Vestfirska fréttablaðið - 10.12.1992, Blaðsíða 2
2
VESTFIRSKA
FRÉTTABLAÐIÐ
'V ESTFIRSKA
l FRÉTTABLAÐIÐ |
Vestfirska fréttablaðið
er vikublað, óháð stjórnmálaflokkum, og kemur út síðdegis á
fimmtudögum. Biaðið fæst bæði í lausasölu og áskrift.
Útgefandi, ritstjóri og ábyrgðarmaður:
Hlynur Þór Magnússon.
Verö í lausasölu kr. 150.
Verð í áskrift kr. 135 ef notaðar eru Visa eða Eurocard skuldfærslur
(það er ekkert flókið, bara hringja og gefa okkur upp númerið á
kortinu); annars kr. 150.
Ritstjórn og auglýsingar:
Austurvegi 2 (Kaupfélagshúsinu, 2. hæð), ísafirði, sími (945-4011, fax
(94)-4423.
Blaðamenn:
Hlynur Þór Magnússon, Gísli Hjartarson og Helga Guðrún Eiríksdóttir.
Prentvinnsla:
ísprent hf., Aðalstræti 35, ísafirði, sími (94)-3223.
Ekki fréttamatur!
„Þetta er ekki neinn fréttamatur!" er
setníng sem við blaðamenn fáum oft að
heyra. Gjarnan fylgja í kaupbæti nokkur
vel valin ókvæðisorð um fjölmiðla.
Yfirleitt lætur maður svona skæting sem
vind um eyru þjóta. Þó getur kveðið svo
rammt að viðbrögðum af þessu tagi, að
tæpast verður setið undir því þegjandi.
Athyglisverð voru viðbrögð nokkurra Flat-
eyringa við fréttaflutningi af atburðum sem
áttu sér stað þar í þorpinu fyrr í vetur. Ef
mönnum finnst ekki lengur umtalsvert og
ekki fréttnæmt þótt á Flateyri séu iðkaðar
skotárásir, líkamsárásir og eiturlyfja-
neysla, þá verð ég að gangast við þeirri
skoðun minni að eitthvað sé að á þeim
bænum. Fjölmiðlar hafa það hlutverk að
skýra frá atburðum. Og þar sem frétta-
menn eru sem betur fer ekki eitt alsjáandi
auga, verða þeir oftar en ekki að styðjast
við frásagnir annarra.
Á annars ágætum opnum borgarafundi
sem lögregluyfirvöld á ísafirði héldu með
heimamönnum á Flateyri á mánudaginn
að frumkvæði Kiwanismanna, voru nokkrir
menn sem héldu vart vatni yfir því að fjöl-
miðlar skyldu leyfa sér að skýra frá þeim
leiðindaatburðum sem urðu á Flateyri
nokkrar helgar í vetur. Ef umræddir Flat-
eyringar vilja einangra sig svo gersamlega
frá umheiminum að ekki megi einu sinni
segja fréttir af staðnum, ef Flateyringar
vilja lifa án eðlilegra tengsla við annað fólk,
þá vaknar óneitanlega sú spurning hvort
það sé ekki á einhverjum misskilningi
byggt að vera að gera jarðgöng undir
Breiðadalsheiði á kostnað samfélagsins
og halda opnum veginum yfir heiðina
þangað til göngin eru tilbúin.
Alls staðar er misjafn sauður í mörgu fé
- líka á Flateyri. Það er barnaskapur að
ætla almenningi þann fáráðlingshátt að
hann dæmi íbúa heilla byggðarlaga út frá
örfáum ógæfusálum. Blaðamenn munu
halda áfram starfi sínu. En þeir sem ekki
vilja fylgjast með því sem er í fréttum eru
ekkert neyddir til að lesa blöð eða hlusta
á útvarp. Þeir geta einfaldlega rölt út í
sjoppu, keypt sér sinn Morgan Kane og
lifað sáttir í sínum helli.
Helga Guðrún Eiríksdóttir.
