Vestfirska fréttablaðið - 19.11.1992, Blaðsíða 9

VESTFIRSKA
FRÉTTABLAÐIÐ

burði síðastliðinna mánaða frá
Flateyri, þar sem m.a. nefbrot
hafa komið við sögu, en átti þó
einkum þarna í svari mínu við
síðastliðnar helgar og tala því
um „undanfarnar helgar" í um-
ræddri grein.
Eins og Guðmundur hlýtur
að hafa tekið eftir, þá linaði ég
setninguna upp í lokin með því
að segja „að menn hafi a.m.k.
hlotið blóðnasir".
Kannski má segja að orðalag
rnitt hafi þarna verið óná-
kvæmt, en þar sem ég hafði
ekki nákvæmar upplýsingar
við hendina, þá vildi ég ekki
fullyrða að menn hefðu nef-
brotnað á þessum tíma, þ.e. á
undanförnum helgum, en vissi
auðvitað að um líkamsárásir
hafði verið að ræða. Ég hef nú
flett þessu upp og get nú upp-
lýst Guðmund um að skv. dag-
bók lögreglu var hún m.a. eina
af þessum helgum kvödd í
verbúð vegna óláta, sömu nótt
kærði borgari á Flateyri mann
fyrir líkamsárás, á næstu helgi
var lögregla m.a. kölluð til
vegna slagsmála utan við ver-
búð, í framhaldi af því þurfti að
sauma fjölmörg spor í árásar-
þola og þriðju helgina var lög-
regla kölluð til vegna þess að
skotið var að tveimur mönnum
á götum bæjarins.
Það mál upphófst með
slagsmálum, bæði fyrr um
kvöldið á veitingastað og síðar
um nóttina í verbúð, sem end-
uðu með því, að einn var sleg-
inn í gólfið.
Eg læt síðan Guðmundi og
lesendum eftir að meta það
hvort hér teljist um eðlilega
tíðni líkamsárása að ræða sem
um var að ræða þijár síðustu
helgar í röð, fyrir umrætt við-
tal.
Til viðbótar var einn kærður,
grunaður um ölvunarakstur á
sama tímabili, annar grunaður
um ölvunarakstur og réttinda-
leysi við akstur og einn kærður
fyrir réttindaleysi við akstur.
Þetta þykir Guðmundi líklega
mjög svo eðlilegt miðað við
stærð sveitarfélagsins, en mér
fínnst það ekki.
4.
Ekki get ég svarað spum-
ingu Guðmundar nákvæmlega
þar sem ég hef sjálfur aldrei
verið gestur á Vagninum á
opnunartíma hans. Sjálfur hef
ég ekki haldið því fram að slíkt
væri algengt. Hitt er þó stað-
reynd að slfkt kemur fyrir, eins
og á öðrum skemmtistöðum.
Ég býst við að Guðmundur
sé hér að höfða til svars míns
við spumingu blaðamannsins,
hvort róstur á Flateyri „tengd-
ust veitingastaðnum Vagnin-
um“. Ég svaraði því til að „nafn
veitingastaðarins kæmi æði oft
fram í skýrslum hjá okkur“.
Síðan sagði ég að flest mál á
Flateyri tengdust Vagninum í
skýrslum okkar á einh vern hátt,
og átti ég þá einkum og sér í
lagi við líkamsárásarmál og
mál sem tengjst róstum að ein-
hverju tagi, sem þama voru til
umræðu.
Staðreyndin er nefnilega sú,
að í mörgum líkamsárásarmál-
um hefur komið fram, að oftar
en ekki byrja erjur á milli
manna á veitingastaðnum, án
þess að lögregla sé endilega
kvödd til, og leiða þessar deilur
oft til þess að menn slást, oftar
en ekki eftir að skemmtistað-
urinn lokar. Slíkt gerist auðvit-
að einnig hér á ísafirði svo og
annars staðar, að nöfn veit-
ingastaða koma mjög oft við
sögu í málum sem þessum og
hefði svar mitt því ekki orðið
öðmvísi hvað t.d. ísafjörð
varðaði. Þar með er alls ekki
verið að kenna veitingastöðun-
um um, alls ekki.
Ég svaraði því blaðamann-
inum á þann eina veg sem ég
taldi mig geta, það er að játa því
að nafn staðarins kæmi æði oft
fram í skýrslum og tengdist því
róstuum á þann hátt.
