Vestfirska fréttablaðið - 23.07.1992, Blaðsíða 8
8
Arinbjörn Bernharðsson
í Norðurfirdi:
Lögreglan eltist við
bændur en sinnir ekki
Iöggæslu á böllum
Arinbjörn Bernharðson og sonur hans.
Bændur og landeigendur
í norðanverðri Stranda-
sýslu eru vægast sagt
óhressir með veiðieftirlit
lögreglu með silunganetum
sem menn leggja í sjó við
lönd sín. Arinbjörn Bern-
harðsson í Norðurfirði hef-
ur sitthvað við eftirlitið að
athuga:
„Fyrstu helgina í júlí var
landsmót Sniglanna hér í
Árnesi. Eitt net var í sjó
sem krakkar eða bændur
höfðu lagt. Sniglamótinu
fylgdi töluverð umferð og
ölvun og jafnvel ölvunar-
akstur. Lögreglan sá enga
ástæðu til að kíkja á mótið
en kom þó eina nóttina á
meðan Sniglar sváfu til að
athuga með net hjá
bændum. HéríNorðurfirði
fundu þeir einhvern net-
sfubb sem þeir töldu ólög-
legan og gerðu hann upp-
tækan. Næstu helgi á eftir
voru þeir enn á ferð og til
þeirra sást um sexleytið um
morguninn togast á við
botnfast grjót sem einhver
krakki hafði bundið í og
var netakúla á hinum enda
bandsins. Bændur höfðu
nokkuð gaman að horfa á
þessar aðfarir lögreglu við
falsnetið", sagði Arin-
björn.
„Spurningin er um það á
hvað áherslan í löggæslu er
lögð. Það er sagt að sýslu-
maður eigi hlutdeild í
þrcmur veiðiám í Stein-
grímsfirði og virðist líklegt
að það hafi eitthvað að
segja. Einnig munu tveir
fyrrverandi sýslumenn hér,
Rúnar í Borgarnesi og
Andrés á Selfossi, eiga hlut
í sömu ám. Ég frétti einnig
af lögreglumönnum frá ísa-
firði við svipaða iðju
norður á Hornströndum.
f>að cru ekki til peningar til
almennrar löggæslu í sýsl-
unni, en nægir peningar eru
í veiðieftirlitið og lögreglu-
þjónar akandi fram og
aftur um gjörvalla sýsluna
á næturþeli og fljúgandi í
þyrlu Landhelgisgæslunnar
til þess að reyna að hanka
bændur fyrir hluti sem
ellefu hundruð ára hefð er
fyrir. Bændur hér um slóðir
hafa frá upphafi íslands-
byggðar lagt silunganet í
sjó til að drýgja matar-
birgðirnar og fá nýmeti",
sagði Arinbjörn Bern-
harðsson.
-GHj.
Ögurhreppur
Til sölu
Jörðin Þernuvík í Ögurhreppi, Norður-
ísafjarðarsýslu, er til sölu. Um er að ræða
jörðina ásamt íbúðarhúsi, sem er byggt
1958. '
Nánari upplýsingar hjá oddvita Ögur-
hrepps, Halldóri Hafliðasyni, sími 94-
4804. Tilboðum skal skilað til ocjdvita.
Oddviti Ögurhrepps,
HalldórHafliðason, Ögri.
Fimmtudagur 23. júlí 1992
Smábátahöfnin í Norðurfirði á Ströndum. Nýi brimvarnargarð-
urinn er innan við hryggjuna.
Smábátahöfn
í Norðurfirði
Framkvæmdum er nú að
Ijúka við smábátahöfn í
Norðurfirði á Ströndum.
Áður hafði verið tekin í notk-
un hafskipahöfn og brimvarn-
argarður sem skýlir fyrir haf-
öldunni, en það vantaði garð
til þess að skýla smábáta-
bryggjunni fyrir innarfjarðar-
bárunni.
„Hafnarframkvæmdir hóf-
ust hér í byrjun júlí og hafa
staðið síðan og gengið ágæt-
lega. Það er verið að gera hér
höfn þar sem smábátar geta
verið öruggir og þetta verður
þokkaleg dokka sem bætir að-
stöðu bátanna mikið. Þessi
framkvæmd er til viðbótar við
stórframkvæmdir í hafnarmál-
um okkar sem lauk 1985. Þá
var byggð hafskipahöfn. Áður
þurftum við að skipa í land úr
flutningaskipunum á bring-
ingarbát sem tók varninginn
frammi á firði við skipshlið og
flutti í land. Þær framkvæmdir
auðvelduðu mjög að gera
þessa smábátahöfn. Þetta er
nokkuð mikið verk og vanda-
samt, en því lýkur á næstu
tveimur vikum“, sagði Gunn-
steinn Gíslason, kaupfélags-
stjóri og hreppsnefndar-
oddviti á Norðurfirði í viðtali
við blaðið.
