Vestfirska fréttablaðið - 12.11.1992, Blaðsíða 8
8
Fimmtudagur 12. nóvember 1992
Sigurjón Haraldsson:
Uppspuna- og lyga-
fréttamennska BB
Alvarlegur trúnaðarbrestur hjá starfsmönnum
félagsmálaráðs
Siðlaus blaðamennska
Þegar ég las Bæjarins besta
fimmtudaginn 5. nóvember gat
ég ekki lengur orða bundist.
Svo lágkúruleg og siðlaus
blaðamennska hélt ég að fyrir-
fyndist ekki hjá BB. Þar sem
málið er mér að nokkru tengt
gat ég ekki annað en drepið hér
niður penna til að gera alþjóð
ljóst um hvað málið snerist,
fyrst formaður félagsmálaráðs
(eða einhver innan hans vé-
banda) gat lagt sig svo lágt að
bijóta þagnarskyldu síns emb-
ættis. Það er nú orðið ansi hart
(þó vægt sé til orða tekið) þegar
fréttaöflun BB er orðin svo lé-
leg að blaðamaður þess verður
að leita frétta af því sem fer
fram innan félagsmálaráðs.
Lesendur skulu athuga það, að
félagsmálaráð fer með mörg
viðkvæm mál í þessu bæjarfé-
lagi. Við skulum vona að á
síðum BB fari nú ekki að birtast
nöfn þeirra sem þurfa að leita
eftir fjárframlögum eða ein-
hverri annarri félagslegri þjón-
ustu, eða er það stefna blaðsins,
háttvirtur ritstjóri, að ráðast á
þá sem minnst mega sín?
I þessu umrædda blaði birtist
grein um að leikskólastjóri
leikskóla hér í bæ hafi verið
grunuð um fjárdrátt en sá
grunur hafi ekki reynst á rökum
reistur. Hvað er þetta annað en
að reyna að bera róg á viðkom-
andi manneskju? Þetta mál er
eitt af mörgum trúnaðarmálum
sem félagsmálaráð hefur með
höndum. Fyrst formaður fé-
lagsmálaráðs (eða einhver inn-
an hans vébanda) vill endilega
gera þetta að blaðamáli, þá er
eins gott að öll kurl komi í ljós
og forsaga málsins sé rakin.
Nú ætla ég að benda á nokk-
ur atriði í þessari grein sem
sérstaklega er skrifuð til að
tortryggja viðkomandi mann-
eskju. I fyrirsögn stendur
„Tæpa milljón vantaði við
uppgjör". Hvað er þetta annað
en gefa í skyn að fjárdráttur hafi
átt sér stað, þó að í meginmáli
greinar á baksíðu sé sagt að
grunur hafi ekki verið á rökum
reistur! Til að réttlæta slúðrið,
þá segir í fréttinni að „starfs-
menn Isafjarðarkaupstaðar"
hafi orðið „varir við að eitthvað
athugavert hafi verið við upp-
gjör og skil daggjalda frá leik-
skólanum" og „lítið hafi borist
frá skólanum miðað við um-
fang". Hverjir eru þessir starfs-
menn? Er formaður félags-
málaráðs eða einhver innan
hans vébanda að reyna að beina
athyglinni frá þeim sem fram-
kvæmdi trúnaðarbrotið? Skil
hjá leikskólanum Hlíðarskjóli
hafa alltaf verið á eðlilegum
tíma og hér var ekki um neitt
uppgjör að ræða sem hafði
valdið þessari tortryggni, held-
ur aðrar persónulegar ástæður
formanns félagsmálaráðs til að
framkalla svokallað pólitískt
uppgjör sem stjómmálamenn
og opinberir starfsmenn nota
þegar þeir þurfa að víkja ein-
hverjum frá vegna persónu-
legrar andúðar á viðkomandi
manneskju. Formaður félags-
málaráðs og aðrir starfsmenn
vita nákvæmlega hver innkoma
leikskólanna er í hverjum mán-
uði (eða ímynda þeir sér að hún
sé einhver önnur?) og ef þeir
hafa skoðað innlegg hvers
mánaðar, þá hefðu þeir strax
séð að ekki var um neinn drátt
á greiðslum að ræða. Síðar
segir í greininni að leikskóla-
stjórinn hafi reitt fram eina
milljón, en viðkomandi slúður-
beri hefur ekki látið sér það
nægja og lýkur greininni með
því að bæta einu sinni enn við
tortryggni sína (eða sína per-
sónulegu skoðun) með því að
segja: „Engin skýring hefur
verið gefin á þeim drætti sem
varð á að skila peningunum".