Sem dæmi get ég nefnt, að
við rannsókn byssumálsins
kom í ljós, að róstur (slagsmál)
og erjur byrjuðu milli manna
inni á Vagninum, sem leiddi
síðan til þess að maður var
sleginn niður í verbúð, eftir að
skemmtun lauk, og endaði með
þeim ósköpum að skotið var á
tvo menn á götu úti. Engum,
sist mér, dytti í hug að kenna
veitingahúsinu Vagninum um
það sem þarna gerðist. Nafn
staðarins tengist þó málinu,
bæði gistihúsið og veitinga-
staðurinn.
Sem dæmi má nefna að alls
hafa 11 aðilar verið yfirheyrðir
í þessu máli og allir hafa nefnt
Vagninn í skýrslum sínum.
5.
Ef menn lesa grein mína vel
getur hver sem vill lesið það út
úr henni að ég alhæfi í raun ekki
neitt um verbúðarfólk annað en
það, að ég sagði það mína
skoðun að slæmt væri hversu
ólíkt fólk safnaðist þama sam-
an. Ég tók sérstaklega fram, að
fyrirmyndareinstaklingar væru
þama innan um, og nefni einnig
að „kannski væri nægjanlegt að
losna við þrjá til fjóra af t.d.
tuttugu, til að friður kæmist á“.
Ég tel að öllum eigi að vera
ljóst hvað ég á við þarna, auð-
vitað á ég við það að „örfáir
svartir sauðir séu þarna innan
um“ sem eyðileggi fyrir hinum.
Ég fellst því ekki á að um al-
hæfingar hafi verið að ræða af
minni hálfu því þá hefði ég sett
alla undir einn „hatt“ en það
gerði ég einmitt ekki, heldur lét
ég liggja að því að hér væm um
örfáa einstaklinga að ræða, slíkt
er ekki alhæfing.
I umræddri blaðagrein er
haft eftir mér, að „þegar við
komum í þessar verbúðir á
nóttunni sé enginn maður með
rænu. Menn séu öldauðir tvist
og bast og þeir fáu sem eru
vakandi séu ekki viðræðuhæf-
ir“. Mér er ljúft og skylt að láta
það koma hér skýrt fram, að hér
er ég að tala um algert undan-
tekningatilvik og harma ég að
það skyldi ekki koma skýrt
fram. Þar er þó ekki blaða-
manninum um að kenna, heldur
mjög svo ónákvæmu orðalagi
mínu og er hér með beðist vel-
virðingar á þessari ónákvæmni
minni.
6.
Já, að öðmm kosti hefði ég
ekki veitt umrætt viðtal. Ekkert
er rangt eftir mér haft. Þó er rétt
að geta þess, að inngangur,
fyrirsögn og millifyrirsagnir í
umræddri grein eru blaðsins
alfarið en ekki frá mér komið.
Hvað varðar það hvort ég
telji svör mín í umræddri grein
vera líkleg til árangurs og sam-
vinnu við íbúa staðarins, þá tel
ég svo vera. Ég tel að það þjóni
ekki tilgangi Flateyringa, frek-
ar en annarra, að þegja yfir
vandamálum af þessum tagi og
láta sem þau séu ekki til. Þvert
á móti tel að að umræða af
þessu tagi geti orðið til þess að
almenningur vakni betur til
vitundar um hvað sé að gerast.
Þetta virðist hafa verið mat
a.m.k. sumra Flateyringa, því
eins og allir vita var það fyrst í
frétt DV í viðtali við heima-
mann (sent frá fréttaritara DV
á staðnum) sem vakin var at-
hygli á slæmu ástandi á Flat-
eyri, m.a. var þar fullyrt að
mjög mikið væri um fíkniefni
á staðnum. M.a. í framhaldi af
þessum yfirlýsingum var haft
samband við mig, frá fleiri en
einum fjölmiðli og óskað stað-
festingar á þessu.
