsamfélag og þar fram eftir
götunum. Það er vegna sjávarútvegsins sem lífskjör hafa
verið hér svo góð. Afrakstur fjárfestinga í sjávarútvegi
hefur verið miklu meiri fyrir þjóðina en almennt í atvinnu-
lífinu. Hvað sem líður sífrinu um offjárfestingu í greininni.
Með öðrum orðum: Við erum öll á einum og sama
bátnum, íslendingar. Ágjöf af því tagi, sem 30-40% niður-
skurður í þorskaflaheimildum er, mun því pusast yfir alla
skipverjana, hvort sem þeir búa á Vestfjörðum eða í Reykj-
avík.
Hitt er þó næsta Ijóst, að verstu beinu áhrif þorskafla-
skerðingarinnar verða hér á Vestfjörðum, nema eitthvað
verði að gert. Við erum háðust þorskveiðunum. Tvær at
hverjum þremur krónum, sem verða til vegna botnfiskút-
gerðar á Vestfjörðum, má rekja til þprskveiðanna. Hin
minnsta skerðing aflaheimilda í þorski er því þungt högg
framan í okkur.
Þess vegna er eðlilegt að við gerum kröfu til þess, að
sérstakar ráðstafanir verði gerðar til að milda þetta högg.
Það má gera með aðgerðum á borð við skuldbreytingar í
.bönkum og sjóðum, svo að greiðslubyrði vaxi ekki vegna
minnkandi tekna. En hitt er líka mikilvægt, að við njótum
aukinna aflaheimilda í öðrum fisktegundum. Ekki síst í
Ijósi þess, að kvótakerfið og framkvæmd þess fyrstu árin
leiddi beinlínis til þess að aflaheimildir okkar, svo sem í
grálúðu og þorski, minnkuðu.
Stjórnvöld hafa tímann fram til loka júlí til þess að taka
ákvörðun um aflaheimildir næsta árs. Þann tíma á að nota
vel. Það er sjálfsögð krafa, að þegar tilkynningar um afla-
heimildir næsta fiskveiðiárs verða gefnar út, greini stjórn-
völd einnig frá viðbrögðum sínum og aðgerðum gagnvart
sjávarútveginum. Einkanlega þar sem þorskveiðin
vegur þyngst. Við útgáfu á aflaheimildum munu stjórnvöld
setja fyrirtækjunum tiltekinn rekstrarlegan ramma. Innan
hans geta stjórnendur fyrirtækjanna tekið sínar ákvarðan-
ir. Þess vegna er sjálfsagt mál, að fyrir liggi strax hvernig
Svipmynd frá Bíldudal:
Gunnar Karl Garðarsson rækjuskipstjóri
á Jörundi Bjarnasyni BA.
Mynd: Róbert Schmidt.
BÆJARFÓGETINN Á ÍSAFIRÐI
SÝSLUMAÐURINN í ÍSAFJARÐARSÝSLU
Héraðslögreglumaður
Héraðslögreglumann vantar nú þegar
til starfa á Flateyri. Um er að ræða
hlutastarf.
Leitað er að traustum manni, sem unn-
ið getur sjálfstætt.
Yíirlögregluþjónn veitir nánari upplýs-
ingar.
ísafirði 15. júní 1992
Bæjarfógetinn á ísafirði
Sýslumaðurinn í ísafjarðarsýslu
Ólafur Helgi Kjartansson
Hvítasunnukirkjan
SALEM
Fimmtudagur kl. 20:30 - bænasamkoma
Sunnudagur kl. 20.00 - almenn samkoma
Sr. Magnús Erlingsson talar á samkomunni hjá
okkur nk. sunnudagskvöld. Mikill og góður
söngur. Allir hjartanlega velkomnir.
Hvítasunnukirkjan.
stjórnvöld ætla að aðstoða sjávarútveginn við að mæta
tekjutapinu, ef farið verður að tillögum fiskifræðinganna.
Yfirlýsingar ráðamanna gefa til kynna að menn geri sér
grein fyrir alvöru málsins fyrir einstakar byggðir og lands-
svæði og að opinberar ráðstafanir þurfi til þess að mæta
þessum áföllum. Þá er líka nauðsynlegt að menn séu
fullkomlega með á það, að töf á því að þessar ráðstafanir
líti dagsins Ijós eru öllum til tjóns. Við megum engan tíma
missa. í þessu máli vinnur tíminn gegn okkur.
