Vestfirska fréttablaðið - 17.09.1992, Blaðsíða 1

Staðarrétt í Steingrímsfirði
Víöa eru göngur hafnar eöa
eru um þaö bil að hefjast.
Myndin hér til hliðar var tekin
í Staðarrétt í Steingrímsfirði
skömmu eftir að búið var að
reka inn á sunnudaginn. Mikill
mannfjöldi kom í réttina og
hafði smáfólkið greinilega
gaman af öllu tilstandinu. Á
þessari mynd má sjá bændur
ragast í fénu og ungviðið reyn-
ir líka að þekkja sínar kindur
og lömb. Vonandi viðrar betur
í smalamennskunni en gert
hefur undanfarið, því tíðin hef-
ur verið erfið síðustu þrjár
vikur. Einn bóndinn í réttinni
sagði að oft kæmu góð haust
eftir svona langan ótíðarkafla.
Hann sagði að fullt tungl hefði
verið um helgina og bjóst
hann við að tíðin batnaði í
eftirstrauminn.
-GHj.
Ljósabúnaðinn í lag strax,
beltin eiga að vera spennt, og allir
verða látnir blása í nýja mælinn,
jafnvel góðkunnir bindindismenn!
•• /
- segir Onundur Jónsson, aðalvarðstjóri á Isafirði,
um stóraukið eftirlit lögreglunnar þessa dagana
„Þeir sem haga sér ekki eins
og menn í umferðinni út þessa
viku fá á baukinn", sagði Ön-
undur Jónsson, varðstjórí í
lögreglunni á Isafirði, í samtali
við blaðið.
„Við verðum mikið á ferð-
inni og stöðvum bifreiðar og
athugum hvort fólk er spennt
í öryggisbeltin. Við erum
einnig með nýjan alkóhól-
mæli, sem er mjög nákvæmur,
og við biðjum alla sem við
komumst yfir að blása í hann.
Áður vorum við með blöðruna
frægu, en hver prufa með
henni kostaði um 400 kr. Hins
vegar kostar þetta próf með
mælinum rúmlega eina krónu.
Mælirinn sýnir áfengismagnið
í tölum. Við sendum fólk um-
svifalaust í blóðprufu ef mæl-
irinn sýnir eitthvað, því hann
er ekki notaður sem sönn-
unargagn. Við munum nota
þennan mæli mikið. Hvort
Önundur Jónsson aðalvarð-
stjórí á Isafírði,
sem fólk er grunað um ölvun-
arakstur eða ekki látum við
það blása, og þannig æfum við
notkun mælisins sem er miklu
öruggara tæki en blöðrurnar.
Nú stendur yfir átak um öll
Norðurlönd á vegum sameig-
inlegrar umferðarnefndar
landanna. Megináherslan er
lögð á að bifhjólafólk sé með
hjálma, að öryggisbelti séu
notuð í bifreiðum, og á bar-
áttu gegn ölvunarakstrí.
Skólarnir eru byrjaðir og
nú förum við að herja á menn
að þeir komi ljósabúnaði far-
artækja sinna í lag og gangandi
vegfarendur noti endurskins-
merki. Margirtrassa Ijósabún-
aðinn yfir sumarið meðan sól-
arinnar nýtur, en nú gerist
dimmt, blautt og svart.
Við munum svo að sjálf-
sögðu hafa reglubundið eftirlit
með ökumönnum eftir að
þessu umferðarátaki lýkur.
Við slökum ekkert á“, sagði
Önundur.
w
POLLINN HF> g 3092_________________
Rafþjónusta Raftækjasala Rafhönnun Rafeindaþjónusta Siglingatæki
Kælitæki
Frystikistur í miklu iir\rali
SIEMENS - PHILIPS — GRAM
138 lítra til 576 lítra Verð frá 30.970
NÝKOMID: Skólaritvélar liprar og traustar Verð aðeins 18.600 stgr.