Ég auglýsti hins vegar eftir
upplýsingum varðandi þessa
Fimmtudagur 19. nóvember 1992
9
miklu fíkniefnanotkun á Flat-
eyri, í síðasta t.b. Vestfirska,
því lögregla hefur ekki yfir
slíkum upplýsingum að ráða,
þ.e. að um mikið magn efna sé
að ræða og fjöldi manna þar
viðriðinn. Það getur þvf ekki
hafa farið fram hjá neinum að í
umræddri grein var ég í raun að
óska eftir nánari samvinnu við
íbúa Flateyrar við að koma
þama skikki á. M.a. nefndi ég
sérstaklega þann þátt hversu
Flateyringar hefðu stutt Iög-
reglu dyggilega undanfarið við
að uppræta ölvunarakstur.
Ég hef átt ágætt samstarf við
íbúa Flateyrar og hef ekki á-
stæðu til að ætla annað en að
svo verði áfram sem hingað til.
7.
AIIs ekki. Þá hefur þú ekki
fylgst með fréttum bæjarblaða
og annarra fjölmiðla undan-
famar vikur og mánuði. Það
getur ekki hafa farið fram hjá
neinum, sem umrædda grein
las, að eingöngu var verið að
fjalla um Flateyri í umrætt sinn.
Hins vegar kom ég þeirri já-
kvæðu staðreynd á framfæri, að
á hinum þéttbýlisstöðunum
hefði verið mjög rólegt undan-
farið en ég sagði ekki að engin
mál hefðu komið þar upp, alls
ekki.
8.
Þessi spuming er á mörkun-
um að vera svara verð og í raun
mjög móðgandi.
Undirritaður tók við starfi
yfirlögregluþjóns þann 15. apr-
fl sl. og var það eitt af mínum
fyrstu verkum að beita mér
fyrir stórauknu eftirliti í Vest-
ursýslu, þ.á.m. á Flateyri, og tel
ég mig þar hafa verið að koma
á móts við kröfur íbúanna um
aukna löggæslu. Auðvitað
verður það til þess, að tíðari
afskipti em höfð af lögbrjótum
en ella. Slíkt ætti þó ekki að
hrella hina, sem ekkert hafa til
sakar unnið. Kannski að Guð-
mundur túlki þetta sem svo, að
lögreglu sé í nöp við íbúa Flat-
eyrar. Ég hef enga trú að að
Flateyringar almennt hafi slíkt
á tilfinningunni. Ég hef m.a.
unnið að ákveðnum verkefnum
að beiðni sveitastjórans á Flat-
eyri og tel mig hafa leyst þau
greiðlega, og veit ekki annað en
að gott samstarf og samvinna
ríki þarna á milli og að lögregla
sé boðin og búin til að aðstoða
hvenær sem óskað er eftir því.
Því miður hefur okkur ekki
tekist að ráða héraðslögreglu-
þjón á Flateyri, þrátt fyrir ít-
rekaðar auglýsingar þar um, og
tek ég heils hugar undir á-
hyggjur Flateyringa vegna
þess. Þó hér sé aðeins um
aukastarf að ræða, er það ó-
metanlegt, ekki síst þegar ófært
er til Flateyrar frá Isafirði. Til
að auka á áhyggjur embættis-
ins, sem eru miklar fyrir vegna
þessa, er nú gert ráð fyrir því í
fjárlagatillögum ríkisstjórnar-
innar að fella niður embætti
allra hreppstjóra í Iandinu um
n.k. áramót. Mérerkunnugt um
að lögreglustjóri brá skjótt við
er þetta var kunnugt og ritaði
fjárveitinganefnd Alþingis bréf
þar sem þessu var mótmælt.
Hann lét þetta ekki nægja,
heldur óskaði hann einnig eftir
fundi með fjárveitinganefnd
vegna málsins, sem hann sat í
sl. viku. Öllum má því vera
ljóst, að embættið, þar með
talið lögreglan, hefur verulegar
áhyggjur af ástandi mála vestan
Breiðadalsheiðar þegar vetur
gengur í garð, sjáandi fram á
það að engir héraðslögreglu-
þjónar eru á Flátéyri og Þing-
eyri og allar líkur til þess að
stöður hreppstjóra, einu fulltrúa
okkar á stöðunum nú, verði
felldar niður (hvað hafa al-
þingismenn kjördæmisins að
segja við þessu?).
Því vil ég nota tækifærið hér
til þess að skora á góða og
gegna Flateyringa að gefa kost
á sér til héraðslögregluþjóns-
starfa sem fyrst.
Að lokum vil ég óska Flat-
eyringum alls hins besta og
óska eftir góðu samstarfi við
þá, hér eftir sem hingað til.