Aðspurður um vöruflutn-
ingaþjónustu við Árneshrepp,
eftir að Ríkisskip var lagt
niður og einkavætt, sagði
Gunnsteinn: „Það fór sem
vænta mátti, að erfiðleikar
urðu með skipaferðir. Sam-
skip tóku upp siglingar hingað
í vetur og komu hingað á 3ja
vikna fresti og var það fækkun
ferða frá því sem áður var.
Ferðunum var svo hætt í vor í
samkomulagi við okkur og
hingað gengur bíll vikulega
sem að hálfu leyti er á vegum
Samskipa. Ég veit ekki annað
en siglingar hingað hefjist
aftur í haust og verði á 3ja
vikna fresti. Það er afturför
frá því sem áður var, því sigl-
ingar Ríkisskipa voru vikulega
hingað.“
-GHj.
r
Isafjarðarkirkja
— forval
Byggingarnefnd ísafjarðarkirkju óskareft-
ir umsóknum verktaka um að fá að taka
þátt í lokuðu útboði vegna byggingar 1.
áfanga ísafjarðarkirkju. Um er að ræða
jarðvinnu og gerð sökkla og botnplötu
undir hluta af nýrri kirkju og er þessi áfangi
um 400 m2 að grunnfleti. Framkvæmdar-
tími er september og október 1992.
Þeir verktakar, sem áhuga hafa á að taka
þátt í lokuðu útboði vegna ofangreinds
verks, skulu skila skriflegri umsókn þar
um ásamt þeim upplýsingum, sem óskað
er eftir í forvalsgögnum.
Forvalsgögn verða afhent á skrifstofu
VST hf, Hafnarstræti 1, ísafirði. Útfylltum
gögnum ásamt fylgiskjölum skal skila á
sama stað eigi síðar en föstudaginn 31.
júlí 1992 kl. 14:00.
Byggingarnefnd ísafjarðarkirkju.
VESTFIRSKA
fFRÉTTABLAÐIÐ 1=
Prju hjol
undir bílnum...
Þegar blaðamaður VESTFIRSKA var á ferð um Horn-
strandir rakst hann á þennan bíl (Suzuki Fox) í Reykjarfirði
fram undir Drangajökli. Að sögn Ragnars Jakobssonar,
staðarhaldara í Reykjarfirði, komu nokkrir Hólmvíkingar á
bílum og vélsleðum norður yfir jökul seinni hluta sl. vetrar.
Þessi bíll lenti upp á stórum steini, og þar sem dimmdi að
og menn voru að hraða sér burt, vannst ekki tími til að ná
honum af steininum. Var hann því skilinn eftir ásamt vél-
sleða sem einnig bilaði á Drangajökli. Seinna þiðnaði und-
an bílnum og 12 Isfirðingar sem áttu leið um lyftu honum
af steininum. Reyndist þá sprungið á einu hjóli.
Fermt var í Reykjarfirði í vor og fóru þá tveir bílar norður
yfir jökul og var ætlunin að þéssi fylgdist með til baka.
Þegar til kom reyndist ekki unmt að bæta dekkið því það
var slöngulaust og var saxað(í sundur. Varð því enn að
skilja bílinn eftir og var dekkið> tekið undan og stóð bíllinn
á tjakk. í vestanrokinu í júní fjauk hann af tjakknum.
Nú er enginn snjór lengur sem hægt er að aka á fram
á jökul og Ijóst að ekki verður hægt að koma bílnum til
byggðafyrr en síðari hluta næstavetrar. Þegarblaðamað-
ur var á ferð kom í Ijós að hitt afturdekkið var loftlaust.
Vélsleðinn var hins vegar sendurtil ísafjarðar með Fagra-
nesinu sl. fimmtudag en þá átti báturinn ferð í Reykjarfjörð
í eina skiptið í sumar.
Töluvert er orðið um það að menn aki á sérbúnum bílum
af Steingrímsfjarðarheiðinni norður á Drangajökul og
norður á Hornstrandir eftir að daginn tekur að lengja í
mars, apríl og maí. Að sögn Ragnars Jakobssonar er
þegar orðinn töluverður ágangur jeppamanna í Reykjar-
firði, en staðurinn er mannlaus frá hausti og fram á vor ár
hvert.
-GHj.
Jeppinn á jökulaurunum við Reyk jarfjarðarós. Hrollleifs-
borg og Drangajökull í baksýn.
Reiðvegur milli Hnífsdals
og ísafjarðar:
Jón og Magnús lægstir
Opnuð hafa verið tilboð í gerð reiðvegar milli Hnífsdals
og ísafjarðar. Lægsta tilboð áttu Jón og Magnús á Isafirði,
8,6 milljónir, síðan kom Ellert Skúlason með 9,8 m, Hand-
tak með 14 m og Klæðning með 14,7 milljónir. Kostnaðar-
áætlun nam 7,3 milljónum, en hún mun ekki hafa verið
allskostar raunhæf.
Setjum
VESTFIRSKT
í öndvegi