Svala Sigurleifsdóttir opnar
í Slunkaríki á laugardaginn
- átti heima á hæðinni þar fyrir ofan til tíu ára aldurs
Allt
í jóla-
föndrið
Allskonar
gjafavörur
Föndurloftið,
Mjallargötu 5, sími
3659 og 3539
- verslun og gisting -
Svala Sigurleifsdóttir opnar
sýningu í Gallerí Slunkaríki á
Isafirði á laugardaginn, 12.
desember kl. 16, og stendur hún
fram á gamlársdag. Verkin á
sýningunni eru þannig unnin,
að svart-hvítar ljósmyndir eru
stækkaðar og litaðar með olíu-
litum. Hvert verk samanstendur
af fleiri en einni ljósmynd.
Sumar þeirra eru náttúrumynd-
ir og ættaðar að vestan.
Svala er fædd á ísafirði 1950
og myndlistarmenntuð í
Reykjavík, Osló, Kaupmanna-
höfn, Denver og New York.
Hún hefur sýnt ein og tekið þátt
í samsýningum um árabil.
„Ég lærði að vfsu ekki að
taka ljósmyndir í Slunkaríki,
heldur á hæðinni þar fyrir ofan
í Aðalstræti 22. Ég átti þar
heima þar til ég var tíu ára og
mamma kenndi mér að taka
myndir á kassavél sem hún átti.
Málið var að beina myndavél-
inni að því sem ég vildi mynda
og hotfa í gler á svarta kassan-
um sem sýndi eins og lítinn
spegil af raunveruleikanum.
Standa grafkyrr meðan ég ýtti
litlum takka til hliðar. Skrúfa
filmuna áfram. Fara með
filmuna í framköllun og sækja
viku síðar eins konar ljósrit á
pappír af raunveruleikanum.
Ég varð fljótlega háð þessu ferli
og er enn. Ferlið hefur lítið
breyst nema að nú á ég betri
ljósmyndavél og framkalla og
kópíera myndimar sjálf. Lita
þær svo eins og ég vil hafa
þær“, segir Svala Sigurleifs-
dóttir.
„Og til hvers í ósköpunum að
vera að þessu? Jú, til þess að
reyna að átta mig á því hvernig
þessi tilvera er. Hvað er hvað er
ekki einfalt mál. Fiskur er ekki
bara fiskur. Mannkynið, þ.e.
allir hinir, gefa fiskum oftlega
táknræna merkingu. Þú ferð á
Homstrandir þar sem engin
menning er, bara náttúra. Rekst
á rekinn fisk í fjörunni og áttar
þig á því að þú getur ekki horft
á þannan fisk einungis sem
dautt dýr úr djúpinu, heldur er
menningin inni í þér og tákn-
rænar merkingar fiska fylgja
þér hvert sem er. Jafnvel ein
marglytta er ekki bara hlaup-
kennt jukk, heldur mjög at-
hyglisvert form sem eins og
speglar sólina í sjónum. Vem-
lega falleg, núna eins og þegar
ég horfði ofan í sjóinn á
bryggjunum á Isafirði með
veiðistöng í höndum fyrir
rúmum þremur áratugum."
Gallerí Slunkaríki er opið
miðvikudaga til sunnudags kl.
ísafjarðarkirkja vígð eftir tvö ár?
Fjáröflun aö hefjast meðal almennings
Þessa dagana er að hefjast
söfnunarátak vegna byggingar
hinnar nýju Isafjarðarkirkju. í
fyrradag kynntu forsvarsmenn
sóknarinnar og byggingarinnar
stöðu mála. Um 50 milljónir
króna voru til í sjóði til fram-
kvæmda og vonast er til að um
20 milljónir fáist úr Jöfnunar-
sjóði sókna. Þess sem á vantar
verður m.a. reynt að afla með
söfnun meðal almennings og
hjá fyrirtækjum. Jólakort með
mynd nýju kirkjunnar eru seld
til styrktar byggingunni.
