Morgunblaðið - 18.07.2015, Side 36

36 DÆGRADVÖL
MORGUNBLAÐIÐ LAUGARDAGUR 18. JÚLÍ 2015
Stjörnuspá
21. mars - 19. apríl 
Hrútur Námsfýsin hefur heltekið þig þessa
dagana. Einhver gæti reynt að blekkja þig í
dag þannig að vertu á varðbergi.
20. apríl - 20. maí 
Naut Þú ert eitthvað snefsin/n við aðra og
það er ekki líkt þér. Ef þú hefur ekki tekið
eftir því þá ert þú jafn hæf/ur og allir aðrir.
21. maí - 20. júní 
Tvíburar Leyfðu engum að setja stein í
götu þína því þú ein/n stendur og fellur
með gjörðum þínum. Nú ertu loks búin/n
að finna rétta svarið.
21. júní - 22. júlí 
Krabbi Vertu hreinskilin/n því maður kemst
lengst á því. Endilega láttu eftir þér ýmsa
hluti en gættu þess bara að fara ekki yfir
strikið. Allt er gott í hófi.
23. júlí - 22. ágúst 
Ljón Framandi námsefni vekur áhuga þinn í
dag, ímyndunarafl þitt er svo sannarlega á
fleygiferð. Sambönd þín styrkjast óðum svo
ekki kvarta. Mundu bara að dramb er falli
næst.
23. ágúst - 22. sept. 
Meyja Þú virðist upptekin/n af eignum þín-
um og fjármálum í dag. Það hefst ekkert
nema menn séu reiðubúnir til þess að bera
sig eftir hlutunum. Fjölskyldan er upp-
spretta mikillar gleði.
23. sept. - 22. okt. 
Vog Þú ert nánast að drukkna í alls kyns
verkefnum en tekst að klára þau með því að
taka fyrir eitt verk í einu. Nú er komið að því
að leyfa öðrum að annast þig.
23. okt. - 21. nóv.
Sporðdreki Þú ert á réttri leið en þarft þó
að vera ákveðin/n til að hlutirnir gangi
hraðar fyrir sig. Varastu að senda öðrum
misvísandi skilaboð.
22. nóv. - 21. des.

Bogmaður Þótt þú hafir í mörg horn að líta
máttu ekki gleyma þínum nánustu. Ef þú
lætur verða af hlutunum sérðu ekki eftir
því.
22. des. - 19. janúar 
Steingeit Þú kemst hugsanlega á snoðir
um forvitnilegt leyndarmál í dag. Reyndu að
sjá hlutina í bjartara ljósi og þá hefst þetta.
Árinni kennur illur ræðari.
20. jan. - 18. febr. 
Vatnsberi Eitthvert mál heima fyrir slær öll
vopn úr höndum þér. Veltu fyrir þér hvernig
viðkomandi lítur út í morgunbirtunni, há-
deginu og við tunglsljós. Ekki láta flagara
koma þér úr jafnvægi.
19. feb. - 20. mars

