Vestfirska fréttablaðið - 10.09.1992, Page 6

Fimmtudagur 10. september 1992
YESTFIRSKA
FRÉTTABLAÐIÐ
VffiEO
JFK
OSKARSVERÐLAUNAMYND
Tilnefnd til 8 Óskarsverðlauna
John F. Kennedy einn ástsæl-
asti og vinsælasti forseti Banda-
ríkjanna frá upphafi var skotinn
til bana 22. nóvember árið 1963.
Sá dagur markartímamót í sög-
unni. Jim Carrison (Kevin Cost-
ner saksóknari New Orleans
rannsakaði málið. Hann fórnaði
öllu og varð heltekinn af málinu
og leitinni að sannleikanum.
Það var reynt að þagga niður I
honum og gera honum erfittfyrir
en hann hélt ótrauður áfram.
Frábær og mögnuð mynd
með úrvall helmsþekktra
lelkara.
ROCKETEER
er í stíl við Leitina að týndu örk-
inni, prungin spennu, skemmtun
og tæknibrellum. Myndin gerist
í Hollywood á fjórða áratugnum
og segir frá flugmanninum Cliff
Secord, sem hefur ekki vegnað
sem best um dagana. Fyrir
slembilukku dettur hann ofan á
frábæra uppfinningu, þotuhreyf-
il sem gerir honum kkleift að
þjóta um himingeiminn eins og
eldflaug. Bíræfinn njósnari (leik-
inn af Timothy Dalton) kemst á
snoðir um þetta og hyggst ræna
hreyflinum og þá reynir á hetju-
skap og karlmennsku Cliff
Secords.
Þúsundir titla
í gífurlega
rúmgóðu
húsnæði
JR VÍDEÓ
Mánagötu 6 S 4299
Skýtur refí í fímm sveitar-
ffélögum og merkir hvolpa
—Jón Oddsson á Gerðhömrum segir frá refa vinnslu og merkingum yrðlinga
Jón Oddsson frá Álfadal á
Ingjaldssandi hefur stundað
refaveiðar sjálfstætt meira en
40 ár, en hafði áður stundað
veiðar með öðrum. Jón, sem
er nú 66 ára gamall, býr nú á
Gerðhömrum í Dýrafirði, en
það er ysta byggða ból i
norðanverðum firðinum. Þar
rckur hann harðfískvcrkun
jafnframt sauðfjárbúskap.
Við tókum Jón tali heima á
Gerðhömrum og báðum hann
að segja lítillega af sjálfum sér
og viðskiptunum við refínn.
„Ég byrjaði í veiðiskapnum
um tvítugt. Ég stundaði tölu-
vert minkaveiðar á tímabili
eftir að ég hætti búskap í
Álfadal 1969 og flutti að Gerð-
hömrum. Ég var þá á Flateyri
á vetrum og hér á sumrin. Ég
var byrjaður töluvert áður í
veiðiskapnum. Nú er ég með
refavinnslu í fimm hreppum
en var með sex sveitarfélög
undir áður. Bæjarland ísa-
fjarðarkaupstaðar er ekki
lengur í minni umsjá. Ég veit
ekki til þess að dýr hafi verið
unnin þar í vor. Ég er með
Mýrahreppinn sem ég bý í,
Mosvallahrepp er ég búinn að
vera lengst með eða í 42 vor,
1953 byrjaði ég í Suðureyrar-
hreppi, bæjarland ísafjarðar
var ég með yfir 30 ár þangað
til í vor, Flateyrarhrepp frá
því að Magnús Jónsson hætti,
og síðan friðlandið í Sléttu-
hreppi á Hornströndum. Ég
held ég hafi haft Sléttuhrepp í
32 ár eða nálægt því. Fyrst var
ég með Pétri Péturssyni á
Grænagarði norður í Sléttu-
hrepp.
