Vestfirska fréttablaðið - 22.10.1992, Blaðsíða 8

Fimmtudagur 22. október 1992
VESTFIRSKA
J FRKITABLAÐIf)
Ljóðabréf frá Rúnari Kristjánssyni á
Skagaströnd til Axels á Gjögri
Fáu er hægt að
koma í kring/með
kjaftæðinu einu
Enn hefur Rúnar Kristjánsson sent vini sínum Axel Thorarensen
á Gjögri ljóðabréf yfir Húnaflóa frá Skagaströnd í Gjögur.
Strandajarlinn sendi Vestfirska bréfið til birtingar og eru í því
skemmtilegar vísur. Bréfið fer hér á eftir:
Skagaströncl, 26. sept. 1992.
Mottó:
Marga stund við andans yl
er mín sál á flögri.
Vængjuð fer hún vestur til
víkingsins á Gjögri.
HeiII og sæll Axel minn og megi þetta bréf hitta þig í fleygu
formi. Það er greinilegt að það býr íslensk seigla í öllum taugum
þíns líkama og sálin er full af því fjöri sem skapar iíf og yl með
öllum hætti. Því vil ég yrkja til þín í hreinni andans gleði:
Yfir flóann fúsa hönd
fram ég rétti glaður.
Þrýstir hana þar á strönd
þekktur heiðursmaður.
A með réttu seggur sá
sínar heilladísir.
Allt sem heyrist honum frá
hressum anda lýsir.
Héðan er svo sem ekki neitt að frátta utan það sem fylgir föstum
liðum mannlífsins og telst því varla fréttnæmt. Einn deyr og annar
fæðist o.s.frv., einn getur étið yfir sig og annar fær ekki í sig hálfan
o.s.frv., einn hefur nóg af öllu og kvartar sí og æ, annar býr við eklu
og möglar ekki o.s.frv. Undarlegt er mannfólkið!
Um daginn henti það mig í vinnunni að glata nýlegri sög og þótti
mér það ekki gott. Bjó mér í grun að einhver af félögum mínum
hefði tekið sögina til handagagns og gleymt henni einhversstaðar.
Orti ég í þessum vandræðum vísu þessa:
Eg er sár og svekktur mjög,
segi því við alla:
Reynið að ftnna rauða sög,
ryðlausa að kalla!
Um daginn var ég að hlusta á fréttir af alþingi og þá kom þessi
vísa:
Ekki skilar okkar þing
ennþá gagni neinu.
Fáu er hægt að koma í kring
með kjaftæðinu einu!
Biskup kom hér síðsumars að líta á kirkjueignir og kaus að boða
til messu á fimmtudagskvöldi, en það skilaði litlu. Þá orti ég þessa
vísu og sýnir hún ef til vill nokkurn skort á virðingu fyrir geist-
legheitunum, en það verður að hafa það:
Biskup var að vísitera,
vildi í kirkju hefja mál.
Klukkum hringdi af kappi séra,
kom þó ekki nokkur sál!
Eg er að velta fyrir mér að byrja á handriti að nýrri bók í vetur.
Það er ákveðin hugmynd að skýrast hjá mér varðandi það. En ég
sé til hvað úr því verður.
Bókin mín sem kom út í desember í fyrra var gefin út af Skák-
prenti í 300 eintökum, ég vissi ekki hvaða viðtökur ég fengi! Þetta
var tilraun! En þessi eintök kláruðust ótrúlega fljótt og í janúar var
ég búinn með þau. Var ég mjög sáttur við útkomuna og ætlaði að
láta þar við sitja. En eftirspurn hélt áfram og í apríl lét ég, út af
þeim þrýstingi, prenta 200 eintök í viðbót. Eg hef ckkert kostað til
auglýsinga, en þetta hefur allt gengið undarlega vel. Þrisvar hef ég
skotist í söluferð um helgi og selt 44 bækur. Nú á ég eftir 99 bækur
og alltaf reytist ein og ein út.
Eg hef haft gaman að því að fara í söluferðir, þá hef ég ástæðu
til að heimsækja fólk og spjalla við það. Stundum hafa samtöl
orðið löng og yfirferð orðið lítil fyrir þær sakir - en maður er
manns gaman!
Nú læt ég þessu bréfkorni lokið, en ég rita það vegna þess að
mér þótti leitt að slíta símtali okkar í fyrra lagi um daginn - þetta
er ætlað sem uppbót á það.
Stuttu bréfi létt ég lýk,
leiti það sér staðar.
Þaðan dansa að Djúpuvík
dætur Ægis glaðar.
Lestu á Gjögri mál frá mér
merki Strandahlynur.
Bið ég svo að blessist þér
bjargir allar, vinur!
Þinn Rúnar Kristjánsson.
Onnur tæknibyltingin
á árinu í ísprenti hf.
Á myndinni eru, frá vinstri, Hlynur Þór Magnússon, Gestur Traustason frá Tölvustofunni, en hann hefur verið á ísafirði undanfarna daga við
uppsetningu búnaöarins, Magnús Gíslason, Gísli Hjartarson, Rögnvaldur Bjarnason og Hörður Kristjánsson.
