Vestfirska fréttablaðið - 08.10.1992, Blaðsíða 12

VASAREIKNIVELAR
frá Texas Instruments
F. almennan reikning TI 503 kr. 530,- / TI 502 kr. 660,-
F. framhaldsskóla TI30 kr. 1.450,- / TI34 kr. 2.750,-
BÓKAVERSLUN
JÓNASAR TÓMASSONAR Sími 3123, ísafirði
VESTFIRSKA
I FRÉTTABLA8IÐ
RITSTJÓRN OG AUGLÝSINGAR:
SÍMI 94-4011 • FAX 94-4423
Björn Hafberg skólastjórí á Flateyri ó skrifstofu sinni.
Er ekki réttara að tala
um Bíl-dœifnga en
Bílddælinga, samanber
fréttina á forsfðunni?
Björn Hafberg, nýr
skólastjóri á Flateyri
Björn Hafberg tók í haust við stöðu skólastjóra við
Grunnskólann á Flateyri af Vigfúsi Geirdal. Björn er
36 ára og innfæddur Flateyringur. Hann var lengi til
sjós á yngri árum og fór stðan í kennaranám. Að því
ioknu lagði Björn stund á sagnfræði við HÍ f fjögur ár.
Samhliða náminu hefur Björn stundað kennslu öðru
hverju og einnig hefur hann stundað fararstjórn og
blaðamennsku. Sambýliskona Björns er Sigríður
Hauksdóttir og kennir hún einnig við skólann. Hún er
Sauðkrækingur.
„Það togaði í mig að koma hér vestur og reyna að verða
að einhverju gagni. Nú er ég kominn heim og mér líst vel
á starfið. Ég vona að einhverjar nýjungar verði í skólastarf-
inu því við erum að velta fyrir okkur ýmsum hlutum. Meðal
annars er á döfinni að bjóða upp á heimanám í skólanum
og þá væntanlega frá kl. 17:30 til 19:00. Börnin geta þá
komið hér í skólann og kennarar aðstoða þau við heima-
námið. Fast form er komið á íþróttakennsluna og þá
notum við nýju sundlaugina og iþróttahúsið. Aðstaða er
þar til leikja, svo sem fyrir borðtennis og körfubolta, þrátt
fyrir að húsið sé ekki alveg tilbúið.
Skólahúsnæðið er í bærilegu ástandi og ég vona að á
næstu misserum verði eitt og annað lagfært. Það er enginn
stórvægilegur vandi sem að steðjar hjá okkur varðandi
tækjabúnað, en það er heldur ekkert aflögu, hvorki hús-
rými né annað. Það er því að ýmsu að hyggja á næstunni
í þeim málum. Ég er að vona að við getum komið upp
myndarlegri smíðastofu því enginn efast um gildi þess að
sinna verkgreinunum.
Kjarni kennaraliðsins hefur verið við skólann nokkuð
lengi og ég tel það mikinn kost þegar fólk endist í þessu
starfi i nokkur ár, jafnvel þó það hafi ekki öll formleg
réttindi. Við höfum því góðu liði á að skipa“, sagði Björn
Hafberg í viðtali við VESTFIRSKA á Flateyri í síðustu
viku.
-GHj.
Bylting í vændum í samskiptatækni á Vestfjörðum:
Ljósleiðarinn kominn
yfir Arnarfjörð
- Súðavík, Djúpið og Strandir tengjast ekki að svo stöddu
Um fimmleytið á föstudag-
inn kom endi ljósleiðarans yfir
Arnarfjörð á land á norður-
strönd fjarðarins við Tjalda-
nes. Strengurinn er keyptur
frá Bretlandi og lagður af
Bretum.
„Þetta er strengur nr. 1 yfir
Arnarfjörð og liggur hann frá
Bíldudal yfir í Tjaldanes.
Hann er um 8 km á lengd“,
sagði Jóhann Örn Guðmunds-
son, yfirdeildarstjóri hjá ljós-
leiðaradeild Pósts og síma í
samtali við Vestfirska frétta-
blaðið þegar endinn var tekinn
í land. „Annar strengur liggur
svo frá sjónvarpshúsinu í
Haganesi á móti Bíldudal, um
Langanes, og þaðan yfir í
Tjaldanes og er landtakið á
öðrum stað. Þannig er tvöföld
lögn yfir fjörðinn öryggisins
vegna og er reynt að vera ekki
alveg á rækjuslóðinni. Streng-
irnir verða merktir með land-
merkjum og á sjókortum svo
ekki er mikil hætta á að fiski-
bátar slíti hann með veiðar-
færum sínum.
Þessir Ijósleiðarar þýða
gjörbyltingu fyrir Vestfirð-
inga, bæði í símasambandi og
öllum fjarskiptasamböndum.
Strengurinn um Vestfirði
verður tengdur næsta sumar.
