Vestfirska fréttablaðið - 03.09.1992, Blaðsíða 7

VESTFIRSKA
---1 FRÉTTABLAÐIÐ |
við þar sjálf að finna leiðir,
sem snúa vörn í sókn.
Eflaust finnst einhverjum
að undirritaður sé þess fullviss
að sameining sveitarfélaga frá
Dýrafirði norður að Djúpi
leysi öll vandamál. Því fer
fjarri. Ég vil eimitt vara við
því, að sameining sameiningar
vegna á ekki rétt á sér, nema
sýnt verði fram á ávinning
sameiningarinnar.
Til að komast að hinu rétta
— sem eflaust verður erfitt —
þarf að setja upp „tilraun-
asveitarfélag", þannig að íbú-
ar svæðisins geti séð, og ekki
síður fundið, hvernig tólf sam-
einuð sveitarfélög í eitt virka
og þjónusta íbúa sína.
Vanda þarf allan undirbún-
ing og kynningu. Almenn um-
ræða þarf að fara fram, bæði
meðal einstaklinga, stjórn-
enda fyrirtækja og félagasam-
taka, ekki síður en innan raða
sveitarstjórnarmanna.
Við höfum eitt gott dæmi
um ágæti samruna þjónustu-
fyrirtækja, sem er Orkubú
Vestfjarða.
Ég vona enn á ný, að um-
ræða um sameiningu sveitar-
félaga á norðanverðum Vest-
fjörðum verði almenn: Með
því móti fáum við fram sem
flest sjónarmið, sem eru nauð-
synleg áður en gengið verður
til lokaákvörðunar í þessu
stóra og jafnframt þýðingar-
mikla máli.
Ólafur Kristjánsson.
Öll herbergi með baði,
síma, sjónvarpi, og míníbar!
©91-18650
Tónlistarskóli ísafjarðar
Auslurvegi 11 ■ 400tsafjörður ■ Sími94-3Ó2ö
Innritun
Innritun nemenda fyrir næsta skólaár
fer fram dagana 7.-11. september kl.
14-18 á skrifstofu skólans að Austur-
vegi 11, 2. hæð.
Kennslugreinar: Forskóli - blokk-
flauta.
Blásturshljóðfæri (kornett, básúna,
horn, klarinett, saxófónn, þverflauta
o.fl.)
Fiðla - Selló - Gítar - Harmóníka -
Píanó.
Tónfræðigreinar.
Nemendur frá fyrra ári eru minntir á,
að endurnýja þarf umsóknir um nám í
skólanum.
Við innritun skal greiða skólagjald
eða semja um greiðslu á því.
Æskilegt er, að nemendur hafi með
sér stundaskrár úr öðrum skólum.
Kynningardagar
Sérstakir kynningardagar fyrir nýja
nemendur verða dagana 7. og 8. sept-
ember kl. 14-18. Hljóðfæri liggja
frammi og kennarar verða til viðtals
og aðstoðar fyrir nemendur og for-
eldra.
KOMIÐ 0G KYNNIÐ YKKUR STARFSEMISKÓLANS
Nánari upplýsingar eru veittar á skrif-
stofu skólans í símum 3925 og 3926.
Skólastjóii.
Fimmtudagur 3. september 1992
Fiskveiðisjóður lánar
Fáfni 100 milljónir
ÞINGEYRI Á fundi stjómar
Fiskveiðisjóðs í fyrradag
(þriðjudag) var samþykkt að
lána Fáfni hf. á Þingeyri 100
milljónir króna til þess að
breyta skuttogaranum Slétta-
nesi í frystitogara. Búist er við
að skipið fari í breytingarnar
eftir tvo mánuði og muni þær
taka um fimm mánuði. Ekki
er enn vitað hverjir koma til
með að vinna verkið en samn-
ingaviðræður standa yfir við
tvær skipasmíðastöðvar.
Talað hefur verið um að
flytja kvóta af Sléttanesi yfir á
Framnesið meðan breyt-
ingarnar á skipinu standa yfir.
Þetta er gert til þess að bjarga
fyrirtækinu út úr erfiðleikum
og skapa betri rekstargrund-
völl í framtíðinni.
-GHj.
Unnið að
verklýsingu
fyrir Erik Boye
ÍSAFJÖRÐUR Vestfirska
hafði samband við Sævar Birg-
isson framkvæmdastjóra
Skipasmíðastöðvar Marsell-
íusar og spurði hann um hvort
stöðin fengi viðgerðir á danska
saltskipinu Erik Boye sent
strandaði á Djúpavogi og ligg-
ur nú í ísafjarðarhöfn.
