Vestfirska fréttablaðið - 20.08.1992, Blaðsíða 8

JFE-mótið í knattspyrnu
verður haldið í íþróttahúsinu í Bolungarvík nk. sunnudag,
23. ágúst. Þátttökugjald er 6.000 krónur á hvert lið. Skráning
fer fram í síma 7449 hjá Stefáni eða 7114 hjá Magnúsi Pálma.
Knattspyrnudeild UMFB
VESTFIRSKA
FRÉTTABLAÐIÐ |
RITSTJÓRN OG ÁUGLÝSINGAR:
SÍMI 94-4011 • FAX 94-4423
Blóðsöfnun á ísafirði
á þriðjudaginn
Árleg blóösöfnunarherferö Blóðbankans og Rauða
kross íslands stendur nú fyrir dyrum á ísafirði.
ísfirðingar og nágrannar hafa verið einkar gjöfulir á
lífsvökvann á undanförnum árum og lagt sitt af mörkum
til björgunar mannslífa á þennan hátt. Blóðgjafir eru einnig
nauðsynlegar í mörgum skurðaðgerðum. Þannig þarf blóð
úr a.m.k. ellefu blóðgjöfum til að hægt sé að framkvæma
eina hjartaaðgerð. Þá er blóð, eða blóðefni, nauðsynlegt
í meðferð ýmissa sjúkdóma.
Bióðbankinn þarf þess vegna allt það blóð sem hann
mögulega getur fengið og er söfnunin hér mikilvæg í því
sambandi.
Blóðsöfnunin fer f ram á Fjórðungssjúkrahúsinu á ísa-
firði, 2. hæð, þriðjudaginn 25. ágúst og stendur frá kl.
10 til 18. Hægt er að taka á móti mörgum i einu. Er
blóðgjöfum sérstaklega bent á að láta sjá sig fyrripart
dagsins, því oft vill verða átroðningur og bið eftir kl. 16.
ÍSFIRÐINGAR OG NÁGRANNAR! SÝNIÐ SAM-
HJÁLPARMÁTT YKKAR OG ViNARÞEL í VERKI Á
ÁHRIFARÍKAN HÁTT OG GEFIÐ BLÓÐ ÞANN 25. ÁG-
ÚST NK.
Stjórnendur fyrirtækja eru hvattir alveg sérstaklega
til að liðka fyrir því, að starfsmenn þeirra komist frá
til blóðgjafa. Best hefur reynst að skipuleggja ferðir
starfsmanna á sjúkrahúsið til að raska starfsemi fyrir-
tækjanna sem minnst.
BJÖRGUM LÍFI - GEFUM BLÓÐ!
Rauða kross deild ísafjarðar og N-ísafjarðarsýslu.
Bylgjan á Isafírði
Útvarpsstöðin Bylgjan heyrist nú á isafirði í gegnum
útvarpstæki, en áður heyrðist stöðin aðeins í sjónvarps-
tækjum með stillimynd Stöðvar tvö. Sendingarnar hófust
á mánudaginn og eru tilraunaútsendingar sem standa
munu í mánuð. Gunnar Atli Jónsson, sem hefur verið með
útvarpsstöð á ísafirði á FM 97,9, hefur tekið að sér að
útvarpa Bylgjunni með tækjum sínum.
„Bylgjan hljómar á þeim tíma sem Stöð 2 sendir ekki út
sjónvarpsefni og þegar við erum ekki að senda út sjálfir.
Þegar stillimyndin er á Stöð 2 sendum við út. Sendingarnar
heyrast um allan Skutulsfjörð en vegna tæknilegra vanda-
mála hjá Pósti og síma er ekki hægt að ná lengra eins og
er. Það stendur til bóta næstu daga“, sagði Gunnar Atli
Jónsson, útvarpsstjóri FM 97,9, í samtali við blaðið.
Þessi nýlunda er vissulega fagnaðarefni og mikill léttir
(í bókstaflegri merkingu) fyrir þá sem hafa verið að drösla
sjónvarpstækjunum með sér í vinnuna til að geta hlustað
á Bylgjuna á daginn.
-GHj.
Tombóla
Þessar ungu stúlkur héldu tombólu til styrktar Sophiu
Hansen og söfnuðu 3.510 krónum. Þær heita, talið frá
vinstri: Dagný Hermannsdóttir, Tinna Gunnlaugsdóttir, Líf
Gunnlaugsdóttir, Arna Óskarsdóttir og Tinna Hermanns-
dóttir.
Hjónin í Þorpum, Fjóla Líndal og Björn Pálsson, ásamt barni
þeirra, Guðjóni Hraunberg, við grunn nýja hússins.
Byggir úr rekavid
Á Þorpum í Steingrímsfirði
er nú verið að byggja nýtt ein-
býlishús. Búið er að steypa
grunninn en húsið sjálft verð-
ur byggt næsta sumar, að
mestu úr rekaviði af Þorpa-
rekanum.
„Þetta verður timburhús úr
rekaviðai rekanum hjá okkur.
Við erum langt komin með að
saga í húsið. Það verður stand-
andi viðarklæðning á því og
verður hún einnig úr rekavið.
Við munum kynda húsið með
rekavið sem brenndur verður
í lurkaofni. Ég er bjartsýnn á
framtíðina hér í sveitinni og
það er alveg ágætt að vera í
sveit þótt nú sé verið að
þrengja að okkur“, sagði
Björn Halldór Pálsson bóndi í
Þorpum í samtali við blaðið.