Við höfum í sumar verið að
leggja úr Reykhólasveitinni og
alla leið til Bolungarvíkur um
ísafjörð. Það er tvöfaldur leið-
ari frá Reykhólasveit í
Vatnsfjörð. Viðmunum sjálfir
leggja sæstrengina yfir Dýra-
fjörð og Tálknafjörð og er
stefnt að því að gera það í
haust“, sagði Jóhann Örn
Guðmundsson í samtali við
Vestfirska vestur á Tjaldanesi
þegar ljósleiðarinn kom á land
sl. föstudag.
Aðspurður um það hvort
Súðavík, Djúpið og Strandir
væru með í þessari
framkvæmd, sagði Jóhann
Örn að það yrði væntanlega í
framtíðinni, en það væri ekki
inni í þessari áætlun.
I hverjum streng eru 16
leiðarar og í hverjum leiðara
geta farið fram 2000 símtöl í
einu, eða hann getur borið
tvær sjónvarpsrásir. Flutn-
ingsgetan byggist á endabún-
aðnum. Strengurinn sjálfur
hefur nánast óendanlega
möguleika og hægt mun að fá
endabúnað til nánast hvers
Ljósleiðarastrengurinn um Vestfirði skríður á land við Tjalda-
nes í Arnarfirði. Strengurinn í forgrunni er kaðall sem bundinn
er í enda Ijósleiðarans og má sjá belgi á kaplinum úti í sjó.
Breska kapalskipið Arklow Mill skammt undan landi.
sem er í samskiptum um
stenginn.
Þegar strengurinn kom á
land afhenti Árni Sædal Geirs-
son, verkstjóri Pósts og síma
á norðanverðum Vestfjörð-
um, Jóhanni Erni hvíta rós
(ljósarós) í tilefni þessa
áfanga. Einnig afhenti hann
einum skipverja á breska kap-
alskipinu Arklow Mill lykil að
gjöf; þarna var um að ræða
lykilinn að góðu veðri handa
skipinu á leiðinni frá íslandi til
Bretlands.
-GHj.
Ámi Sædal afhendir Jóhanni Emi Guðmundssyni hvíta rós við
landtöku ljósleiðarans. Rósin er hvít og táknar Ijósið.

Hafðu samband
og kynntu þér málið
ISPRENTHF.
PRENTSMIÐJA K 94-3223
Réttinda-
lausir öku-
menn
ÍSAFJÖRÐUR
Tilkynnt var til lögreglu
um réttindalausan öku-
mann á ísafirði um þrjú-
leytið aðfaranótt laugar-
dags. Náðist hann og
reyndist vera of ungur fyrir
bílprófið. Mun hann að
öllum líkindum fá fjársekt
ásamt eiganda bílsins sem
hafði leyft honum að aka.
Ökumaður var tekinn
réttindalaus á léttu bifhjóli
seinni hluta laugardagsins
á ísafirði. Einnig var kvart-
að yfir akstri hávaðasamrar
skellinöðru á Hafnarstræti
og við nánari athugun kom
í ljós að réttindalaus öku-
maður olli þarna „hávað-
amengun"
-GHj.
Rúðubrot
á ísafírði
ÍSAFJÖRÐUR
Brotnar voru rúður
Austurvegarmegin í
Grunnskólanum á fsafirði
aðfararnótt föstudagsins.
Nokkrir voru teknir og
færðir til yfirheyrslu vcgna
þessa máls, að sögn Isa-
fjarðarlögreglu. Málið ér
óupplýst en ákveðnir aðilar
grunaðir um verknaðinn.
-GHj.
VESTFIRSKA
HEFUR HEYRT...
... aðyfirkjötmatsmaður
sláturhúsa á Vestfjörðum
og Ströndum sé starfandi
bankastjóri Búnaðarbank-
ans í Mosfeiisbæ. Það er
athyglisvert að á tímum at-
vinnuleysis skuli vera hægt
að útvega hátekjumönnum
úr öðrum landsfjórðungum
aukastörf í Vestfjarðakjör-
dæmi þegarnóg erafhæfu
fólki í héraði til að gegna
þeim...
... að bæjarstjórinn á
ísafirði greiði úr eigin vasa
veitingarnar eftir samnor-
ræna fundinn, sem
Byggðastofnun hélt fyrir
nokkru á Isafirði um vanda
fámennra jaðarbyggða, en
fyrirspum kom frá fulltrúa
i-iista í bæjarráði um það
hver borgaði brúsann. Að
sögn er venja að það sé
ákveðið í bæjarráði og
bæjarstjóm þegar slíkar
veitingar eru greiddar úr
bæjarsjóði, en í þessu til-
viki kom slíkt aldrei til um-
ræðu á þeim vettvangi, því
að á meirihlutafundi þegar
væntanleg heimsókn
hinna norrænu gesta kom
til tals reyndist andstaða
gegn því að bæjarsjóður
greiddi fyrir þá matinn...