Vestfirska fréttablaðið - 16.12.1992, Qupperneq 1
IFIMMTUDAGUR16. DESEMBER1992
43. TÖUUBLAÐ • 18. ÁRGANGUR
Snjóhvít jól á Vestfjörðum
Steytingurinn í veðrinu undanfarið hér vestra hefur verið slíkur, að langt mun þurfa að leita aftur í tímann til að finna
hliðstæðu á jólaföstunni. Látlaus norðanátt alla daga, fannkoma og skafrenningur, gera mönnum lífið ieitt. Það er ekki
flogið, það er ekki hægt að ná nauðsynjum vestur, það er ekki hægt að koma því suður sem þangað á að fara. Verslunin
virðist fara hægt af stað, enda varla von á öðru í svona veðurfari. Undanfarin ár hafa oft heyrst raddir sem kvörtuðu undan
því að enginn munur væri orðið á sumri og vetri í seinni tíð, sumarið væri ekkert sumar og veturinn enginn vetur eins og í
gamla daga. Nú hafa menn heldur betur fengið vetur. Stórfellt framhlaup úr hlíðinni ofan við Norðureyri i Súgandafirði, þannig
að ekki veröur slíkt nema á nokkurra áratuga fresti.
En hvað sem öllu þessu líður, þá gengur mannlífið að flestu leyti sinn vanagang, þótt hann sé hægari en venjulega í
jólaundirbúningnum. Öll él birtir upp um síðir og fyrr en varir verður komið stillt og fagurt vetrarveður fyrir jólin, og fólkið fyllir
búðirnar og kaupmennirnir verða glaðir og viðskiptavinirnir líka.
Myndirnar hér að ofan tók Helga Guðrún á ísafirði í gær.
Vestfirska fréttablaðið fer nú í jólafrí eins og venjulega. Næsta blað kemur út fimmtudaginn 7. janúar. Gleðileg jól!
Patreksfjöröur:
Kraftakarlar
í áflogum
Eins og sagt er frá annars staðar í blaðinu var haldið
kraftlyftingamót á Patreksfirði fyrir skömmu. Eftir mótið
var haldinn dansleikur um kvöldið og fjölmenntu heima-
menn þar ásamt keppendurri.
Að dansleik loknum brutust út ólæti með þeim afleið-
ingum að Kári Elísson, margfaldur Islandsmeistari í kraft-
lyftingum, endaði á sjúkrahúsi með brotin gleraugu og
skurð í andliti. Sá sem veittist að Kára hlaut nefbrot og aðra
áverka en endaði í grjótinu.
Samkvæmt heimildum má rekja upptök áfloganna til
orðaskipta fyrmefndra aðila, þar var verið að minnast á
steralyf og viðhafa önnur ummæli sem kraftlyftingamönn-
um er fremur illa við.
Róbert Schmidt.
ísafjörður:
Löggan
í önnum
Mjög annasamt var hjá lögreglunni á Isafirði á laugar-
dagsnóttina eftir að brast á snælduvitlaust veður í bænum.
Eftir dansleik í Krúsinni voru þeir önnum kafnir megnið
af nóttinni við að keyra fólk heim, því ekki sá handa skil
í stórhríðinni. Auk þess var hvassviðrið slíkt að varla var
stætt.
Einn ökumaður var tekinn ölvaður og akandi á ísafirði
þessa sömu nótt.
Bíldudalur:
Hljómsveitin
Facon kom
saman á ný
Árshátíð Leikfélagsins Baldurs á Bíldudal var haldin
nýlega í Baldurshaga. Boðið var upp á mat, söngleik og
dansleik. Söngleikur eftir Hafliða Magnússon rithöfund var
frumfluttur af félögum Baldurs og hlaut hann góðar við-
tökur. Þá var haldinn stórdansleikur sent stóð til þrjú um
nóttina.
Aðalnúmer kvöldsins var endurvakning hljómsveitar-
innar Facon frá Bíldudal sem stofnuð var í kringum 1960.
Meðlimir Facon með Jóni Kr. Olafssyni söngvara sló al-
deilis í gegn þetta kvöld og voru margklappaðir upp. Önnur
hljómsveit, Græni bíllinn hans Garðars, tók síðan við og lék
fyrir dansi þar til yfir lauk.
Róbert Schmidt.
PÓLLINN HF. S 3092 Sala & þjónusta ©
Rafþjónusta Raftækjasala Rafhönnun Rafeindaþjónusta Siglingatæki Kælitæki PÓLLINN HF
Sega, frábæru 1B bita tölvurnar
komnar aftur - toppurinn í leikjatölvunum
SONIC 2
A LEIÐINNI
FLUGFÉLAGIO
ERNIR P
Daglegt áætlunar-
flug um Vestfirði.
Leiguflug innan-
lands og utan,
fimm til nítján far-
þega vélar.
ÍSAFiRBi Sjúkra- og
Sími 94-4200 n®V»arflugsvakt
allan solarhringinn