Auðvitað hefur engin skýring
verið gefin á drættinum og mun
ekki verða, þar sem ekki var um
neinn drátt að ræða.
Með slfkum fréttaflutningi
getur háttvirtur ritstjóri ekki
búist við öðru en að það komi
að því að þeir sem verða fyrir
slíku aðkasti leiti réttar síns og
höfði mál á hendur honum fyrir
meiðyrði og rógburð.
Trúnaðarbrot formanns
félagsmálaráðs og/eða
hans manna
Eg get ekki Iitið öðrum aug-
um á þennan fréttaflutning en
svo að formanni félagsmála-
ráðs beri annað hvort að segja
af sér og biðjast opinberlegrar
afsökunar á þessu trúnaðarbroti
eða víki viðkomandi starfs-
manni sem gerst hefur sekur
um slíkt trúnaðarbrot. Formað-
ur félagsmálaráðs hlýtur að
bera ábyrgð á því þegar ein-
hverjir innan félagsmálaráðs
gerast uppvísir um trúnaðar-
brot. Bæjarbúar í þessu bæjar-
félagi geta ekki látið bjóða sér
það að starfsmenn félagsmála-
ráðs leki öllu út því sem fram
fer í félagsmálaráði. Þar sem
grunur reyndist ekki á rökum
reistur, þá sé ég ekki hvað þetta
mál hafði að gera í BB. Oðru
máli hefði gegnt hefði verið
upplýst að um brot hefði verið
að ræða.
Forsaga málsíns
Umræddur leikskólastjóri
hóf störf á Hlíðarskjóli fyrir
rúmu ári síðan. Þá stóðu mál
þannig að ekki var fyrirséð
annað en að loka yrði stofnun-
inni þar sem ekki var starfandi
fóstra. Einnig er Hlíðarskjól
rekið á undanþágu frá Vinnu-
eftirliti ríkisins og Heilbrigðis-
eftirliti þar sem húsakynni
uppfylla ekki lágmarksskilyrði
fyrir slíkar stofnanir. Það var
því eitt af verkum leikskóla-
stjórans að koma skipulagi og
aðstöðu í lag. Ég hef ekki séð
annað en að leikskólastjórinn
og annað starfsfólk Hlíðar-
skjóls hafi lagt sig allt fram við
að gera þessa hluti sem besta og
á sem ódýrastan máta fyrir
bæjarfélagið. T.d. má nefna að
starfsmenn unnu í sjálfboða-
vinnu við að mála húsnæðið allt
að utan. Leiktæki á lóð voru úr
sér gengin og sköpuðu hættu,
svo fljótlega hefði þurft að loka
leiksvæðinu og fjarlægja leik-
föng. Þar sem leikskólastjóri
hefur samið og borið ábyrgð á
fjárhagsáætlun fyrir leikskól-
ann, þá taldi hún að brýnasta
þörfin yrði á að kaupa ný leik-
tæki á Ióðina. Þetta var allt gert
innan ramma fjárhagsáætlunar
og ætla ég ekki að rekja það
nánar hér, en í meðfylgjandi
bréfi leikskólastjórans frá 23.
okt. sl. til félagsmálastjóra Isa-
fjarðarkaupstaðar, sem hér er
birt, eru þessi mál krufin (inn-
gangi bréfsins og niðurlagi
sleppt):
„Þar sem undirrituð hefur
verið beðin munnlega af
fjármáiastjóra Isafjarðar-
kaupstaðar að gefa upplýs-
ingar til þín um fjármögnun
útileiktækja, skrifa ég þetta
bréf. Einnig sagði seljandi
tækjanna mérþað í gær eftir
samtal við fjármálastjóra
ísafjarðarkaupstaðar að
reikningurinn fengist ekki
greiddur og fjármálastjórinn
hefði talað niðrandi um leik-
skólastjóra Hlíðarskjóls.
