Vestfirska fréttablaðið - 03.12.1992, Blaðsíða 5
VESTFIRSKA
FRÉTTABLAÐIÐ
5
Minningarmót Högna Torfasonar:
Slunkaríki:
Erlendu stórmeist-
ararnir efstir en
Halldór Grétar þriðji
'm
jf'. ’:j
ff u® K /; 1
Smári Haraldsson bæjarstjóri afhendir verölaunin: Stórmeistararnir Mark Hebden (í
miðjunni) og Uwe Bönsch (til hægri á myndinni) urðu jafnir í efsta sæti.
Alþjóðlega skákmótinu til
minningar um Högna heitinn
Torfason fréttamann og skák-
frömuð, sem hófst fyrir hálfum
mánuði og haldið var á Isafirði,
í Bolungarvík og í Súðavík, var
slitið sl. laugardag með hófi á
Seljalandsvegi 10, sem dætur
Högna, þær Hildigunnur Lóa
og Aðalheiður, og tengdason-
ur, Hans Georg Bæringsson,
buðu til. Smári Haraldsson
bæjarstjóri afhenti verðlaun,
menn nutu góðra veitinga og í
fyllingu tímans hélt hópurinn
á ball í Krúsinni.
Jafnir og efstir á mótinu urðu
stigahæstu keppendurnir, stór-
meistararnir Uwe Bönsch og
Mark Hebden.
Lokastaðan varð þessi: 1.-2.
Mark Hebden, Englandi, og
Uwe Bönsch, Þýskalandi, 8,5
v (úr 11 skákum); 3. Halldór G.
Einarsson, Bolungarvík, 6,5 v;
4.-6. Björgvin Jónsson, Jens-
Uwe Maiwald, Þýskalandi, og
Dimitri Reindermann, Hol-
landi, 6 v; 7.-8. Guðmundur
Gíslason, Isafirði, og Héðinn
Steingrímsson, 5,5 v; 9. Helgi
Ass Grétarsson, 4 v; 10. Arin-
björn Gunnarsson, Bolungar-
vík, 3,5 v; 11.-12. Ægir Páll
Friðbertsson, Isafirði (Súða-
vík), og Sævar Bjarnason, 3 v.
Mótshaldari og skákdómari
var Jóhann Þórir Jónsson
(Tímaritið Skák) en skákstjóri
var Torfi Asgeirsson. Halldór
Grétar Einarsson sem varð í
þriðja sæti vantaði aðeins hálf-
an vinning til áfanga að al-
þjóðlegum meistaratitli.
Halldór Grétar Einarsson tekur við þriðju verðlaununum.
Keppendurnir tólf ásamt dætrum Högna Torfasonar, Hildigunni Lóu og Aðalheiði, og
tengdasyni hans, Hans Georg Bæringssyni (lengst til hægri). Á milii systranna stendur IVIark
Hebden.
Sýningu Halldórs
lýkur á sunnudag
Halldór Ásgeirsson ásamt „hraunhvörfum“ sínum í
Slunkaríki.
Sýningu Halldórs Ásgeirs-
sonar á „hraunhvörfum“ í
Slunkaríki á ísafirði lýkur kl.
18 á sunnudaginn, 6. desember.
Enginn hefur áður búið til
myndverk af þessu tagi eða
með þessum hætti, svo vitað sé.
Halldór kom vestur með mola
úr Krísuvíkurhrauni, sem rann
fyrir um þúsund árum, og
bræddi með blússlampa á
staðnum í Slunkaríki. Við það
varð til nomahár (fíngerðir
þræðir) og auk þess myndaðist
glerungur á hrauninu, svipaður
hrafntinnu. Hraunslettur eru
upp um veggi, en inni í hálf-
bræddum hraunsteini sem
hangir í loftinu er ljós.
Halldór byrjaði á gerð
myndverka með þessum hætti
í febrúar síðastliðnum. Naum-
ast getur öllu þjóðlegra efni
hérlendis. Þess má minnast í
þessu sambandi, að Sigurjón
heitinn Pétursson á Álafossi bjó
til krossmörk úr Hekluhrauni
árið 1947, en það var annars
eðlis en verk Halldórs. Sigurjón
lét hraunið renna í mót, sem
hann bjó til, en þá sá náttúran
sjálf um bræðsluna.
Slunkaríki er opið fimmtu-
dag til sunnudags kl. 16-18.
Kaffi og bók
Á HOTELINU NÆSTA SUNNUDAG
Hótel ísafjörður og Bókhlaðan efna til bókakynningar
með eftirmiðdagskaffinu næsta sunnudag, 6. desember,
milli kl. 3 og 5.
Þar munu liggja frammi nokkrar athyglisverðar og fallegar nýjar bækur.
Einnig verður lesið úr nokkrum þeirra.
Að vanda er boðið upp á glæsilegt kökuhlaðborð, kaffi og heitt súkkulaði
auk léttra jólalaga.
Stund fyrir alla fjölskylduna. VERIÐ VELKOMIN
Bókaverzlun
Jónasar Tómassonar
Sími 3123, ísafirði.
Grunnvíkingabók
Grunnvíkingabók, saga mannlífs og sveitar í Grunnavíkurhreppi, skráð af
Guðrúnu Ásu Grímsdóttur, og Grunnvíkingatal ásamt ábúendatali, tekið sam-
an af Lýð Björnssyni, fæst hjá neðangreindum aðOum:
Á Ísafírði: Hlíf, s. 4321, Kristínu, s. 3344, Inga, s. 3646, Rannveigu, s. 3696,
og Valgerði, s. 3583.
í Bolungarvík: Maríu, s. 7214.
Bókin kostar kr. 12.000. Til félaga í Grunnvíkingafélaginu
og áskrifenda verður hún seld á kr. 10.000.
Athugið: Þeir sem ennþá eiga eftir að skipta á seinna bindinu frá fyrri út-
gáfu eru vinsamlegast beðnir að gera það sem fyrst.
Líf og fjör á Silfurtorgi á laugardaginn
Gómsætar tertur, kaffi og heitt súkkulaði. Verið velkomin!
*