Vestfirska fréttablaðið - 09.07.1992, Blaðsíða 3
VESTFIRSKA
^_______ Fimmtudagur 9. júlí 1992 3
---1 FRÉTTABLAÐIP )_ — —
Gvendur jaki
á ferð með 40
Dagsbrúnarmenn
Guðmundur J. og Elín á Silfurtorgi.
„Við erum 40 Dagsbrún-
armenn og konur á öllum
aldri að ferðast um Vest-
firðj. Við fórum frá
Reykjavík á miðvikudag-
inn og gistum f Birkimel á
Baröaströnd og fórum á
Látrabjarg. Næstu nótt
gistum við á Núpi í Dýra-
firði og stoppuðum náttúr-
lega á Hjallkárseyri í Arn-
arfirði þar sem afi minn
bjó. Það vantaði bara séra
Baldur Vilhelmsson pró-
fast til að syngja sálmkorn
í túninu til þess að full-
komna þann stans. Við
erum búin að fara til Bol-
ungarvíkur og förum svo til
Suðureyrar og Flateyrar og
gistum aftur að Núpi f nótt.
Síðan gistum við í Reykja-
nesi í ísafjarðardjúpi næstu
nótt og höldum heim á
sunnudag eftir fjögurra
daga:: ferðalag um Vest-
firöi '. sögðu Guðmundur
J. Guðmundsson formaður
Dagsbrúnar og Elín Torfa-
dóttir kona hans þegar
Vestfirska hitti þau að máli
á Silfurtorgi á ísafirði í
veðurblíðunni sl. föstudag.
Að sögn starfsmanns á
skrifstofu Dagsbrúnar í gær
var ferðin alveg einstaklega
vel heppnuð og fólkið í sjö-
unda himni yfir fegurð
Vestfjarða. Sagði hann að
Vestfirðir væru perla sem
alltof lítið væri heimsótt.
-GHj.
Slysavarnaskólinn
á ísafírði
í síðustu viku var haldið björgunamámskeið á ísafirði í
Slysavarnarskólanum um borð í Sæbjörgu. Myndin var
tekin þegar þyrla Landhelgisgæslunnar, TF-SIF, var við
björgunaræfingar og lét mann síga niður á hvalbak Sæ-
bjargar eftir að hafa hift hann upp úr sjónum við skipshlið.
Aðalfundur Búnaðarsambands Vestfjarða:
Skuggi áframhaldandi skerðingar framundan
Um helgina var aðalfundur
Búnaðarsambands Vestfjarða
haldinn að Núpi í Dýrafirði.
BsV er samband 17 búnaðar-
félaga í ísafjarðarsýslum og
Barðastrandarsýslum. A
aðalfund koma fulltrúar frá
þessum félögum og ráða
ráðum sínum, móta starf BsV
og álykta um málefni landbún-
aðarins.
Fundurinn nú var haldinn
við þær aðstæður, að framund-
an er áframhaldandi skerðing
á framleiðslurétti, bæði á
mjólk og kindakjöti, ásamt
lögboðinni lækkun á afurða-
verði til bænda á næstu árum.
Mun það leiða til skertra af-
komumöguleika í sveitum
nema eitthvað annað komi til.
Arnaldur Bjarnason, at-
vinnumálafulltrúi Stéttar-
sambands bænda, hafði fram-
sögu um nýsköpun í atvinn-
umálum sveitanna. Einnig
mætti á fundinn Ólafur Guð-
mundsson, aðstoðarfram-
kvæmdastjóri R.ALA, til að
ræða tilraunastarf í landbún-
aði á Vestfjörðum. Pegar til-
raunastöðin á Reykhólum var
lögð niður var því lofað að
áfram yrði unnið í einhverjum
mæli að tilraunastarfi á Vest-
fjörðum í samráði við Búnað-
arsambandið. Fram kom í
máli Ólafs að hann vill draga
fjárveitingarvaldið til ábyrgð-
ar í þessu máli, en fellt hefur
verið niður úr fj árlögum fram-
lag til sérgreindra verkefna á
Vestfjörðum. Ýmsarályktanir
voru gerðar á fundinum.
VALDIMAR GÍSLASON
í SAGNFRÆÐI
Valdimar Gíslason, bóndi
á Mýrum í Dýrafirði, baðst
undan að vera endurkjörinn
formaður Búnaðarsambands
Vestfjarða. Fundarmenn allir
undirrituðu áskorun þar. sem
farið var þess á leit við Valdi-
mar að hann yrði formaður
áfram og lét hann undan þeim
þrýstingi og ætlar að sitja eitt
kjörtímabil enn, sem er þrjú
ár. Valdimar er að fara í sagn-
fræðinám við HÍ næsta vetur
og mun Ágúst Gíslason, vara-
formaður BsV, gegna for-
mannsstarfi á meðan. Síðan
hyggst Valdimar vinna af full-
um krafti við að aðstoða
Kjartan Ólafsson, fv. alþing-
ismann, við ritun Byggðasögu
Vestfjarða.