Fiskar Ertu að leita að felustað? Það er
merki um að þú þurfir að horfast í augu við
eitthvað. Ekki er fugl í höndum þó fljúgi
með ströndum.
Eins og endranær var síðastagáta eftir Guðmund Arnfinns-
son:
Lögg af víni víst hann er.
Valtur stundum reynist hann.
Traustur þó af gulli ger.
Í Gúttóslag menn báru þann.
Helgi Seljan leysir gátuna þannig:
Í fótinn sumir fá sér víst,
fótinn valtan ellin ber.
Á gullfót myntar mjög vel líst,
margan stólfót nýttu sér.
Árni Blöndal svarar:
Hreifur verð af víni eðla.
Völtum fæti stend í dag.
Gullið tryggir gengi seðla.
Í Gúttó fætur, - vopn í slag.
Þessi er lausn Guðrúnar Bjarna-
dóttur:
Í Gúttó var borðfótum barist.
Á barnum í fótinn þið varist!
Einfætt valt.
Krítum kalt,
þó krónan við gullfótinn skarist.
Sjálfur skýrir Guðmundur gátuna
þannig:
Fótur víns er vinsæll næsta.
Valtur er drykkjumannsins fótur.
Gullfótur virði hefur hæsta.
Háður var stólfóta bardagi ljótur.
Og bætir við limru:
Hann Vermund í rogastans rak.
Sá rati féll aftur á bak
og marflatur lá,
svo mjög honum brá,
að hann missti sitt fótatak.
Síðan skýtur hann því að mér að
prentvillupúkinn hafi hlaupið í mig í
síðasta Vísnahorni og breytt nafni
sínu:
Átt get ég á ýmsu von,
eflaust frá þér, Blöndal,
en ekki heiti ég Arngrímsson,
og ekki heitirðu Gröndal.
En sendir samt gátu upp á gamlan
kunningsskap:
Golfarann svekkir þessi þrátt.
Þreytir sá blindur eltingarleik.
Kjörstaður hans er hraunið grátt
Hann er í grennd við bál og reyk.
Halldór Blöndal
halldorblondal@simnet.is
Vísnahorn
Í Gúttó var
borðfótum barist
Í klípu eftir Mike Baldwin eftir Jim Unger
„VIÐURKENNDU ÞAÐ: EF ÞÚ ELSKAÐIR MIG
Í RAUN, HEFÐIRÐU GIFST EINHVERRI
ANNARRI!“
Hermann
Ferdinand
Hrólfur hræðilegi
Grettir
... að heyra um fiskinn
sem slapp, aftur og
aftur!
FERSKUR
FISKUR
ÖFUNDSJÚK...
ÞÚ LYKTAR EINS OG ÞÚ HAFIR
VERIÐ AÐ VELTA ÞÉR UPP ÚR
RUSLAGÁMI FYRIR AFTAN
FISKBÚÐ.
ÉG MYNDI VILJA SKILJA
ÞESSAR ÖRVAR EFTIR Í 45
MÍNÚTUR, HRÓLFUR.
HVERS VEGNA
Í ÓSKÖPUNUM
MYNDIRÐU GERA
ÞAÐ?!
ÉG ER Í ÞJÁLFUN TIL
ÞESS AÐ FÁ LEYFI SEM
NÁLASTUNGULÆKNIR...
TOLLUR
HÓPFJÁRMÖGNUN
Beisklegur aldurtili Reynistaðar-bræðra sem urðu úti við Beinhól
á Kili árið 1780 var helsta umræðu-
efnið þegar Skagfirðingur og Vík-
verji tóku tal saman á ferð þess
síðarnefnda nyrðra fyrir nokkrum
dögum. Samtal þetta var raunar ein
stór endurtekning, örlög bræðranna
og fylgdarmanna eru saga sem
stendur fólki nyrðra og víðar á land-
inu enn alveg ótrúlega nærri, þó 225
ár séu liðin frá harmleiknum á há-
lendinu. Flestir fyrir norðan þekkja
til sögunnar og margir hafa rökfærð-
ar skýringar á hinni óráðnu gátu.
x x x
Og þegar Víkverji var á sunnan-verðum Vestfjörðum nýlega
hitti hann fólk sem ræddi um morðin
á Sjöundá á Rauðasandi árið 1802
sem nýorðna hluti. Þungar tilfinn-
ingar búa undir þegar þetta mál ber
á góma fyrir vestan og skyldu þó
flestir ætla að farið væri að fenna í
spor 213 árum frá atburðum þessum.
x x x
Rauðisandur og Sjöundá eiga sérmargar hliðstæður. Í Flóanum á
Suðurlandi kunna margir söguna af
Kambsráninu árið 1827 og í Rang-
árþingi eru býsna margir alveg
hundavaðsfærir þegar Njálssögu ber
á góma. Þá hafa margir Dalamenn
Laxdælu alveg á hreinu svo nærri
lætur að Bolli, Kjartan og Guðrún
Óvífursdóttir séu þar enn á sveimi.
Svona má raunar bera niður í hverri
einustu byggð landsins og þetta er
býsna skemmtilegt að sannreyna.
Það er líka alltaf gaman að tala við
fólk sem er vel lesið, með á nótunum
og þekkir söguna.
x x x
Eigi að síður er hin viðurkenndasagnfræði treg til að tengjast nú-
tímanum eða viðurkenna seinni tíma
frásagnir sem hluta af eðlilegri
menningu Íslendinga. Það þarf ekki
alltaf að fara þúsund ár aftur í tím-
ann svo úr verði merkingarbærar
frásagnir. Og sögur þurfa ekki – eins
og þó er alsiða í dag – að hafa undir-
tón réttindabaráttu minnihlutahópa.
Sumar eru bara dægradvöl fólks,
sem gerir sér ljóst að það sleppur
aldrei lifandi frá lífinu sjálfu.
víkverji@mbl.is
Víkverji
Enginn er heilagur sem Drottinn, eng-
inn er til nema þú, enginn er klettur
sem Guð vor.
Fyrri Samúelsbók 2:2
mbl.is
alltaf - allstaðar
COOL - LITE
SÓLVARNARGLER
ispan@ispan.is • ispan.is
M
ynd:Josefine
Unterhauser