Að mínu mati er ekkert lík-
legra til árangurs í þeim mála-
flokkum sem hér hefur verið
um rætt, en öflugt samstarf og
samvinna lögreglu og borgar-
anna.
Ég læt nú skrifum mínum
vegna umræddrar greinar lokið
og mun ekki fjalla frekar um
hana á þessum vettvangi.
Virðingarfyllst,
Jónmudur Kjartansson,
yfirlögregluþjónn á Isafirði.
Svar GHj. til Guðmundar
Sigurðssonar
Guðmundur Sigurðsson spyr
GHj. blaðamann Vestfirska
hvort umfjöllun blaðsins um
Flateyri sé eðlileg og blaðinu
samboðin. Blaðamaður telur
svo vera, því eðli fréttamiðla er
að miðla fréttum af atburðum
líðandi stundar, hvort sem um
er að ræða neikvæðar fréttir eða
jákvæðar. Flateyri við Önund-
arfjörð hefur óneitanlega verið
í sviðsljósi fjölmiðla undanfar-
ið og þá hreint ekki einungis í
VESTFIRSKA, heldur öllum
helstu fjölmiðlum landsins.
Hins vegar vildi VEST-
FIRSKA grafast fyrir um hvort
ástandið á Flateyri væri óeðli-
lega slæmt og hvort þar væri
róstusamara en í öðrum pláss-
um í umdæmi Isafjarðarlög-
reglu. Til þess að komast í raun
um það var tekið viðtal við
Jónmund Kjartansson, yfirlög-
regluþjón á Isafirði, og virðist
viðtalið hafa farið fyrir brjóstið
á mörgum vestra.
Blaðamaður VESTFIRSKA
var á vakt með Isafjarðarlög-
reglu eina laugardagsnótt í
haust og var það ein róstu-
samasta nótt þar í langan tíma.
Lýsing á ástandinu og viðburð-
Gísli Hjartarson
um næturinnar kom svo
tæpitungulaus ásamt myndum
í blaðinu og tók enginn til þess
hér á Isafirði, svo vitað sé.
Virtist þó ástandið heldur lag-
ast í bænum eftir þessa ítarlegu
umfjöllun blaðsins um störf
lögregunnar. Ef við ekki fjöll-
um um það sem er að gerast
hveiju sinni á Vestfjörðum og
ætlum eingöngu að reka blaðið
á fréttatilkynningum menning-
ar- og góðgerðarfélaga, getum
við alveg eins hætt útgáfu þess.
Guðmundur spyr einnig
hvað Bubbi Morthens komi
þessum Flateyrarskrifum við.
Því er fremur einfalt að svara.
Verbúðalífið er sá menningar-
heimur sem Bubbi Morthens
hefur verið merkisberi fyrir í
gegnum tíðina á listamannsferli
sínum og lofsungið meira og
betur en nokkur annar. Þess
vegna leyfði blm. sér að setja
sem yfirfyrirsögn á viðtalið við
Jónmund Kjartansson þessa
setningu: „Verbúðalífið,
menningarheimur farandverka-
fólks og Bubba Morthens."
Enda var æði mikið fjallað um
verbúðalífið á Flateyri f viðtal-
inu.
Ég þakka svo Guðmundi gott
boð um að líta inn í Vagninn á
Flateyri og eiga þar skemmti-
legt og friðsælt kvöld í góðu
umhverfi og sleppa fram af mér
menningunni. Hver veit nema
ég hermi það boð uppá hann
einhvern tíma þegar friðvæn-
legra verður í „villta vestrinu"
sem hann er svo óvenjulega
viðkvæmur fyrir að fjallað sé
um í fjölmiðlum.
-GHj.
Níræðisafmæli
Sigríður Hjaltadóttir,
Hlégerði 1, Hnífsdal,
verður 90 ára á
mánudaginn,
þann 23. nóvember.
Hún tekur á móti
gestum á heimili sínu
sunnudaginn 22.
nóvember eftir kl. 16.
r

Jólahlaðborð fyrir alla fjölskylduna
Okkar rómaða jólahlaðborð verður
laugardagskvöldin 5., 12. og 19. desember.
Frítt fyrir börn undir 6 ára og hálft gjald fyrir 6-12 ára.
Nú er rétti tíminn til að panta borð.
Verið velkomin.
*
dUvi
sími 4111.