Vestfirska fréttablaðið - 13.08.1992, Qupperneq 1

FIMMTUDAGUR 13. AGUST 1992
25. TÖLUBLAÐ • 18. ÁRGANGUR
Litli og stóri á ytri höfninni á Isafirði
— og einn af hinum allra minnstu bræðrum líka
Erik Boye til við-
gerðar á ísafirði
—eftir að skipinu var vísað frá á Siglufirði
Fyrir nokkru kom þýska
skemmtiferðaskipið EUR-
OPA á ytri höfnina á ísafirði
og skipsbátar voru stanslaust í
förum milli skips og lands með
farþega. Þegar blaðamaður
var staddur út við Bása á
Kirkjubólshlíð vildi svo til að
Fagranesið kom fyrir Arnar-
nesið úr Djúpferð. Myndin er
tekin þegar skipin voru sam-
síða, og var þá björgunarbát-
urinn Daníel Sigmundsson
kominn í forgrunninn.
Fagranesið þykir mikið og
gott skip hér um slóðir, en sýn-
ist samt sem léttabátur við hlið
Evrópu. Mætti jafnvel ætla af
myndinni að skipið væri að
hífa það upp. Hjalti skipherra
sló af og sigldi hægt hjá til þess
að virða fyrir sér stórskipið og
dást að því, og náttúrlega líka
til þess að hvolfa því ekki með
ölduganginum þegar hann
sigldi framhjá.
Það væri ekki dónalegt að
hafa svona skip í förum á
Hornstrandir og inn í Djúp;
kannski þyrfti að dýpka soldið
við bryggjuna á Nauteyri.
•GHj.
Danska saltskipið sem
strandaði fyrir austan er nú
komið í ísafjarðarhöfn. Hér á
að gera við skipið. Smári Har-
aldsson, bæjarstjóri og hafnar-
stjóri á Isafirði, sagði að hringt
hefði verið frá núverandi eig-
endum skipsins, Dýpkunarfé-
laginu hf./Dráttarskip á Siglu-
firði, og óskuðu þeir eftir að
fá að koma hingað með það.
Þeir fengu ekki að koma með
skipið í Siglufjarðarhöfn
vegna neitunar hafnarncfndar
þar. „Ég sá enga ástæðu til
þess að meina þeim komu
hingað. Ég vona bara að við
fáum sem mesta vinnu við að
gera við skipið og þetta er hið
besta mál“, sagði Smári hafn-
arstjóri.
Yfirvöld á Siglufirði hafa
nú heimilað að skipið komi
þangað og fái að liggja þar, en
eigendur þess halda fast við að
koma til ísafjarðar. Fengu
þeir góða meðgjöf með skip-
inu frá tryggingafélagi þess og
fæst sú upphæð ekki gefin upp.
Dýpkunarfélagið hf./Drátt-
arskip er nú verktaki við sand-
dælingu og dýpkun ísafjarðar-
hafnar.
-GHj.
Þorsteinn Njálsson yfir- læknisembættis. Hann er
læknir Heilsugæslustöðvar- þegar fluttur brott og mun
innar á ísafirði og starfandi fyrst um sinn starfa við
héraðslæknir hefur látið af Heilsugæslustöðinaá Hellu
störfum, af persónulegum á Rangárvöllum.
ástæðum að sögn land-
Skipstjóra- og stýrimannafélagið Bylgjan:
Farið verði yfír starfsaðferðir
Hafrannsóknarstofnunar
Eftirfarandi ályktanir voru
samþykktar samhljóöa á ai-
mennum fundi í Skipstjóra-
og stýrimannafélaginu Bylgj-
unni á Vestfjörðum, sem hald-
inn var á Hótel Isafirði sl.
sunnudag:
Fundurinn krefst þess að
þær aðgerðir, sem ríkisstjórn-
in hyggst gera til jöfnunar
vegna áfalls af völdum skerð-
ingar þorskkvóta, verði með
þeim hætti að hagsmunir
sjómanna verði tryggðir.
Jafnframt lýsir fundurinn
áhyggjum vegna tillögugerðar
Hafrannsóknastofnunar og
bendir á það misræmi sem er
í mati stofnunarinnar á ástandi
einstakra fiskistofna og mati
þeirra sem daglega umgangast
fiskistofnana.
Fundurinn skorar á Alþingi
að láta fara vandlega yfir
starfsaðferðir Hafrannsókna-
stofnunar.
