Morgunblaðið - Sunnudagur - 05.07.2015, Blaðsíða 28
28 MORGUNBLAÐIÐ SUNNUDAGUR 5.7. 2015
Matur og drykkir
T
ilhlökkunin var sannarlega mikil hjá stórfjölskyldunni sem lagði
leið sína í Flatey á Breiðafirði eina fallega helgi í júní. Þrjár
systur, ein amma, einn eiginmaður og níu börn fylltu töskur af
góðgæti en lögð höfðu verið á ráðin lengi með matseðilinn. Fjöl-
skyldan kom drekkhlaðin vistum í eyjuna, enda þar enga búð að finna.
Hemingway skrifaði eitt sinn um veislu í farangri og átti hann ekki við
mat. Annað var það hjá okkur því það voru svo sannarlega nokkrar veisl-
ur í farangrinum okkar. Árleg fjölskylduferð var hafin í eyjunni fögru.
Þar sem tíminn gleymist
Það mætti halda að við værum á samningi við almættið því ár eftir ár er
sama blíðan. Ég efa að margir staðir á jarðríki jafnist á við Flatey á fögr-
um sumardegi. Spegilsléttur sjór, sól og logn tók á móti okkur og börnin
þustu út í leik á meðan fullorðna fólkið gekk frá vistum. Hér var ekkert
sjónvarp, engar tölvur og símarnir gleymdust en tíminn virðist hafa stöðv-
ast hér endur fyrir löngu. Hér er enginn að flýta sér, enginn að kíkja á
klukkuna og matmálstímar eru frjálslegir. Hér er nánast allt leyfilegt.
Fótbolti, leikir og jóga í blíðunni
Börnin hlupu hálfber um túnið, busluðu í voginum, sigldu á litlum gúmmí-
bátum, spiluðu fótbolta og fóru í leiki. Krían var söm við sig og hikaði
ekki við að dýfa sér yfir hausa þegar henni þótti sér ógnað. Leikið var úti
langt fram á rauða sumarnóttina. Síðla dags bauð yngsta systirin Margrét
öllum í jóga úti á túni. Jarðtengingin og innri íhugunin er alveg sérstök í
kyrrðinni í Flatey og yndislegt að kyrja möntrur saman, hver með sínu
nefi.
Kræsingar í sólinni
Í rjómablíðunni daginn eftir fóru krakkarnir spenntir út á sjó að veiða
fisk og komu skælbrosandi í land með aflann. Amma Ragnhildur gerði að
þorskinum bakvið Hótel Flatey með fríðan hóp af litlum aðdáendum að
fylgjast með. Nú kom það Ragnhildi vel að hafa unnið í fiski endur fyrir
löngu. Þorskurinn var síðar heilgrillaður og hafði fiskur aldrei bragðast
betur að sögn krakkanna.
Systurnar sátu úti að undirbúa kvöldmatinn, hvítlaukur, chili og engifer
var brytjað eins og enginn væri morgundagurinn. Bananabrauðið hennar
ömmu var maulað af bestu lyst yfir matargerð og spjalli úti á palli.
Kjúklingarétturinn hennar Möggu sló í gegn hjá öllum fjórtán matar-
gestunum. Kjúklingurinn var baðaður í áðurnefndum kryddum, ásamt
púðursykri, hunangi og nóg af ferskum kóríander. Með þessu var borið
fram jasmín-hrísgrjón, naan-brauð, spergilkál og chilisósa.
Himnaríki bragðlaukanna
Bragðlaukarnir voru í himnaríki og ekki versnaði það þegar ættmóðirin
Ragnhildur bar fram dásamlega pavlóvu í eftirmat. Ættmóðirin í næsta
húsi mætti með aðra eins tertu og sína afkomendur og stóðu börnin
spennt í röð eftir sneið af þessari dásemd sem tvær ömmur og bestu vin-
konur höfðu bakað fyrr um daginn með ást og umhyggju.
Svona leið helgin við leik og spjall og matargerð. Fjölskyldubönd voru
treyst og allir héldu heim á leið sólbrúnir og sælir í hjarta. Ævintýrin í
Flatey geymast endalaust í minninu og eins og París var veislan hans
Hemingway, verður Flatey alltaf okkar veisla.
Ættmóðirin Ragnhildur Benediktsdóttir kann handtökin við flökunina á aflan-
um. Borgarbörnin Lóa, Bessi, Leó og Sindri fylgjast spennt með.
Morgunblaðið/Ásdís
Magga notaði sítrónur bæði í matinn og til að lýsa hárið hjá ungu mönnunum
Loga, Degi og Kalla í fjörunni í Flatey þar sem ljúft var að leika sér og slaka á.
FJÖLSKYLDUFAGNAÐUR Í FLATEY
Veisla í
farangrinum
* Amma Ragn-hildur gerði aðþorskinum bakvið
Hótel Flatey með
fríðan hóp af litlum
aðdáendum að fylgj-
ast með. Nú kom
það Ragnhildi vel að
hafa unnið í fiski
endur fyrir löngu.
Í FLATEY ER EINS OG TÍMINN STANDI Í STAÐ. HJÁ
REYKVÍSKRI STÓRFJÖLSKYLDU ER SAMVERAN, ÚTIVIST
OG MATARGERÐIN Í FYRIRRÚMI. MATURINN BRAGÐ-
AST BETUR Í FERSKA SJÁVARLOFTINU FYRIR VESTAN.
Ásdís Ásgeirsdóttir asdis@mbl.is
Besta Pavlovan
BOTNINN
4 eggjahvítur
200 g sykur
1 tsk borðedik (eða hvítvínsedik)
½ tsk kartöflumjöl
VANILLURJÓMI
3½ dl rjómi
1½ tsk sykur (má sleppa – kakan er
mjög sæt)
½ tsk vanilludropar
jarðarber og bláber til skrauts, má
einnig nota kíví, hindber o.fl. ber
Aðferð Hitið ofninn í 130°C. Stífþeytið eggja-
hvíturnar. Bætið sykrinum smám saman við og stífþeytið á nýjan leik. Blandið ediki og kartöflumjöli varlega
saman við með sleif eða sleikju.
Setjið bökunarpappír á plötu og teiknið hring sem er 18 cm að þvermáli. Mótið eggjahvíturnar innan
hringsins með sleikju.
Bakið í eina klukkustund og fimmtán mínútur. Slökkvið á ofninum og leyfið botninum að
kólna í ofninum. Þeytið rjómann og bætið vanilludropum saman við. Smyrjið rjómanum á botninn og
skreytið með berjum eða ávöxtum.