Einar K. Guðfinnsson.
J FRÉTTABLAÐIÐl--
Aðalfundur
Aöalfundur Vélbátaábyrgðarfélags ísfirð-
inga verður haldinn mánudaginn 29. júní
nk. kl. 17.00 á Hótel ísafirði.
Dagskrá:
Venjuleg aðalfundarstörf.
Stjórnin.
TIL SÖLU
PP I
Til sölu er neðri hæð í þessu tvíbýlis-
húsi að Brunngötu 12 á ísafirði.
Upplýsingar gefa Sigurður Þorláksson
í síma 3237 og Sverrir Hestnes í síma
3880.
„Frakkur“ skrifar:
s
Isafjarðarbros
Nú hafa þau tíðindi gerst
að brosnámskeið hefur ver-
ið haldið á ísafirði, þ.e.
fyrir starfsfólk bæjarins,
með góðum árangri að því
sagt er. Ykkar einlægur
Frakkur gleðst alltaf mjög
þegar tekst að gera góða
hluti, sérstaklega ef þeir
eru varanlegir og hag-
kvæmir þeim sem að fram-
kvæmdinni standa. Ykkar
einlægur sér marga ljósa
punkta í málinu.
Nú hefur bæjarstjórinn
t.d. brosað framan í um-
hverfisráðherrann og feng-
ið starfsleyfi sorpbrennsl-
unnar á Skarfaskeri fram-
lengt um tvö ár eða svo,
útá brosið. Hnífsdælingar
hinsvegar brosa víst ekki
að þessu, telja svæluna úr
reykháfnum lítið broslega.
Frakkur leggur til, að næst
þegar von er á umhverfis-
ráðherra vestur, þá verði
öllum Hnífsdælingum
uppálagt að fara á Heilsu-
gæslustöðina og láta skorða
tunguspaða á milli
munnvikanna á sér og safn-
ast svo saman við sorp-
brennsluna í móttöku-
nefnd fyrir ráðherrann, og
þá getur bæjarstjórinn sýnt
frammá að allir séu ánægð-
ir, eða í það minnsta bros-
andi.
Ykkar einlægum er líka
í fersku minni sú mikla
ásókn sem var í stöðu aðal-
bókara bæjarins í vetur og
sá vandi sem var að koma
öllum þeim hlutum þannig
fyrir að allir gætu vel við
unað. Nú sýnist Frakki
augljóst að í starfsauglýs-
ingum í framtíðinni verði
þess krafist, að auk tilskil-
inna hæfileika til starfsins
verði umsækjendur að vera
fallega tenntir og kunna að
brosa fallega, annars komi
þeir ekki til greina. Þannig
verður hægt að sjá fyrir-
fram hvort vinir og vanda-
menn hyggi á starf hjá
bænum, því þá munu þeir
standa fyrir framan alla til-
t^ka spegla og æfa bros.
Svo þarf ekki að hafa
áhyggjur af iaunamálum
starfsmanna ísafjarðar-
bæjar í bráð að minnsta
kosti, því þeir sem skoða
launaseðla sína brosandi út
að eyrum geta varla verið
óánægðir, en Frakkur hef-
ur fyrir satt að á fyrsta út-
borgunardegi eftir nám-
skeiðið hafi mátt sjá starfs-
menn bæjarins ganga bros-
andi heim á leið á sama
tíma og aðrir launþegar
gengu heim á svipinn eins
og þeir væru að éta sítrónu.
Frakkur bíður spenntur
eftir því að fá rukkun frá
bæjarsjóði svo hægt sé að
gera sér ferð á skrifstofuna
til að sjá öll þau brosandi
andlit sem þar eiga að vera
og telur fullvíst að ánægju-
legt verði að sjá gjaldker-
ann strauja krumpaða rass-
vasaseðla og leggja í kass-
ann brosandi.
Frakkur telur því umrætt
brosnámskeið mjög af hinu
góða, þrátt fyrir nokkurn
kostnað og greiðslur til
námskeiðshaldara. Hann
hefur því einsett sér í
sumar, þegar fyrir augun
ber óleyst verkefni á vegum
bæjarins, að brosa breitt og
minnast þess að ekki eru til
peningar til allra hluta sam-
tímis.
Ykkar einlægur Frakkur.