EKKI ÞURFI AÐ HENDA
VEIÐARFÆRUM FYRIR
HUNDRUÐ MILLJÓNA
Fundurinn skorar á sjávar-
útvegsráðherra að breyta nú
þegar reglugerð um möskva-
stærð togveiðarfæra í það
horf, að ekki þurfi að henda
veiðarfærum fyrir hundruð
milljóna um nk. áramót.
Þá bendir fundurinn á, að
stækkun möskva hefur í för
með sér aukna ánetjun, sem
veldur því að fiskur kemur
skemmdur um borð í veiði-
skip.
POLLINN
HF. 0 3092
Rafþjónusta Raftækjasala Rafhönnun Rafeindaþjónusta Siglingatæki

SALA
Perur
Litlar, frá kr. 19
Stórar, aðkr. 109.978
ÞJÓNUSTA
Uppsetning og viðhald á
ljósabúnaði, frá skrautljósum
til ljóskastara í skipum
RITSTJORN 0G AUGLYSINGAR
SÍMI 94-4011 • FAX 94-4423
Vinnslan í fullum
gangi hjá Út-
gerðarfélaginu
á Bíldudal
Margt fólk er nú í vinnu hjá Útgerðarfélaginu, en félagið
hefur eignir þrotabúsins á leigu út ágústmánuð. Hvað verð-
ur unt framhald á því er ekki vitað.
Unnið er nú á fullu í
frystihúsinu á Bfldudal.
Vinnsla hófst þann 16. júlí
eftir hálfsmánaðar hlé.
Eins og kunnugt er lokaði
Landsbankinn fyrir banka-
viðskipti til Fiskvinnslunn-
ar hf. sem lýsti sig síðan
gjaldþrota um miðjanjúlí.
í samtaii við nokkra
starfsmenn frystihússins
kom fram að þungu fargi
hefði verið létt af fólki þeg-
ar vinnsla hófst í húsinu að
nýju. Þrátt fyrir að vinnslan
sé komin af stað, gerir fólk
sér fulla grein fyrir því að
um er að ræða bráða-
birgðaráðstöfun, en Út-
gerðarfélagið, sem er dótt-
urfyrirtæki Fiskvinnslunn-
ar, tók eignir þrotabúsins
á leigu til loka ágústmánað-
ar.
Heildarbotnfiskkvóti á
Bíldudal er um 2.800 tonn
á yfirstandandi fiskveiði-
ári. Þar af er samanlagður
kvóti Útgerðarfélags Bíld-
dælinga, togarans Sölva
Bjarnasonar og línubátsins
Geysis 2.080 tonn, eða
74% af kvóta staðarins. Ef
skipín verða seld nauðung-
arsölu, eins og Landsbank-
inn telur hagstæðast eins og
er, og fara frá staðnum,
verður aðeins rúmiega 700
tonna botnfiskkvóti eftir.
Á yfirstandandi fisk-
veiðiári, frá 1. september
til 31. ágúst næstkomandi,
var heildarkvóti Sölva
Bjarnasonar 1.692 þorskí-
gildistonn og 387 tonn hjá
Geysi. Geysir hefur auk
þess 197 tonna úthafs-
rækjukvóta. Kvóti annarra
báta, sem eiga heimahöfn
á Bíldudal samkvæmt skrá
sjávarútvegsráðuneytis, er
rúmlega 700 þorskígildis-
:onn í botnfisktegundum.
Þess ber þó að geta, að bát-
ar með hátt í 200 tonna
kvóta eru ekki lengur gerð-
ir héðan út.
Þessar tölur segja ekki
alla söguna, því að steinbít-
ur er utan kvóta og helm-
ingur línuaflans einnig.
Geysir aflaði um 600 tonna
af steinbít á Iiðnu kvótaári.
Rækjukvótinn í Arnarfirði
er 600 tonn og skelfiskkvót-
inn 260 tonn. 3.214 tonn
bárust til vinnsiu í Fisk-
vinnslunni hf. ásíðastaári.
Ef framtíðarverðmæti
kvótans er reiknað á 180 kr/
kg, en það var meðalverð
á kvótamarkaði í vor, gæti
söluverðmæti botnfisk-
kvóta Útgerðarfélagsins
verið nálægt 370 milljónum
króna. Meiri óvissa er með
verðmæti skipanna. Heild-
arskuldir Útgerðarfélags-
ins voru 418 milljónir
króna um síðustu áramót.
Róbert Schmidt.
Botnfiskkvóti Útgerðarfélags Bflddælinga ul er um 2.080
tonn eða 74% af kvóta staðarins.