Vestfirska fréttablaðið - 22.10.1992, Blaðsíða 12

bil
ÆT
Tökum að okkur LJOSRITUN í stærðum A4 og A3
á þunnan pappír og þykkan, litaðan, einnig skjalapappír.
Stækkað og minnkað. Bindum greinar/reikninga inn í plastkápur.
Verð: Ljósritun 15 krónur örkin (verulegur magnafsláttur).
BÓKAVERSLUN
JÓNASAR TÓMASSONAR Sími 3123, ísafirði
VI ISTFl SSKA —^ L
LFRÉTTABLAÐIÐ
RITSTJORN OG AUGLYSINGAR:
SÍMI94-4011 • FAX 94-4423
Vestfirska fréttablaðið á
næturvakt með lögreglunni á
ísafirði
Árásir á sjúkra-
og lögreglubíla
-ekki um unglinga að ræða
heldur fullorðna menn
Um tvöleytið aðfaranótt sunnudags kom maður á lögreglustö-
ðina á fsafírði og kærði líkamsárás. Virtist hann vera nefbrotinn.
A sama tíma var lögregla kvödd í Sjallann og þar var maður sem
flytja þurfti á sjúkrahús vegna þess að sparkað hafði verið í andlit
hans. Skömmu seinna þurftu Iögreglumenn að hafa afskipti af þre-
mur mönnum í slagsmálum í miðbænum og endaði það með þvf að
einn taldi sig vera rifbrotinn eftir annan. Meðan á þessu stóð hop-
paði maður upp á lögreglubílinn og tók af honum ljósakúpul, henti
honum í götuna og braut. Svo vildi til að var vitni var að þessu og
náðist sökudólgurinn.
Aftur var óskað aðstoðar í Sjallann vegna stúlku í asmakasti.
Meðan lögreglumenn sinntu því erindi fór annar maður upp á bíl
þeirra og tók Ijósakúpla og hljóp á braut með hann. Sjúkrabifreið
kom á staðinn og þurfti lögregla að vernda hann fyrir æstum
mannfjöldanum. Að sögn lögreglumanna er það alveg óþolandi að
fólk skuli ekki geta séð þessa bíla í friði. Þetta eru neyðarbílar til
þess að hjálpa fólki í neyð og þurfa að vera í fullkomnu lagi. Tekið
skal fram að þarna var um fullorðið fólk að ræða en ekki unglinga.
Þessi mál eru upplýst og fá viðkomandi aðilar bágt fyrir, eins og
vera ber.
Sjá nánar á bls. 6.

wm HEILSUGÆSLUSTÓÐIN ÁÍSAFIRÐI
Frá Heilsugæslustöðinni á
ísafirði:
Inflúensu-
bóluefnið komið
Viljum vekja athygli á því að inflúensubóluefni er komið.
Samkvæmt ráðleggingu landlæknis er mælt með bólusetningu
einstaklinga 60 ára og eldri og þeirra sem teljast til áhættuhópa.
Fréttatilkynning.
Línubátur á Norðurfirði
Meirihluti áhafn-
ar er Króatar
Tíu tonna línubátur, Straumur frá Skagaströnd, hefur nú byrjað
róðra frá Norðurfirði á Ströndum. Fór báturinn stna fyrstu sjóferð
í gær.
„Það eru sex menn á bátnum, bæði þeir sem beita og svo þeir sem
róa. Fjórir þeirra eru Króatar en tveir eru íslendingar. Óli minn
hefur verið að kenna Króötunum að beita undanfama daga. Þeir búa
allir í verbúðunum í Norðurfirði. í dag eru þeir á sjó og fóru með
20 bala. Kaupfélagið kaupir af þeim þorskinn en ýsuna ætla þeir að
fara með vikulega til Skagastrandar. Ýsan er sennilega farin að
minnka núna þvt' hún fer nú venjulega snemma af grunnunum",
sagði Axel á Gjögri í samtali við VESTFIRSKA í gær. -GHj.
Einn í steininn á
Þingeyri
Á föstudagskvöldið var haldið sláturhúsball á Þingeyri. Að sögn
lögreglu fór það vel fram utan þess að afskipti þurfti að hafa af
einum manni sem lét ófriðlega. Var hann vistaður í fangaklefa á
Þingeyri til þess að kæla hann niður. -GHj.
Ljósin í lag!
Lögreglan á fsafirði kveðst munu halda áfram að stöðva þá
ökumenn sem ekki hafa komið ljósabúnaði ökutækja sinna í lag.
Að sögn lögreglu eru þau mál ekki í nógu góðu lagi og þurfa
trassarnir að taka sér tak í þeim efnum.
Bræðurnir Haraldur og Guömundur Konráðssynir landa átta tonna rækjuafla úr Halldóri Sigurðssyni ÍS á
þriðjudaginn en þá var fyrsti veiöidagur rækjuvertíöar í ísafjarðardjúpi. Rækjan var stór og falleg.