I fyrra vorum við Hjörtur
stapi í Sléttuhreppi í 16 daga
og frátafir voru við að sækja
mat til ísafjarðar. Pá fengum
við 101 dýr. Seinna bættum við
við 6 dýrum. Af þessum 107
dýrum voru tveir minkar, allt
hitt voru refir. í vor fórum við
Hjörtur aftur og þá hafði orðið
mikil breyting á. Það sem var
óvanalegt voru snjóalögin eft-
ir suðvestanáttina í vetur, það
hafði fennt jafnt yfir allt. Þetta
var ein þilja eins og henni
hefði verið smurt á fjöllin.
Snjórinn var blautur og það
myndaðist einskonar svellhúð
við grasrótina og grenin í
Sléttuhreppi voru ekki bústað-
arhæf. Tófan gaut og ég athug-
aði legið í þessum sjö læðum
sem ég skaut í Sléttuhreppi.
Greinilegt var að þær höfðu
átt frá fjórum og upp í átta
hvolpa. Þetta er hægt að sjá á
örunum sem myndast í leginu.
Þetta er svona gómstór rauður
blettur fyrir hvern hvolp og er
Jón Oddson norður í Hornvík með þrjú grensmogin dýr sem hann hefur skotið.
hægt að sjá hann fram á vetur.
Við fengum eitthvað um 40
dýr í sumar og stafar það af
því að dýrin hafa misst hvolp-
ana undan sér. Flest þessara
dýra voru fullorðin.
Svo dró það úr veiðinni í
sumar að ég merkti dýr, sem
hefur geysilega þýðingu til
þess að vita um hvað refurinn
dreifir sér. Það er sett númer-
að eyrnamerki í yrðlingana
eins og sett er í kindur. Ég átti
að merkja átta yrðlinga en
merkti ekki nema fimm vegna
þess hve lítið var um hvolpa
sem lifðu“, sagði Jón.
Við spurðum Jón hvort
hann gæti nefnt dæmi um yfir-
ferð merktra refa.
„Ég man ekki hvaða ár það
voru. Ég var látinn merkja í
tvö vor hér í Vestursýslunni
og merkti hvolpa á greni upp
við vatnið í Keflavíkurdal fyrir
ofan Galtarvita. Þrjár læður
þaðan voru skotnar ársgaml-
ar, ein í varpinu á Mýrum í
Dýrafirði, önnur við greni í
Hjarðardal í Dýrafirði og
þriðja í Þingeyrarhreppi.
Hérna í Arnarnesborgum í
Dýrafirði fékk ég 4ra ára
gamlan stegg og 2ja ára stegg-
ur var skotinn í Arnarfirði á
Svalvogahlíð. Síðasta dýrið úr
þessu greni var svo skotið í
Selárdal í Súgandafirði og var
sjö ára gömul læða. Tófa sem
var merkt í Miðvt'k í Aðalvík
veiddist níu ára gömul á
Kambsnesi í Álftafirði. Merk-
ingarnar í Sléttuhreppi hafa
ekki skilað sér. Það er vegna
friðunarinnar. Menn þurfa
ekki að gefa sig upp, heldur
bara senda merkið til Páls
Hersteinssonar veiðistjóra og
geta þess hvar og hvenær dýrið
veiddist. Þetta er afar mikil-
vægt því rannsóknir eru í
gangi um dreifingu refsins“,
sagði Jón.
- Ætlar þú að halda refa-
veiðunum áfram, Jón?
„Já, alveg örugglega svo
lengi sem heilsan leyfir. Ég
held mér við með því að
stunda vetrarveiði á ref. Það
sem gerir mér kleift að stunda
þetta, er að ég er kominn út í
að stunda þetta nánast allt
árið. Það etu níu dagar síðan
ég skaut síðustu yrðlingana og
fyrir tíu dögum skaut ég fimm
dýr. Þau eru úr fjallagrenjun-
um og eru nú að koma niður
nú síðsumars með yrðlingana.
Það er hægt að vinna þetta á
miklu lengri tíma, en bara á
vorin“, sagði Jón Oddsson að
lokum.
-GHj.
LEIGUSKIPTIl!