Mér hefur ekki verið tjáð
annað frá því ég hóf störf á
Hlíðarskjóli en að ég bæri á-
byrgð á fjármunum leikskól-
ans, svo framarlega sem
það væri innan fjárhagsá-
ætlunar. Það var í byrjun
maí 1992 að pantað var frá
Barnasmiðjunni tvö stykki af
vegasalt (tvöfalt) og kastali.
Það dróst verulega að fá
þessa hluti afgreidda. Þeir
bárust síðan um mánaða-
mótin ágúst-september sl.
En þá reyndist reikningurinn
ekki réttur og var endur-
sendur. Reikningurinn kom
síðan aftur í lok september
sundurliðaður eins og um
var samið.
Vegasöltin eru greidd með
gjafafé frá Ruth Tryggvason
(Gamla barnaverndarfélag
Isafjarðar) kr. 157.532. Eftir
stendur hvernig á að greiða
reikning upp á kr. 430.913
vegna kastala.
Það eiga að fara kr.
100.000 í þessa greiðslu af
lið nr. 02- 21-211-1, sem er
ráðstöfun mjólkurgjalds. Það
ber að hafa í huga að það
eru peningar barna á leik-
skólanum Hlíðarskjóli, sem
ísafjarðarkaupstaður fær í
veltu sína, en hefur í raun og
veru ekki tilkall til. Það eru
umkr. 10.000 á mánuði sem
eru umfram þegar mjólkur-
reikningurinn hefur verið
greiddur.
Þá standa eftirkr. 330.000
sem skal greiða út úr heild-
arrekstri leikskólans og er
það innan fjárhagsáætlunar
leikskólans.
Nú skal bent á nokkrar
staðreyndir varðandi leik-
skólann Hlíðarskjól:
1) ísafjarðarkaupstaður
færgreitt frá ríkissjóði vegna
sérmeðferðar barna á þessu
ári um kr. 100.000 meira en
fjárhagsáætlun gerir ráð fyrir
árið 1992.
2) Isafjarðarkaupstaður
greiðir ekki nema 46,64% af
heildarrekstri Hlíðarskjóls
árið 1992. Aftur á móti
62,16% af rekstri Bakka-
skjóls og 63,71% af rekstri
Eyrarskjóls.
3) Hlíðarskjól er ekki talið
hæft til reksturs leikskóla og
á ég þar við húsnæðið og
þarf ekki nánari útskýringar
þar við.
4) Fjármunir leikskólans
nýtast því best í viðhald á
útileiksvæði. Því að óhæft
hús og lóð getur ekki hvoru-
tveggja gengið í starfsemi
leikskóla.
5) Ég hefði getað látið loka
leikskólanum frá 1. janúar
1993, en með velferð barna
að leiðarljósi var það ákveð-
ið 1. júní 1993. Því ég vildi
forða því að börn yrðu tekin
héðan út á miðjum vetri, því
að um verulega fækkun
barna yrði þá að ræða.
Þetta hér að framan á að
varpa Ijósi á hvers vegna var
farið út í kaup á leiktækjum.
Leiktækin sem voru fjarlægð
voru ekki lengur nothæf og
stórhættuleg og hefðu kallað
á lokun á útileiksvæðinu. En
þetta er hlutur sem þér á að
vera fullkunnugt um. Það
skal bent á það að seljandi
leiktækjanna hafði samband
við fjármálastjóra ísafjarðar-
kaupstaðar áður en leiktæk-
in voru send vestur. Hefði
hann getað stoppað þau ef
honum fannst þetta óeðli-
legt, sfðan talaði undirrituð
við hann þegar ég samþykkti
reikninginn vegna flutnings-
ins. Því gafst honum tvisvar
sinnum tækifæri á að endur-
senda leiktækin. Að lokum
skal þess getið, að leiktækin
eru komin upp og það er
mikil ánægja með þau af
börnum og starfsfólki Hlíð-
arskjóls."
