Vestfirska fréttablaðið - 03.09.1992, Blaðsíða 3

VESTFIRSKA
--\ FRÉTTABLAPIP
Fimmtudagur 3. september 1992
3
Útgefendur vestfirsku vikublaöanna tveggja, Bæjar-
ins besta (BB) og Vestfirska fréttablaösins, hafa í
sameiningu ákveðið að hætta að dreifa þeim endur-
gjaldslaust, eins og lengi hefur tíðkast. í staðinn
verða þau nú seld, bæði í lausasölu og áskrift. Sá
háttur verður hafður á sölunni, á ísafirði og í Bolung-
arvík að minnsta kosti, að blaðsölufólk gengur í hús
og býður blöðin til sölu, eins og tíðkaðist með Vest-
firska fréttablaðið um margra ára skeið.
Ástæða þessarar stefnubreytingar er augljós:
Samdrátturinn í atvinnulífinu og þjóðarbúskapnum
segir til sín með minnkandi auglýsingatekjum, ekki
síður en á öðrum sviðum. Það gildir um alla miðla,
hvort sem um er að ræða dagblöð, tímarit, útvarp,
sjónvarp eða héraðsfréttablöð. Hér er einfaldlega
verið að bregðast við breyttum aðstæðum.
Eftir sem áður munu blöðin koma út á sömu dögum
og áður, á miðvikudögum og fimmtudögum. í næstu
viku verður byrjað að selja þau.
Við vonum að blöðin okkar bæti hvort annað upp og
að sem flestir sjái ástæðu til að kaupa þau bæði.
Með bestu kveðjum til lesenda okkar og annarra við-
skiptavina.
VESTFIRSKA
I fréttablaðið]