-GHj.
Hjóla u m landið
Þjóðverjarnir tveir á hjólum sínum. ísland og íslendingar
eru í meiri metum hjá Þjóðverjum en hjá flestum eða
öllum öðrum þjóðum, og hefur svo verið lengi. Fjöldi
þýskra ferðamanna hérlendis er nokkur vitnisburður um
það.
Þessa tvo þýsku ferða-
langa hitti biaðamaður í
Slitrum í Bitru áStröndum.
Þeir voru á leið norður
Strandir og til ísafjarðar
með viðkomu víða. Þeir
heita Euve Sultcher og
Rolf Neubo. Þeir sögðu
svona ferðalag erfitt en þó
vel mögulegt. „Þetta ér
gaman því hin úfna náttúra
landsins er svo stórkostleg.
Þetta er svo fallegt land.
Það var sérstaklega erfitt á
hálendinu, kalt og hvasst
og rigndi alla daga. Rykið
frá bílunum er vandamál,
en ekki svo mikið eftir að
hingað kemur, því umferð-
in er minni en annars
staðar. Á hálcndinu var
mikið ryk", sögðu þessir
ungu og hressu ferðalang-
ar.
Seinna fór blaðamaður
þrisvar fram úr þeim. þar
sem þeir hjóluðu ótrauðir
áfram, á Ennishálsi, á
Steingrímsfjarðarheiði og
við Arngerðareyri í Isa-
fjarðardjúpi.
-GHi.
Bridge:
Yestfjarðamót í tvímenningi
á Hólmavík eftir mánaðamótin
Vestfjarðamót í tvímenn-
ingi verður haldið helgina 5,-
6. september á Hólmavík og
hefst spilamennskan kl. 13.00
fyrri daginn. Þátttaka tilkynn-
ist til Eiríks Kristóferssonar í
síma 94-4289 eða 985-31689
fyrir 30. ágúst. Keppnisstjóri
og reikningsmeistari verður
Kristján Hauksson.
Bikarkeppni Vestfjarða
stendur nú yfir; búið er að
spila eina umferð. Úrslita-
leikurinn verður spilaður síð-
ustu helgina í ágúst.
Spilamennska í Bridgefé-
lagi ísafjarðar hefst fimmtu-
daginn 3. september kl. 20.00.
Spilað verður í Kratahúsinu,
4. hæð. Allir eru velkomnir,
jafnt ungir sem aldnir.
(Frá Eiríki Kristóferssyni,
forseta Bridgesambands Vest-
fjarða).
Viðgerðir
á Alþýðuhúsinu
Páll Kristjánsson albúinn til átaka við Alþýðuhúsið.
Nú í vikunni rákust við á
Pál Kristjánsson trésmið þar
sem hann var með körfubíl
sinn við Alþýðuhúsið á ísafirði
og var að byrja viðgerðir á
húsinu. sem er afar illa farið.
„Ég er að byrja á neðri
gluggunum núna. Ég hef verið
að mála efri gluggana og
skipta þar um gler og fög.
Næsta ár verður húsið klárað
og verður þá væntanlega mið-
bænum á ísafirði til sóma,
enda er þetta hús með mikla
sögu. Húsið verður klætt utan
og gert eins og nýtt og verður
mikil breyting þarna á“, sagði
Páll í samtali við VEST-
FIRSKA.
Alþýðuhús Isfirðinga er í
eigu Sjómannafélags ísfirð-
inga og Verkalýðsfélagsins
Baldurs á ísafirði, og er þar
nú til húsa veitingastaðurinn
Krúsin og Ísafjarðarbíó.
Steinþór (Dúi) Friðriksson
(Bjarnasonar) rekur hvort
tveggja (og Sjallann líka).
-GHj.
Bflddælingar sigruðu á héraðsmóti í knattspyrnu
íþróttafélag Bílddælinga
sigraði Ungmennafélag
Tálknafjarðar í úrslitaleik í
knattspyrnu í meistaraflokki
með þremur mörkum gegn
einu. Þar með unnu Bíld-
dælingar héraðsbikarinn í
þriðja sinn og nú til eignar.
Leikurinn var spennandi og
mikið tekið á. Tálknfirðingar
voru nokkuð sigurvissir fyrir
leikinn því þeim hefði dugað
jafntefli til sigurs á mótinu.
Þegar flautað var til leikhlés
var staðan 1-0 fyrir Tálkna-
fjörð. Fljótlega í seinni hálf-
leik skoraði Valdimar Gunn-
arsson fyrsta mark ÍFB og
jafnaði. Logi Hannesson skor-
aði stuttu seinna annað mark
ÍFB og kom liði sínu yfir. Þeg-
ar 13 mínútur voru eftir sendi
Þórarinn Hannesson boltann
í net Tálknfirðinganna og inn-
siglaði sigur í FB glæsilega 3-1.
Jens Bjarnason fyrirliði
UMFT afhenti héraðsbikarinn
að leik loknum og sæmdi leik-
menn gullpeningi fyrir fyrsta
sætið í mótinu.
Hannes Friðriksson veit-
ingamaður og eigandi Vega-
móta á Bíidudal bauð öllum
leikmönnum til hamborgara-
veislu að leik loknum og þar
fögnuðu Bílddælingar ákaft
þessum sæta sigri.
Róbert Schmidt.