Prentsmiðjan Isprent hf. á ísa-
ftrði hefur tekið í notkun nýjan og
mjög fullkominn tölvusetningar-
búnað, og er þetta tölublað Vest-
firska fréttablaðsins fyrsta verkið
sem unnið er í nýju tækjunum. Nú
er úr sögunni að standa við ljósa-
borð og líma upp blaðsíðumar, eins
og tíðkast hefur í íslenskri (og er-
lendri) blaðaútgáfu síðustu tvo ára-
tugina eða svo. Blaðið (eins og
önnur prentverkefni) er nú ekki að-
eins sett í tölvu, heldur fer allt um-
brotið einnig fram í tölvu, merki
fyrirtækja og ljósmyndir eru einnig
í tölvu og kemur hver blaðsíða
fullunnin á filmu út úr tækjunum,
með myndum og öllu tilheyrandi.
Til þess að útiloka misskilning
hjá fólki sem þekkir nokkuð til
þessara mála, er rétt að taka skýrt
fram, að hér er alls ekki um laser-
prentaraútkeyrslu að ræða, enda er
slíkt með öllu úrelt. Isprent hf. hef-
ur þó einnig laser-prentara tengdan
við þennan búnað, en hann er hent-
ugur til notkunar fyrir prófarkir og
sum minni háttar verkefni.
Þess má geta að Pressan er nú
unnin að öllu leyti með þessari
tækni og Morgunblaðið er komið
mjög langt á þeirri braut.
Það varð vissulega tæknibylting
á fsafirði í vor þegar Isprent hf.
fékk litljósritunarvélina frægu,
fyrst fyrirtækja utan Reykjavíkur-
svæðisins. Hún hefur áþreifanlega
sannað ágæti sitt síðasta hálfa árið,
en hér er þó um enn meiri byltingu
að ræða með tilkomu hins nýja
setningarbúnaðar.
Hugbúnaðurinn og vélbúnaður-
inn til umbrotsins, sem ísprent hf.
hefur nú fengið, kemur frá Tölvu-
stofunni (Macintosh), en út-
keyrslutækið er þýskt (Agfa) og
kemur frá Heimilistækjum hf.
Mynd að ofan var tekin síðdegis
í dag, fimmtudag, þegar ísprents-
menn afhentu útgefanda Vestfirska
fréttablaðsins fyrsta eintakið af
blaðinu í dag, en það er fyrsta
verkefnið sem unnið er í hinum
nýja búnaði.
Gestur Traustason og Höröur Kristjánsson virða fyrir sér fyrsta eintakiö af þessu blaði og bera það saman við mynd af sama blaði á tölvuskjá, þar
sem hægt er aö vinna með texta, myndir og merki fram og aftur að vild.
Selma Guðmundsdóttir píanóleikari heldur ein-
leikstónleika í Bolungarvík, á Flateyri og ísafirði
Selma Guðmundsdóttir píanó-
leikari heldur tónleika í Félags-
heimilinu í Bolungarvík þriðjudag-
inn 27. október, í húsnæði Hjálms
á Flateyri miðvikudaginn 28. októ-
ber og í Grunnskólanum á Isafirði
fimmtudaginn 29. október. Allir
tónleikarnir hefjast kl. 20.30. Tón-
leikarnir á Isafirði verða jafnframt
fyrstu áskriftartónleikar vetrarins
og eru væntanlegir áskrifendur
beðnir að vitja korta sinna í Bók-
hlöðunni eða við innganginn.
A efnisskránni eru verk eftir Jón
Leifs, Pál ísólfsson, Schubert,
Liszt, Janácek, Skrjabín og
Khatsjatúrjan. Mjög fjölbreytt!
Selma Guðmundsdóttir hóf tón-
listarnám á fsafirði, en stundaði
síðan nám við Tónlistarskólann í
Reykjavík undir handleiðslu As-
geirs Beinteinssonar og Arna
Kristjánssonar. Að loknu einleik-
araprófi stundaði hún framhalds-
nám í Salzburg og Hannover og
hlaut þá námsstyrk frá þýska ríkinu
í tvö ár. Selma hefur einnig stundað
námskeið víða erlendis. Um fimm
ára skeið bjó hún í Stokkhólmi og
starfaði þá m.a. við Tónlistarskóla
sænska útvarpsins.
Selma hefur haldið fjölda ein-
leikstónleika, bæði hérlendis og
víða erlendis. Hún hefur starfað
mikið með öðrum hljóðfæraleikur-
um og söngvurum, m.a. hefur hún
leikið með Sigrúnu Eðvaldsdótur
fiðluleikara síðustu sex árin, bæði
hér heima og erlendis. A síðasta ári
kom út geisladiskurinn Cantabile
með leik þeirra og í næsta mánuði
er væntanlegur geisladiskurinn
Ljúflingslög með leik þeirra, auk
þess sem annar geisladiskur með
flutningi Selmu á nokkrum píanó-
verkum, íslenskum og erlendum,
kemur út á sama tíma hjá Steinum
hf.