Leikskólastjórinn hefur
langa reynslu sem leikskóla-
stjóri og starfaði áður hjá Ak-
ureyrarbæ. Það var því eitt af
fyrstu verkum hennar að gagn-
rýna það innheimtukerfi sem
notast var við hjá Isafjarðar-
kaupstað til að innheimta leik-
skólagjöld. En forsvarsmenn
Isafjarðarkaupstaðar telja sig
náttúrlega ekki þurfa að taka á-
bendingum frá einhverri fóstru
úti í bæ, nei, þessir kláru menn
þurfa að finna upp sitt eigið hjól
og það hjól er best að þeirra á-
liti.
Ég ætla að rekja hér aðeins
hvernig þessir hlutir fara fram
hjá Akureyrarbæ, svo einhverj-
ir geti nú lesið þetta og komið
svo og sagt að þeir séu með
góða hugmynd.
„I hverjum mánuði er gerð
áætlun um hver nýting á pláss-
um sé og hver innkoma komi til
með að vera miðað við það í
næsta mánuði. Hálfsmánaðar-
lega er lagður fram skuldalisti
og hann stemmdur af við áætl-
un. Leikskólastjóri sér um að
gera áætlun, útbúa skuldalista
og innheimta leikskólagjöld."
Þessi mál eru til fyrirmyndar
hjá Akureyrarbæ og mælist ég
eindregið til að ísafjarðarkaup-
staður taki upp þessa aðferð.
Isafjarðarkaupstaður hefur
að vísu tekið það ráð frá og með
1. nóvember, án nokkurrar
kynningar, það sem nokkur
önnur sveitarfélög hafa reynt
og gefist upp á, að senda út
gíróseðla fyrir Ieikskólagjöld-
um til foreldra. Foreldrar mega
því búast við að ef leikskóla-
gjöld verða ekki greidd þá verði
reiknaðir dráttarvextir og leik-
skólagjöldin send til lögfræði-
legrar innheimtu og í framhaldi
af því má búast við því að fjár-
nám verði gert í fasteignum
foreldra og heimili þeirra boðin
upp.
Eitthvað virðist umrætt bréf
hafa farið fyrir brjóstið á for-
manni félagsmálaráðs, ekki
YESTFIRSKA
I FRÉTTABLAÐIÐ
veit ég hvort það er vegna
tengsla hans við Mjólkursam-
lagið. Eins og kemur fram í
bréfinu þá innheimtir leikskól-
inn mjólkurpeninga af foreldr-
um fyrir greiðslu á mjólk sem
veitt er börnunum. Þessum
peningum er skilað í bæjar-
kassann og sér bæjarsjóður um
að greiða síðan mjólkurreikn-
ingana. Það vill nú svo til að
leikskólinn hefur skilað eitt
hundrað þúsund krónum meira
heldur en ísafjarðarkaupstaður
hefur þurft að borga í mjólkur-
reikninga. Þama hefur bæjarfé-
lagið fengið eitt hundrað þús-
und krónur í veltuna hjá sér sem
í raun tilheyra leikskólanum, og
hefur bæjarsjóður ekki skilað
þessum peningum aftur. Hver
var aftur að væna hvern um
fjárdrátt?
Þar sem leikskólastjórinn
hefur talið þessa fjármuni í eigu
Hlíðarskjóls þá voru þeir hluti
af þeim fjármunum sem nýta
átti í leiktæki fyrir leikskólann.
Þetta mál hefur allt farið svo
illa í formann félagsmálaráðs
að eina leiðin sem hann sá til að
ná sér niðri á leikskólastjóran-
um er að væna hann um fjár-
drátt. Hann hefði getað sparað
sér mörg sporin og leiðindin
með því að fá yfirlit frá bók-
haldi um innlögð daggjöld frá
leikskólanum. Hann hefur allar
upplýsingar um hversu mörg
böm eru á leikskólanum og er
þetta því einfalt atriði til að fara
yfir. Til að gera fréttina í BB
svolítið æsingarmeiri þá var
slegið fram að vantað hefði
eina milljón króna. Þegar á-
sökun var borin á viðkomandi
var ekki hægt að gefa upp neina
tölu. Þess vegna er svolítið
skrítið að nú sé hægt að gefa
upp einhverja tölu þegar upp-
víst er að ekki hafi verið um
neinn fjárdrátt að ræða og þó
svo að þessi frétt hafi birst og
ritstjóri BB segi að þessi frétt sé
staðfest af einhverjum starfs-
manni félagsmálaráðs þá hefur
ekki verið hægt að staðfesta
neina tölu við leikskólastjór-
ann. Það sér hver heilvita mað-
ur að hér er aftur um hreint og
beint slúður að ræða og við-
komandi grein í BB eingöngu
ætluð til að sverta mannorð
viðkomandi leikskólastjóra og
gera hana tortryggilega í aug-
um almennings. Það er rétt að
leikskólastjórinn lagði fram
uppgjör og þar var um venju-
legt mánaðamppgjör að ræða.