Mokveiði á
Djúprækjunni
Rækjuvertíðin í ísafjarðardjúpi
hófst í fyrradag (þriðjudag) og var
veiði mjög góð í heildina hjá þeim
tæplega 30 bátum sem hana stunda
í vetur. Bolungarvíkurbátarnir reru
í Jökulfjörðumar og var veiðin þar
misjöfn hjá bátunum. Fyrstu höiin
voru ágæt en svo virtist botninn
detta úr veiðinni. fsafjarðarbátarnir
fóru allir í Djúpið og var veiðin þar
mjög góð, allt frá tonni og upp í átta
tonn á bát.
„Það hefur ekkert verið fyrir
innan Ögurhólma. Sæmilegur reyt-
ingur var norður á Æðeyjargrunni
en aðalveiðisvæðið var norður af
Vigur. Þar fengum við átta tonn í
gær. Við vorum að taka trollið núna
og það var tonn í. Þetta er stór og
falleg rækja, demantsrækja eins og
í gær. Veðrið í dag er eins og það
gerist best á Benidorm og Djúpið
eins og heiðartjörn", sagði Konráð
Eggertsson, skipstjóri á Halldóri
Sigurðssyni ÍS, þar sem hann var að
veiðum við hornið á Vigur f gær-
morgun. -GHj.
Vetrarvinir í gang
Þetta vaska göngufólk hitti blm. VESTFIRSKA á Óshlíð á laugardaginn. Þetta eru Hnífsdælingar sem tilheyra
útivistarhópnum Vetrarvinum sem hefur stundað gönguferðir, skíðagöngu og fleira. Sagði fólkið aö þetta væri
æfing fyrir veturinn og einnig aö þau væru svo dugleg að þau gætu ekki beðið vetrarins og því væri starfið að
fullu hafið. Myndin er tekinn við vegskálann í Hvanngjá á Óshlíðarvegi. GHj.
/ VATNSHELD 4^
^ NAFNSPJÖLD / LIT A
DÆMI UM VERÐ: 25 STK. KR. 5.290,- 100 STK. 9.338,-
LJÓSRITUN í LIT
TÖLVUPAPPÍR
miklu, miklu
ódýrari
ISPRENT HF.
Prentsmiðja sími 94-3223
Ferðamenn
villast að
Nauteyri í
stað
ísafjarðar
Þegar ekið er yfir Stein-
grímsfjarðarheiði og komið
ofan í fsafjarðardjúp blasir
fljótlega við vegfarendum
skilti við veginn sem á stendur
„Nauteyri". Skiltið er gult að
lit, frá Vegagerð ríkisins, og er
á því svartur ferningur þar sem
síðar mun eiga að koma mynd
af skipi. Slíkt á að tákna ferju-
bryggju. Ef menn beygja svo út
af aðalveginum þarna við
merkið og aka áfram út á
Langadalsströnd koma þeir að
nterki frá Vegagerðinni sem á
stendur „fsafjörður". Ef menn
beygja þar og aka niður að
Nauteyri eins og örin á merkinu
vísar koma þeir að fískeldis-
stöð niður við sjó. Þar þrýtur
veginn og framundan er ein-
göngu sá angi Atlantshafsins
sem ísafjarðardjúp nefnist og
mun enn vera óbrúað, bæði
þvert og endilangt.
Fávísir ferðamenn klóra sér
í höfðinu, snúa sér st'ðan til
staðarhaldara, Ara Mörk
Bragasonar, og spyrja hvernig
þeir eigi að halda áfram til ísa-
fjarðar, samkvæmt fyrrnefndu
merki. Staðarhaldari segir ekki
„legg þú á Djúpið“ heldur
kveður hann ferjubryggju enn
ekki hafa séð dagsins ljós.
Ofangreint er lyginni líkast,
en samt er þetta satt. Segir Ari
Mörk mikil brögð hafa verið að
því að ferðamenn komi í fisk-
eldisstöðina í leit að ferju-
bryggjunni, og séu vegvísarnir
til mikils ógagns fyrir ókunn-
uga, jafnvel þótt myndin af
skipinu sé ekki enn komin á
merkið. -GHj.
Skytterí á
Suðureyri
Um kaffileytið á föstudaginn
fékk lögreglan á fsafirði
kvörtun frá Suðureyri út af
manni sem þar var að aka um
aðalgötu þorpsins. Allt í einu
stoppaði bfllinn og ók um 50
m afturábak og út úr honum
velti sér maður og mundaði
byssu til sjávar. Kona nokkur
nærstödd kallaði í manninn og
lét hann sig þá hverfa. Lög-
reglan hafði upp á manninum
og kvaðst hann hafa ætlað að
skjóta mink sem hann hafði séð
í fjörunni. Að sögn lögreglu er
ekki heppilegt að verið sé að
skjóta innanbæjar. enda ekki
allir sem hafa leyfi til þess.
Búast má við að maðurinn
verði sektaður. -GHj.
Slysí
Norsara
Rétt fyrir hádegi á fimmtu-
daginn var barst hjálparbeiðni
til lögreglunnar á fsafirði frá
norskum togara sem lá í fsa-
fjarðarhöfn. Hafði einn skip-
verjanna klemmst undir skut-
rennuloka. Maðurinn var
fluttur á Fjórðungssjúkrahúsið
á ísafirði og var hann töluvert
mikið slasaður. Leit þetta afar
illa út en betur fór en á horfðist.
Maðurinn er nú á batavegi.
-GHj.