-GHj.
Eftirlit í Horn-
strandafriðlandi
— lögreglumenn grennast
í gönguferðum
Lögreglan á ísafirði hefur
tekið upp eftirlit og löggæslu í
Hornstrandafriðlandi. Flogið
var í þyrlu yfir svæðið á mið-
vikudaginn f síðustu viku í leit
að ólöglegum netum í sjó.
Þyrlan komst að Horni en
þoka var þar fyrir austan. Eng-
in ólögleg net fundust.
Á fimmtudaginn fóru svo
þeir Guðmundur Fylkisson og
Grímur Grímsson lögreglu-
þjónar á ísafirði norður. Fóru
þeir í land í Hlöðuvík og
gengu með tjöld og búnað um
Fljótavík og Aðalvík til
Hesteyrar. Var ferðin almenn
eftirlitsferð um svæðið þar
sem gætt var að umgengni,
netaveiði og hvort menn væru
með byssur á svæðinu, sem er
ekki leyfilegt. Komu lögreglu-
mennirnir heim á sunnudags-
kvöldið.
„Fetta var erfitt labb. Ég
grenntist svo mikið að ég
þurfti að færa beltið um eitt
gat“, sagði Guðmundur Fylk-
isson í viðtali við Vf. „Við
fundum tvö silunganet með
löglegri möskvastærð en þau
voru ekki rétt lögð. Þau eiga
að vera landföst og liggja þvert
áfjöru. Þaueigaaðveramerkt
þannig að fram komi hver er
eigandi netsins og hver er
landeigandi. Leyfi þarf að
liggja fyrir. Annað netið var á
Látrum í Aðalvík og þar hitt-
um við á eigandann og dró
hann netið hið snarasta og lof-
aði úrhótum. Hitt netið er
drauganet á Sæbóli í Aðalvík.
Það var að hálfu leyti grafið í
sandinn og í því var einn æðar-
fugl. Við náðum því ekki upp
og fundum ekki eiganda. Við
höfum grun um að vitað hafi
verið um ferðir okkar.“
-GHj.
Þorsteinn Jóhannesson yfirlæknir tekur við ómskoðunartækinu
af Signýju Rósantsdóttur.
Konur gefa ómskoðunartæki
Kvenfélög á norðanverðum ómskoðunartæki. Var tækið
Vestfjörðum hafa gefið Fjórð- afhent sl. miðvikudagog veitti
ungssjúkrahúsinu á ísafirði Þorsteinn Jóhanncsson yfir-
Blómabúðin Elísa
Hafnarstræti 11, sími 4722
Allarbyggingarvörur
Pensillinn
Mjallargötu 1, sími 3221
Merkilega lítið sér á bílnum eftir þrjár veltur. Þarna er verið að
draga hann upp á veginn, eftir að skeleggir þjófar höfðu látið
greipar sópa.
Bflvelta á Kleifaheiði
- röggsamleg vinnubrögð þjófa
Bifreið fór út af veginum í.
sunnanverðri Kleifaheiði í
Barðastrandarsýslu eftir há-
degi á sunnudaginn og fór
þrjárveltur. Fjögur ungmenni
voru í bifreiðinni og hlutu tvö
þeirra minniháttar meiðsli.
Að sögn lögreglunnar á Pat-
reksfirði leikur grunur á að
ökumaður hafi verið undir
áhrifum áfengis.
Meðan bifreiðin var mann-
laus og eftirlitslaus utan vegar
var öllu lauslegu stolið úr
henni, þar á meðal tjakk og
varahjóli. Að sögn lögregl-
unnar var aðeins um hálftíma
að ræða svo þjófarnir hafa haft
hraðar hendur við verkið.
-GHj.
læknir því viðtöku.
„Ég tel að þetta komi
sjúkrahúsinu og heilsugæslu-
svæðinu verulega að gagni,
því að greiningarmögu-
leikarnir með þessu tæki eru
miklu meiri en með eldra tæk-
inu, sem er tíu ára gamalt og
úr sér gengið. Þetta tæki er
ekki eingöngu til eftirlits
þungaðra kvenna. Með því
má einnig greina lifrarsjúk-
dóma, gallblöðrusjúkdóma,
nýrnasjúkdóma og jafnvel
briskirtilssjúkdóma. Hlífar-
konur hafa verið sérstaklega
alúðlegar við spítalann og vætt
okkur tækjum í gegnum tíðina
- tækjum sem okkur annars
vantaði. Ég vil nota tækifærið
og þakka öllum velunnurum
spítalans sem hafa stutt okkur
með fjárframlögum til þess að
við getum keypt okkur tæki og
tól sem annars hefðu ekki
fengist fjármunir fyrir frá því
opinbera. Ég þakka þessa
höfðinglegu gjöf kvenfélag-
anna og stuðning kvenfélags-
ins Hlífar við Fjórðungs-
sjúkrahúsið í fjölda ára“,
sagði Þorsteinn Jóhannesson
yfirlæknir.
-GHj.