Vestfirska fréttablaðið - 19.11.1992, Blaðsíða 5
VESTFIRSKA
FRÉTTABLAÐIÐ
|^^^^^^^^^^^^^^Fimmtudagui^9Mióvembei^992
5
Fer Óðinn bakari
alfarinn frá
ísafirði?
- ég er að leita mér að vinnu, segir hann.
Óðinn Svan Geirsson, bakari og varabæjarfulltrúi á
ísafirði, rakst inn á ritstjórn VESTFIRSKA í gær.
Hann var gripinn í viðtal og
spurður um hagi sína um þessar
mundir.
„Það er allt gott af mér að
frétta, nema það að ég er hættur
að baka sjálfur“, sagði Oðinn,
„en ég er að vinna tímabundið
í bakaríinu sem almennur
launamaður. Heildsalar úr
Reykjavík sem seldu mér hrá-
efni eiga bakanið núna, fyrir-
tækin Kornax, Bakaramiðstöð-
in, Efnagerð Laugarness og
Kjamavörur. Þeir keyptu bak-
aríið af Iðnlánasjóði og eru nú
að seljaþað til þriðja aðila. Þeir
buðu mér að kaupa, en í sam-
ráði við konuna ákvað ég fyrir
tveimur dögum að láta staðar
numið í rekstri."
- Hvað á þá að fara að gera?
„Það á að fara að ala upp
fjölskylduna í rólegheitum. Eg
er búinn að sækja um vinnu á
einum stað o^ óljóst hvað út úr
því kemur. Eg er að leita mér
að vinnu.“
- Hvemig gengur að losna
við eignirnar, sem þú varst að
reyna að selja?
„Það gengur það vel að ég
verð fljótlega lýstur gjaldþrota.
Eg fer ekkert vel út úr þessu.
Kaupin á Hafnarstræti 4 eru að
fara í lögfræðing af minni
hálfu. Eg ætla að fara í mál við
seljanda hússins. Það mál lftur
vel út fyrir mig, en það er langt
í að niðurstaða fáist. Eg tel að
mér hafi verið selt húsið á
röngum forsendum. Það var
ekki tekið fram að ég mætti
ekki ganga út úr húsinu bakatil.
Eg má bara fara út úr því að
framanverðu. Eg hef ekki um-
gengnisrétt á lóðinni bak við
húsið. Eg breytti húsinu þannig
að til að komast í íbúðimar á
efri hæðunum er nú gengið inn
í húsið bakatil. En þær eru ó-
seljanlegar vegna þess að ekki
má ganga þar um.“
- Fá Isfírðingar þá ekki Óð-
insbrauð í framtíðinni?
„Bakaríið fer úr mínum
höndum til næsta aðila alveg
Óðinn Svan Geirsson.
eins og það var hjá mér. Það er
spuming hvort hann breytir því
eða heldurþví eins og það hefur
verið.“
- Ertu á fömm úr bænum?
„Já, örugglega eins fljótt og
ég get því ég verð að komast í
vinnu. Ef einhver býður mér
vinnu sem mér líst vel á hérna
er ég tilbúinn að skoða það mál.
Eg hef ekkert út á Isafjörð og
Isfirðinga að setja. Ég verð bara
einhvern veginn að framfleyta
fjölskyldu minni og verð að
hafa vinnu til þess.“
- Hvers vegna gjaldþrot?
„Það eru fyrst og fremst mín
mistök. Það er ekkert vegna
þess að mér var selt ómögulegt
hús, ef einhverjum skyldi detta
það í hug. Aðalástæðan fyrir
gjaldþrotinu er sú að ég var allt
of mikið niðri í bakaríi að vinna
og allt of lítið að hugsa um
fjármálin. Ætli ég hafi ekki
verið yfir á tékkheftinu megnið
að þeim tíma sem ég stóð í
þessum rekstri þótt ég hefði
ekki þurft að vera það nema
lítinn hluta þess tíma. Einfald-
lega vegna þess að ég sinnti
aldrei heftinu, ég var alltaf að
baka. Eg er lélegur fjármála-
maður. Það er fyrst og fremst
mér að kenna að ég er kominn
í þrot, en ég axla þá ábyrgð og
reyni að standa í lappirnar. Ég
er í dag mjög sáttur við þessa
niðurstöðu og ég held að það sé
styrkur fyrir mig að vera búinn
að uppgötva veikleika mína. Ég
er slakur á þessu sviði og ein-
beiti mér ekki að því í framtíð-
inni. Við lögðum allt sem við
gátum í þennan rekstur og af-
raksturinn varð bara ekki betri
en þetta. Ég er sáttari vegna
þess að ég gerði eins og ég gat.“
- Enginn situr því eftir í sár-
um vegna gjaldþrotsins?
„Jú, það eru einhver fyrir-
tæki sem tapa einhverjum pen-
ingum á þessu en það eru ekki
umtalsverðar upphæðir. Við
hjónin komum hingað blönk og
förum héðan blönk aftur. Við
eigum ekki einu sinni bfl. Við
erum reyndar búin að eignast
tvo Isfirðinga á þessum tíma en
við förum með þá burtu. Við
komum hér sem þriggja manna
fjölskylda og förum héðan
fimm manna fjölskylda, ef við
förum. Við getum vel við unað,
miðað við aðstæður. Menn eru
að fara á hausinn allt í kringum
mann og eru í miklu erfiðari
dæmum en við vorum í. Ég er
við sæmilega heilsu og á stóra
og fallega fjölskyldu þannig að
ég kvarta ekkert þó ég standi á
nærbuxunum."