Efnt var til lokaðrar sam-
keppni um teikningu nýrrar
kirkju og safnaðarheimilis og í
byrjun maí sl. tilkynnti dóm-
nefnd að tillaga Hróbjarts Hró-
bjartssonar arkitekts og sam-
starfsfólks hans hefði orðið
hlutskörpust.
Lokað útboð fór fram vegna
1. byggingaráfanga, sem var
gerð grunnveggja kirkjuskips
og. botnplötu. Lægstbjóðandi
voru Eiríkur og Einar Valur hf.
með tæplega níu og hálfa
milljón króna. Gröftur í grunni
hófst eftir miðjan september sl.
Vegna tíðarfarsins tókst ekki að
Ijúka áfanganum að fullu. en
það verður gert í vor og á ekki
að tefja framgang heildar-
verksins. Annar áfangi og sá
langstærsti verður boðinn út
síðar í vetur og verður hann
fólginn í því að steypa upp allt
húsið, bæði kirkjuskipið og
safnaðarheimilið, og ganga frá
því að utan. Kostnaðaráætlun
þess áfanga hljóðar upp á tæpar
74 milljónir króna. Til er áætl-
un um að ljúka kirkjuskipinu að
innan og hljóðar hún upp á
rúmar 25 milljónir, en þá er
orgel og steinlögn á gólf ekki
með í dæminu. Kostnaður við
samkeppni og hönnun er ein-
hvers staðar á öðrum tug millj-
óna, en sá kostnaður er að hluta
innifalinn í þeim tölum sem
áður hafa verið nefndar.
Isafjarðarsókn nær yfir ísa-
fjarðarkaupstað að Hnífsdal
undanskildum, en hann er sér-
stök sókn og stendur ekki að
kirkj uby ggingunni.
Formaður Sóknarnefndar
Isafjarðar er Björn Teitsson
skólameistari, formaður ftmm
manna byggingarnefndar er
Gunnar Steinþórsson rafvirki
og formaður sjö manna fjáröfl-
unamefndar er Hlynur Snorra-
son rannsóknarlögreglumaður.
Bjartsýnir menn vonast til þess
að unnt verði að vígja kirkjuna
síðlaárs 1994. Safnaðarheimil-
ið yrði þó kláraður og tekinn í
notkun síðar. Hinir svartsýnni
tala um allt að tíu ár frá bruna
gömlu kirkjunnar, sem varð
sumarið 1987.
„Við teljum að við getum
komist mjög langt með að
steypa upp alla bygginguna
næsta sumar og ganga frá henni
að utan, án þess að skulda háar
upphæðir, en þá verður svo að
sjá til með framhaldið", sagði
Björn Teitsson. Engin framlög
eru úr rikissjóði til kirkjubygg-
inga. Nokkrir tjármunir fást úr
Jöfnunarsjóði sókna, en söfn-
uðir landsins greiða í þann sjóð.
Jólakortin komin og reikningar
stofnaöir
Fjáröflunamefnd Isa-
fjarðarkirkju hefur stofnað
reikninga bæði í íslands-
banka (sparisjóðsbók nr.
301111) og í Éandsbankan-
um (tékkareikningur nr.
10115). Sérprentaðir gíró-
seðlar munu liggja frammi í
bönkunum. I dag var von á
nýprentuðum jólakortum
með mynd af nýju kirkjunni,
og fást þau í Bókhlöðunni og
Húsgagnaloftinu inni í
Ljóni.
Samkvæmt reglugerð
hafa fyrirtæki heimild til
skattafsláttar vegna gjafafjár
m.a. til kirkjubygginga, þó
innan ákveðinna marka.
Sr. Magnús Erlingsson sóknarprestur, Gunnar Steinþórsson form. byggingarnefndar, Björn Teitsson form.
sóknarnefndar og Hlynur Snorrason form. fjáröflunarnefndar í gamla safnaöarheimilinu viö Sólgötu í fyrradag.