IFIMMTUDAGUR 17. SEPTEMBER 1992
30. TÖLUBLAÐ • 18. ÁRGANGUR
SÍMl 94-4011 • FAX 94-4423
YERÐ KR. 150
—
Nýr fréttamaður
í Svæðisútvarpi
Álfheiður Eymarsdóttir, sem verið hefur frétta-
maður á Svæðisútvarpi Vestfjarða, hefur nú látið af
starfi. Hún er farin í Háskólann til að Ijúka námi sínu
í stjórnmálafræðum.
Ráðinn hefur verið nýr fréttamaður í stað Álfheiðar. Er
það Birna Lárusdóttir, Reykvíkingur, sem er að koma úr
námi í fjölmiðlafræðum og sálarfræði við háskólann í
Seattle í Bandaríkjunum. Umsækjendur voru tveir og fékk
Birna öll atkvæðí útvarpsráðs. Að sögn Finnboga Her-
mannssonar sótti enginn Vestfirðingur um fréttamanns-
starfið nú frekar en endranær. Birna mun koma til vinnu í
næstu viku.
-GHj.
Elín Þorbjarnar-
dóttir til Chile?
Suðureyrartogarinn Elín Þorbjarnardóttir ÍS-700
hefur legið alllengi í ísafjarðarhöfn. Nú vinna menn
frá Skipasmíðastöð Marsellíusar hf. við að gera skipið
haffært, því Grandi hf. í Reykjavík hefur keypt það
kvótalaust til úreldingar upp ( Örfiriseyna, hið nýja
skip fyrirtækisins. Söluverðið fæst ekki gefið upp.
Blaðið hefur heyrt að Elín Þorbjarnardóttir eigi langa
siglingu fyrir höndum, því þeir Grandamenn hafi seltskipið
til Chile.
Elín Þorbjarnardóttir var smiðuð í Garðabæ 1977 fyrir
Hlaðsvík hf. á Suðureyri og er 375 brl. að stærð. í fyrra
eignuðust svo Hraðfrystihúsið Norðurtangi hf. á (safirði og
Frosti hf. í Súðavík skipið, er þeir keyptu eignir Freyjunnar
á Suðureyri.
-GHj.
Eiín Þorbjarnardóttir í ísafjarðarhöfn.
Af aldri bænda
í Strandasýslu
Af 99 aðilum sem standa fyrir búi í Strandasýslu 1992
eru 58 á sextugsaldri og þar yfir. Þeir eiga 78 maka og
eru 35 þeirra á sextugsaldri og þar yfir. Meðalaldur bænd-
anna er hæstur í Ósþakseyrarhreþpi, 57,3 ár, en lægstur
í Hólmavíkurhreppi, 49,6 ár. Aftur á móti er meðalaldur
makanna hæstur í Bæjarhreppi, 54,3 ár, en lægstur í
Kaldrananeshreppi, 44,8 ár. Meðalaldur bænda í Árnes-
hreppi er 50,9 ár, í Kaldrananeshreppi 54,6 ár, í Kirkju-
bólshreppi 53,5 ár, i Fellshreppi 50,7 ár og í Bæjarhreppi
52,4 ár. Fellshreppur og Óspakseyarhreppur voru sam-
einaðir sl. haust í eitt sveítarfélag sem nefnist Broddanes-
hreppur, þó þeir séu hér taldir sinn í hvoru lagi.
Þessar upplýsingar komafram í nýjustu ársskýrslu Bún-
aðarsambands Strandamanna.
Tekið skal fram, að þegar hér er talað um sextugsaldur,
er átt við aldurinn frá 50 til 60 ára, en það er málvenja á
íslandi. Útvarpsmenn í Reykjavík og sumir blaðamenn
virðast hins vegar ekki þekkja þessa málvenju, fremur en
ýmsar aðrar, og tala t.d. um tvítugsaldur að enskum
hættiffhe twenties) þegar þeir eiga við aldursskeiðið milli
20 og 30 ára.