„Ég hef ekkert heyrt um
stöðu mála síðustu daga annað
en það, að verið sé að vinna
lýsingu á því, sem þarf að gera
við skipið hjá Skipatækni fyrir
sunnan. Við bíðum bara eftir
að sjá hana til að átta okkur á
umfangi verksins. Við erum
bjartsýnir á að fá þetta verk og
ekkert er því til fyrirstöðu að
taka skipið í slippinn hjá
okkur. Þó að skipið sé um 300-
400 tonn á þyngd, þá er það
svo Iangt að þungi þess dreifist
vel og það er enginn höfuð-
verkur“, sagði Sævar Birgis-
son.
-GHj.
Fall er fararheill
Hjalti Þórðarson um borð í bát sinum í Isafjarðarhöfn eftir að
hafa snúið við úr fyrsta skeljaróðrinum á vertíðinni vegna bilun-
ar.
ÍSAFJÖRÐUR Guðrún Jóns-
dóttir ÍS^JOO byrjaði á skel-
veiðum í gær, en þurfti að snúa
við vegna bilunar svo sem
algengt er í byrjun vertíðar,
eins og Hjalti Þórðarson skip-
stjóri, sagði í samtali við blað-
ið er hann kom að.
„Ég var að byrja á skelinni
í dag og það var ágætis veður.
Það voru bara smá byrjunar-
örðuleikar hjá okkur því bát-
urinn er búinn að liggja í
sumar. Það hefur verið þokka-
leg skelveiði hjá Gísla á Öld-
unni í sumar. Hann hefur ver-
ið einn um veiðarnar og keypti
sér kvóta í vor. Hann þurfti að
klára að veiða hann fyrir sept-
embermánuð. Skeljamiðin
eru í Jökulfjörðum og hér við
Arnarnesið, fram af Skutuls-
firði og inn undir Súðavík.
Einnig yfir undir Snæfjalla-
ströndinni. Þeir á Öldunni
hafa verið með þetta frá þrem-
ur tonnum og upp í fjögur,
fimm tonn á dag og þetta er
nokkuð gott“, sagði Hjalti.
-GHj.
7
„Skemmtilegt að veiða
úti í náttúrunni“
- segir Jón Jóhannsson veiðimaður
BÍLDUDALUR Jón Jóhannsson, veiöiáhugamaður á
Bíldudal, var með veiðistöngina sína við hafnargarðinn í
sólskininu um daginn, og varaðrennafyrirsjóbirfing þegar
fréttamaður VF hitti hann að máli. Jón er búinn að veiða
tvo sjóbirtinga út af Dufansdal í Arnarfirði og segist ætla
að halda áfram að veiða á meðan veðrið er gott.
„Ég fékk einn þriggja punda sjóbirting og annan tveggja
punda út af Dufansda! um daginn. Það er mjög skemmti-
tegt að vera úti í náttúrunni og veiða“, sagði Jón. Hann
hefur farið nokkrum sjnnum í veiði í Laugardalsá við ísa-
fjarðardjúp. Hann fékk sex laxa í Blámýrahyi, og voru tveir
þeirra átján pund. Nú var Jón að reyna sild sem beitu, en
eitthvað var fiskurinn tregur í þetta skiptið.
Jón stundaði refaveiðar í mörg ár og veiddi líka gæsir
og sjófugla. „Það er mér ekki að skapi, þegar menn eru
að skjóta fugla bara til þess að drepa þá. En það er annað
mál, ef menn borða það sem þeir veiða, annað finnst mér
síðleysi", sagði Jón Jóhannsson um leiðog hann kastaði
fagmannlega út á Bíldudalsvoginn, í þeirri von að fá einn
góðan á öngulinn.
Róbert Schmidt.
Jón Jóhannsson reynir við sjóbirting í góða veðrinu á
Bíldudal (óvíða ef nokkurs staðar á byggðu bóli á landinu
er veðursælla en á Bíldudal).
HAUSTFERÐIR
NEWCASTLE
Beint leiguflug til Newcastle.
Hreint frábærar haustferðir á
verði sem þú getur ekki hafnað
4 daga ferðir, verð frá 22.900,-*
5 daga ferðir, verð frá 24.900,-*
8 daga ferðir, verð frá 32.400,-*
BROTTFARARDAGAR
21. október uppselt 8. nóvember laus sæti
25. október laus sæti 11. nóvember laus sæti
28. október laus sæti 15. nóvemberörfásætilaus
1. nóvember örfá sæti laus 18. nóvember örfá sæti laus
4. nóvember laus sæti 22. nóvember örfá sæti laus
Innifalið flug gisting og morgunverður
FARARSTJÓRAR: Brian og Margrét Jóhannesdóttir
*Staðgreiðsluverð miðað við tvo í herbergi.
Flugvallarskattur og forfallagjöld ekki innifalin.
LIS
Ferðaskrifstofan Alís, sími 652266, fax651160