- Eitthvað um Isfirðinga?
„Mér þykir vænt um Isfirð-
inga, en mér þykir bara vænna
um fjölskyldu mína, annars
væri ég ekki að fara burtu.“
- Hættur í pólitíkinni?
„Nei, örugglega ekki!
Blaðið óskar Óðni bakara og
fjölskyldu hans gæfu og gengis
í framtíðinni, hvort sem þau
verða á nýjum stað eða áfram
á ísafirði.
-GHj,
Sigur og tap hjá körfubolta
mönnum UMFB
Um síðustu helgi léku
körfuboltastrákamir f UMFB
tvo leiki í Reykjavík í fyrstu
deildinni. Báðir leikimir voru
gegn Hetti frá Egilsstöðum.
Það má segja að þetta hafi verið
í fyrsta sinn sem þeir hafa heilt
lið, þ.e. engin meiðsl.
Mikill hugur var f strákun-
um. Á laugardag tapaðist fyrri
leikurinn 77-75 eftir afdrifarík-
ar síðustu mínútur. Það var ekki
fyrr en á síðustu sek. að Hatt-
armenn skoruðu sigurkörfuna.
Á sunnudaginn snerist hins
vegar taflið við og fyrsti sigur
Bolvíkinga sá dagsins ljós eftir
mikla baráttu, 76-79.
Á laugardaginn (21. nóvem-
ber) verður leikur gegn Reyni
frá Sandgerði og hefst hann kl.
14. Er von þeirra körfubolta-
manna hjá UMFB að sem
flestir láti sjá sig og styðji við
bakið á þeim. Reynismenn tefla
fram bandarískum leikmanni
sem hefur skorað mikið fyrir
sitt lið.
Bílvelta á Breiðadalsheiði
Jeppabifreið fór útaf vegin-
um á Breiðadalsheiði við Sól-
veigarbúð (Kerlingarhól) á
12ta tímanum í gær (miðviku-
dag). Fór bifreiðin tvær veltur
og voru fimm í henni. Allir
sluppu ómeiddir en voru færðir
á sjúkrahús til skoðunar. Bif-
reiðin er ekki mikið skemmd
enda lenti hún útaf í snjó. Talið
er að hálka hafi valdið óhapp-
inu.
-GHj.
Aðalfundur
Ferðamálasamtaka Vestfjarða
- fflwiafflaoa aoigi?tfiífflB3 ifffliiaaaaaif/ai) -
Aðalfundur Ferðamálasamtaka Vestfjarða verður haldinn í
Stjórnsýsluhúsinu á ísafirði laugardaginn 21. nóvember 1992
og hefst kl. 13.30.
Dagskrá:
1. Fundarsetning: Áslaug S. Alfreðsdóttir, formaður
Ferðamálasamtaka Vestfjarða.
2. Skýrsla formanns.
3. Stefnumótun í ferðaþjónustu á Vestfjörðum. Kynning á
skýrslu.
4. Starf ferðamálafulltrúa. Anna Margrét Guðjónsdóttir
kynnir starfið.
5. Kaffiveitingar.
6. Venjuleg aðalfundarstörf.
7. Önnur mál.
Vinsamlega athugið, að af óviðráðanlegum orsökum færist
fundurinn, sem halda átti á Reykhólum, á ísafjörð.
Stjórnin.
Fundarboð
Stofnun Feröamálafélags ísafjarðar og nágrennis
Undirbúningsfundur fyrir stofnun Ferðamálafélags ísafjarðar
og nágrennis verður haldinn miðvikudaginn 25. nóvember kl.
20.30 á efstu hæð Stjórnsýsluhússins.
Dagskrá fundarins verður sem hér segir:
1. Setning. Smári Haraldsson, bæjarstjóri.
2. Hlutverk Ferðamálafélagsins. Anna Margrét
Guðjónsdóttir, ferðamálafulltrúi.
3. „Átak 92". Þórdís G. Arthursdóttir, ferðamálafulltrúi
Akraness.
4. Almennar umræður.
5. Fundarslit.
Tilgangur með stofnun félagsins er sá, að hagsmunaaðilar,
og er þar bæði átt við þá sem eiga beinna hagsmuna að gæta
og eins hina sem einnig njóta góðs af ferðamönnum, vinni
saman að framgangi ferðaþjónustu hér um slóðir. Áhugafólk
um ferðaþjónustu er einnig boðið velkomið að starfa með
félaginu.
Formaður ferðamálanefndar ísafjarðar.
Ferðamálafulltrúi Vestfjarða.
Bæjarstjórinn á ísafirði.
Lögreglan
klippir óspart
Nú eru hafnar hjá lögreglunni á ísafirði klippingar númeraplatna af bifreiðum vegna
vangoldinna bifreiðagjalda. Munu lögreglumenn klippa óspart af bifreiðum þeirra
skuldseigu í umdæminu næstu daga. Að sögn lögreglu mun þarna vera um eitt stórt
hundrað bifreiða að ræða (120) og eina leið eigendanna til að komast hjá klippingu
er að sjálfsögðu að greiða gjöldin strax.
-GHj.