Óskum eftir að taka íbúð á
leigu á ísafirði t sklptum fyr-
ir 5 herb. íbúð á Seltjarnar-
nesi.
Uppl. í síma 91-612721.
STÓLAR
Tii sölu stálstólar með hvítu
leðri í setu, á baki og
örmum. Sem nýir. Verð kr.
1.000 pr. stk.
Sími 3484.
VANTAR PÍANÓ
Vigdfs, sími 3462.
DEKK TIL SÖLU
Til sölu dekk á felgum undir
MMC Pajero jeppa.
Uppl. í síma 7486 á kvöldin
(Magnús).
ÓSKA EFTIR
ritvél, léttri og meðfærilegri.
Sími 3829 (Hlynur).
TIL SÖLU
vél og gírkassi úr Mitsu-
bishi 1600.
Uppl. í síma 3518 á kvöldin.
FBA-FUNDIR
FBA-fundir (fullorðin börn
alkóhólista) alla föstudaga
kl. 21.00 í gamla sýslu-
mannshúsinu, Pólgötu 2,
ísafirði.
FBA—deíldin (safirði.
BARNAPÍA
óskast fyrir tveggja ára
dreng á mánudögum eftir
hádegi.
Uppl. í síma 4737.
Þarna hefur borðið vel í veiði veturinn 1990. Sextán dýr og
kíkisrifíll með vasaljósi undir hlaupinu. Þennan vetur fékk Jón
einnig sextán dýr á Breiðadalsheiði. Þessi dýr eru veidd við
Gerðhamra.
UPPSKRIFT I VESTFIRSKA
frá Höllu Sigurðardóttur
Austurlenskur matur er hollur, góður og síðast en ekki síst fljót- og
auðeldaður.
Nú í byrjun sláturtíðar er ekki svo vitlaust að breyta svolítið til með
matreiðslu á lambalifrinni.
Lambalifur
frá Szechuan-héraðinu í Kína
2 msk. maizenamjöl
2 msk. þurrt sherrý
500 g lambalifur
4 msk. jurtaolía
4-6 stk. þurrkaðir piparbelgir
Vi bolli salthnetur
2 tsk. marinn hvítlaukur
2 tsk. smátt söxuð engiferrót
1 púrra
2 paprikur (rauð og græn)
2 stilkar sellerí
Sósa
2 msk. hvítt edik
2 msk. þurrt sherrý
4 msk. soyasósa
2 tsk. maizenamjöl
Hreinsið og skerið lifur í strimla, setjið í skál
oghræriðsherrýinu, maizenamjölinuog 1 msk.
af olíu saman við. Látið standa í stofuhita í 15
mínútur. Undirbúið sósuna og setjið til hliðar.
Hitið Wok-pönnu eða venjulega víða pönnu
við miðlungshita. Setjið 1 msk. af olíu á pönn-
una þegar hún er orðin heit. Bætið heilum pip-
arnum og hnetunum út í og steikið þar til pip-
arinn fer að dökkna. Takið hann þá af og hend-
ið honum (bragðið verður eftir í hnetunum).
Steikið hneturnar áfram þar til þær brúnast.
Setjið þær þá yfir á lítinn disk.
Setjið svo það sem eftir er af olíunni á
Halla Sigurðardóttir.
pönnuna, hækkið hitann. Hvítlaukurinn og
engiferið er sett á pönnuna þegar olían er orðin
heit. Hrærið einu sinni, bætið lifrinni á og
hræristeikið í ca. 3 mínútur. Bætið þá út í
paprikum í strimlum, púrru og selleríi í 2 cm
bitum, og hnetunum, hræristeikið áfram í 2-3
mínútur, blandið þá sósunni út í og hrærið þar
til sósan sýður og þykknar.
Borið fram með hrísgrjónum.
Ég skora á Magna Örvar Guðmundsson að
gefa okkur einhverja góða pastauppskrift (hann
er sérfræðingur í pastaréttum).
Halla Sigurðardóttir.