Hvers vegna þessir peningar
voru í hennar fómm var ein-
faldlega að hún var ennþá yfir-
maður þessarar stofnunar og
bar ábyrgð á fjármunum Hlíð-
arskjóls. Hér var ekki um neina
milljón að ræða heldur mun rétt
upphæð vera samkvæmt kvitt-
un (sem greinarhöfundur hefur
séð og getur staðfest) rúmar sjö
hundruð þúsund krónur.
Leikskólastjórinn hafði sótt
um leyfi frá störfum frá og með
1. október en vegna ýmissa
persónulegra ástæðna, sem ollu
því að hún var bundin til að
vera lengur á ísafirði, bauðst
hún til að starfa út október-
mánuð og þar til önnur mann-
eskja fengist í hennar stað. Þá
má einnig geta þess, að vegna
mannfæðar á leikskólanum gat
hún lítið sinnt stjórnunarstörf-
um þá sjö daga sem hún vann í
október þar sem vantaði fjögur
stöðugildi e.h. á leikskólanum
og varð hún að ganga í þau
störf. Ég lýsi furðu minni yfir
því þakklæti sem henni er veitt
fyrir slíka fómfýsi. Frá 15.
október voru aðrar manneskjur
ráðnar til að sinna hennar
störfum og er því harla lítið sem
hún hefur komið nálægt inn-
heimtu og stjómun þennan
mánuðinn. Þegar formaður fé-
lagsmálaráðs virðist hafa upp-
götvað mistök sín að hann hafi
verið að væna leikskólastjór-
ann um fjárdrátt án þess að það
ætti við rök að styðjast (eða
hann gat ekki fundið neitt sem
réttlætti sitt pólitíska uppgjör),
frekar en að sýna manndóm og
biðjast opinberlega afsökunar,
þá tekur hann frekar það ráð að
reyna að upphefja sjálfan sig
og skilja við málið með því að
koma af stað slúðurfrétt til að
sverta mannorð viðkomandi
manneskju. Slíkt geta bæjar-
búar ekki liðið, að maður sem
sinnir trúnaðarskyldu fyrir
bæjarfélagið komi þannig
fram. Eins og ég hef áður sagt
þá vona ég að hann sjái mann-
dóm í sér og biðjist opinberlega
afsökunar.
Virðingarfyllst,
Sigurjón Haraldsson.
RJÚPNAVEIÐI
ER
ALGJÖRLEGA
BÖNNUD í
LANDI KLEIFA
í ÖGURHREPPI
LANDEIGANDI.
Samkeppni um
gerð merkis:
ímynd
Vestfjarða
- hver
er hun?
Öll höfum við einhvetja
hugmynd um hvað það er
sem einkennir Vestfirði. Er
það sjór, fiskur, fjöll. fugl
eða kannski eitthvað allt
annað? Eða hvað með
hreina loftið, gæti það verið
eitt af einkennum fjórð-
ungsins?
Nú er komið að ykkur,
lesendur góðir, að meta
hvaða þættir hafa mest áhrif
á þá ímynd sem fólk hefur
á Vestfjörðum. Eins og
fram kom f síðasta blaði
Vestfirska mun á næstunni
fara af stað samkeppni um
gerð merkis sem yrði eins-
konar samnefnari ferða-
þjónustunnar á svæðinu og
þá einkum minjagripa.
Merkið má síðan nota á
umbúðum, greypa það í
minjagripi, prenta á boli
o.fl. Umfram allt þarf það
að vera stílhreint og einfalt
svo það prentist vel.
Samkeppnin verður aug-
lýst formlega síðar svo
ykkur gefst nægur tími til
umhugsunar.
Undirbúningshópurinn.